رواية هدية القدر بقلم شمس محمد | كاملة

“دي نوفيلا صغيرة كنت كتبتها من فترة و قررت أنزلها يمكن تعجب حضراتكم لحد ما أخلص فترة الامتحانات إن شاء الله و ارجع للروايات اللي وعدت حضراتكم بيها و أتمنى تعجبكم، هينزل منها اول فصل النهاردة و الباقي هحاول اخليه النهاردة أو بكرة بالكتير إن شاء الله” *** “ ” “الفصل الأول” *** “لعل القدر يُرسل لك ما تزهده أنتَ و يرغبك هو، فينقلب السحر على الساحر، لترغبه أنتَ و يتركك هو” *** “اعمل حسابك يا عز يا بني قبل العيد الكبير تكون اتصرفت في شقة علشان فرحك على جومانا التطويل دا كدا غلط” تفوه “أنور” بذلك الحديث أمام خطيب ابنته الوحيدة بنبرةٍ غليظة و بها لهجة آمرة، جعلت الأخر يزدرد لُعابه بتوترٍ ثم قال بتشوشٍ: “ازاي بس يا عمي ؟! إحنا متفقين إنها هتخلص السنة الجاية في الجامعة و أنا مقدم على الشقة في الاسكان و الحمد لله جت في العبور، و هبدأ أدفع الأقساط بتاعتها و في خلال...