رواية حكاية قمر الفصل الخامس عشر 15 - بقلم وردة في البستان

كريم بادله الحضن وابتسامته. (كريم أكتر اتنين قريبين له فريدة وزين) أحمد: اقعد كل يا زين.. صح فاروق بيه رجع وهيدير شركاته بنفسه. زين وهو يأكل: طيب ما يديرها، أنا أعمل له إيه. أحمد: ماهو هيسافر سهر تدير شركاته اللي بره. زين اضايق: إزاي يعني؟ وسهر وافقت؟ أحمد: مالك اتضايقت ليه؟ زين: متضايقتش، بس أنا مرتاح في الشغل مع سهر. أحمد: امممم، لو مرتاح أوي كدا.. أكلمه لك يخليها تفضل هنا. زين: وفاروق هيوافق؟

أحمد: أكيد هيوافق.. لما يعرف إنك عاوز تتجوزها. زين: نعععم!! أحمد: إيه مالك اتضايقت ليه؟ زين: أنت عارف رأيي في حوار الجواز ده يا بابا.. ولو سمحت مش عاوز أتكلم فيه. أحمد: خلاص ع راحتك.. أنا قولت أساعدك.. مقولتليش يا نور عاملة إيه النهارده. نور: كويسة يا بابي.. بس تعرف أنا وحشتني قمر وتونة وليل أوي. أحمد: باين عليهم بنات أصول والله.. هما فين أهلهم؟ نور: مش عارفة والله يا بابي.. بس تقريباً قمر هي اللي مربياهم.

زين: أه تلقيها مسئولة عنهم وبتسرحهم. نور: إيه الكلام اللي بتقولوه ده يا زين.. دي أختها في كلية الهندسة. زين: بقول الحقيقة.. تقدري تقوليلي شفتي كارنيه أختها إنها في هندسة؟ نور: لا. زين: شوفتي بقا.. أنتِ ليه مش عاوزة تفهمي إنكم اتضحك عليكم من واحدة نصابة. نور: النصابة دي هي اللي أنقذتني.. يا ريت الناس كلها تكون زيها. زين: أنقذتك وخدت عمولتها. أحمد: مين قال لك إنها خدت عمولتها؟ زين: حضرتك قولت إنك اديتها فلوس.

نور: ومخدتهاش. زين باستغراب: إزاي! أحمد: زي ما سمعت كدا.. عرضت عليها مبلغ ومخدتوش.. شوفت بقا إنك كنت ظالمهم إزاي. نور: بابي هو أنا ينفع أبقى أزورهم؟ زين: لا طبعاً إزاي تروحي المكان ده تاني. أحمد: نور أنا آه متعاطف معاهم بس مرواحك هناك لا.. لو حابة تشوفيهم هبقى أبعت سامح يجيبهم.. ها إيه رأيك؟ نور حضنت أبوها: يا حبيبي يا بابي.. موافقة طبعاً. زين: لا انتوا أكيد بتهزروا.. انتوا هتدخلوا ناس زي دي البيت. نور: تاني يا زين.

زين: لا تاني ولا تالت.. أنا قايم ألبس. *** ليل: إحنا رايحين فين وإيه الفيلل دي كلها.. قمر ماشية تايهة: ونبي مانا عارفة أنا ماشية صح ولا غلط.. وطلعت الكارت من البوك.. اسمها فيلا الألفي. ليل بفرحة: إيه دا انتي هتوديني عند نور. قمر: مافيش حل تاني.. استني لما نسأل حد. ونبي يا أخ متعرفش فين فيلا الألفي. الراجل: حضرتك شايفة السور اللي هناك ده.. هو دا سور الفيلا. قمر: تشكر يا خويا.. يلا يا بنات.

تونة: أنا جعاااانة.. وكلووني. ليل بتريقة: أنا جعااانة.. وكلووني.. إيه علطول همك على بطنك كدا. تونة: اهئ اهئ عاوزة أكل.. هموت منكم اكلووونيييعع. قمر: ششش اسكتي هتفضحينا.. اصبري هجبلك أكل.. لما نشوف الأول هيحصل إيه. تونة: اهئ اهئ اهئ اهئ. البواب: انتي راحة فين يا ست انتي. قمر: مش دي فيلا الألفي. البواب: أيوة فيلا الألفي.. انتي داخلة لمين. قمر: أنا عاوزة الأستاذ أحمد. البواب: وأقوله مين. قمر: قولوا الست قمر هيعرفني.

البواب: ماشي خليكوا هنا متتحركوش لحد ما أرجع. قمر: حاضر. *** أحمد: هتخرجي النهارده يا نور. نور: لا يا بابي أنا هقضي اليوم النهارده مع كيمو. أحمد ابتسم: طيب خلي بالك منه.. أنا رايح الشغل. نور: مش هتستنى زين. عايدة: أحمد بيه.. خليل بيقول إن في اتنين برا ومعاهم عيلة صغيرة وبيقولوا عاوزين يقابلوك. أحمد: مقالش مين دول. عايدة: بتقول إن اسمها الست قمر. نور نطت بفرحة: قمر برا.. دخلوهاا بسرعة مستنين إيه..

أحمد: بلغي خليل خلي يدخلهم. عايدة: حاضر يابيه. *** خليل: اتفضلوا. قمر وليل وتونة دخلوا وع وش ليل وتونة الانبهار بالمكان. تونة شهقت مرة واحدة: دا بالبلسييين.. عاوزة أنزل البلبسين يااقمررررر.. ونبي ونبي. قمر بتشدها: بس ياتونة عيب كدا. تونة: انط نطاية.. انط نطاية ونبي ونبي. ليل: ماتبس بقا بلاش فضايح.. انتي المفروض كنا سبناكي في الحارة. قمر: اسكتي ياختي انتي كمان.. خلينا نشوف اللي جايين نعمله. نور

طلعت تجري عليهم حضنتهم: مش مصدقة انتو جيتوا.. أنا مبسوطة أوي.. كنت بقول لبابي عاوزة أروح عندكوا.. انتو وحشتوني. أحمد: أهلاً أهلاً البيت نور.. اتفضلوا. قمر: منور بأصحابه. قمر: يزيد فضلك والله يا أستاذ أحمد.. أنا عارفة زمانكم بتسألوا نفسكم إيه سر الزيارة دي. نور: لا طبعاً انتوا تيجوا في أي وقت. قمر: تشكري يا حبيبتي.. بس بردك أنا هدخل في الموضوع علطول. أحمد: اتفضلي.

تونة لمحت السفرة عليها أكل مشيت براحة من جنبهم وراحت طلعت ع الطربيزة نفسها.. وقعدت تأكل وتوقع ع هدومها.. وكريم بيبصلها باستغراب وقرف.