رواية حكاية حب الفصل السادس والعشرون 26 - بقلم فيولا عماد

لأن أنا أبقى عم فاطمة. أيوه، أنا اسمي محمد الدهشوري، ووالد فاطمة اسمه محمود البناء، بس أنا ومحمود إخوات من نفس الأم. بعد طلاق أمي من أبويا، اتجوزت والد محمود البناء، وبكده أمي خلفت محمود. عشت أنا ومحمود بس. بعدها أمي أطلقت للمرة الثانية وخدتني وسافرنا، بس علاقتي بمحمود كانت كويسة ومليانة حب.

قبل ما يموت بأسبوع، كلمني وكلم المحامي وقاله إن كل حاجة تتنقل باسم فاطمة، وإن فاطمة هتبقى أمانة عند محمد الدهشوري، اللي هو أخويا من أمي. ولما تتم السن القانوني وعاوزة فلوس أو تتجوز، ترجعلي أنا الأول. لما محمود مات ونزلت أنا مصر، كنت لسه صغير. أنا وأبوك اتكلمنا، وفعلاً ده اللي حصل. اتفضل الورق اللي يأكد اللي بقوله. أعطى مالك ورق يدل على صحة كلامه. مالك وجاسم بصدمة: إزاي؟ محمد: هو ده يا ابني، والورق يثبت.

مالك: أنا مصدق حضرتك بس... محمد: أنا عارف إنه صعب، وكمان على فاطمة، بس هو ده اللي حصل، ومينفعش ننكره. ولازم دلوقتي ناخد قرار عشان نعرف مين اللي ورا كل المشاكل دي. جاسم: فعلاً، إحنا أخدنا رقم من مالك اللي بيحصل عليه بيها، وطلع اسم واحد ***** من منطقة *****. وبكده ممكن نتبع الشاب ده ونوصل لحاجة. وكمان كمل يا عمي محمد، أنت قلت إن حد بعتلك وكلمك، ممكن تفهمني أكتر؟

محمد: أنا حصل معايا مشكلة، وبصراحة شاكك في واحد كنت أعرفه أنا ووالد مالك ومحمود، وهو نفسه اللي عمل معايا كده. فاطمة بابتسامة: اتفضلوا العصير. جاسم: الله يرحم العصير أبو ملح. فاطمة بغيظ: اشرب وانت ساكت. مالك: كمل يا عمي، مشكلة إيه؟ محمد بتعب: تخص سلطان ابني، وكمان هو سبب بعده عني. فاطمة بتوتر وكذب: مالك، ممكن أقعد معاكم؟ فتون وماما فوق بيتكلموا في حاجة، وقولت أسيبهم يتكلموا براحتهم. ممكن أقعد؟

مالك: اقعدي، وبلاش تدخلي في الكلام، تمام؟ هزت رأسها بإيجاب، وأكملت في نفسها: أنا هسمع كل حرف بتقولوه.

محمد بتعب: من حوالي ست سنين، كان سلطان اتخرج من كلية الشرطة، وبعدها عمل حادثة لما كان بيحتفل مع الصحاب. ولما كان راجع، عمل حادثة، ودخل المستشفى. والممرضة اللي كانت بتعالجه حبته، وهي كمان حبته. وأنا كنت موافق، بس بعد سنة من حبهم، اكتشفت إن أبوها هو رياض المحمدي، وده كان صاحبنا أوي. بس فجأة، شركة اقترحت علينا إننا نشتغل معاهم في تهريب مخدرات تحت بند شغل هندسي، وبنعديها. أنا رفضت، وكمان محمود. بس رياض وافق. ومن بعد

خناقات ومناقشات، إحنا فركشنا الشراكة اللي بينا وبين رياض، واشتغل معاهم. وكمان أبوك بلغ عنه لما عرفنا إنهم هيهربوا مخدرات في شنطة. واتسجن. ولما اكتشفت إنه هو نفسه والد البنت اللي بيحبها ابني، رفضت. وسلطان مستوعبش كلامي ورفض. فأنا اضطريت أمشي البنت. والبنت نفسها أول ما عرضت عليها، قالت لي كلام فاجأني جداً. وهي والله اللي مشيت. ابني بعد عني بسببهم. وبعدها حصل خناقة كبيرة بيني أنا ورياض. وبعدها رياض حرض سلطان وقال له

كلام. بعد مشي سلطان، بقاله أربع سنين مدخلش بيتي.

وانهار في البكاء على حزن فراق ابنه الوحيد.