رواية حكاية قمر الفصل الثاني 2 - بقلم ياسمين علي

أحمد خبط ع الباب ودخل. أحمد: حبيبي يا بابا عامل إيه؟ كريم بص له ودار وشه وكمل رسمه. أحمد بزعل: أنا كنت جاي عاوزك تنزل تأكل معايا. أحمد: هتفضل ساكت لحد إمتى يا ابني؟ وحشني صوتك، نفسي أسمعه. كريم قام خد رسمته وراح عند أبوه، وراهاله وهو على وشه الضيق والزعل. أحمد بص ع الرسمة وهو مصدوم. أحمد بحزن وصدمة: أنا بنسبالك قاتل يا كريم؟ أنا يا ابني ليه عملت إيه علشان تشوفني قاتل؟ أنا مقتلتهاش يا كريم، صح؟

أنا كنت أناني في اختياري بس صدقني لو كنت اخترتها هي وسيبتك مكنتش هتسامحني. أحمد: عمرها ما كانت هتسامحني لو كان جرالك حاجة. أنا آسف إني حرمتك منها واتحرمت أنا كمان منها. بس صدقني يا ابني أنا مكنتش أقدر منقذتكش. لما تكبر وتبقى أب هتفهم. كريم بص له بصة لوم وغضب وراح عند الرسمة وجاب قلم وشخبط ع أبوه في الرسمة. أحمد بص له بحزن وطلع من الأوضة. وكريم جري ع السرير وحط رأسه تحت مخدة وفضل يعيط بحرقة. *** ليل: خلصتي؟

تعالي حطيلي أكل بقى. قمر: حاضر يا حبيبتي. تأكلي وتحكيلي عملتي إيه وحصل إيه وقابلتي مين ولا لأ، واتعرفتي ع أصحاب جديدة ولا لأ، ولو اتعرفتي اسمهم إيه و... ليل: إيييه حيلك حيلك! كل دا هيحصل في يوم؟ محصلش حاجة تتحكي أصلاً. ويلا بقى حطيلي أكل. قمر: ماشي يا ليل، بس هتحكيلي بردك. ليل: آه إن شاء الله. ويكون في علمك بقى أنا عاوزة أنزل أشتري هدوم. قمر: إنتي مش لسه جايبة فستانين؟ ليل: فساتين إيه بس؟

مش هيكفوا كل يوم. أنا عاوزة أشتري حاجات تانية وميك أب وشنط وجزم. قمر: حيلك عليا يا ليل، شوية. إنتي شايفة اللي جاي على قد اللي رايح. ليل بتتصنع الزعل: يعني عاوزاني أبقى أقل من اللي في الكلية؟ قمر: لا يا حبيبتي، بس واحدة واحدة. إنتي عارفة ظروفنا وعربية الكبدة يا دوب بتطلع مصروفنا اليومي. ليل بتتصنع الزعل: يعني تقصدي مش هتجيبيلي حاجة؟ ماشي يا قمر، متجيبيش خليني أبقى أقل منهم علشان ترتاحي. ودخلت ع الأوضة.

قمر بتكلم نفسها: يووه عليكي يا قمر، كده تخليها تزعل؟ دي حتى ما أكلتش. أدخلي لها قبل ما تنام، هي ليها غيرك. قمر: ليل، إنتي نمتي؟ ليل: .... قمر: هتنامي من غير أكل؟ طب خلاص متزعليش، هجبلك اللي إنتي عاوزاه، بس اصبري شوية لحد ما أقبض. الجمعية من أم شلبي. ليل نطت من ع السرير بفرحة: بجد يا قمر؟ يعني هتجيبيلي كل اللي أنا عاوزاه؟ ليل نطت عليها وقعدت تبوسها: يا حبيبتي يا قمر، أنا بحبك أوي. قمر بفرحة: هتوقعيني يخربيتك!

يلا بقى تعالي أكلي، قبل ما الأكل يبرد. تونة: أنا جيييييت. قمر: نورتي البيت. يلا اغسلي إيدك علشان تأكلي يلا. *** نور: بابي، إنت منمتش؟ أحمد قاعد مهموم: لا يا نور يا حبيبتي. إنتي لابسة كده على فين؟ نور: عيد ميلاد ماجي النهارده وعاملة بارتي، وهنسهر للصبح. أحمد: خلي بالك من نفسك يا نور وحاولي متتأخريش. نور باسته: حاضر يا بابي، يلا باي. ورجعت تاني خطوة. بابي متزعلش من كريم.

أحمد: أنا زعلان من نفسي. يا ريتني كنت أنا مكان فريدة. نور: بعد الشر يا بابي عليك. تفتكر مامي الله يرحمها كانت هتبقى مبسوطة؟ بكرة كريم يكبر ويفهم ده. بس متضايقش، إنت عارف مش بحب أشوفك كده. أحمد ابتسم: حاضر يا حبيبتي. يلا روحي الحفلة. نور: باي. *** قمر: ليل قومي حمي أختك. تونة: لا أنا مش عاوزة استحمام. ليل: ومين قالك إني هحميكي أصلاً يا جربانة إنتي. تونة طلعت

ع الكرسي ومسكت شعر ليل: أنا شاكتالك من الصبح وإنتي عاوزة تتهزقي، عاوزة تتهزقي. وراحت عضت ليل. ليل: آآآه يا عضاضة، أوعي كده. قمر: باااس إنتي وهي. تونة قلتلك مليون مرة أختك أكبر منك، عيب. تونة بتدبدب ع الأرض برجلها: كل حاجة تونة عيب، تونة عيب. وهي إيه؟ دي عيشة تزهق والمصحف لا أطفش. قمر: خدي هنا يا بت، متسرحيش بيا. انجري ع الحمام، أنا اللي هحميكي. وإنتي يا كبيرة يا عاقلة خفي شوية عليها. ليل: أنا داخلة أنام. أحسن.

تونة: أحسن بردك. ليل طلعت لها لسانها: كوبة. قمر: مولودين فوق راس بعض، يارب صبرني. *** ليل دخلت تنام وافتكرت الشخص الرزل اللي رخم عليها الصبح في أول يوم ليها في الكلية. ليل بابتسامة: صحيح رخم، بس لذيذ. مسكت موبايلها وفتحت الفيس وعملت سيرش على اسم آسر دياب. وطبعاً عرفت اسمه من الكتاب اللي كان معاه. وبسهولة لقيته. دخلت تتفرج على صوره اللي أغلبها كانت مع صافي. ليل: مالها المعفنة دي لازقاله كده ليه؟ ليكونوا مرتبطين؟

لأ الحمد لله كاتب سينجل أهو. قفلت الموبايل وغمضت عينها. ياترى هشوفه تاني ولا لأ. وراحت في الأحلام. *** زين: إيه ده؟ معقولة يا بابا إنت لسه منمتش؟ إحنا بقينا وش الصبح. أحمد: مستني أخواتك. زين: أخواتي؟ ليه؟ فينهما؟ أحمد: نور في حفلة عيد ميلاد صاحبتها. زين: نعم!! لحد دلوقتي؟ أحمد: قالت الحفلة هتقعد للصبح. زين: طيب أنا هكلمها تيجي، كفاية كده. والأستاذ آسر بردك سهران.

أحمد: الولد ده أنا تعبت منه خلاص. شوفلك حل معاه يا زين، إنت أخوه الكبير. فهمه إن اللي بيعمله ده غلط. لازم ينتبه لدراسته. من ساعة ما نجح في الثانوية العامة ودخل الكلية اللي هو عاوزها، وأنا مبشوفهوش بينجح. كل سنة يسقط، وسهر وخروج وقرف. كلموا يا ابني. زين: حاضر يا بابا. أحمد: أنا مش عاوز أخسر عيالي كلهم. كفاية واحد كرهني. زين: تقصد كريم؟ هو في حاجة حصلت؟ أحمد: مافيش يا ابني، مافيش. ومشي وسابه. زين بيكلم نور.

زين: نور، فينك كل ده؟ معقول يا نور تسهري برة؟ نور: إيه يا زين؟ أنا جاية أهو في الطريق. ياحبيبي متقلقش. زين: ماشي، خلي بالك من نفسك. ويا ريت متتكررش. نور: حاضر يا حبيبي، باي. إيه ده؟ لا لا مش وقتك تعطلني هنا. أجيب لك مين يصلحك دلوقتي. نزلت من العربية وبتحاول تصلحها مش عارفة. نور: اوف، أعمل إيه دلوقتي؟ والموبايل كمان فصل شحن. قفلت العربية وحاولت تدور على ميكانيكي يصلح لها العربية. *** قمر: ليل.. ليل فوقي.

ليل بنوم: إيه بقى؟ عاوزة أنام. قمر: ركزي معايا. أنا نازلة راحة مشوار كده على السريع مش هغيب. خدي بالك من تونة. ليل بنوم: أخد بالي من مين دي؟ هي اللي تاخد بالي مني. دي زي القطط بسبع ترواح. تونة بتتقلب لطشتها بالقلم في عز نومها فوقها. ليل اتفجعت: إيه ده؟ حصل إيه؟ في إيه؟ قمر بتكتم الضحكة: مافيش حاجة. نامي نامي. ليل كملت نوم. وقمر خرجت. *** نور شافت ولد صغير. نور: حبيبي، تعالي. أيوة إنت. الولد: نعم.

نور: حبيبي، تعرف حد هنا بيصلح عربيات ولا لأ؟ الولد بيشاور لها: بصي، امشي الشارع ده طوالي، في آخر الشارع هتلاقي ميكانيكيين. نور: ميرسي يا حبيبي. نور مشيت من الشارع فاضي وهي خايفة. والحمد لله لقيت اتنين واقفين بعيد. راحت لهم وهي مبتسمة وبتخبط ع ضهر الراجل. نور: لو سمحت، فين الميكانيكي اللي هنا؟ واحد محشش لف وشه ليها: ها؟ إيه ده؟ إيه ده؟ هو إحنا بليل ولا صبح؟ ولا إيه؟ معقول القمر طلع لي الصبح؟

أنا مش مصدق نفسي. اخبطني بحاجة في دماغي يا قط، عاوز أفوق. قط: لا يا ضنا، فوق كده وصحصح من الصنف اللي شاربه ده. واتفرج على البونبونية. أنا مش لسه يلا قايل لك هتفرج؟ أهي فرجة يا عم. كنتي بتسألي على إيه بقا يا حلوة؟ عاوزة ميكانيكي؟ تعالي أوصلك أنا عارف مكانه. نور بترجع بضهرها وخايفة وبتعيط: لا لا، شكراً مش عاوزة. وجريت وهي بتصرخ. والقط وراها. ومسكها. القط: لا شكر إيه بس؟ هو إحنا لسه قمنا بالواجب؟

نور منهارة: ارجوك سيبني، ارجوك. هديك اللي إنت عاوزه، بس سبني. عربيتي برا، خدها. مش عاوزاها، بس خليني أمشي، ارجوك. القط: مانا هاخد كل اللي أنا عاوزه. تعالي. وبيشدها وهي بتصرخ. قمر من بعيد: يا ساتر يا رب، إيه صوت الصريخ ده؟ جاي منين؟ القط فتح مطوة: اخرسي يا بت، بدل ما أدَفنك مكانك. نور بانهيار: ساعدوني. المحشش: دي هتفضحنا ياقط. خلص عليها. قمر: يخلص على مين يا ضنا يابن المبقعه منك ليه؟ مين دي؟ الله يخربيتكم، انطقوا.

القط: ست قمر، مالكيش دعوة بالليلة دي. مصلحة تخصني وهخلصها. روحي يا ما، طريقك أخضر. المحشش: آآآه، طريقك أخضر. نور: ارجوكي متسبنيش معاهم. قمر قلعت الشبشب: ده أنا هخلص عليكم انتو الجوز يا بهايم الزرايب، يا كلاب الشوارع انتو. ونبي منا سايباكم. ونزلت فيهم ضرب بالشبشب. بتتكتروا على واحدة ست؟ لمامة منك ليه؟ صحيح هقول إيه؟ ابن فوزية القرعة هيطلع دكتور. القط: أي أي، خلاص بقى يا ست قمر. هنسيبها، مش هنغتصبها. بس تدينا فلوس.

نور: هديكم اللي إنتو عاوزينه، بس سيبوني. قمر: ولا مليم، هياخدوا الجرابيع دول ولا مليم. المحشش: خلاص، أنا عاوز أغتصبها يا ست قمر. قمر نازلة على قفا المحشش بالشبشب وبتديله بالدماغ: عاوز إيه يا وله؟ انطق. بتقول عاوز إيه؟ قول علشان أقطع لك لسانك. المحشش: آآآه، آآآه. خلاص يا ست قمر، مش عاوز حاجة. أنا آسف يا ستي. وادي خدك أبوسه. قمر: بأسه قطر ستة الصبح يا بعيد. غور يلا انت وهو، غور. نزلت الشبشب

تلبسه وبتعدل الطرحة: جتكم الهم، عكرتوا مزاجي ع الصبح. ولفت وشها ابتسمت لنور. قمر: تعالي يا حلوة، إنتي متخافيش. تعالي. نور: أنا مش عارفة أشكرك إزاي. إنتي أنقذتيني من المجرمين دول. كانوا هيموتوني. أنا كنت خايفة منهم أوي. قمر: تخافي من مين؟ دول عندنا بنديهم بالشبشب. نور ضحكت: مانا شفت بعيني. قمر: تعالي، طب نطلع عندي في البيت وأحكيلك إيه وصلك ليه. نور باحراج: مش حابة أتقل عليكي، بس أنا كنت عاوزة ميكانيكي يصلح عربيتي.

قمر: أولاً يا ستي، الميكانيكي يفتح الساعة 10 وإحنا لسه الساعة 7. ثانياً، لما تيجي عندي مش هتتقلّي عليا. دي تونة وليل هيفرحوا بيكي أوي. نور ابتسمت: ماشي يا قمر. قمر: تنوريني والله. *** أحمد: عايدة.. يا عايدة. عايدة: أوامرك يا بيه. أحمد: حد من الولاد رجع؟ عايدة: محدش جه يا بيه غير الأستاذ زين وطلع نام. أحمد بقلق: إزاي يعني نور مرجعتش لحد دلوقتي؟ عايدة: لا يا بيه، مجتش. أحمد: إزاي بس؟

أنا متأكد إن زين كلمها وقال جاية. يمكن مشوفتهاش. اطلعي اتأكدي إنها مش في أوضتها. عايدة: حاضر يا بيه، هشوفها. أحمد: بسرعة يا عايدة. يارب استرها. *** قمر: ليل.. ليل. فوقي. ليل بنوم: إيه بقا؟ عاوزة أنام. قمر: ركزي معايا. أنا نازلة راحة مشوار كده على السريع مش هغيب. خدي بالك من تونة. ليل بنوم: أخد بالي من مين دي؟ هي اللي تاخد بالي مني. دي زي القطط بسبع ترواح. تونة بتتقلب لطشتها بالقلم في عز نومها فوقها.

ليل اتفجعت: إيه ده؟ حصل إيه؟ في إيه؟ قمر بتكتم الضحكة: مافيش حاجة. نامي نامي. ليل كملت نوم. وقمر خرجت. *** عايدة: مش موجودة يا بيه في أوضتها ولا في الفيلا. أحمد: دورتي كويس يا عايدة؟ عايدة: أيوة يا بيه، مافيش حد. أحمد: هتكون راحت فين يعني؟ نجلاء: اهدي يا أحمد بيه، الغايب حجته معاه. (نجلاء مربية الأولاد وليها مكانة في البيت. والولاد بيحبوها جدا وبيسمعوا كلامها. هي في مقام أمهم التانية) أحمد: أهدا إزاي يا نجلاء؟

أهدا إزاي؟ نور عمرها ما اتأخرت كده. أنا قلقان عليها أوي. (اتعصب) وادي الموبايل كمان مقفول. أنا مش عارف أتصرف إزاي. نجلاء: خير يا رب، رجعها واحميها. *** قمر: بت ياتونة، إنتي يابت اصحي. ياليل يلا فوقي. عندنا ضيفة، قوموا. ليل: ضيفة مين؟ إحنا حد يعرفنا؟ سبيني أنام شوية قبل الكلية. قمر: قومي يا أختي، معاد كليتك قرب. ليل بخضة قامت: بجد؟ بجد الساعة كام؟ قمر: معرفش. قومي شوفيها لنفسك. ليل بتتمطع: ممم. كنتي بتقولي حد عندنا؟

مين جييلنا ع الصبح كده؟ قمر: روحي اغسلي وشك وهعرفك عليه. ليل: ماشي. قمر: وإنتي يا عم المقتول، إنتي اصحيلي. إنتي يابت أنا عارفة إنك صاحية. بتهز في تونة كأنها ميتة، مبتتحركش. (فهمت إنها بتستعبط) طب خلاص، إنتي شكلك نايمة بقا. أصلي كنت عاوزة أديكي فلوس تجيب حاجات حلوة ليكي من عند عم سيد. (تونة فتحت عين وعين لا) قمر: خلاص بقا مش لازم. مالكيش ف الطيب نصيب.

تونة نطت من ع السرير: أنا صاحية أهو والله. وبرقت عينها الاتنين. أهو عيني مفتوحة أهوه. قمر: مانا عارفة يا أختي إنك صاحية. انزلي هاتيلي ماية معدنية وواحدة حاجة ساقعة. يلا انزلي. تونة حطت إيدها في وسطها: لمين بقا الحاجة الساقعة ان شاء الله؟ قمر حطت إيدها في وسطها وضيقت عينها: للضيفة اللي عندنا بقا ان شاء الله. تونة: يعني كنتي بتضحكي عليا ومش هتجيبيلي حاجة حلوة؟

قمر: أه بضحك عليكي. ويلا بلاش كتر كلام. انزلي هاتي الحاجة. لما أطلع أشوف البنت اللي بره. تونة: طاايب، مااشي. قمر طلعت لنور. قمر: أهلاً يا حبيبتي، والله منورة. نور: ميرسي. هو أنا ممكن أطلب منك طلب؟ قمر: أمري يا حبيبتي. نور: أنا عاوزة موبايل بس أكلم أخويا. قمر: من عنيا. هاااتي يابت ياتونة الموبايل من تحت المخدة. تونة قالبة وشها وبتديها الموبايل: اتفضلي. بتلف وشها شافت نور. تونة شهقة جامد: إيه ده؟ إيه ده؟

ما شاء الله، ما شاء الله. دي زي اللي بنشوفها في التلفزيون. (وعمالة تمسك في نور في هدومها) نور بتضحك وفي نفس الوقت خايفة. تونة مسكت شعرها: الله! دي نضيفة وبتسرح شعرها كمان. قمر شدت تونة وبتضحك: اتلمي بقا وانزلي هاتي الحاجة ومتغلسيش عليا. تونة: مش لما أعرف ياهانم مين اللي جاب بتوع التلفزيون بيتنا. هيييه! أوعي يا قمر لتكوني هتبيعي نفسك لبتوع التلفزيون. لا يا أختي، إنتي تتجوزي المعلم غدنفر أحسن.

قمر قلعت الشبشب ولسه بتحدفه. تونة طلعت تجري تنزل: أنا هطلع الغدنفرات كلها على جتك لما تجيلي. نور عمالة تضحك عليهم: لذيذة أوي. قمر بغيظ: أوي أوي. ليل: صوتك عالي ليه؟ أكيد مع أم لسانين. قمر: قولي تلاتة أربعة ستة مش اتنين. ليل: طب مش تعرفيني بقا؟ قمر مبتسمة: دي ليل، أختي. في كلية الهندسة. ودي نور، لسه عارفها من نص ساعة بس. ليل: عرفتيها إزاي بقا؟

قمر بتضحك: الواد القط هو والشمام اللي معاه كانوا خاطفينها. والعبد لله أنقذها. ليل بتريقة: أنقذتيها إزاي بقا يا سوبر مان؟ قمر رفعت رجلها وبتشاور ع الشبشب: شايفة ده ولا مش مالي عينك؟ تحب تجربيه؟ ليل ضحكت: لا ميرسي. جربته كتير أوي. *** تونة بترقص: سيد يا سيد. سيد بيطبل: سيد يا سيد. تونة: ونبي يا عم سيد. سيد: سيد يا سيد. تونة: عاوزة حاجات يا عم سيد. سيد: سيد يا سيد. تونة بترقص: عندنا ضيوف يا عم سيد.

سيد: عندكم ضيوف غريبة يعني؟ تونة: بوظت الغنوة ونعمة ما هغني معاك تاني. سيد: خلاص يا ستي متزعليش. قوليلي بقا مين جيلكم؟ تونة بصت يمين وشمال وقربت عليه: تعالي هات ودنك، متخافش. سيد قرب ودنه. تونة: تووووووووووووووووت. وقعدت تضحك. سيد: كدا يا تونة، ماشي. متكلمنيش تاني بقا. تونة بتضحك: خلاص خلاص، آخر مرة خلاص. تعالي هقولك. تونة بتبص لودنه: إنت كنت فيل وانت صغير ياعم سيد؟ سيد: يابت بطلي طوله لسان وانطقي.

تونة وطيت صوتها خالص: أصل إحنا عندنا بتوع التلااافزيوووه. سيد: إيه؟ مش سامع؟ عالي صوتك. تونة بصوت عالي: عندنا بتوع التلاافزيوووه. التلاافزيوووه. سيد: إيه التلفزيوه ده؟ تونة شاورت ع التليفزيون اللي عنده: ماهو عندك يا عم سيد، التلافزيوووه. بتجيب حاجة متعرفش اسمها؟ سيد: اسمه تليفزيون يا تونة، تليفزيون. تونة: هو تلافزيوووه. إنت اللي سمعك تقيل.

سيد باستغراب: والله تصدقي فعلاً ممكن أكون بسمع اسمه غلط. المهم احكيلي إيه بقا عندكم بيعملوا إيه؟ تونة لمّت كام شيكولاتة من عنده وفتحت فيهم وتاكل: أحكيلك بقا يا عم سيد عندنا بيعملوا إيه. بس دا سر. سيد: احكي. *** نور: زين مش بيرد عليا. قمر: معلش يا حبيبتي، يمكن مش واخد باله. جربي تاني. نور: أنا خايفة أكلم بابي وهو نايم. أقلقه. قمر: أكيد هو قلقان دلوقتي ومش جايله نوم طالما إنتي مش موجودة. نور: إنتي شايفة كده؟

قمر: أيوة طبعاً. كلميه. نور اتصلت بأبوها. أحمد بلهفة: نور، إنتي فين يا بنتي؟ قلقتيني عليكي. موبايل مين ده اللي بتتكلمي منه؟ نور عيطت: أنا كنت هتخطف يا بابي، بس قمر أنقذتني. أحمد: إيييه؟ إزاي ده حصل؟ إنتي فين؟ قوليه لي. نور: أنا مش عارفة يا بابي. خد قمر تقولك. أحمد: قمر مين؟ الو... نور، روحتي فين؟ قمر: اطمن يا أستاذ، بنتك عندي في الحفظ والصون. ومحدش يقدر يقرب لها.

أحمد: أنا متشكر جداً يا بنتي. قوليلى انتوا فين أجى آخدها. قمر: لا شكر على واجب. تعرف الـ... اسأل على الست قمر، هيدلوك على بيتي. أحمد: أيوة أيوة. مسافة السكة وهجيلكم. قمر: بالسلامة. يلا سلام. ليل: اهدي خلاص، باباكي جاى أهو. قمر: متعيطيش بقا يا حبيبتي. خلاص حصل خير. الله! هو صحيح البت تونة اتأخرت ليه كده؟ ليل: يمكن عم سيد قافل؟ راحت حتة تانية. قمر: لا أنا سلمت عليه وأنا نازلة وكان فاتح. *** تونة ماسكة

شيكولاتة وبتأكل فيها: قوم إيه بقا يا عم سيد. جعفر: ناولني علبة سجاير يا سيد. إيه ده؟ تونة إنتي هنا؟ إيه اللي في وشك ده؟ تونة بقرف: دي شيكولاتة. تدوووق. وبتحط الشيكولاتة في وشها. جعفر: لا كليها إنتي مش عاوز. إلا قوليلي يا بت ياتونة، هي أختك قمر عاملة إيه؟ تونة: عاملة محشي. تأكل. جعفر: نفسي والله آكل محشي من إيدها. سيد بضيق: خد يا معلم، طلبك. حاجة تاني؟ جعفر: أه. شوف تونة عاوزة إيه على حسابي.

سيد: متشلش هم، إنت قمر محسّباني ع طلب تونة. خلي فلوسك. سيد: بتقطع برزقها ليه بس؟ جاب شيكولاتة كبيرة وحطها قدام عين تونة زغللها. خدي دي وسلميلي ع اختك. تونة شدتها منه: وهي كمان بتسلم عليك يا معلم غدنفر. دي حتى مبتقومش طول الليل، بتفكر فيك و... سيد بيبصلها ومبرقله. تونة: طب روح إنت يا غدنفورة، وأنا هبقى أجيلك. ومشيت. سيد بيبصلها ومبرقله. تونة: في حاجة يا عم سيد؟ سيد: مش عيب كده يا تونة؟

إنتي عارفة أختك مبتقطقوش وإنتي بتاخدي منه حاجة؟ تونة: أنا ضحكت عليه وخدت الشيكولاتة منه. سيد: هي يعني قمر حرمالك؟ قمر: يا عم سيد، تونة فين؟ ابعتهالي بالحاجة. سيد: حاضر يا قمر، طالعة أهي. خدي أهي الكيسة اللي طلبتيها. تونة: حطيت الماية المعدنية. سيد: معدنية؟ مانتي لو بتروحي المدرسة هتعدلي كلامك ده. تونة: ليه ماله كلامي؟ سيد: عامل حادثة. خدي، خدي ويلا روحي لأختك. ده انتي بهدلت الدكانة.

تونة: اهئ اهئ، بتكرشني يا عم سيد. ماشي، ماشي. *** أحمد: بسرعة شوية يا سامح. سامح: اهدا يا أحمد بيه، مش كلمتك وطمنتك عليها؟ (سامح يبقى جوز نجلاء والسواق الخاص بتاع أحمد الألفي. بس أحمد مش بيعتبره سواق بس بيعتبره صاحبه وبيحكيل له على كل حاجة مزعلاه عشان بيثق فيه) أحمد: قلقان بردك يا سامح. المكان ده مينفعش نور تفضل فيه. أنا مش عارف إيه وداها لحد هناك. أنا خايف عليها أوي.

سامح: مش بتقول إن الست اللي أنقذتها كلمتك وطمنتك إن مش هيحصل لنور حاجة؟ أحمد: أه، بس مش هطمن غير وبنتي في حضني. سوق بسرعة إنت بس. *** قمر بتفتح الباب شهقت: يا مصيبتي! إيه اللي في وشك ده؟ تونة: شيكولاتة. قمر: كل ده؟ وإيه اللي في إيدك ده كله؟ (تونة ماسكة كيسة مليانة حاجات حلوة) تونة: مش إنتي قولتيلي اصحي يا تونة، هاتيلك حاجات حلوة؟ قمر: كل ده؟ ادخلي، ده أنا هقطم رقبتك. بس البت تمشي.

تونة بترجع شعرها المنكوش لورا ووشها كله شيكولاتة وماشية بألطة قدام نور وراحت قاعدة وحطيت رجل ع رجل. نور بتضحك على اللي بتعمله. ليل زقت رجل تونة: اقعدي عدل يا مفعوصة. تونة جاية تقوم تنط على ليل وليل استخبت ورا نور. وقمر مسكت تونة: معلش، امسحيها فيا أنا يا غالية. تونة بعصبية: سيبيني، والله لقطع شعرها في إيدك. قمر: خلاص، إنتي الكبيرة. معلش، عيلة وغلطت. معلش. تونة هديت: ماشي، علشان الست المحترمة اللي قاعدة دي. بس هسكت.

نور بتضحك: ربنا يخليكي يا حبيبتي. الباب خبط. نور: ده أكيد بابي. قمر: روحي افتحي. يا ليل، عقبال ما أجيب الحاجة الساقعة. ليل فتحت: اتفضلوا. أحمد: فين بنتي؟ نور. نور جريت حضنته: بابي! كنت خايفة مشوفك تاني. أحمد: بعد الشر عليكي يا حبيبتي. سامح: حمد الله على سلامتك يا نور. نور: الله يسلمك يا عمو سامح. قمر: نورتوني والله. نور: هي دي قمر اللي أنقذتني يا بابي. أحمد: مش عارف أشكرك إزاي على اللي عملتيه والله. (طلع شيك من جيبه)

اتفضلي، ده مبلغ بسيط. إنتي تستاهلي. ليل فرحت. قمر بضيق: أنا معملتش غير واجبي يا أستاذ. غيري كان هيعمل زي. ونور بنتك زي أخواتي بالظبط. الخير اللي عملته عاوزة يعود ليا فيهم. تيجي تقولي خدي المقابل؟ لا يا أستاذ، مش هقبل حاجة زي دي. (ليل قلبت وشها) أحمد: بس ده مش مقابل، اعتبريه هدية مني. قمر: متكملش يا أستاذ، أنا مش هاخد حاجة. أنا هديتي إني اتعرفت على الجميلة دي. ربنا يحرسهالك ومتشوفش فيها حاجة وحشة أبداً.

أحمد: يارب يا بنتي. مش يلا بينا يا نور؟ قمر: دي الحاجة الساقعة زي ما هي. أحمد: مرة تانية معلش. اتفضلي، ده الكارت بتاعي. احتاجتي أي حاجة، أي حاجة. متتردديش إنك تكلميني. قمر خدت الكارت: إن شاء الله، كل خير. مع السلامة. مع السلامة. بتلف وشها لقيت ليل قالبة وشها. ليل: إنتي إزاي متاخديش منه الفلوس؟ قمر: متعودتش آخد من حد فلوس. فلوسي أنا أجيبها من نفسي. ليل: بس ده حقك. بنته كان ممكن تموت وإنتي لحقتيها.

قمر: ربنا هو اللي بعتني ليها. وأنا معملتش حاجة غير اللي ربنا قدرني عليه. يعني الفلوس مش حقي. واقفلي الموضوع على كده بقا يا ليل. هاتي يابت ياتونة أحسب الحاجات اللي جبتيها علشان أحاسب عم سيد. ليل: هتفضلي معيشانا في الفقر ده لحد إمتى؟ قمر: فقر؟ أنا معيشاكي في فقر ليه؟ طلبتي إيه وقولتلك عليه. لا، ده أنا كل حاجة بعملها لك. ليل: أيوة فقر. إنتي شايفة البيت اللي هيقع على دماغنا ده؟ كانت الفلوس دي ممكن تعمل حاجة.

قمر: ما إحنا طول عمرنا فيه. عمرنا ما اشتكينا من حاجة. ليل: عشان مكنش معانا. قمر: ولسه زي ما إحنا. مفيش حاجة اتغيرت. ليل: كان حاجات هتتغير، بس إنتي كل حاجة ترفضيها. قمر: وأنا رفضت إيه تاني؟ تونة: متحسبش الشيكولاتة دي. دفعت حقها. قمر: وإنتي جبتي حقها منين؟ تونة: مش أنا. ده المعلم غدنفر دفع حقها وبيسلم عليكي. قمر ضربت إيدها على صدرها: يلاهوي! أهو ده اللي كنت خايفة منه. بيلف عليكم واحد واحد. ورحمة ستي منا سايباه. ***

نجلاء بتحضن نور: حمد الله على سلامتك يا حبيبتي. نور: الله يسلمك يا دادة. أومال زين فين؟ هو معرفش؟ نجلاء: لا يا حبيبتي، هو نايم. أحمد: آسر جه؟ نجلاء بتوتر: لا، مجاش لسه. أحمد بعصبية: مجاش إززييي؟ *الجرس رن.* نجلاء: اجري يا عايدة افتحي. آسر: عايدة، نبي اعملي أي حاجة علشان دماغي هتتفرتك. وهاتيها ع الأوضة. أحمد: أهلاً! أهلاً بالصايع. اللي بيسهر لي لوش الصبح. لا وكمان جاي سكران. آسر: أنا عاوز أنام.

أحمد: استنى عندك. فاكرها وكالة من غير بواب ولا إيه؟ نور: بابي، خلاص سيبوه يطلع ينام. أحمد: مفيش نوم. هفضل لحد إمتى شايفه بيضيع نفسه بنفسه كده وأنا قاعد أتفرج. آسر: والله أديك قولت بضيع نفسي. مش بضيع حد غيري. سيبوني بقا براحتي. نجلاء: اتكلم عدل مع أبوك يا آسر. أحمد: وإنتي مستنية إيه من واحد بقا صايع زيه؟ إنت فاكر إن أخبارك مش بتوصل لي وحركاتك كلها عارفها. آسر: طبعاً من الجواسيس اللي ممشيها ورايا تراقبني.

نور: بابي خايف عليك يا آسر. آسر: آخرتها هتطلعوني أنام ولا إيه؟ أحمد: آخرتها تسيبك من القرف اللي إنت فيه ده وترجع تاني لدراستك. آسر: وإيه المقابل بقا؟ هترجع لي أمي اللي اتحرمت منها؟ نجلاء: إيه اللي بتقوله ده يا آسر؟ فريدة الله يرحمها عند ربنا دلوقتي. أبوك بإيده إيه يعملوا. *كريم واقف بيتفرج.* آسر بعصبية: كان بإيده. كان بإيده وسابها تموت قصاد عينه. عشان هو أناني مبيحبش إلا نفسه وبس. *أحمد ضربه بالقلم.*

نور بتعيط: بابي ارجوك متعملش كده. آسر بعصبية: إنت بتضربني عشان بقول الحقيقة. أحمد: الظاهر إني معرفتش أربيك كويس. أنا أناني وسيبت أمكم تموت عشان أنقذ أخوكم. وبيشاور ع كريم. مش بإيدي عمرها كده. أعمل إيه؟ حاولت. بتلوموني على حاجة مش بإيدي. زين نزل يجري ع صوته. أحمد بيشاور عليهم كلهم: كنتوا فين انتو وأختكم كانت هتضيع مننا النهارده؟ كنتوا فين؟

واحد نايم والتاني سهران والتالت بيرسم. كنتوا مستنينها تضيع عشان تجوا تلوموني وتقولوا أنا السبب. إنت السبب، إنت إزاي متنقذش أختنا. صح؟ آسر مشي خالص. ونور طلعت تجري. وزين: نور مالها؟ حصل إيه؟ أحمد: أختك كانت هتتخطف وستر ربنا اتلحقت. زين: حصل إزاي ده؟ أحمد: ناس طلعوا عليها وفيه واحدة لحقتها. وهي دي اللي كانت عندي. زين: وطبعاً اديتها فلوس مقابل إنها أنقذت بنتك؟ أحمد: أيوة اديتها فلوس و...

زين قطعه بضحكة تريقة: وإنت دخل عليك الحوار ده؟ أحمد: قصدك إيه؟ زين: أقصد إن ده حوار بيتعمل. اتنين يخطفوا وواحدة تنقذ وتبان إنها بطلة في الموضوع. نور: بس هي أنقذتني فعلاً وضربت اللي خطفوها. زين ضحك جامد: كمان ضربتهم؟ لا دي تلقيها جامدة أوي. نور: إنت بتتريق؟ زين: أومال بتكلم جد. فوقي يا نور، دي ناس فاهمة وعارفة كويس أوي إزاي تنصب ع الناس بالطريقة دي. إنتي بس اللي متعاملتيش مع الناس دي وفاكرة إنهم طيبين.

نور: هما طيبين فعلاً وقمر مش زي ما إنت بتقول. قمر جدعة بجد. إنت بس عشان متعرفهاش بتقول كده. دول ناس جميلة أوي هي وليلى وتونة. زين: تونة؟ تصدقي جعت. نور: لو كانت هنا كانت كلتك بجد. زين: مين دي؟ نور: تونة. زين: أنا طالع أنام عشان إنتي شكلك اتجننتي. *** قمر عينها بتطق شرار وجاية ع جعفر وهو قاعد. جعفر: أهلاً بست الكل. حاجة ساقعة يلا للست قمر. قمر

حدفت الشيكولاتة في وشه: لو فاكر إن بفلوسك الحرام هتعرف تأثر ع أخواتي، يأثروا عليا، تبقى غلطان. إنت لو آخر راجل في العالم ولا حتى هبص في وشك. حط الكلمتين دول حلقة في ودنك وافتكرهم قبل ما تحاول تقرب ليا أو لحد من أخواتي. فاهم؟ ومشيت. جعفر بعصبية: شووووووووووقيش. شوقي: أوامرك يا معلمي. جعفر: نفذ اللي قلتلك عليه. الليلة. شوقي: حاضر يا معلمي. ***

قمر راجعة بتبرطم: كنت ناقصاك أنا ع الصبح يا جعفر الكلب إنت. قال هاتولها حاجة ساقعة. ده أنا عاوزة أشرب قهوة ع روحه إن شاء الله. ليل بتسقف: برفوا. روحتي ضربتيه ولا هزأتيه؟ قمر: ونبي يا ليل ابعدي عن دماغي. أنا فيا اللي مكفيني. ليل: عرفتي بقا إن كل فرصة بتجيلنا ترفضيها. قمر: إنتي تقصدي إيه؟ ليل: أقصد الشيك اللي مردتيش تاخديه. وجعفر اللي بترفضيه وهو هيموت عليكي وقادر يعيشنا عيشة أحسن من دي. قمر: إنتي اتجننتي؟

عاوزة تبيعيني لجعفر عشان تعيشي عيشة أحسن؟ طب هتعيشي العيشة الأحسن إزاي؟ ده فلوسه كلها حرام. ليل: مين قالك إنها حرام؟ ده معلم وتاجر كبير. قمر: في المخدرات يا حبيبتي. بيتاجر في المخدرات. عاوزني أتجوزه؟ بلاش دي، عاوزني أرمي نفسي مع واحد أكبر مني ومتجوز مرتين. ليل: مش أحسن ما تتجوزي واحد بلطجي؟ قمر: وليه أتجاوز ده وده؟ ما أتجاوز الأحسن منه. ليل: وإنتي فاكرة إن هيجيلك دكتور يعني؟

قمر عينها اتملت دموع: إنتي شايفة إن أنا مستحقوش الدكتور؟ عندك حق. أنا واحدة طالعة من الإعدادية مكملتهاش حتى. وببيع كبدة. هييجيلي دكتور ليه؟ ده أنا أحمد ربنا ع المعلم إنه قبل بيا. عندك حق. ليل: أنا مقصدتش اللي فهمتيه يا قمر. قمر: لا إنتي صح يا ليل، إنتي صح. أنا نازلة بقا أشوف عربية الكبدة. عن إذنك. ليل: أنا مكنش قصدي أزعلها. تونة بصت لليل ونزلت ورا قمر. تونة: إنتي بتعيطي؟ قمر مسحت دموعها بسرعة: بس ياهبلة، أعيط إيه؟

مبعيطش. تونة حضنت قمر: متزعليش. إنتي جميلة وهتتجوزي واحد جميل زيك. وهي نجوزها لغدنفر المعفنة دي. قمر: عيب يا تونة. وبعدين أنا مش زعلانة منها هي بس. أنا زعلانة منك إنتي كمان بتاخدي منه حاجة ليه؟ تونة شهقت: أنا آخد منه حاجة؟ محصلش. ده هو اللي اتحايل عليا وأنا بقول له لأ. راح حطهالي في الكيسة وأنا مش واخده بالي. قمر: كنتي خدتيها ورمتيها في وشه. ولا كنتي خزقتي له عينه. أشمعنى ده مبتفتحليهوش دماغه؟

تونة شاورت ع عيونها: من عيوني. وجت تمشي. قمر مسكتها: راحة فين؟ تونة: راحة أخزقله عينه زي ما قولتي. قمر ضحكت وحضنت تونة وتونة حضنته. ليل: قمر، أنا آسفة. والله مكنش قصدي كده. تونة: لا، خاصم، خاصم يا كتكوت. مش هنكلمك إحنا الاتنين. قمر: هنصالحها المرة دي بست. تونة: لا. ليل: عشان خاطري يا تونة. تونة: عشان خاطرك، لا لا، مش لا واحدة. قمر: طب عشان خاطري أنا. تونة: عشان خاطرك بس. غير كده كنت هقصلها شعرها وهي نايمة.

ليل جريت حضنتهم وقمر في النص حضناهم ومبسوطة: يارب يخليكم ليا وميحرمني منكم أبداً. ليل: يارب. أنا أروح الكلية بقا. قمر: خلي بالك من نفسك يا حبيبتي. ليل: حاضر. يلا باي. *** سارة: إيه ده؟ بصي ده آسر جاى. صافي بفرحة جريت حضنت آسر: مش معقول! أنا كنت فاكرة مش هتيجي. آسر: إيه اللي بتعملي ده؟ إنتي مش واخده بالك إننا في كلية ولا إيه؟ صافي: فيه إيه يا حبيبي؟ عادي يعني. آسر: لا مش عادي ومتتكررش. سارة: مالك يا آسر؟

إنت زعلان من حاجة؟ آسر: مافيش. هو وليد لسه مجاش؟ سارة: مظنش إنه هيجي. هو كان سهران معاك. آسر: أنا كلمته في السكة وقالي جاى. صافي: أهو جاى. آسر بيبص شاف ليل وهي شافتهم ودارت وشها. وليد: مالك يا عم؟ قلقتني. حصل إيه؟ صافي بقلق: فيه حاجة يا آسر؟ آسر: أه. اتخانقت مع أبويا. وهاجي أقعد عندك يومين. وليد: تنورني يا صاحبي. صافي: اتخانقت مع أونكل ليه؟ آسر: عشان مهمل في دراستي. سارة: طيب ماهو عنده حق. وليد وصافي بصوا لها.

سارة: متبصوليش. أنا بقول الصراحة. آسر لازم يركز السنة دي. وليد: لا وإنتي يا بت بتطلعي الأولي كل سنة؟ ما كلنا بنسقط. سارة: مانا هركز أنا كمان. وعندي الحلال. كل: إيه؟ سارة: شايفين البنت اللي هناك دي؟ كل بص وليل شافتهم وهما بيبصلها واستغربت وبصت في الكتاب تاني. آسر: مالها؟ سارة: البنت دي شوفتها في كذا محاضرة. مبتعملش حاجة غير إنها بتكتب كلام الدكاترة ومركزة جداً وشكلها دحيحة وهتنفعنا. وليد: هتذاكر لنا يعني؟

سارة: ليه لأ؟ أو تدينا اللي بتكتبه. صافي بتريقة: هنجيب عيلة تذاكر لنا بقى؟ سارة: إنتي خسرانة إيه؟ مش عاوزة تنجحي؟ صافي: أه جداً. بابا مواعدني يسفرني لو نجحت. سارة: يبقا تسمعوا الكلام. صافي: هتعملي إيه؟ سارة: هجيبها تقعد معانا ونتصاحب. صافي: لا طبعاً. متبقاش صاحبتنا. وليد بتريقة: عشان متبقاش فيه واحدة أحلى منها في الشلة. صافي: دي أحلى مني أنا. سارة: خلاص طالما واثقة في نفسك هجيبها. صافي بغيظ: ماشي.

سارة: ممكن أتكلم معاكي؟ ليل: اتفضلي. سارة: أنا اسمي سارة وإنتي؟ ليل: وأنا ليل. سارة: بصي يا ستي، دول صحابي وكلنا بقالنا سنتين بنعيد سنة أولى. محتاجين مساعدتك. ليل: وأنا هعمل لكم إيه يعني؟ سارة: إنتي بتكتبي ورا الدكاترة كل حاجة صح؟ ليل: أه. سارة: ده اللي إحنا عاوزينه. اللي بتكتبيه بس. ليل بصت لآسر: موافقة. بس عندي شرط. سارة: شرط إيه؟ ليل قامت: نتعرف عليهم بعدين أقول شرط. سارة باستغراب: ماشي. تعالي.

سارة: ليل يا جماعة. وافقي. صافي: اسمها ليل. ليل: أه. عندك اعتراض ع الاسم؟ صافي بغيظ: لا مش عاجبني. ليل: شايفة الحيطة اللي هناك دي؟ عارفة هتعملي إيه صح؟ صافي: شايفة، مجايبك يا ست سارة. وليد: استهدوا بالله يا جماعة. آسر: إيه هو شرطك؟ ليل: تعتذر لي ع اللي عملتوه امبارح. صافي: لا، ده إنتي اتجننتي رسمي بقا. مين إنتي عشان آسر يعتذر لك أصلاً؟ آسر بص ل ليل: أنا آسف. حاجة تاني؟ ليل اتصدمت

مكنتش متوقعة السرعة دي: لا خلاص كده. كل يوم حد يجي ياخد مني المحاضرات يصورها. عن إذنكم. صافي واقفة مصدومة: إنت إزاي تعتذر لها بسهولة كده؟ آسر: عشان مصلحتنا. وأنا غلطت وبعتذر. صافي: من إمتى آسر الألفي بيعتذر لحد؟ ده إنت عمرك ما اعتذرت لي. آسر: عشان أنا مغلطتش قبل كده عشان أعتذر لك. صافي: وإنت عملت لها إيه بقا ان شاء الله؟ آسر: بقولك إيه؟ أنا مش عاوز صداع. أنا قايم. وليد: أنا جاي معاك.

صافي واقفة متغاظة: بصي بيمشي ويسيبني إزاي. سارة: يابنتي، أهدي. بيقولك متخانق وسايب البيت. تنكدي عليه أكتر؟ صافي: صح، عندك حق. أنا نسيت. بسبب الزفتة دي عصبتني. هكلمه أصالحه. *** قمر: بت ياتونة، مالك قاعدة بتنامي على نفسك كده؟ اطلعي نامي فوق يلا. تونة: لا مش بنام. أنا هقعد معاكي. قمر: لا اطلعي نامي وأنا هخطف رجلي بسرعة أروح المشوار اللي كنت راحة الصبح ده. تونة بنوم: ماشي. هطلع أنام.

قمر باستها: مش عاوزة حاجة أجبهالك وأنا جايه؟ تونة: أه تفاح. قمر: عيوني ليكي تفاح وعنب كمان. تونة: هيييييه. قمر: يلا يا حبيبتي أنا ماشية. خلي بالك من نفسك. سلام. *** آسر ركب هو ووليد العربية. وليد: ليل واقفة أهي. آسر ماشي بالعربية لغاية عندها. آسر نزل راح لها: تعالي نوصلك. ليل: لا شكراً. اتفضل امشي إنت. آسر: شكلك مقبلتيش الاعتذار. ليل: لا قبلته، بس... آسر: بس إيه؟ مستنية حد؟ ليل: أه مستنية. آسر: حبيبك؟

ليل: لا طبعاً. أنا مستنية... مستنية السواق بتاعي هييجي يوصلني. مينفعش أمشي من غيره عشان بابا مزعقليش. أهو جه. يلا سلام. راحت ركبت العربية (أوبر طبعاً) آسر: سلام. وركب عربيته. وليد: لو صافي شافتك كانت قتلتك. آسر ضحك: لو بقا. ومشوا. *** قمر راجعة وماشية فرحانة وبتكلم نفسها: دي البت تونة لما تعرف إني جبت لها مانجا كمان. هتفرح. مش بعيد من فرحتها تخزق لي عيني. بتدخل الشارع لقيت زحمة والناس بتجري.

قمر وشها قلب: يا ساتر يا رب، في إيه؟ عربي جاي يجري: احكي يا ست قمر. قمر: فيه إيه؟ يخربيتك أخبارك كلها سودة. في إيه؟ انطق. عربي: البيت بعربية الكبدة بيولعوا يا ست قمر ومحدش عارف يطفيها. قمر: يلااااهووووووي! البيت بيولع! افتكرت إن تونة طلعت تنام. رميت الحاجة اللي في إيدها وطلعت تجري. وعاوزة تدخل البيت والناس بيمسكوها. سيد: رايحة فين يا قمر؟ استني، هتموتي نفسك. قمر بتصرخ: سيبوني! فتون جوه... بنتي جوه.