رواية حكاية قمر الفصل الخامس 5 - بقلم وردة في البستان

ليل: مالها المعفنة دي لزقاله كدا ليه... ليكونوا مرتبطين... لا الحمد لله كاتب سينجل أهو. قفلت الموبايل وغمضت عينها. ليل: ياترى هشوفه تاني ولا لأ. وراحت في الأحلام. زين: إيه ده معقولة يا بابا أنت لسه منمتش؟ إحنا بقينا وش الصبح. أحمد: مستني إخواتك. زين: إخواتي ليه فينهم؟ أحمد: نور في حفلة عيد ميلاد صاحبتها. زين: نعم! لحد دلوقتي؟ أحمد: قالت الحفلة هتقعد للصبح. زين: طيب أنا هكلمها تيجي كفاية كدا. والأستاذ آسر بردك سهران.

أحمد: الولد ده أنا تعبت منه خلاص. شوفلك حل معاه يا زين أنت أخوه الكبير. فهمه إن اللي بيعمله ده غلط. لازم ينتبه لدراسته. من ساعة ما نجح في الثانوية العامة ودخل الكلية اللي هو عاوزها. وأنا مش بشوفه بينجح، كل سنة يسقط. وسهر وخروج وقرف. كلمه يا ابني. زين: حاضر يا بابا. أحمد: أنا مش عاوز أخسر عيالي كلهم. كفاية واحد كرهني. زين: تقصد كريم. هو فيه حاجة حصلت؟ أحمد: مفيش يا ابني. مفيش. ومشي وسابه. زين بيكلم نور.

زين: نور فينك كل ده؟ معقول يا نور تسهري برا؟ نور: إيه يا زين أنا جاية أهو في الطريق يا حبيبي متقلقش. زين: ماشي خلي بالك من نفسك. وياريت متتكررش. نور: حاضر يا حبيبي باي. إيه ده... لأ لأ مش وقتك. تعطلي هنا؟ أجيب لك مين يصلحك دلوقتي؟ نزلت من العربية وبتحاول تصلحها مش عارفة. نور: أوف أعمل إيه دلوقتي. والموبايل كمان فصل شحن. قفلت العربية وحاولت تدور على ميكانيكي يصلح لها العربية. قمر: ليل... ليل فوقي.

ليل بنوم: إيه بقا عاوزة أنام. قمر: ركزي معايا. أنا نازلة راحة مشوار كدا على السريع مش هاغيب. خدي بالك من تونة. ليل بنوم: آخد بالي من مين دي؟ هي اللي تاخد بالها مني. دي زي القطط بسبع ترواح. تونة بتتقلب لحتتها بالقلم في عز نومها فوقعتها. ليل اتفجعت: إيه ده حصل إيه في إيه؟ قمر بتكتم الضحكة: مفيش حاجة. نامي نامي. ليل كملت نوم. وقمر خرجت. نور شافت ولد صغير. نور: حبيبي تعالي. أيوة أنت. الولد: نعم.

نور: حبيبي تعرف حد هنا بيصلح عربيات ولا لأ؟ الولد بيشاور لها: بصي. امشي الشارع ده طوالي. في آخر الشارع هتلاقي ميكانيكي. نور: ميرسي يا حبيبي. نور مشيت من الشارع فاضي وهي خايفة. والحمد لله لقيت اتنين واقفين بعيد. راحت لهم وهي مبتسمة وبتخبط على ضهر الراجل. نور: لو سمحت فين الميكانيكي اللي هنا؟ واحد محشش لف وشه ليها: هاا... إيه ده إيه ده؟ هو إحنا بالليل ولا الصبح؟ ولا إيه؟ معقول القمر طلع لي الصبح؟

أنا مش مصدق نفسي. اخبطني بحاجة في دماغي يا قط. عاوز أفوق. قط: لأ يا ضنا فوق كدا وصحصح من الصنف اللي شاربه ده. واتفرج على البونبونية. أنا مش لسه حالا قايل لك هتفرجي. أهي فرجة يا عم. كنتي بتسألي على إيه بقا يا حلوة؟ عاوزة ميكانيكي؟ تعالي أوصلك أنا عارف مكانه. نور بترجع بضهرها وخايفة وبتعيط: لأ لأ شكرا مش عاوزة. وجريت وهي بتصرخ والقط وراها. ومسكها. القط: لأ شكر إيه بس. هو إحنا لسه قمنا بالواجب.

نور منهارة: أرجوك سيبني أرجوك. هديك اللي أنت عاوزه. بس سيبني. عربيتي برا. خدها. مش عاوزها. بس خليني أمشي أرجوك. القط: مانا هاخد كل اللي أنا عاوزه. تعالي. وبيشدها وهي بتصرخ. قمر من بعيد: ياساتر يارب. إيه صوت الصريخ ده جاي منين؟ القط فتح مطوة: اخرسي يابت بدل ما أدْفُنك مكانك. نور بانهيار: ساعدوني. المحشش: دي هتفضحنا يا قط. خلص عليها. قمر: يخلص على مين يا ضنا يا ابن المبقعه منك ليه. مين دي؟ الله يخربيتكم. انطقوا.

القط: ست قمر. مالكيش دعوة بالليلة دي. مصلحة تخصني وهخلصها. روحي يا أما انتي طريقك أخضر. المحشش: آآآه. طريقك أخضر. نور: أرجوكي متسبنيش معاهم. قمر قلعت الشبشب: ده أنا هخلص عليكم انتو الجوز يا بهايم الزرايب يا كلاب الشوارع انتو. ونبي مانا سيباكم. ونزلت فيهم ضرب بالشبشب. بتتكتروا على واحدة ست. يالمامة منك ليه. صحيح هقول إيه. ابن فوزية القرعة هيطلع دكتور.

القط: أي أي خلاص بقا يا ست قمر. هنسيبها. مش هنغتصبها. بس تدينا فلوس. نور: هديكم اللي انتو عاوزينه. بس سيبوني. قمر: ولا مليم. هياخدوا الجرابيع دول. ولا مليم. المحشش: خلاص. أنا عاوز أغتصبها يا ست قمر. قمر نازلة على قفا المحشش بالشبشب وبتديله بالدماغ: عاوز إيه يا وله. انطق. بتقول عاوز إيه؟ قول عشان أقطعلك لسانك. المحشش: آآه آآه. خلاص يا ست قمر. مش عاوز حاجة. أنا آسف يا ستي. وأدي خدك أبوسه.

قمر: باسك قطر ستة الصبح يا بعيد. غور يلا انت وهو. غور. ونزلت الشبشب تلبسه وبتعدل الطرحة. جتكم الهم. عكرتوا مزاجي ع الصبح. ولفت وشها ابتسمت لنور.