رواية حضرة المدير الفصل الأول 1 - بقلم سولييه نصار

المدير اتشقط ... المدير اتشقط قولتها وأنا قاعدة جنب رأفت ووسام. كنا قاعدين في كافيه بعد ما اغمي عليا، أصروا يطلعوني برة. كنت منه*رة تمامًا وأنا بشوف الشخص اللي بحبه اتأخد، يعني هي البنت الحلوة دي ملقيتش إلا اللي بحبه عشان تتخطبله. حسبي الله ونعم الوكيل فيها. أنا هم*وت. قعدت أتنفس بصعوبة، فرأفت اداني العصير وقال: -وحدي الله بس يا نسرين، خلاص راح قر*د هييجي غزال بإذن الله. زعقت وأنا ببكي فيه:

-بس أنا عايزة القرد، مليش دعوة مش عايزة الغزال. بعدين ما صدقت لقيت حد أطول مني أحبه. افرض ملقيتش حد أطول مني بعد كده وأنا طولي 176 سنتي؟ قوللي يا رأفت هلاقي حد أطول مني فين؟ ده حتى زيكو اللي لازق في حياتي أقصر مني بخمسة سنتي. قولي هرقص سلو إزاي معاه يوم الفرح ده؟ أنا خلاص هعنس... هعنس. ضحك رأفت فصرخت فيه: -أنت بتضحك على إيه؟! قالي رأفت: -اتخيلت منظر لو اتجوزتي زيكو وجيتوا رقصتوا سلو هيكون شكلكم مسخرة.

فضلت أبكي، فراحت وسام ضر*بت رأفت على إيده وقالت: -يا خي خلي عندك د*م، مش شايف حالتها إيه!!! -عندك حق. بصلي وقال: -بصي يا نسرين عايزة أقولك بس إن الطول مش عائق. إيه رأيك تتجوزي زيكو مادام شاريكي وكده كده فيه صاروخ شقطت المدير بتاعك. بصيت لوسام وقالت: -وسام خلي جوزك يمشي من هنا، أنا مش ناقصة! سيبوني في همي خلاص الراجل ضا*ع مني وشكلي هلبس في زيكو.

-والله حاسس من كتر تنم*رك على زيكو هتلبسي فيه فعلاً. قالها رأفت وهو بيضحك. بصتله بغضب فمشي بسرعة. قعدت وسام تطبطب عليا وقالت: -متقلقيش هنلاقيلها حل. بصتلها وقولت: -مفيش إلا حل واحد. -إيه هو؟ قومِت وقولت: -هروح أعترفله بحبي وأطلب استقالتي. وبعدين مشيت. -يا مجنونة استني، قالتها وسام بصدمة بس أنا تجاهلتها ومشيت. الراجل الطويل هيروح من أيدي، لازم أتصرف. *** كان أسر قاعد في مكتبه متضايق وهو بيبص لإلهام وهو متضايق وقال:

-إلهام انتي مش خطيبتي فبطلي تقللي من نفسك أكتر من كده. -بس أنا بحبك يا أسر. -حبك برص. قالها بغ*ضب، وبعدين كمل: -الله يسامح أبويا اللي غلط ووعد أبوكي واحنا صغيرين يا بنتي، افهمي أنتي أختي مش أكتر من كده. -مش يمكن لما تتجوزني تحبني؟ ادي نفسك فرصة، أنت هتلاقي أحلى مني فين يعني. اتنهد وقال: -إلهام حبيبتي. -نعم يا روحي. -اطلعي برة بدل ما أجيب الأمن يطر*دوكي. قامت إلهام وقالت: -هييجي يوم وتحبني وتشوف يا أبو طويلة أنت.

وبعدين مشيت. *** طلعت إلهام من المكتب وبصت ولقيتني قدامها، بصتلي بقر*ف ومشيت. -أومال لو كنتي تخينة شوية هتتعملي إيه وأنت شبه سلاكة الأسنان كده. وبعدين دخلت المكتب. قلبي دق وأنا بشوف المدير بيشتغل. ابتسمت زي العبيطة وأنا بفكر إن ربنا اداله كل حاجة، فاضل بس يبقى جوزي عشان تبقى حياته مثالية. قولتها في نفسي. بصلي فجأة وحسيت بالارتباك، لمعت عينيه فجأة وقام بسرعة وقال: -نسرين انتي الوحيدة اللي هتساعديني دلوقتي.

-أؤمر يا مدير. -أنا عايزك تتجوزيني. اتصدمت في الأول، بس بعدها بثواني زغرطت وقولت: -اللهم صلي على النبي، شقطت المدير.