رواية حكاية حب الفصل الرابع 4 - بقلم فيولا عماد

بس أنا لازم أسأل عنك، دي بنتي الوحيدة. اسأل براحتك، حضرتك بنتك هتبقى جوه عيني. بنتي عايزة تكمل دراستها. أنا موافق، وأي شروط أنا موافق عليها. على بركة الله، يبقى نقرأ فاتحة الأسبوع الجاي؟ على بركة الله، أستأذن أنا بقى. طب كمل الشاي. تشرب الشربات المرة الجاية. وذهب وهو يقول في نفسه: هدمرك، أنا محدش يقف قصادي. مازن بابتسامة: طب نطلع على المأذون؟ فتون وهي تلتف حول نفسها: أنا. مالك بضحك: انتي نسيتي إنك اتقدمتيلي ولا إيه؟

فتون بحرج: مش عارفة أقول إيه. مالك بابتسامة: يا ستي عادي تتجوزيني، ينوبك ثواب. فتون بخوف: وأهلك؟ مالك بابتسامة: أنا والدي متوفي، ومامتي هتشوفيها لما نوصل البيت، بس عندي شرط واحد بس. فتون بخوف: إيه هو شرطك؟ مالك بنظرة لم تفهمها: لما نتجوز هقولك. يلا انزلي، وصلنا المأذون. فتون في نفسها: خايفة من إيه، هو ده اللي انتي كنتي عايزاه، بس أنا خايفة وكمان مليش حد معايا، ويا عالم عنده شرط إيه؟

يارب أنت عارف أنا عايزة أتجوزه ليه، استودعتك نفسي وقلبي يا الله. وفاقت على جملة المأذون: بارك الله لكما وبارك عليكما وجمع بينكما في خير. مالك بابتسامة: مبروك عليكي أنا. فتون بابتسامة: الله يبارك فيك. مالك بمشاكسة: هاتي بوسة كتب الكتاب. فتون بضحك: هو مش كان حضن كتب الكتاب؟ مالك بمرح: هاتي اللي تحبيه، حضن، بوسة، أو أي حاجة تاني، أنا موافق. فتون بابتسامة وقلق: قولي إيه شرطك بقى؟ مالك: تعالي يا ستي أقولك شرطي.

في فيلا صغيرة. مالك بحب: اتفضلي. فتون: ما شاء الله، إيه الجمال ده؟ مالك: انتي أجمل. الخدامة: مالك بيه بعد إذن حضرتك ممكن دقيقة. مالك بابتسامة: حاضر، اتفضلي خمسة وجاي يا تونة. فتون بصوت واطي: تونة، على آخر الزمن يقولي تونة؟