رواية حبيبة الصقر الفصل الثالث 3 - بقلم إسراء محمد

حبيبة بحزن: اصل أنا جايلي عريس وهيكتب كتابي النهارده بالليل. صقر حس بإحساس غريب، وضربات قلبه بقت سريعة، وحس بإحساس أول مرة يحسه. صقر ببرود: ومالك حزينة كده ليه؟ حبيبة بحزن: هبقى حزينة ليه يعني؟ صقر: مش باين إنك فرحانة إنك هتتجوزي، يعني حزينة مش مبسوطة. حبيبة وعينها فيها الدموع، وعلى وشك إنها تنزل. حبيبة: اصل أنا... أنا هتجوزه غصب عني، وبابا ومرات أبويا هيجوزوني ليه غصب، عشان الفلوس.

صقر بخبث: أنا عندي حل، أنا ممكن أنا اتجوزك. حبيبة بصدمة: إيه؟ تتجوزني إزاي يعني؟ صقر: عشان أساعدك وأنقذك من الجوازة الغصب دي، وبعد كده ممكن أطلقك. حبيبة: بس... صقر: بس إيه؟ حبيبة: بابا ومراته مش هيوافقوا، اصل اللي أنا هتجوزه ده غني وهيدفع لبابا فلوس كتير. قالت كده بكسرة وهي حاطة عينها في الأرض. صقر: عادي، أنا ممكن أروح أطلبك منه وأدفعله فلوس أكتر ونتجوز، وتخلصي أنتِ من الجوازة الغصب دي، وبعد كده نبقى نتطلق.

حبيبة: لا رد. صقر: ها، قلت إيه؟ ما فيش وقت للتفكير. أكمل ببرود عكس ما بداخله: ولو مش عاوزة، براحتك. حبيبة: طب هقول لبابا إيه؟ صقر: يعني أنتِ موافقة؟ حبيبة بتردد وخوف من الخطوة دي: موافقة. صقر: خلاص، متقوليش لأبوكي حاجة، اديني بس رقمه. حبيبة: رقمه ... صقر: تمام، أنا هتصرف، اطلعي أنتِ كملي شغلك. حبيبة طلعت وهي خايفة من الخطوة دي، بس هي وافقت لأنها مش عاوزة تتجوز الجوازة اللي بالغصب دي وهي مغصوبة عليها.

صقر قاعد في مكتبه، حاسس بإحساس غريب، وضربات قلبه سريعة، وحاسس إن في بركان بداخله. وقاعد في صراع مع نفسه وبيكلم نفسه. شكلك حبيتها؟ لا لا حبيتها إيه! ما أنا اتضايقت ليه لما عرفت إنها هتتجوز؟ وليه ما كنتش عارف أنساها؟ وليه اتغيرت بسببها ومبقتش بطيق حد؟ ولا بسهر مع نساء زي الأول؟ حتى لما كنت بسهر وبخرج عشان أنسى اللي هي عملته، مكنتش عارف أنسى ولا عارف أنساها. ولما بشوفها مع أسر، كنت بحس بإحساس غريب ونار جواك.

لا لا إيه اللي أنا بقوله ده؟ أنا ده كله كان بيحصل بسبب إن هي رفضتني، وأنا مترفضتش. وبسبب إنها تجاهلتني ورفضتني، وكانت بتتعامل مع أسر حلو، ضحك وهزار، وصدتني أنا، واتعاملت معايا ببرود وتجاهلتني ورفضتني، وأنا مبترفضش. عشان كده أنا مكنتش عارف أطلعها من دماغي ولا أنساها، عشان أنا صقر اللي النساء بتترمي تحت رجلي. حتة بت زي دي تهيني وترفضني وتتعامل معايا ببرود؟

بس حلو أوي، أهي فرصة وجت لحد عندي. هنتقم منها وهعرفها إزاي كانت تعمل معايا أنا كده.