رواية حبيبي كوري الجنسية الفصل الثامن 8 - بقلم ضحى عامر

عند لاميس ومها... لاميس: انت عاوز منا إيه؟ مها: هتتحاسب على كل حاجة، انت واللي بعتك. الشخص فضل واقف يبص لمها بطريقة جريئة، وبعدين تليفونه رن. الشخص: الو. الطرف التاني: ......... الشخص: مفهوم ي باشا. الطرف التاني: ....... الشخص: متخافش، هشدد الحراسة، بس مش ممكن في التلات أيام حد يبلغ عنهم. الطرف التاني: ........... الشخص بضحكة: أي الدماغ دي ي باشا. الطرف التاني: .......... الشخص: أمرك سلام.

وبيفتح تليفونه وبيشغل الكاميرا وبيصور مها. مها بغضب: خير، ميكنش هتعملي إعلان؟ الشخص: لا، قطة وكمان بتخربشي. عجبتيني أكتر بصراحة. مها بقرف: روح تتشل ي بعيد، انت مين يبصلك أصلاً؟ يعععع. الشخص بغضب ولسه هيروح يجيبها من شعرها بسبب كلامها ده. شخص تاني: خالد باشا، فيه حاجة ضروري عاوزينك برا بسرعة. خالد: طيب، اسبق إنت. خالد لمها: أنقذك مني، غير كده كنت علّمتك الأدب. بصتله مها بقرف: لما نلاقي اللي يعلّمك انت الأول بقى.

خرج خالد وهو عاصر على نفسه ميت لامونة. لاميس بضحك: استني ي خالد. وده لم باقي كرامتك. مها بضحك: اهدى، لسه البلاط متنضفش. لاميس: بس إيه اللي حصل برا؟ مها: معرفش، وأهم حاجة دلوقتي إننا نمشي من المكان ده. لاميس: طيب يلا، إيدي هتتخلع بسبب الحبل ده. مها وهي بتفك حبل رجلها: اهدى، هفكك أهو. وبعد ما بتخلص بتفك لاميس. لاميس وهي بتمسك إيديها بوجع: دول حيوانات بجد.

إيديها وهي بتمسك إيديها: وريني، إن شاء الله خير، هي بس عاوزه تلج وكريم وهتبقى كويسة، بس لما نطلع من هنا. *** برا الأوضة... خالد بتحذير: نص ساعة بس وهرجع، خلوا بالكم فاهمين؟ وكمان شوية هدّيهم مياه وأي حاجة تتاكل. الرجالة: تمام ي باشا. وخرج خالد، ومبقاش فيه إلا مساعدينه. شخص 1: بقولك، روح دخلهم أكل ومياه. شخص 2: مش قادر، روح إنت. شخص 1: أووف، لازم أعمل أنا كل حاجة. وبيدخل عند مها ولاميس، بس بيلاقي الأوضة فاضية. شخص 1

بصراخ: البنات هربوا. شخص 2 بفزع: إيه؟ بتقول إيه؟ خالد مش هيسكت، بسرعة يلا ندور عليهم. الباقي: يلا بسرعة. وبيخرجوا يدوروا عليهم. *** وفي بيت لاميس... مدحت بقلق: لاميس اتأخرت كده ليه؟ حنان بتوتر: وانت مش هنا. رنت وسألت عليك، وقولتلها إنك مش هنا، قالت إنها هتروح عند صحبتها. مدحت باستغراب: وانت قولتي ليها إيه؟ حنان بتوتر: هقول إيه يعني؟ مش قولتلي ملكيش دعوة بيها؟ اديني مزعلتهاش.

مدحت باستغراب: غريبة، يعني بقيتي تسمعي كلامي؟ حنان بحزن مصطنع: فيه إيه ي مدحت؟ انت مش عاجبك حاجة ليه؟ أزعلها تهزقني، مزعلهاش برده هتهزقني. اكتفى مدحت إنه يسكت ويقوم من جنبها ويخرج. وبيدخل محمود اللي بيكون سمع كلامهم واستغرب من أمه. محمود: بقولك ي ماما، هي بجد لاميس عند صحبتها؟ حنان: لا، مع عدنان. محمود بصدمة: إيه؟ إزاي؟ حنان حكتله على المكالمة اللي وصلت لها من عدنان، ومن كلامه وعن الخمسة مليون.

محمود بفرحة: دي كويس، هننتفع بحاجة من وراها. حنان: أخيراً، أنا عاوزاها تتقهر زي ما أمها قهرتني. محمود: لا، بس دماغك إيه. حنان بخبث: أمك دماغها شغالة علطول. الا قوللي صحيح، مين البت اللي بتكلمها؟ محمود: أبدًا، واحدة كئيبة، أبوها معاه قرشين حلوين. حنان بضحك: لا، طالع لأمك ي واد. *** وفي المستودع... لاميس: مشوا ي مها، يلا نطلع البرميل ده، ريحته منتنة. مها بقرف: آه، مش قادرة أستحمل أكتر من كده. وبنرجع فلاش باك.

مها: بس مفيش شبابيك هنا، هنطلع إزاي؟ لاميس بتفكير وهي بتبص للبراميل: عندي فكرة. وبيدخلوا جوه البراميل. بااااك. مها: بس كانت فكرة حلوة. لاميس: امال ي بنتِ. مها بضحك: تب يلا، حظي. لاميس: يلا. وبيخرجوا برا والصدمة إن... هنعرف في البارت الجاي.