رواية حبيت مشاغبه الفصل الرابع عشر 14 - بقلم نور الشمس

مصطفى قال مع نفسه: أنا برضه ماكنتش مرتاح وحاسس إن في حاجة غلط. أيوه طبعًا. نيجي بقى للخطوبة. حور: يوسف. يوسف: نعم يا قلب يوسف. حور: متسترجل بقى يلا أنت. يوسف بصدمة: متسترجل ويلا! حور: اسمعني بقى. يوسف: ارغي. حور: مصطفى ولينا بقالهم كتير وهما مختفيين وأنا قلقانة عليهم أوي. يوسف: يعني هيكونوا راحوا فين يعني هتلاقيهم هنا ولا هنا. حور: لا أنا قلبي مش مطمن. نيجي بقى لخالد ومصطفى.

خالد بعد ما خلص المكالمة مع سلمى، لقى لينا فاقت. لينا بصوت نائم: أنا فين؟ أنا فين؟ خالد: انتي هنا. لينا: أنت مين؟ خالد: أنا خالد، متعرفنيش ولا إيه؟ أكيد أم لسانين اللي اسمها حور حكتلك عليا. لينا: خالد... خالد مين... أيوه أيوه افتكرتك، مش أنت تبقى ابن عم يوسف؟ خالد: عليكي نور يا قطة، ما أنتي حلوة وفاكرة كل حاجة أهو. لينا: آه يا واطي، بقا ليك عين تخطفني كمان؟

مش كفاية المشاكل اللي عملتها بين حور ويوسف ومصطفى، أنت إيه يا أخي شيطان؟ يقوم خالد ماسك لينا من شعرها: انتي من أولها هتقلّي أدبك؟ بت انتي لسانك ده لو ملمتيهوش هتشوفي مني تصرف مش هيعجبك. لينا: آه آه شعري! سيبني يا حيوان أنت آه! ف مصطفى ميستحملش منظر لينا وهي بتعيط، فيقوم داخل ماسك خالد ويقعد يضرب فيه لحد لما يفقد الوعي. لينا: مصطفى... أنت مين اللي عرفك مكاني؟

مصطفى: مش مهم دلوقتي، المهم أفُكك عشان نهرب قبل ما الكلب ده يفوق. لينا بصويت: مصطفى خلي بالك! فتلاقي سلمى وراه ماسكة عصاية وقامت ضاربة مصطفى على راسه ومكتفاه. لينا: هو انتي يا حيوانة اللي ورا خطفي؟ أنا أصلًا مش مرتحالك من أول ما شفتك، ده خطيبك؟ سلمى: ششششش. بقا يا بت انتي وجعتيلي راسي؟ وخطيب مين يا بت انتي؟

إحنا هنستهبل على بعض، ما أنتي عارفة إن انتوا بالنسبالي كوبري مش أكتر، وشوية وانتِ وحبيب القلب هتبقوا في الباي باي. لينا: قصدك إيه؟ سلمى: هو انتي يا بت فاكراني هبلة ولا نايمة على وداني ومعرفش إنك بتحبيه ولا إيه؟ عشان كده القدر كتبلكوا تموتوا مع بعض. لينا: لا والنبي ملكيش دعوة بمصطفى، سيبيه وأنا قدامك اعملي فيا اللي انتي عايزاه. فيفوق مصطفى... مصطفى: آه آه آه. لينا: مصطفى أنت كويس؟ مصطفى: أيوه... إيه ده سلمى؟

تصدقي إني ماشوفتش أوسخ ولا أحقر منك يا بت انتي؟ أنا أصلًا قلبي ماكنش متقبلك. سلمى: بقولك إيه يااض انت قلة أدب مش بحب، بدل ما تموت هنا، انت سامع؟ وترفع المسدس عليه. لينا: لا والنبي بلاش، هو مش هيكلم بس بالله عليكي متإذيه. سلمى بإستخفاف: إيه خايفة على حبيب القلب؟ مصطفى: إيه؟ سلمى: إيه ده أنت متعرفش إن لينا بتحبك ولا إيه يا صاصا؟ مصطفى: بجد؟ سلمى: آه بجد، اديني قلتلك أهو عشان تلحق تودعها... يلا يا قطة جهزي نفسك.

مصطفى: لا لا استنى! أنتِ بتعملي إيه؟ فتقوم مثبّتة المسدس على لينا ولسه هتدوس عليه تلاقي حد قام ضاربها على دماغها. لينا: حور. مصطفى: يوسف..... أنتوا جيتوا هنا إزاي. حور: مش وقته دلوقتي. يوسف: استنى يا حور الأول لما نربط اللي اسمها سلمى وخالد الأول عشان ميهربوش قبل ما الحكومة تيجي. حور: أيوه صح. مصطفى: قولولي الأول انتوا عرفتوا المكان منين. حور: قلتلك مش وقته بقا... طب فك انت مصطفى يا يوسف الأول. يوسف: ماشي.

ويفك مصطفى لينا. لينا: استنى يا مصطفى، خد الشاش ده لف بيه الجرح اللي في راسك. مصطفى: جرح إيه بس دلوقتي... قوليلى فعلاً كلام سلمى صح. لينا: إيه كلام إيه؟ مصطفى: لا والله هتستعبطي من أولها. لينا: لا... آه... لأ لأ. مصطفى: آه ولا لأ. لينا: ........ مصطفى: يبقى آه... تعرفي بقا إن أنا كمان بحبك. لينا: بجد. مصطفى: من زمان. حور: احم احم احم. مصطفى: إيه في إيه؟ حور: في إننا لسه في خطر وانت واقف تحب.

يوسف: متسبيهم براحتهم يا ستي وخليكي معايا أنا. مصطفى: آه اسمعي كلام خطيبك. حور: لا والله يا خويا انت وهو، كلكوا عينكوا زاغية كده. لينا: أيوه عندك حق يا حور. مصطفى وهوا بيقلد صوت لينا: أيوه عندك حق يا حور...... عندك حق في إيه بقا إن شاء الله يا أختي. حور وهيا بتخبط كف للينا: صاحبتي. يوسف بصدمة: حسبي يا حور.