رواية حبيبة الأسد الفصل الثالث عشر 13 - بقلم غير معروف

ملك: أنا أعرف أبوه محمد الصاوي، رجل أعمال مشهور بنزاهته وقيمه ومبادئه الرفيعة. مثلي الأعلى. من كتر حبي للراجل ده، أول ما عرفت إنه دخل شراكة مع بابا في شغل، أصريت إني أروح مع بابا مرة. وقتها كنت لسه في تانية ثانوي، وكان في حفلة بسيطة وقتها في البيت. ومن حظه بقى، موبايله وقع وأنا اللي لقيته. وطبعًا زي ما أنتِ عارفة، الحاجات دي مبتعدش عندي وقت. فتحته. أنا كنت عارفة إنه غلط، بس كنت حابة أتعرف على شخصية قدوتي. بس اللي لقيته جواه حاجات أكبر من عقلي كان يستوعبها وقتها. إيميلات بينه وبين شركات من جنسيات مختلفة على صفقات سلاح وحاجات تانية. وقتها انصدمت.

ليلى: طيب ليه مجربتيش تبلغي البوليس عن كل اللي إنتي شفتيه؟ ملك: مقدرش يا ليلى. ليلى: ليه؟ مفيش حاجة اسمها مقدرش. وبعدين ده الساكت عن الحق شيطان أخرس يا ملك. ملك: مقدرش يا ليلى. الصاوي مش لوحده في الموضوع. ليلى: يعني إيه؟ ملك: هحكيلك. قوليلي بقى لو في مكاني هتعملي إيه؟ ليلى بذهول: معقول في ناس ضميرها مات للدجادي؟ طيب مش خايفين من الآخرة والحساب؟

ملك: إنتي طيبة أوي يا ليلى. يا ريت مليكة كانت زيك، كانت حاجات كتير اختلفت في حياتي. ليلى: مفيش حاجة اسمها ياريت يا ملك. طول ما فينا نفس، يبقى في فرصة. فهماني؟ وكل حاجة هتتصلح. وحتى مليكة، أنا واثقة إنها هتفوق. خلي عندك حسن الظن بالله واتوقعي دايماً الخير عشان تلاقيه يا ملوكة. وبعدين تعالي هنا، إحنا برضه معرفناش مليكة اتجوزت اللي اسمه سعد ده ليه، طالما هي بتحب كريم. ملك: مهو ده اللي هيجنني. سعد: إزيِك يا مليكة؟

وحشتيني. مليكة بتوتر: أيوه يعني عايز إيه؟ سعد: يعني إيه يا بت؟ عايز إيه؟ ما تتظبطي معايا كدا. أنا جوزك يا روح أمك، ولا نسيتي؟ مليكة: مش ناسيه، بس إحنا كان بينا اتفاق. ده أعتقد إنه خلص. وبعدين أنا عرفت إنك طلبت إيد ليلى بنت عمي. عايز مني إيه تاني؟

سعد: مهو إنتي عارفة أخوكي. اللي هيقف في الحكاية هتساعديني. ده لو عايزاني أسيبك في حالك. وإلا فأنتي عارفة، ومتلوميش حد بقى غير نفسك على اللي هيحصل. وأه، قبل ما أنسى، النهاردة قبل الساعة ستة تكوني في شقتنا. وأوعي تتأخري. مليكة: مقدرش. أنا نفدت المرة اللي فاتت بالعافية. لو أدهم شافني أو آدم هتبقى مشكلة. سعد: أنا كلمتي مش بكررها مرتين. وابقى تتأخري يا مليكة. وقفل في وشها.