رواية حكاية حور الفصل الأول 1 - بقلم هاجر العفيفي

أنتِ طالق. قالها سليم ببرود وهو يقف ويبصلها بسخرية. حور بصدمة: س سليم انت بتهزر صح؟ النهارده صباحيتنا. سليم بسخرية: وده المطلوب. حور بدموع: قصدك إيه؟ سليم ببرود: قصدي ياروحي إن كده حققت انتقامي. اتجوزتك وخدت اللي عاوزُه منك وطلقتك، وبالتالي هترجعي لأهلك مكسورة ومش هتخلصي من كلام الناس وهتكوني أحلى تريند عروسة اتطلقت تاني يوم فرحها. ياترى ليه؟

حور بصدمة من تلك الصدمات: لأ لأ انت مستحيل تكون سليم اللي حبيته، أكيد انت بتهزر وده مقلب صح؟ سليم بسخرية: انتي هبلة؟ بقولك طلقتك يعني خلاص المفروض تطلعي بره بقى، وقتك خلص. حور وقعت على الأرض بانهيار: لأ لأ بالله عليك يا سليم متعملش فيا كده. أنا معملتش ليك حاجة والله، ليه عايز تنتقم مني؟ سليم ببرود: مش منك بس، ده انتقام قديم وأنا خلصته فيكي. حور بدموع: طب إيه السبب؟

سليم بعصبية: ميخصكيش. خلصنا، أنا طلقتك. اطلعى بره بقى، معندكيش كرامة؟ حور لمّت آخر ما تبقى من كرامتها ودخلت جهزت هدومها وخرجت وهي بتبص بحسرة. معقول كانت لسه عروسة جديدة وفرحانة بالسعادة اللي هي فيها؟ فجأة السعادة تتحول لكابوس. نزلت من البيت وركبت تاكسي وراحت بيت أهلها. سليم مسك تليفونه واتكلم بغموض: خلاص كل حاجة خلصت. المجهول: تمام. تقدر تيجي تستلم حاجتك. سليم: تمام. سلام.

قفل معاه وغمض عيونه بألم لما افتكر ليلة امبارح وحبه ليها. والدة حور بصدمة: يلهووي! إيه اللي جابك يا بنتي؟ حور بدموع اترمت في حضنها: طلقني يا ماما. طلقني. والدتها: يلهوووي يلهووي! طلقك ليه؟ حور بدموع: والله ما أعرف يا أمي. إحنا كنا كويسين امبارح، مش عارفة إيه اللي حصل. والدتها بحزن: طب ادخلي يا بنتي ارتاحي شوية على ما أخوكي يجي يشوف صرفة في الموضوع ده. حور دخلت بدون كلام ونامت على السرير وافتكرت أيام الخطوبة.

سليم: إيه القمر ده! حور بخجل: سليم مينفعش كده، إحنا مخطوبين بس ميصحش إننا نتجاوز الحدود. سليم بمشاكسة: عارفة اللي عاجبني فيكي إيه؟ هو التزامك بضوابط الخطوبة. وعشان كده عايزين نقرب كتب الكتاب. إيه رأيك؟ حور اتكسفت وسكتت وسليم ضحك على كسوفها. رجعت حور من تفكيرها على صوت الباب اللي اتفتح فجأة ودخل منه أخوها الكبير محمد وهو متعصب. حور بخوف: مالك يا محمد؟ اتفاجئت لما لاقته بيمسكها من شعرها بقوة وبيضربها. حور بصراخ: آآآه!

ليه كده يا محمد؟ أنا عملت إيه؟ محمد بغضب أعمى: بقا بتضيعي شرفنا في الأرض يا زبالة؟ دي آخرة تربيتنا فيكي! حور بعدم استيعاب وصدمة: محمد أنت بتقول إيه؟ أنا مـ... قاطعها صفعة قوية وقعتها على الأرض. محمد بعصبية: تقدري تقولي جوزك طلقك ليه؟ أقولك أنا ليه؟ عشان انتي مش بنت!