رواية حبيت مشاغبه الفصل الثالث عشر 13 - بقلم نور الشمس

الحمدلله يلا بقا يحبيبى عشان نروح. يوسف: لى مش عايزة حاجة بالمرة اجيبهالك؟ حور: لا لا كفايا كده. يوسف: ماشي يلا قدامي على العربية. حور: حاضر. ويروحوا كل واحد لبيته. وييجي يوم الخميس..... يوم الخطوبة. مامت حور: اصحي يابت يالا لينا بره قومي يالا. حور: استنى بقا يماما عايزة انام شوية. مامت حور: تنامي اى يابنت الهبلة احنا بقينا الظهر ولسه مجهزتيش ولا روحتي حتى الكوافير؟ اى غيرتي رأيك ولا اى؟

حور: اه غيرت رأيي انا هخطب بعد ما انام ان كان عاجبه بقا. مامت حور: بقا كده. فتخرج ام حور وتنادي لي لينا عشان تدخل تصحيها. لينا: بعد اذن حضرتك تلجاية بس من الفريزر. مامت حور: بصي البيت بيتك يالينا جيبي اللي انتي عايزاه. لينا: شكرا يا طنط. وتدخل مامت حور عشان تنادي مصطفى. مصطفى: انا صاحي قبل ما تزعقي. مامت حور: ايوة كده ابني الكبير العاقل ربنا يخليك شوف اختك الهبلة دي اللي لسه مصحيتش لغاية دلوقتي روح صحيها.

مصطفى: من عينيا. وبعد ما يمشي مصطفى لغرفة حور مامت حور: ينهار انا نسيت اقوله ان لينا في الأوضة. وبعدين يدخل مصطفى الأوضة وهوا داخل تكون لينا متجهة ناحية الباب برضو ويكون في تلج على الأرض فتدوس عليه فتتزحلق فييجي مصطفى على اخر لحظة ويمسكها. ويقعدوا متنحين لبعض شوية وبعدين تصحى حور على صرخة لينا. حور: اى يا جماعة اجيب ليكوا شمسية وكوبايتين لمون ولا اى. فيفوقوا من غيبوبتهم دي ف مصطفى يعدل لينا تاني.

مصطفى: انتي كويسة يالينا. لينا وعنيها مليانة بالدموع: ايوة كويسة يا مصطفى الف مبروك ربنا يتمملك على خير. مصطفى بإستغراب: شكرا. فتقوم لينا خارجة بسرعة ونازلة على السلم وهيا بتعيط. حور وهيا بتنادي على لينا: لينا لينا استني رايحة بس فين.... عملت لها اى ياض انت. مصطفى: والله ما عملتلها حاجة. فتيجي حور تنزل وراها فيوقفها مصطفى. مصطفى: انتي راحة فين بمنظرك ده. حور: راحة اشوف لينا. مصطفى: خشي انتي غيري وانا هشوفها.

حور: ماشي. وينزل مصطفى وراه لينا وهوا بينادي عليها. مصطفى: لينا لينا استني بس. لينا وهيا بتمسح دموعها: ايوة يامصطفى. مصطفى: في اى مالك هوا انا ضايقتك في حاجة. لينا: لا ولا حاجة بس انا تعبت شوية. مصطفى: طب تحبي اوديكي المستشفى. لينا: لا لا انا شوية وهبقى كويسة. مصطفى: متأكدة. لينا: ايوة. مصطفى: طب يالا نطلع عشان حور مستنياكي فوق. لينا: ماشي يالا. فيطلعوا وتدخل لينا لحور الأوضة.

حور: في اى يا نكدية مالك اكيد دي دموع الفرح. لينا: طبعاً ياروحى اخيرا هشوفك عروسة ياقلبي. حور: شوفتي بقا حور المجنونة هتتخطب بس بصراحة برضو مش مبسوطة. لينا: لي بس. حور: عشان انهاردة برضو خطوبة الحرباية اللي اسمها سلمى على مصطفى اخويا ياعيني عليك يامصطفى لو تعرف ان هيا ناوية على شر وانها ولا بتجبك ولا حاجة. لينا: بس انا بقا مش هسيبها تدمر حياة مصطفى. حور: هوا ده صاحبتي اللي بتساعدني ديما وقت الشدة.

لينا: بصي ياستي على الخطه دي احنا هنعمل. حور: اى ده يابنت الجنية انتي انا ابتديت اخاف منك يابت اي الدماغ الجهنمية دي. لينا: لي بس دنا بحبك بس اى رأيك بقا نعرف اخطط مش كده. حور: ده كده وابو كده كمان. لينا: طب يالا ياختي عشان منتأخرش على الكوافير. حور: ماشي يالا. وبعدين يروحوا الكوافير والساعة تيجي ٩ م وييجي يوسف ومصطفى عشان ياخدوا سلمى وحور ومعاهم لينا.

حور هتكون لابسة فستان أسود طويل ولامع وشكلة تحفة اوووي وعليه طرحة برضو سودة. ولينا هتكون لابسة فستان بيبي بلو طويل على طرحة بيبي بلو. وسلمى: لابسة فستان مفتوح من الجنب وسايبة شعرها وكده. يوسف: بسم الله ماشاء الله اي الحلاوة دي يابت. حور: دي اقل حاجة عندي. مصطفى: شاكلك حلو اوووي ياحور وانتي برضو يالينا طالعة زي القمر. لينا بكسوف: شكرا يا مصطفى. سلمى: وانتي اى رأيك يا صوفا. مصطفى: حلو.

وكل واحد ياخد عروسته ويروحوا القاعة فيكونوا كلهم مبسوطين ماعدا مصطفى لي مش عارفين مع انو هوا اللي اختار سلمى بس ليه مش مبسوط هنشوف. لينا بقا كانت عينها على مصطفى لي بقا تعالو ونا اقولكوا.

بصو يا جماعة لينا اصلا بتحب مصطفى من وهما صغيرين لان زي مانتو عارفين ان هيا وحور اصدقاء من زمان اوووي بس هيا عمرها مقالت لحد حتى حور هيا كانت بتحاول تنسي الحب ده عشان الحب من طرف واحد هيتعبها اوووي ولاكن لما جه وقت الخطوبة هيا مقدرتش تمسك نفسها لانها فعلا مش عارفة تشيل الحب ده من قلبها بس هيا برضو بتتمنى ليه كل السعادة لانها بتحبه بس مش مع سلمى لانها عايزة تدمرله حياته.

ف والكل فرحان وعمال يرقص برضو مصطفى كان بيراقب لينا من بعيد هوا مش عارف ليه بيعمل كده بس هوة دايما كان عايزها تحت عنيه مع انو بيحبها زي اختة بس شكل الحب ده مش حب اخوات ابدا. ف لينا كانت قاعدة على الترابيزة ف حور شدتها عشان ترقص معاها وكده وقعدت لينا ترقص مع صديقة عمرها بس كان في واحد شكله متروش على الاخر عمال يبص على لينا من اول الفرح. ف بعد شوية لينا تخرج على الحمام عشان تعدل الطرحة وكده.

فيخرج الراجل ده وراها وبعدين مصطفى يقعد يدور على لينا بعينة كده ف ميلقيهاش فيسأل حور: هوا انتي شوفتي لينا. حور: لا هيا قالتلي انها راحة تظبط الطرحة من شوية بس مش عارفة هيا راحت فين كل ده. نيجي عند لينا.

ولينا خارجة من الحمام ييجي الراجل ده من وراها ويكون في ايده منديل مخدر ويقوم حاطه على وشها وبعدين تفقد الوعي ويسحبها الراجل على العربية بتاعته منها ويكون مصطفى خارج من هنا ف وهوا بيدخلها العربية الفستان بتاعها في حتة من هتظهر من العربية. وبعد مالراجل يمشي بالعربية مصطفى يلاحظ الفستان بتاع لينا من بعيد وهوا خارج من باب العربية. مصطفى: لينا ... ايوة ده فستان لينا.

ف يجرى وراه العربية ف ميلحقهاش فيقوم راكب عربيتة ويجرى وراه لغاية لما العربية بتاعت الراجل ده توصل عند فيلا. فيشيل الراجل ده لينا ويدخلها ويربط ايدها والمفاجأة بقا ان الراجل ده يبقى خالد. يوصل مصطفى الى الفيلا دي وقبل ما يدخل يسمع صوت واحد بيتكلم في الفون. ايوة يا سلمى انا نفذت مهمتي عليكى انتي بقا تنفذي مهمتك انتي كمان...

انا هخلص على البت دي وانتي على مصطفى ونلبس الجرايم دي كلها فيوسف وبكده نكون انتقمنا صح وضربنا عصفورين بحجر واحد منها انتي انتقامتي من اللي اسمها حور دي وانا انتقمت من يوسف. مصطفى في صدمة من اللي بيسمعه: ايه سلمى. وفي الفصل الجديد بقا ان شاء الله هنعرف كل التفاصيل.