رواية حدودة حب الفصل الثاني 2 - بقلم دودا حوده

غاده: أي الجو ده ما تقولي. شروق: أدهم ابن عمتك كوثر. ساره: ينهار أسود ينهار أسود، مين؟ لا لا يستحيل بابا يعمل فيا كده. غاده: ما حد يرد عليا، ماله ده؟ ساره: أنا هخرج أقوله، لا لا لو هموت هنا عمري ما أتجوز المجنون ده. غاده: ما حد يقولي ماله ده. شروق: مريض نفسي، أي نعم معاه فلوس كتير بس مجنون. غاده: طيب اهدي بس خلينا نفكر هنعمل إيه. شروق: ده كان متجوز تلاته والتلاته انتحروا. غاده: لا معقول، هو ليه بابكم بيعمل فيكم كده؟

ساره: معرفش، بس آخر واحد اتجوزوا هو الإنسان ده. ودخلت كوثر عامله تزغرط. كوثر: ألف ألف مبروك يا بنت أخويا. ساره: مبروك على إيه، لا يمكن ده يحصل أبدًا، أنا مش هتجوز المجنون ده. كوثر: مجنون؟ انتي بتقولي على ابني أنا مجنون؟ غاده: ثواني بس يا طنط، هي مش تقصد. ساره جريت على بره. الاب: تعالي يا عروسة. كوثر: انت جبتنا ليه وبنتك مش موافقة على الجوازة يا علي؟ علي: مين قالك أنها مش موافقة؟ كوثر: هي اللي قالت.

ساره: بابا، انت عارف أن أي حد بيتجوز أدهم بيموت. كوثر: عمرهم، نعمل إيه يعني؟ ساره: بابا، أنا هعيش خدامة تحت رجلك، أرجوك أوعى تعمل فيا كده. علي: اخرسي وادخلي أوضتك. ساره: والنبي يا بابا مش عايزة أتجوز. علي: قولت ادخلي جوا. كوثر: هو انتي فاكرة أنه ميت عليكي، ده أبوكي اللي جه واتحايل عليه علشان يتجوزك. علي: ادخلي جوا بقي، ومسكها من شعرها. أدهم: خالي لو سمحت، من هنا ورايح مسمعش إنك ضربت ساره تاني.

علي: أنا بربيها يا أدهم. أدهم: علشان خاطري أنا، سيبها برحتها دلوقتي. كوثر: تعالي يا قلب أمك، وأنا بكرة هجوزك أحسن منها. أدهم: مش عايز غير ساره. كوثر: اللي تؤمر بيه يا قلبي، بقولك إيه يا علي، لو ناسي الفلوس اللي انت خدتها، أنا فكراها كويس أوي. علي: ملوش لازمة الكلام ده يا كوثر. كوثر: عقل بنتك كده يا حبيبي، ماشي. أدهم: يلا بينا يا ماما. كوثر: يلا يا قلب ماما. وفي أوضة ساره. غاده: العياط مش هيحل حاجة.

ساره: انتي عايزاني أموت؟ غاده: مقولتش كده، بس اهدي يا حبيبتي، الجواز مش بالعافية. شروق: طالما عمتي كوثر يبقى بالعافية. غاده: اسكتي انتي، إحنا بنحاول نهديها. شروق: انتي متعرفيش عمتي دي سوسة إزاي. ساره: على نفسها، أنا مش هتجوز ابنها لو حصل أي حاجة. غاده: طيب لازم نهدي كده ونتكلم بالعقل علشان نعرف نتصرف، ينفع أنا أكلم بابكي؟ شروق: لو مش عايزة تعرفي ساره تاني، اعملي كده. غاده: بابكي صعب أوي.

ساره: طول عمرنا متبهدلين لحد ماما ما زهقت وولعت في نفسها وسابتنا. غاده: ينهار أبيض، هي مامتك ماتت محروقة؟ شروق: منه لله، فضل يجي عليها لحد ما موتت نفسها. غاده: انتو لازم تسيبوا الراجل المجنون ده. شروق: وطي صوتك. علي: ليها حق تقول أكتر من كده، مهو أنا معرفتش أربي علشان واحدة تقول كده على أبوكم وانتوا ساكتين. غاده: انت إزاي كده، حرام عليك. علي: اطلعي برا. ساره: بابا.

علي: اخرسي، حسابك معايا بعدين، وانتوا أيًاك أشوفكوا بتكلموا بناتي تاني، قولتلكم برا. غاده: خارجه، بس مش هسيبهم. علي: قولتلكم برا، وانتوا مش عايزين دلع، فرحك الأسبوع الجاي. شروق: بس بس، اسكتي دلوقتي. ساره: حرام كده والله. شروق: اهدي بس، وبليل كانت ساره نايمة. شروق صحيتها من النوم. شروق: ساره قومي. ساره: إيه، في إيه؟ شروق: يلا بينا هنمشي. ساره: هنروح فين؟ شروق: أي مكان بس هيكون أحسن من كده. ساره: أبوكي لو صحي هيقتلنا.

شروق: يكون أحسن من اللي إحنا فيه، يلا بينا. ساره: أنا خايفة. شروق: اخلصي قبل ما يصحي، وفعلاً قاموا مشيوا. ساره: هنروح فين دلوقتي؟ شروق: مش عارفه، كلمي صاحبتك. ساره: غاده، لا لا مينفعش. شروق: أبوكي ما يعرفش بيتها لحد ما نشوف مكان، بس. ساره: طيب تعالي نروح ليها على طول. شروق: كلميها الأول. ساره: موبايلي فصل شحن ومش حافظة رقمها. شروق: طيب هو إحنا هننفع نروح في وقت زي ده من غير ما نتصل؟

ساره: هنعمل إيه يعني، يلا بينا، وراحوا عند غاده. غاده: يا ترى مين اللي بيخبط علينا دلوقتي. الام: ربنا يستر، افتحي وشوفي يا بنتي. غاده: مين؟ ساره وشروق، تعالوا ادخلوا. ساره: أنا آسفة أن جيت وقت زي ده، بس ملقتش مكان أروح. غاده: انتي بتقولي إيه يا بنتي، البيت بيتك. الام: مين يا غاده؟ غاده: دول أصحابي يا ماما، جايين من إسكندرية ولسه مستلموش الشقة بتاعتهم، ادخلي نامي انتي. الام: أهلاً بكم يا حبايبي، ثواني أحضر لكم العشاء.

ساره: لا يا ماما مش هنقدر ناكل. غاده: ادخلي نامي انتي يا ماما وأنا هتصرف. الام: تصبحوا على خير يا حبايبي. غاده: وانتي من أهل الخير. ساره: إحنا آسفين ليكي يا غاده. غاده: بتقولي إيه يا بنتي، إحنا أخوات، تعالوا ادخلوا الأوضة جوه. شروق: إحنا سبنا البيت ومشينا. غاده: والله كنت متوقعة كده. ساره: عايزة الشاحن بتاعك يا غاده. شروق: ما ينفعش تفتحي تليفونك دلوقتي علشان لو أبوكي اتصل. ساره: هاعمل حاجة وأقفل تاني.

شروق: لو سمحت ما تتصرفيش من غير ما تقولي لي. ساره: بقولك إيه، مش ناقصاك انت كمان، اقعدي ساكتة. غاده: تعالي يا شوق، ندخل نعمل حاجة ناكلها. شروق: ماشي يا غاده، يلا بينا. غاده: اهدي عليها شوية يا شروق، ساره غلبانة جدا. شروق: والله العظيم أنا خايفة عليها. غاده: بجد، بابكي ده مفتري قوي. شروق: أنا بفكر نسافر إسكندرية ونبعد عن هنا. غاده: ننام النهارده وبكرة نفكر براحتنا. شروق: بأمانة أنا خايفة قوي.

غاده: سيبيها على الله، وتاني يوم راح أدهم بيت غاده وفضل يرزع جامد. الام: انت مين وإزاي تخبط بطريقة دي؟ أدهم: عايز خطيبتي وأختها لو سمحت. الام: خطيبتك مين؟ انت استنى هنا، كلمني. غاده: يا نهار أسود، ده أدهم، هو عارف بيتي إزاي؟ شروق: هو انت هببتي إيه يا ساره؟ ساره: أنا بعت رسالة دي على الواتساب امبارح، هو ممكن يعرف البيت من الرسالة؟ شروق: الله يخرب بيتك، إحنا روحنا في داهية.