رواية حبيت بنت عمي الفصل السابع 7 - بقلم مجهول

عدت سنة كاملة على أبطالنا وهما مايعرفوش حاجة عن بعض. تيا بقا عندها تمنتاشر سنة وبقت في تانية ثانوي تجاري. تيم سافر الكويت واشتغل وتعب كتير، بقى عنده تالتة وعشرين سنة. أحمد دخل ثانوي عام واجتهد وذاكر. سما اتجوزت حب عمرها. أم أحمد فرحانة بوالدها ونجاحهم. حسين أكيد مبسوط بس زعلان على تيا لأنه حاسس إنها حزينة. في صباح يوم السبت. تصحى تيا بكسل تتجه إلى الحمام، تخلص وتصلي وتلبس للمدرسة. تيا راحت لمامتها في المطبخ.

تيا: صباح الورد والياسمين. أم أحمد: صباحك فل يا قلب أمك. تيا: آه يا قلبي الصغير لا يتحمل. أم أحمد: غوري كتك الارف. تيا: يا ماما، انتي لقيتي حد على باب الجامع؟ أم أحمد: آه. تيا: يالهوي يالهوي، ما أنا بقول الست دي مش أمي. أم أحمد: روحي يا تيا صحي أحمد للمدرسة. تيا: عيوني. تيا راحت تصحي أحمد، جابت إزازة ميه وكبتها عليه وجريت. أحمد: يا ماما، بغرق، الحقوني، الحقوني، أعاااااااا. تيا فضلت تضحك. جاء حسين على الصوت.

حسين: مالك يا تيا بتضحكي على إيه؟ تيا: أحمد بيغرق. حسين: ابني حبيبي، هو فين؟ تيا: في أوضة أحمد. جرى حسين يشوف أحمد. بص عليه وفضل يضحك على جنان ولاده. وخرج. أم أحمد حضرت الفطار واتجمعوا على السفرة. حسين: الحمد لله ربنا نجاك من الغرق يا أحمد. أحمد: ماشي يا حاج، مقبولة. تيا كاتمة ضحكتها. خلصوا فطار، تيا وأحمد راحوا مدارسهم، وحسين خرج. تيا في المدرسة. تيا: هاي بنات. البنات: هاي تيا. ملاك: إيه يا تيا، مش تباركي لرحمة؟

تيا: أبارك لها على إيه؟ ملاك: بكرة خطوبتها. تيا: عيونها اتملت دموع. تيا: ألف مبروك يا رحمة. ملاك: انتي وتيم لايقين على بعض. رحمة: الله يبارك فيكِ، بس مش أنا وتيم، اتقدملي محامي وأنا وافقت عليه. تيا: إزاي، مش انتي وتيم بتحبوا بعض؟ رحمة: لا، ده كان حب من طرف واحد. تيا: إزاي، انتي قولتي إنكم بتحبوا بعض وبتتكلموا فون؟ رحمة: لا، مفيش الكلام ده، ياريت تنسي. تيا مشيت وسابتهم، قعدت على جنب بترتب الكلام.

تيا بتكلم نفسها: إزاي يعني تيم مش بيحب رحمة؟ يعني أنا ظلمته؟ آه يا ربي، بحبك يا تيم. وفضلت تضحك. خلص اليوم الدراسي، روحت البيت مبسوطة وفرحانة. اتغدت ودخلت أوضتها، مسكت الفون. فكّت البلوك من الفيس والواتس، ونزلت الاستوري اللي تيم من سنة علّق ليها وقالها مين. قفلِت ونامت مبسوطة. عند تيم. بيجهز أوراق السفر لأنه راجع مصر بعد يومين. خلص كل حاجة وحجز، وخلاص راجع إلى أرض الوطن.

تيم قاعد زهقان، فتح واتس، شاف استوري تيا، مصدقش نفسه. دخل على الشات.