رواية حكاية حب الفصل العشرون 20 - بقلم فيولا عماد

دخل جاسم البيت الذي يبدو مهجوراً من الخارج. جلست زينة على أحد الكراسي متراكمة عليها التراب والحشرات. جاسم: عايزة تعرفي عني كل حاجة؟ هزت رأسها بإيجاب. جاسم بحزن: أنا طفل زي أي طفل. عشت مع أمي وأبويا لحد سن 9 سنين. أمي كانت ست جميلة جداً ومن عيلة متوسطة، بس كانت متفككة. لذلك أمي كانت محتاجة حد يديها الحب. وأبويا كان من عائلة الأسواني، أكبر عائلات القاهرة، وكان ظابط كبير. وبحسب شغله كان دائماً سفر ومهمات وبعيد عن البيت.

بابا سافر في يوم وأمي كان ليها علاقات كتير برجالة، وده اللي فهمته لما كبرت. كنت دايماً قاعد مع عمي غسان وأمي سوما. بابا نسي ملف مهم تبع المأمورية اللي مسافر عشانها. رجع ياخده، شاف مراته في سريره مع راجل غريب. مفكرش ولا مترددش ثانية، وجاب بنزين لف بيه الشقة وفتح أنابيب الغاز بتاعت الشقة، وبعود كبريت واحد انتهت حياة ثلاث أشخاص.

بسبب الحب، الحب اللي اتحرمت منه الزوجة. والحب اللي ضاع من زوج لما شاف مراته. عارفة يعني إيه أبوكي بعد ما عرف الحكاية، ياخدك المستشفى يعملك تحليل DNA؟ الموضوع صعب على أي حد، وذات طفل متعداش الـ 10 سنين. سمع كلام عن أول ست في حياته، واللي هي أمه. الخيانة وأبوه القاتل، والكلام اللي في الرايحة والجاية يتذل بيه.

ولما نسيت، وعمي مستحملش كلام أمه اللي بقى خلاني مريض نفسي، خدني أنا وأمي ويوماً وسافرنا إنجلترا. 11 سنة اتعالجت. وحبيت بنت معايا في الكمبوند اللي كنت عايش فيه. وفي الآخر رجعت من كليتي وكان يوم عيد ميلاده. وأشوفها في سرير مع حد تاني. عايزة إيه من طفل وشاب عاش حياته في خيانة أمه وحبيبته؟ لحد ما نزلت مصر يوم وفاة جدتي. وكده السر أدفن معاه، لأنه الوحيدة اللي كانت تعرف. بعدي أنا وعمي وأمي سوما. وعايزني أحب وأقول كلام حلو؟

عايزاني أتخدع للمرة التالتة في حياتي؟ آه، عارف إنك مش زيهم، بس مش هقدر بالسهولة دي. مش هتقدري تتعيشي مع غيرتي وخوفي. أنا بتعايش مع نفسي بصعوبة. أنا آه حبيتك، بس أنا مش استاهلك. تعرفي الشقة اللي إحنا فيها دي؟ دي الشقة اللي اتولدت فيها، ونفس اللي انتهت حياة ثلاث أشخاص هنا. كل ما بعجب ببنت، أول ما خطبتك وجيت عندكم، حيّت هنا. فكرت في خيانة أمي لأبويا عشان محبكيش وتوجعني. سامحيني.

زينة بدموع على حالته: أنت تستاهل كل خير، وده ربنا كتبه. وأنا مش عايزة حاجة غيرك. وأنا مش زيهم والله. أنا عارفة ممكن تكون سمعت الكلام ده من غيري، بس وغلاوتك أنا غيرهم. وأنا بحبك ومش فارق معايا كل ده. هنبدأ من جديد. هنجيب كشكول جديد وكأننا اتولدنا. وده أول يوم لينا. من كره وشر وتفكير يوجع قلوبنا وعقولنا. نبدأ حكاية كلها حب. ❤️ جاسم بحب ودموع: أنا بحبك، وأوعدك إني هتغير للأحسن. زينة بحب: وأنا كمان.

وأكملت وتخرج من حضنه: كفاية كده، إحنا اتأخرنا وبابا هيزعق. جاسم بحب: متخافيش. قبل ما نخرج سوا، قولتله إني هاخدك ونخرج، ويمكن نتأخر. بس يلا عشان متتأخريش أكتر من كده. وأوصلها جاسم لبيتها بكل حب. *** في صباح يوم جديد. أحمد: يبقى كلم جاسم وعائلته عشان عايز أتكلم في موضوع مهم. مالك: حاضر. أحمد: وإنتي يا حبيبتي كلمي زينة صاحبتك وعائلتها عشان برضو عايزهم في موضوع مهم. فتون بابتسامة: حاضر. فاطمة بابتسامة: مالك. مالك: نعم؟

فاطمة: الكلية مطلعة زي رحلة. مالك: مفيش خروج من غيري. عايزانا نطلع كلنا، معنديش مشكلة. لكن لوحدك لأ، ومفيش نقاش. فاطمة تركت الأكل وغادرت بحزن وزعل. فتون بزعل: ليه كده يا مالك؟ مالك: معلش يا فتون، بس هي عارفة كويس أوي أنا مش موافق ليه. فرجاءً مش عايز كلام في الموضوع ده بعد إذنكم. فتون بسرعة: استنى يا مالك. مالك بحب: نعم. فتون: أنا مش قصدي أدخل.

مالك بحب: أنا عارف، بس صدقيني أنا مش عايز أخسرها. هي نفسها عارفة إن اللي بتطلبه أنا مش موافق عليه. يلا أشوفك بليل. خلي بالك من نفسك. *** فتون: طب متزعليش بقى. فاطمة بزعل: مش زعلانة. أنا عايزة أخرج. كل أصحابي بيخرجوا لوحدهم مش مع أهلهم، يا فتون. ما عدا أنا. مالك أول ما أقوله أسافر يقول لأ، ويتهرب عشان مفتحش النقاش معاه. فتون بحب: طب ليه؟

فاطمة بحزن: لأن والد مالك مات في حادث سير بالعربية. وماما وبابا برضو ماتوا حادث سير. يعني كان بابا مالك ماشي وطلعوا عليه ناس، ونفس الكلام لأهلي. وهو بيخاف جداً علينا نطلع برة لوحدانا. بس أنا كبرت. فتون بحب: إن شاء الله هتتحل. ربنا يرحمهم يا حبيبتي. يلا بقى نكلم البت زينة عشان نجتمع بليل سوا كلنا. فاطمة بحب: يلا. *** في المساء.

أحمد بترحيب: أنا كنت جمعتكم النهاردة لسبب، وهو إني أنا والد زينة قررنا قرار مهم جداً. اتفضل يا محمد. محمد والد زينة: مالك وجاسم: لا طبعاً. *** ***