رواية هداية البدر الفصل الثالث عشر 13 - بقلم رنوشة

بدر صحي بدري وفتح الموبايل وفتح جوجل "ازاي أسلم". بدر فضل يقرأ ويقرأ لحد ما اقتنع تمامًا وعرف إن الإسلام هو دين الحق. بدر نطق الشهادة. ونزل عايز يعرف أهله بقراره. "بابا وماما... " الاتنين انتبهوا وبصوله. "أحمم، كنت عايز أعرفكم إني كبير دلوقتي بما فيه الكفاية إني آخد قرار لوحدي، بناءً عليه هيحدد باقي حياتي." جيلان عقدت حواجبها وقربت منه. "قصدك إيه؟ بدر اتنهد واتكلم بهدوء. "أنا دخلت دين الإسلام." جيلان اتعصبت منه جدًا.

"إنت إزاي تعمل كده ومين اللي سمحلك؟ ده مش قرار تاخده لوحدك. إنت عايز تغير دينك؟! شكلك اتجننت يا بدر." عماد بهدوء. "أهدي يا جيلان." جيلان بعصبية بصت لعماد. "إيه البرود اللي إنت فيه ده؟ إنت مش سامع ابنك بيقولك إيه؟ عماد بكل هدوء. "بدر، اطلع لم حاجتك واتفضل من هنا. بما إنك كبير بما فيه الكفاية فتكفل بنفسك، يلا برا بيتي." جيلان اتصدمت من رد فعل عماد. مش ده اللي كانت متوقعاه منه. "إنت بتعمل إيه؟ بتطرد ابنك؟

عماد مردش على جيلان وزعق في بدر. "سمعت أنا قولت إيه؟ برا بيتي." بدر طلع أخد اللاب توب بتاعه اللي جايبه لنفسه وموبايله ومشي. *** محسن بتوتر. "كنت طالب أيد اختك." كريم اتصدم من طلب محسن. آخر حد كان ممكن يجي في باله إنه يطلب أيد أخته. "أنا أكيد مش هلاقي أحسن منك، وإنت صاحبي وأنا عارفك كويس، بس إنت فاجئتني." محسن اتحرج من كريم واتكلم بلخمة. "أحم... أنا آسف، مكنتش أعرف إن طلبي هيتفاجئك أو هيضايقك."

كريم جه في باله بدر اللي عينه من هدي. هو من دين واخته دين، مينفعوش مع بعض. "موافق يا محسن، بس رأيها هو اللي هيحدد." محسن بفرحة. "بجد؟ كريم. "آه." كريم قفل المكالمة مع محسن، قعد يفكر إيه هيكون شعور بدر صاحبه. هل هيكون زي شعوره هو لما عرف إن ناهد اتخطبت، ولا عادي؟ اتنهد بتعب، بس كان كل همه إن الاتنين يصرفوا نظر عن بعض عشان هو متأكد إن العلاقة دي متنفعش بأي شكل. *** عادل نزل من بيته وراح كافيه يقابل شيري.

عادل شاف شيري ابتسمالها وسلم عليها وقعد معاها. شيري بإحراج. "أحم، عامل إيه؟ عادل بابتسامة. "كويس طول ما أنا شايفك." شيري اتحرجت أكتر وابتسمت بتصنع. "ميرسي." عادل حب يخفف الجو، نادى الوِتر وبص لشيري. "ها، تشربي إيه؟ شيري. "مانجا." عادل للويتر (النادل) "اتنين مانجا." النادل هز راسه باحترام ومشي. عادل بص لشيري وابتسم. "إمتى آخر مرة قعدنا القعدة دي؟ شيري. "من وقت الكلية." عادل. "لسه زي ما إنتي، متغيرتيش." شيري بإبتسامة.

"لا، أكيد اتغيرت. مش هكون شيري بتاعت كام سنة فاتوا لشيري دلوقتي. أحمم، كنت عايزني في إيه؟ *** محمد صحي بنشاط عشان ينزل الكلية، ولما وصل الكلية صاحبه خالد رن عليه. خالد. "أيوة يا حمو، عملت اللي طلبته مني؟ محمد بفرحة. "متحرمش منك يا غالي." خالد. "متنساش إنك هتحكيلي إيه اللي خلاك تعمل كده." محمد. "بإذن الله، النهاردة بعد الكلية هاجي أعدي عليك ونقعد." خالد. "تمام." محمد دخل المدرج ولمح سلمى من بعيد، حس بفرحة ونشاط أكتر.

المحاضرة بدأت والدكتور بيشرح. محمد بص وراه عشان يشوف سلمى. أخد باله إنه تعدي حدوده لما مسكها يوم الخناقة عشان يبعدها، ولما بصلها ولما كلمها. استغفر ربنا في سره وركز مع المحاضرة. *** بدر رن على كريم وعرفه إنه سافر إسكندرية، هيقعد أكتر من أربع شهور، وإن محدش يقلق عليه. وبعد فترة كريم اقتنع. كريم راح لهدي عشان يعرفها إن محسن طالب أيدها وعايز يعرف رأيها. وهما قاعدين بياكلوا. "هدي، في عريس متقدم لك." هدي عقدت حواجبها.

"عريس!! عريس مين؟ كريم. "صاحبي محسن اللي وصلنا من كام يوم." هدي. "...