رواية حدودة حب الفصل الرابع 4 - بقلم دودا حوده

ساره: ينهار أسود، انت واقف هنا ليه؟ ادهم: أنا لسه طالع من تحت وكنت داخل الأوضة. ساره: طيب، وسّع كده خليني أدخل الأوضة. ادهم: آه، آه ماشي. ساره، انتي حلوة أوي. ساره: لو سمحت، سيب إيدي، أرجوك. ادهم: اسمعني بس، أنا بحبك من زمان والله ومستعد أعمل أي حاجة عشان... ساره: تطلقني لو عايز تعمل اللي يريحني. ادهم: أعملك إيه تاني؟ جبتلك أختك معاكي، سايبك براحتك وبرضه مش عاجبك.

ساره: أنا خايفة منك والله ومش عايزة حياتنا تكون بالخوف. وخبطت شروق على الباب وأدهم فتح. ادهم: انزلي تحت دلوقتي. شروق: ليه أنزل؟ ليه؟ ادهم: اسمعي الكلام، قولتلك راجل ومراته، انزلي تحت. شروق: انت بتعمل فيها إيه؟ أوْعى كده. ادهم: قولتلك غوري على تحت يلا، ورماها على السلم. شروق: آآآه، ابدي، آه. كوثر: ما قالك انزلي، راجل ومراته قاعدة فوق ليه؟ شروق: أنا عايزة أطمن عليها بس. كوثر: متخافيش، شوية وهتبقى كويسة.

شروق: حرام عليكي، أرجوكي قولي لي، افتحي الباب. كوثر: مش أنا أمه، أهو، بس على اللي هيعمله فيا لو قولت له. كده تعالي تحت وهي هتبقى كويسة. شروق: دي بتصوّت، هو بيعمل إيه؟ افتحي يا أدهم، والنبي. كوثر: أحسن لك إنه مش يفتح دلوقتي، متعرفوش لما يطلع في شرّه. ابني حنين أوي، بس أعوذ بالله منه لما يغضب. وفي شقة أدهم، حاولت ساره تقفل الباب مش لاقية المفتاح. جريت تلبس أي حاجة ودخل أدهم. ادهم: أنا عايزك.

ساره: بلاش غصب يا أدهم، هكرهك طول عمري. ادهم: وأنا مين حبني قبل كده؟ يعني لما كان بمزاجها. ساره: أبوس رجلك، بلاش دلوقتي، والنبي. ادهم: لا، دلوقتي. أنا عمري ما كنت بمزاج حد، كل حاجة في الدنيا دي بتحصل بمزاجي أنا. ساره: طيب، عشان خاطري، اديني وقت. ادهم: قولتلك لا، وتعالي هنا بقي. وبعدها بساعة، فتح باب الشقة ودخلت شروق تجري على جوا. كوثر: تعالي يا حبيبي، ريح شوية تحت. ادهم: أوْعى كده، مش عايز حد يحط إيده عليا.

كوثر: تومر يا حبيبي، تعالي بس. ودخلت شروق لأختها. شروق: ينهار أسود، حيوان، أقسم بالله. وساره كانت عاملة تعيط، مش قادرة تمسك نفسها. شروق: قومي البسي حاجة يا حبيبتي. ساره: منه لله أبوكي، حسبي الله ونعم الوكيل فيه. شروق: معلش يا حبيبتي، انتي ليه فتحتي باب الأوضة؟ أنا آسفة، أنا اللي نزلت وسبتك. يحرق الموبيل على صاحبته. ساره: ده لازم يموت والله. شروق: والنبي اسكتي، ليكون حاطط أي حاجة يسجل بيها. ساره: يعمل اللي يعمله بقي.

وبعدها طلع أدهم ودخل أوضة وقفل على نفسه أسبوع، يخرج ينزل شغله ويرجع تاني، كان مفيش حد في الشقة. *** وفي بيت علي أبو ساره. كان قاعد هو ومراته الجديدة منه. علي: ما تقومي تعملي لينا شاي. منه: انت إيه؟ ما تزهقش طلبات. علي: انت عملت إيه النهارده؟ ده حتى الغداء جبنا من بره. منه: لا، بقولك إيه، أنا ماليش في كل شوية جو المطبخ ده. علي: كل ده عشان بقولك على كوباية شاي؟ يا ستي، هقوم أنا أعملها. منه: وتقوم انت ليه؟

هو انت مش بنت لسه ما اتجوزتش؟ إيه اللي قاعدة عند أختها. علي: سيبيها قاعدة هناك، عايزاها تيجي تعمل إيه؟ منه: تيجي تشوف طلباتك يا عنيا. علي: امال أنا اتجوزتك ليه؟ منه: أنا للمزاج، وهي للخدمة. علي: والله عندك حق، وهي قاعدة صحيح عند أختها ليه؟ أنا هروح أجيبها. منه: هاجي معاك. علي: تيجي معايا فين؟ أنا هروح أجيبها وأجي على طول. منه: أنا بقى لي أسبوع ما شفتش الشارع.

علي: انت ما تعرفيش كوثر أختي ممكن تحرق دمك بكلمتين ملوش لازمة. منه: خلاص، ماشي، روح بقى وتعال على طول. علي: دلوقتي، ده الجو حر، خليها بالليل. منه: ومين اللي هيخلص طلبات بالليل؟ علي: على رأيك، أما أروح وأجي على طول. ونزل علي. ومسكت منه التليفون. منه: الو، ازيك يا ولد يا عاطف، عامل إيه؟ عاطف: منه، وانتي لسه عايشة يا بنت؟ منه: آه عايشة، واتجوزت كمان. عاطف: ده مين المغفل ده؟ منه: هنفضل نرغي في التليفون بقى؟

هابعث لك العنوان، تيجي لي على طول. عاطف: طب والمغفل؟ أوْعى يا بنت يكون كمين عشان تاخدي حقك مني. منه: أنا كده كده هاخد حقي منك، بس بمزاجي. عاطف: أحب مزاجك انت يا عسل، ابعثي العنوان. منه: ماشي، يلا بسرعة. وراح علي عند أدهم. *** في بيت أدهم. شروق: ينهار أسود ومبهدل. ساره: في إيه تاني؟ شروق: أبوكي برا، شكل أدهم قاله يجي ياخدني. ساره: أقسم بالله لو مشيتي، أنا هموت نفسي، مفهوم؟ شروق: طيب، أعمل إيه؟

أنا مش هعيش معاكي طول العمر. ساره: والله لو حصل، لموت نفسي، مفهوم؟ شروق: طيب، اهدي بس وتعالي نسمع بيقولوا إيه. كوثر: يا شروق، تعالي اعملي عصير لأبوكي. علي: لا، ده أنا هموت على كوباية شاي. كوثر: اعملي لأبوك شاي يا حبيبتي. علي: وجهزي هدومك بقى عشان نرجع بيتنا. ادهم: لا، معلش يا خالي، خلي شروق دلوقتي مع ساره. علي: والله يا ابني، ده أنا هاموت على كوباية شاي، مش لاقي حد يعملها لي. امال أكل بقى إيه؟ ادهم: وامراتك فين؟

علي: على فكرة، احنا اتفقنا إن انت هتتجوز ساره، مش هتاخد ساره فوق منها شروق. ادهم: زي ما احنا متفقين على حضرتك، هتاخد 100 ألف جنيه. وخدت 200 ألف. علي: هههههههههههه، هو انت على طول بتزعل كده يا ادهم؟ ادهم: ساره عايزة شروق، يبقى شروق تقعد. انت عايز تمشي يا شروق؟ شروق: لا، أنا عايزة أفضل جنب أختي. علي: وانا يا بنت يا شروق؟ ادهم: معلش يا خالي، بقي ابقي اشرب الشاي عند أمي، أصل عايز أريح جسمي شوية.

علي: ده انا أفهم من كده إيه؟ ادهم: خالي، أنا اتكلمت كتير وقلت لك انزل عند أمي. كوثر: تعال بس دلوقتي يا علي، سيبه ومش عايزين نعصبه. علي: ماشي يا ادهم، سلام. شروق دخلت الأوضة. شروق: سمعتي اللي حصل؟ ساره: ومش مصدقة بصراحة. شروق: والله العظيم البني آدم ده مجنون فعلاً. ساره: ساعات بحس إنه طيب جدا، وساعات بحس إنه قاسي قوي. شروق: المهم إن قاعدة معاكي. ساره: والله العظيم كنت هاموت نفسي لو كان ده حصل.

ادهم: شروق، لو سمحت، اعملي ليا قهوة. ساره: لا، هعملها أنا ليك. ادهم: معلش، عايزك. ساره: لا، أصله مينفعش، أنا عندي ظروف. ادهم: هههههههههههه، أنا عايز أتكلم معاكي مش أكتر. شروق: اهدي بقي واتعاملي معاه براحه. وخرجت. ادهم: أنا عارف إن انتي عايزة شروق، فخليتها معاكي. ساره: متشكرة ليك قوي. ادهم: نفسك في إيه يا ساره؟ ساره: خايفة أقولك تقلب عليا. ادهم: تاني، طلاق؟ ساره: لا، لا، والله ما كنت هقول كده.

ادهم: أي حاجة تانية مش هاقول لك عليها؟ لا. ساره: لو ينفع، لو ينفع يعني، بعد إذنك، ارجع شغلي تاني، أنا نفسي أشتغل قوي. ادهم: موافق. ساره: معقول؟ انت بتتكلم بجد؟ ادهم: مش هتكوني مبسوطة؟ ساره: جدا والله. ادهم: وأنا عايز أشوف وشك دايماً بيضحك. ساره: ربنا يخليك. ادهم: ويخليكي ليا. ساره: أنا أكلمك عشان تكلم المدير عشان أرجع؟ ادهم: طيب، ممكن بعد أسبوعين. ساره: اشمعنا؟