رواية حكاية حب الفصل التاسع عشر 19 - بقلم فيولا عماد

مالك بهدوء: بكرة الخطوبة واخر كلام عندي، والا عادي هاخد مراتي وامشي. فتون بابتسامة: موافقين. أحمد: انت كده بتحطنا قدام الأمر الواقع مش بتخيارني. مالك: وحضرتك برضو يتحطني قدام الأمر الواقع ازاي؟ اتقدم لمراتي؟ دي مش بعيد تكون حامل. زينب بصدمة: هيجي بيبي البيت بجد؟ مالك بغيظ: بعد اللي فتون وسيادته بيقولوا، يبقا انسي اصلا يبقا في انفراد بينا مش بيبي. أحمد بلا مبالاة: إذا كان عجبك.

فتون: يلا يا جماعة متنسوش عندنا بكرة يوم طويل، يلا مالك على أوضتك وانت كمان ي بابا، وانا وأحمد وفاطمة وماما هنقعد في أوضة واحدة. فاطمة بفرح: Yes. وذهب كل واحد لغرفته تحت استمتاع أحمد بغيظ مالك، وفرحه لأجل حضور ابنته خطوبتها، والفرح والسعادة من فتون، فالآن ستحقق أمنيتها وتحضر فرح ومراسم الزواج مثلاً أي فتاة. ومالك من الغيظ والزهق، فهو سيبعد عن فتون بسبب ذلك اللواء. فتون بفرحة: وحشتيني.

زينة: وانتي كمان، عاملة إيه يعروسة؟ فتون بحب: الحمد لله. وأكملت بتساؤل: جبتي الحاجة؟ زينة بغمز: طبعاً. مالك: أنا حاسس إن مش لائق عليا البدلة البيج، البس أنهي؟ مالك بغيظ: هي خطوبتي ولا خطوبتك؟ جاسم: أهو بشجعك. وأكمل بتصفير: نعيمة يا سيادة اللواء. أحمد: انت بتعمل إيه هنا؟ جاسم: بختار بدلة عشان الفرح؟ إزاي أبقى صاحب العريس ومش متشيك؟ مالك: بس بقا نقي اللي انت عاوزه، وأنا هنزل أشوف العمال.

أحمد بخبث: ديلك يروح، كده كده هجيبك. أغلق مالك وذهب وهو يستشيط. فتون بخجل: حد يشوفنا يا مالك، ابعد. مالك: اممم. فتون: عشان خاطر ربنا ابعد، بابا هينزل يشوفنا. مالك يزهق: كل شوية حد يشوفنا، بابا ينزل، بس يا مالك، يا مالك عيب، أنا اتخنقت. فتون بحب: مينفعش هنا يا مالك، في عمال وبابا وكمان فاطمة وزينة وصاحبك يقولوا علينا إيه؟ مالك بحب: يقول واحد ومشتاق لمراته. جاسم: بتعمل إيه هنا؟

مالك بخنقة: اطلع يا جاسم، مش هينفع كله عليا. جاسم: عادي، هطلع أقول لـ أونكل أحمد إنك مع بنته. ولم يكمل جملته، ومسكه مالك من معصمه وذهب به لأعلى بغيظ. تحت ضحك فتون. زينة: الفستان ده حلو صح؟ فاطمة: جامد. زينة: طب البس التاني. فاطمة يزهق: ده تمنتاشر فستان تغيريه يختي، ما ده حلو وهييعجبه، متخافيش. فتون بضحك: البت عندها حق. زينة بخوف: خايفة ميعجبوش. فاطمة بلا مبالاة: لا متخافيش، انتي من نوعه المفضل.

فتون باستغراب: انتي فاهمة إحنا بنتكلم على مين؟ فاطمة بخبث: على جاسم. فتون: وانتي عرفتي منين؟ فاطمة: لا دي أسرار بقا. فتون: طب اجهزوا عشان ننزل، الوقت بيعدي بسرعة. بعد وقت، لبست فتون فستان بيبي بلو طويل واكسسوارات رقيقة جداً. زينة لبست فستان قصير للركبة زيتي اللون واكسسوار سلسلة فضة. فاطمة لبست فستان فضة لبعد الركبة وبدون اكسسوارات، وتركوا لشعرهم العنان. مالك لبس بدلة بيبي بلو وساعة رجالي.

وجاسم بدلة بيج وساعة رجالي شيك. وأحمد بدلة رسمية سوداء. مالك بسرعة: يعني اطلع؟ أحمد: استنى بقا كده، وهدي الناس، أضحكت علينا. مالك: اطلع أنا طيب. أحمد: قولت أنا هطلع أجيبها. مالك: قولها لو لابسة فستان قصير، تقلعه. أحمد: بنتي براحتها. ونزلت فتون وتوقف نفس مالك من شدة جمالها. أحمد بحب: ما شاء الله يا حبيبتي، قمر. فتون بخجل: ربنا يخليك يا بابا. مالك بتوهان: إيه القمر ده؟ أحمد برفعة حاجب: في إيه؟ أنا واقف.

مالك بخنقة: ممكن نقعد في الكوشة، ولا تحب تشرفنا؟ أحمد: لا، هقعد مع أصحابي. وتركهم. مالك وهو يطبق يده على يدها: أبوكي ده خانقني والله، مش عارف أتنفس ولا حتى أقول كلمة على بعضها. فتون بحب: معلش يا حبيبي، تعال نقعد بقا. مالك بهمس: بس إيه الجمال ده؟ فتون بحب: عيونك اللي جميلة. فاطمة: الحفلة جاي عليكي، أنا ماشية. وذهبت بسرعة. جاسم بغضب وهمس: إيه القرف اللي انتي لبساه ده؟ زينة بزعل: طالما قرف، جاي تقف معايا ليه؟

جاسم: اطلعي غيري يا زينة. زينة بقوة: انت ملكش كلمة عليا يا ابن الأسواني، وأنا ألبس براحتي، محدش له الحق إنه يقولي ألبس إيه أو ملبسش إيه، بعد إذنك. جاسم بغضب في نفسه: ماشي يا زينة، على المسخرة اللي انتي عاملة دي. أحمد: نعم. مالك: هات الدبل عشان نلبسها. أحمد: مش دلوقتي، لسه رقصة السلو. فتون بفرحة: أه يا مالك، رقصة السلو. ولم تكمل كلمته، لينظر لها مالك بغضب. مالك: لو سمحت، ممكن نرقص بعدين، أنا عاوز الدبل.

أحمد: والله ما في دبل غير لما ترقصوا رقصة السلو. مالك بهمس: وحشتيني أوي يا تونة. فتون بخجل: وانت كمان. مالك بغمز: بس إيه القمر ده؟ فتون بكسوف: بس بقا يا مالك. مالك: إيه رأيك نخرج بعد الحفلة؟ فتون: نخرج فين؟ مش هقدر أمشي، أنا هخلص الحفلة ونطلع ننام كلنا، اليوم متعب يا مالك. مالك: خلاص ماشي، يبقى نخرج يوم تاني. فتون بابتسامة: أقولك حاجة؟ مالك بحب: قولي.

فتون بابتسامة: لما كنت صغيرة وأروح مع ماما فرح، ببقى أموت وأعرف العريس والعروسة بيقولوا إيه، إذا كان وهم في الكوشة أو بيرقصوا، بس دلوقتي عرفت. مالك بضحك: عرفتي إيه بقا؟ فتون بهمس وخجل: بيقولوا بحبك. مصطفى: تسمحيلي بالرقصة دي؟ زينة بابتسامة: أه. جاسم بابتسامة غضب: إيه يا مصطفى؟ انت ماشي تريل على البنات؟ مصطفى بزهق: تبعك دي كمان. جاسم بغيظ: خطيبتي، وإن شاء الله هنكتب قريب. هعزمك.

مصطفى وهو يذهب: ربنا يسامحك انت وصاحبك، خلصتوا على البنات. جاسم: تعالي معايا. زينة: مي. ولم تكمل جملته، وشالها جاسم وذهب به لمكان ما. وانتهت الحفلة بكل حب وفرح.