رواية حدودة حب الفصل الثالث 3 - بقلم دودا حوده

ساره: هو ممكن يعرف أنا فين من رسالة الواتس يعني؟ شروق: اخرسي خالص. غاده: إنتي عملتي إيه؟ ساره: والله أنا بعت له بس إن لو آخر راجل في الدنيا يستحيل أتجوزك، بس... غاده: اخرجي يا ساره كلميه. شروق: دي غبية والله العظيم غبية. غاده: بس يا شروق، اسكتي دلوقتي. ساره: أنا مش عارفة أعمل إيه دلوقتي. غاده: اخرجي يا ساره. ساره: أنا خايفة مش عارفة أتصرف. شروق: قولت لك قبل ما تعملي أي حاجة عرفيني.

الأم: يلا لو سمحت، أنا مش هقبل أسمع كلمة من الهمجي اللي برا ده. شروق: إحنا آسفين لحضرتك. الأم: اللي غلطت في حقي بنتي مش أنتم، إزاي تكدبوا عليا؟ ساره: اعتبريني زي غاده، أنا واحدة أمها ماتت من كتر عذاب جوزها ليها، مش عارفة تعمل حاجة، كتر الضغط اللي عليها. والله أنا بقيت أخاف من أي حد، ودلوقتي عايز يجوزني مريض نفسي، وأنا مش عارفة إزاي كل واحدة كان بيتجوزها كانت بتموت. سامحني إن كدبنا عليكي بس إحنا ملناش حد.

الأم: ربنا يهديلك الحال، بس للأسف مش هعرف أساعدك. ساره: سيبها على الله، يلا يا شروق. شروق: إحنا آسفين لحضرتك أوي. الأم: خدوا بالكم من نفسكم. وخرجت ساره. ادهم: شكل خالي معرفش إنه يربيكي. و**ضربها بالقلم**. غاده: قطع إيدك يا حيوان، إنت إزاي تعمل كده؟ ادهم: امشي قدامي يلا. شروق: سيب إيدها، إحنا هنمشي لوحدنا. ومشوا في العربية، كانت شروق عاملة تطبطب على أختها. ساره: أنا آسفة لكِ. شروق: مش وقته، أنا خايفة قوي من بابا.

وروحت البيت. الأب: والله لأربيكوا إنتي وهي. ادهم: خالي والله ما يحصل، أنا هنزل أجيب المأذون وهنتجوز دلوقتي. الأب: اللي تشوفه يا حبيبي. ادهم: ادخلي جهزي نفسك. وساره مش عارفة تتكلم. كوثر: ربيت يا أخويا كويس بناتك، فضحوك. بس ابني عاقل برضه هيتجوزها، واخد غيره ولا كان بص في وش بنتك دي خالص. علي: أنا عارف إن ادهم عاقل. شروق: أنا خايفة عليكِ أوي. ساره: اخرجي برا دلوقتي. شروق: وربنا ما أسيبك. ساره: عشان خاطري اخرجي.

شروق: أنا عارفة إنتي عايزة تعملي إيه، بس مش هتعيشي في عذاب وتموتي كافرة كمان. ساره: أنا تعبت والله خالص، جبت آخري. كوثر: المأذون جه. عارفة لو سألك وقولتي لا مش عايزة، هعمل فيكي إيه؟ ساره: حاضر. ادهم: جهزي هدومك يا شروق لأنك جاية معانا. كوثر: جاية فين يا حبيبي؟ ادهم: جاية معانا البيت اليومين دول. ساره: قومي والنبي يلا بسرعة. شروق: أنا مش فاهمة حاجة. ساره: مش وقته إنك تفهمي، أرجوكي قومي. شروق: حاضر، ماشي.

وقامت فعلاً لبست هدومها وكتبوا الكتاب. علي: رايحة فين يا شروق؟ ادهم: جاية معانا البيت يا خالي، أنا عايزها اليومين دول مع ساره تاخد بالها منها. علي: وأنا إزاي هقعد من غيرها؟ كوثر: بدل ما كنت هتتجوز الأسبوع الجاي، اتجوز النهارده. علي: آه، بس ادهم لسه مدفعش. هههههههههههه. ادهم: آه هي الفلوس اللي اتفقنا عليها يا خالي. علي: آه، إن كان كده، ألف ألف مبروك. هههههههههههه. ادهم: يلا بينا. كوثر: لولولولولي. ادهم: هاتي إيدك.

ساره: لا، همسك إيد شروق. ادهم: ماشي، اللي تشوفيه. وروحوا البيت. كوثر: تعالي بقى باتي عندي يا شروق، واطلع أنت وعروستك بقى يا نن عين ماما. ادهم: لا، خليها معاها فوق. كوثر: حبيبي، تومر أمر. وطلعوا. ادهم: دي أوضتك يا شروق. ساره: ممكن تسبني اليومين دول مع شروق في أوضتها؟ ادهم: ماشي، براحتك. شروق: معقول؟ ادهم: أيوه، ادخلوا. وجريوا الاتنين وقفلوا الأوضة. شروق: هو إنتي فاهمة حاجة؟ ساره: يا بنتي ده مجنون، اتوقعي منه أي حاجة.

شروق: بس الشقة حلوة قوي. ساره: مش عايزها. شروق: ياه، لو نعيش هما عالطول بس هو في حاله وإحنا في حالنا، تبقى أحلى عيشة. ساره: مش ملاحظة إن الكل بيسمع كلامه؟ شروق: أنا عايزة أعرف بس، إيه اللي فكرو بينا؟ ساره: مش جه يوم عزاء ماما، أكيد أبوكي كلمه في فلوس. شروق: المهم، أنا عايزة أنام شوية بقى. ساره: قفلتي الأوضة؟ شروق: بالمفتاح، يلا بقى نامي. ساره: هو أنا هعرف أنام. ومسكت موبايلها وفتحت الواتس. كان ادهم أون لاين.

ادهم: بحبك يا مراتي. ساره: والله العظيم مجنون أوي. ادهم: ممكن تخرجي الصالة نتكلم شوية؟ ساره: لا، عايزة أنام. ادهم: ماشي، لما تصحي. وصحت اختها. شروق: إيه؟ عايزة إيه؟ ساره: عايز يتكلم معايا. شروق: هو مين ده؟ ساره: ادهم. شروق: طيب، ماشي. ساره: هو إيه اللي ماشي؟ لا أخاف طبعاً. شروق: اسمعي كلامي، بلاش كل حاجة تكوني ناشفة في ردك. كتر خيره إنه جابني معاكِ هنا، وكمان سابك براحتك. كل ما يكلمك في حاجة،

قوليله: سيبني اليومين دول. ساره: إنتي شايفة كده؟ شروق: هو كل اللي أنا شيفاه إن عايزة أنام. ساره: أنا مش عارفة جايلك نوم إزاي. والباب خبط. شروق: قومي افتحي. ساره: لا، لا، قومي أنتي. شروق: حاضر، منك لله. وفتحت. ادهم: الأكل على السفرة، تحبي تخرجي تاخدي؟ شروق: أنا مش جعانة. ادهم: خلي الأكل عندكم، وقت ما تجوعوا كلوا. شروق: ماشي، حاضر. وخرجت خدت الأكل. ساره: إيه ده؟

شروق: يخربيت كده، اللحمة اللي كنا بنشوفها في الشهر مرة كذا صنف، وأي ده كمان. ساره: مش عارفة، بس طعمه حلو أوي. شروق: آه، جميل أوي، هو إحنا هناكل كده كل يوم؟ ساره: تفتكري ادهم ده ليه كل واحدة تتجوزا تموت نفسها؟ شروق: أنا مش مركزة في أي حاجة إلا الأكل. ساره: الله، فعلاً الأكل تحفة أوي. شروق: أكيد من عمتك اللي عاملاه. ساره: لا، شكله جاي من بره عشان علب السلطة. شروق: آه ياني، لو نفضل كده عالطول. ساره: وتعيشي معايا عالطول؟

شروق: هو ممكن يروحني؟ ساره: مش عارفة، بس خايفة. شروق: لسه سدد النفس دي. ساره: كلي كلي، وسبيها على الله. واتصلت غاده بساره. غاده: عاملة إيه يا بنتي؟ ساره: حبيبتي، أقسم بالله قولت إنك مش هتكلميني تاني. غاده: ده إنتي صاحبة عمري. ساره: حبيبتي والله. غاده: عملتي إيه؟ ساره: اتجوزت ادهم. غاده: معقول؟ ينهار أبيض. ساره: بس غريبة، سابني لوحدي، وكمان معايا شروق. غاده: تفتكري ممكن يكون كويس؟ ساره: مش عارفة.

غاده: شنطة شروق عندي، وفيها الموبيل بتاعها. ساره: معقول، شنطتك عند غاده؟ شروق: آه صحيح، موبايلي. غاده: خليها تقابلني تاخدها. ساره: لا، والنبي ما ينفعش، سيبني هنا لوحدي. شروق: اقفلي على نفسك جامد عقبال ما أجي. ساره: طيب، هاجي معاكِ. شروق: أكيد هيقول لأ. ساره: طيب، والنبي هاتيها يا غاده. غاده: أجي فين؟ عايز يرميني من عالسلم. شروق: طيب، قربي المكان. وسمعوا باب الشقة اتفقل. ساره: شوفي مين جه. شروق: ده هو نزل.

ساره: طيب، تعالي دلوقتي قبل ما يرجع، وشروق تنزل قدام البيت تاخدها. غاده: طيب، ابعتي اللوكيشن. ساره: ماشي. وفعلاً جت. شروق: هاتي الموبيل معايا بقى. ساره: أوعي تتأخري. شروق: متخافيش. وقامت ساره بصت في المرايا ودخلت الحمام علشان تغسل وشها. لقت بانيو في الحمام، قلعت هدومها وخدت شاور، وخرجت بسرعة وهي لافاه فوطة على جسمها، لقت ادهم في وشها.