رواية حضرة المدير بقلم سولييه نصار | كاملة

المدير اتشقط ... المدير اتشقط قولتها وأنا قاعدة جنب رأفت ووسام. كنا قاعدين في كافيه بعد ما اغمي عليا، أصروا يطلعوني برة. كنت منه*رة تمامًا وأنا بشوف الشخص اللي بحبه اتأخد، يعني هي البنت الحلوة دي ملقيتش إلا اللي بحبه عشان تتخطبله. حسبي الله ونعم الوكيل فيها. أنا هم*وت. قعدت أتنفس بصعوبة، فرأفت اداني العصير وقال: - وحدي الله بس يا نسرين، خلاص راح قر*د هييجي غزال بإذن الله. زعقت وأنا ببكي فيه: - بس أنا عايزة القرد، مليش دعوة مش عايزة الغزال. بعدين ما صدقت لقيت حد أطول مني أحبه. افرض ملقيتش حد أطول مني بعد كده وأنا طولي 176 سنتي؟ قوللي يا رأفت هلاقي حد أطول مني فين؟ ده حتى زيكو اللي لازق في حياتي أقصر مني بخمسة سنتي. قولي هرقص سلو إزاي معاه يوم الفرح ده؟ أنا خلاص هعنس... هعنس. ضحك رأفت فصرخت فيه: - أنت بتضحك على إيه؟! قالي رأفت: - اتخيلت منظر لو اتجوزتي زيكو...