رواية حبيبتي المجنونة الفصل الرابع 4 - بقلم ميساء عنتر

في الشركة، عز: انس أنا رايح مشوار وجاي. أنس وهو مندمج في الشغل: تمام. عز نزل وهو ماشي شاف بنت واقفة بعيد بتعيط. عز نزل يشوف فيها إيه. عز: مالك ي حبيبتي؟ البنت بتعيط ومش بترد. عز بحنية: قوللي بس مالك، طب اسمك إيه؟ البنت: اسمي كارما. عز: مالك ي كارما بتعيطي ليه وفين بابا وماما؟ كارما بعياط: بابا وماما عند ربنا وأنا قاعدة في ملجأ وبنزل أبيع ورد بس محدش راضي يشتري مني. عز بذهول: مين نزلك ي حبيبتي تبيعي ورد؟

كارما بطفولة: صاحبة الملجأ الشريرة. عز بضحك: طب إيه رأيك تيجي تعيشي معايا؟ كارما: لا مش هينفع. عز: متخافيش ي حبيبي أنا معايا ماما في البيت. كارما: بجد؟ عز: جد الجد، يلا تعالي. كارما: هيييه، يلا بسرعة. عز أخدها وكنسل مشواره وراح على بيته. في الشركة، أنس: ليان خدي شوفي الملف ده. ليان: حاضر. أخدته وراحت على مكتبها وقعدت تشتغل عليه لحد بالليل. أنس: يلا ي ليان نروح. ليان بتعب: اممم يلا. وقامت معاه ونزلوا. روحوا بيت عز.

كارما: عز عايزة أنام معاك. عز: تنامي معايا؟ كارما بطفولة: عشان خاطري. عز بضحك: حاضر تعالي، يلا تصبحي على خير ي ماما. إلهام بحب: وانت بخير ي حبيبي. عز أخد كارما معاه واتفاجئ باللي بتعمله. عز: كارما بتعملي إيه؟ كارما: إيه ي عز، هغير هدومي. عز: تقومي تلبسي قميصي؟ كارما حطت إيديها في وسطها: أعمل إيه يعني، ألبس إيه؟ عز بضحك: خلاص يا ستي تعالي ع تنامي وبكرة نروح نجيب لبس. كارما نطت على السرير: اشطا ي عزي. عز باستغراب: عزك؟

كارما هزت راسها بنوم واندست بحضنه ونامت. عز حضنها ونام هو كمان. في شقة ليان. أنس بيخبط، فتحت وأول ما شافتها ضحك بصوته كله. (كانت لابسة بجامة عليها سبونج بوب ولكلوك) ليان بغيظ: بتضحك ليه؟ أنس: إيه اللي انتي عاملاه ده ي طفلة. ليان حطت إيديها في وسطها: ماله لبسي ي حبيبي. أنس بضحك: خلاص أي هتشردحي ملوش يستي. ليان بنرفزة: عايز إيه ي أنس؟ أنس: آه صح، تعالي عازمك على العشا. ليان بتعب: مش قادرة أنزل.

أنس: مش هتنزل يا ستي، أنا اللي عامل الأكل. ليان: اممم طب هغير وأجي. أنس: ما كدا حلو. ليان بغيظ: امشي ي أنس. قفلت الباب ودخلت غيرت وطلعت خبطت عند أنس ودخلت. ليان: إيه الريحة دي؟ أنا بشبه عليها. أنس: فكري. ليان بسعادة: حواوشي اسكندراني. أنس بضحك: شطورة، تعالي يلا نحط الأكل. ودخلوا المطبخ، أخدوا الأكل وحطوه في البلكونة وأكلوا وسهروا شوية وليان قامت راحت شقتها نامت وأنس نام. في صباح يوم جديد على أبطالنا. في بيت عز.

عز صحي من النوم لقي كارما نايمة ومكلبشة فيه. عز قام أخد شاور ولبس وقعد يصحي كارما. عز: كوكو اصحي يلا. كارما بنوم: هممم عايزة أنام. عز: قومي ي كارما بقي هنتأخر. كارما: اممم صباح الخير. عز بابتسامة: صباح النور، يلا قومي البسي على ننزل. كارما: حاضر. لبست ونزلوا، وأخدها ونزلوا وراحوا المول. في شقة ليان. ليان: يلا ي أنس أنا جاهزة. أنس: يلا. وأخدها ونزلوا. شخص: أدا مش دي ليان بنت عم عاصم؟ شخص تاني: أيوا هيا.