رواية حبيت مشاغبه الفصل الثاني عشر 12 - بقلم نور الشمس

مصطفى: هيا مين دي اللي حرباية؟ حور: مصطفى! مصطفى: إيه يا بنتي، شوفتي عفريت؟ حور: أعوذ بالله، عفريت إيه بس. مصطفى: مين بقى الحرباية اللي بتتكلمي عنها؟ حور: لينا... بقول لـ لينا إن فيه حرباية عمالة تطاردني ومش سيباني في حالي. مصطفى: حرباية وبتطاردك... إنتي تطفشي بلد، أكيد زمانها طفشت منك. حور: برفعة حاجب: بقا كده. وتقوم ضرباه على كتفه. مصطفى: آخ يا بنت المجنونة، دراعي واجعني. حور: أنا آسفة والله بس انت اللي ضايقتني.

مصطفى: خلاص يا ستي، أنا آسف. وييجي يوسف... يوسف: إيه يا حلوين، بتعملوا إيه؟ حور: واحدة واقفة مع أخوها، إنت إيش حشرك؟ يوسف: بقا كده! حور: آه كده. مصطفى: استحمل بقى يا بطل. حور: استحمل إيه، استحملش ليه؟ هو أنا هلقى زي حور، ولا في جمال حور، ولا شقاوة حور. مصطفى: إيه يا عم، حاسب، اعمل حساب حتى لبرميل الطرشي اللي واقف جنبكوا. حور: هههه، خلاص بقى يا يوسف، بتكسف والله. مصطفى: نعم ياختي!

بقا حور بتتكسف، ما عدتش عليا دي، الصراحة. يوسف: لا، مهيا طول ما هي معايا، هتشوف العجب. مصطفى: هو أنا لسه هشوف؟ منا شفت خلاص. حور: هههه. حور: يوسف. يوسف: نعم. حور: أنا جعانة. يوسف: جعانة؟ إنتي مش لسه واكلة من شوية معايا؟ حور: لا، أنا كل ما بتوتر بجوع. مصطفى: هههه، البس يا معلم. حور: يلبس ميلبسش ليه، ولا إيه يا يوسف؟ يوسف: طبعًا. حور: طب يلا بينا. يوسف: على فين؟ حور: على عم سيد. يوسف: عم سيد مين؟

حور: عم سيد بتاع الكبدة والسجق، إنت لحقت تنساه؟ يوسف: لا، ودي تيجي. ويركبوا العربية. حور: يوسف، شغل الأغنية دي. يوسف: ماشي. فتشغل الأغنية وتغني معاها. حور: عايشة حالة حب معاك واخداني، وصعب إنها تتكرر تاني، وبعيشها أنا وانت بعيد أو قدامي. يوسف: يا سيدي يا سيدي، إيه الحلاوة دي كلها! حور: أومال، دي أقل حاجة عندي، بس أنا اللي مبحبش أتكلم عن نفسي كتير. يوسف: آه، مهو واضح... يلا يا أختي، وصلنا عند عم سيد.

حور: أيوه كده، يلا بقى، وأيوه بقى! يوسف: والله مجنونة! حور: يا عم سيد. عم سيد: إيه يا آنسة حور، تطلبي إيه؟ يوسف: آنسة حور ده يعرفك أهو. حور: أومال يا ابني، إحنا في كل حتة مسيطرين. يوسف: أيوه يا جامد. حور: بقولك إيه يا عم سيد، هات لي. يوسف: استنى، عارف طلبك، 10 كبدة و5 سجق. حور: إيه! يوسف: الحمد لله، هتاكلي زي الناس أهي. حور: دول بس؟ لا أنا النهاردة عايزة 10 كبدة و10 سجق. يوسف: نااااااااااعم!

ليه يعني، تاكلي لوحدك 20 سندوتش؟ لييه، بترمي في بلاعة؟ حور: بدل ما تقول لي بالهنا والشفا. يوسف: بالهنا والشفا يا حور، مطرح ما يسري يهرى. حور: إيه! يوسف: قصدي يمري. حور: آه، بحسب. يوسف: لا متحسبيش يا أختي، كلي وإنتي ساكتة. حور: حاضر. يوسف: ياااااه، على الأدب والاحترام. حور: أومال يا ابني. قوم بقى هات لي بيبسي عشان أبلع. يوسف: كمان! أنا عارف

إن أمي داعيالى وقالت لي: يا ابني، الهي تقع في بت تفلسك كل اللي حيلتك. أنا عارف. حور: قوم بقى وبطل لماضة. يوسف: حاضر.