رواية حبيبي كوري الجنسية الفصل الحادي والعشرون 21 - بقلم ضحى عامر

كوريا لاميس: أي الجمال ده؟ مها: آه بجد تحفة. جي يونج: كويس إنه عجبكم، تعالوا هنقعد هنا. هى يون بضحك: متروحش تكلموا حد أحسن يحسبكم بتشتموه. مها: يووه، أنت لسه فاكر. هى يون: آه زي ما كأن حصل امبارح. لاميس بضحك: ما هو فعلاً حصل امبارح. هى يون: آه صح. جي يونج: بطلوا رغي ويلا. بيكونوا قاعدين في حديقة مليانة بشجر بالون الوردى. جي يونج: هنعلمكم كل يوم خمس كلمات. لاميس: حلو ده، يلا نبدأ. جي يونج: يلا.

هى يون: اممم، هنعلمكم كلمات الترحيب. مها: أوكي. جي يونج: 안녕하세요 (مرحبا) لاميس: آه عرفة الكلمة دي، يعني مرحبا. جي يونج: صح، عرفتي إزاي؟ لاميس: قولتها لهى يون لما اتقابلنا. هى يون: بس كدابة، انتي كنتي قاعدة تعيطي. لاميس: نينينينيني. جي يونج: طيب يلا نكمل. 좋은 아침이에요 (صباح الخير) لاميس: 좋은 아침요؟ مها: لا، مش قالها كده، قال 좋은 아침이에요. جي يونج بضحك: ولا ده ولا ده. هى يون: قولتلكم هيشلونا. لاميس ومها بغضب: اسكت أنت.

هى يون: حاضر. جي يونج بضحك: طيب خلاص اهدوا. لاميس: طيب قول كلمة كمان. مها: آه قول قول. جي يونج: طيب 주세요 (رجاء) مها: 주세요. لاميس: 주세요. جي يونج: صح، برافو. هى يون: علشان كلمة صغيرة. مها ولاميس: اسكتي. جي يونج: بطل تدايقهم. هى يون: خلاص هسكت. وبتوصل رسالة لجي يونج على تليفونه. جي يونج: عن إذنكم. هى يون: كمل أنت. هى يون: حاااااضر. هى يون: 환영하다 (أهلاً بك) لاميس: 환영하다. مها: 환영하다. هى يون: غلط. مها: لا صح.

لاميس: آه صح، إحنا نقطناها صح. هى يون: طيب. لاميس: أنت رخم أوي. هى يون: يعني إيه رخم؟ مها: يعني... آه بجد، هي يعني إيه؟ هى يون بضحك: أنتوا تشلوا. لاميس: جي يونج تعال شوف هى يون بيرخم علينا. مها: راح يتكلم في الفون تقريباً. لاميس وهي بتقوم بتقف: هروح أقوله. هى يون وهو بيطلع لسانه: ماشي. لاميس: نينينينيني. وبيضحك مها وهى يون عليها. وعند جي يونج كان متعصب أوي. جي يونج بغضب: يعني إيه مش فاهم، ده يحصل. الطرف التاني...

جي يونج بغضب: لازم كل حاجة تحصل انهارده، فهمت. لاميس من وراه: جي يونج... جي يونج بغضب: ي نعم، عايزة إيه؟ إيه؟ لاميس بتوتر: أنا... جي يونج بغضب: عن إذنك روحي دلوقتي، وأنا ما طلبتش من حد يجي ورايا. إيه، ما سمعتيش عن الخصوصية؟ بطلي شغل العيال ده وروحي هناك. لاميس بصدمة منه لأنه اتعصب عليها من غير سبب، ولأنه حسبها بتتصنت على كلامه وإنها مش محترمة خصوصيته، فبتسيبه وبتمشي. هى يون: إيه فيه إيه؟

لاميس بدموع: مفيش حاجة، عايزة أروح. مها وهي بتروح عندها: بتعيطي لي؟ فيه حد عملك حاجة؟ مالك؟ لاميس: مفيش حاجة، عايزة أروح، عايزة أرجع مصر، عايزة أمشي من هنا. هى يون: لي بس؟ مين زعلك؟ لاميس بغضب: قولتلكم مفيش حاجة، عايزة أمشي من هنا. مها: طيب طيب، اهدى، هنمشي. هى يون: أنا هروح أشوف جي يونج وراجع. مها: تمام. هى يون: لاميس بتعيط؟ أنت عملتلها حاجة؟ جي يونج: سيبك منها دلوقتي، فيه حاجة مهمة جداً. هى يون بصدمة: إيه؟

جي يونج أنت فيك إيه؟ بقولك لاميس بتعيط، لاميس إيه؟ مش عارف لاميس. جي يونج بغضب: عارف، لاميس عارف إنها واحدة هبلة وغبية وحطت نفسها في مشاكل. هى يون باستغراب: مشاكل؟ عملت إيه دي بس؟ جات تنده عليك. جي يونج: مش مشاكل معايا، مشاكل مع عدنان. هى يون بصدمة: هو عدنان عايش؟