رواية حكاية حب الفصل الثامن والعشرون 28 - بقلم فيولا عماد

سلطان بغضب: حسابكم عندي بعدين وانتو اتفضلوا برة. فاطمة: اهدي لو سمحت وفهمنا، احنا مش بنشحت منك، الموضوع أنكل محمد هيفهمك والموضوع ملوش دعوة بحبيبتك ورياض المحمدي. الموضوع يخصني ويخص عائلة كاملة، رياض عاوز يفككها ويموتنا، لو سمحت ساعدنا.

محمد: رياض المحمدي كان صاحبي أنا ووالد فاطمة، وهو عاوز ورثها وعاوز ورث مالك وعاوز يفكك العائلة عن بعض ويشردهم في الشارع، وده كله عشان محمود أبو فاطمة كشفه وسلمه للشرطة عشان بيتاجر في المخدرات. وإحنا جايين نقولك اكتب لنا عنوانه لأن إحنا متأكدين إنك عارف ومتواصل معاه، فقول عشان نقدر نخلص العائلة دي من شره. وخلص كلامه ونزل عربيته.

تحت: ساعدنا لو سمحت، إحنا دلوقتي حياتنا في إيدك، يعني إنت اللي بكلمة واحدة تقدر تخلينا مع بعض، وكمان إنت بسكوتك ده هتخلينا نتشرد، فكر فينا كده. سلطان: أنا معرفش عنه حاجة، كل اللي أعرفه إنه كان قاعد بعيد في الصحراء وبس، أنا معرفش حاجة تاني. فاطمة بزعل: خلاص شكراً، يلا يا مالك. وذهبت هي ومالك وجاسم ومحمد. _زينة بعتاب: فين يا جاسم؟ بقالك قد إيه مش بشوفك ولا نتكلم؟

جاسم بحب: والله يا حبيبتي غصب عني، أنا عندي مأمورية ومش عارف أكلمك، بس صدقيني هتتعوض. زينة بزعل: ماشي يا جاسم، أسيبك لمأموريتك، سلام. _محمد في نفسه: حتى مقلتش ازيك يا بابا ولا اتفضل، وكأني راجل غريب عنك، معرفتش تحضني ولا أحضنك. همك بس حبيبتك اللي كانت عايزة تنتقم لأبوها، وانت بعيد عني، إنت فعلاً خليتني أعيش وحيد ومليش حد، بس ده كله عشان وقفت البنت وأبوها عند حدهم، وقولت ابني، بس أنا اللوم عليا، ربنا يسامحك يا سلطان.

_فتون بابتسامة: ها يا مالك، حصل إيه؟ مالك بهدوء: محصلش، مرضيش يقول أي حاجة وسابنا، بس جاسم هيبدأ في التحريات عنه. فتون بحب: مالك يا فاطمة؟ فاطمة بخنة: مفيش، أنا هخرج الجنينة شوية. بعد دقائق سمعوا صوت.