رواية حكاية قمر الفصل الرابع عشر 14 - بقلم وردة في البستان

هدي: ماتسيبها تحب اللي تحبه، كمان بنتك هتختارلها. مش كفاية مش راحمة اختك. فاروق: ماشي، هسيبها علشان خاطر عيونك. ليل: فين الكارت اللي أبو نور عطاهولك؟ قمر: طلعت الكارت من البوك. اهو، ليه ماله؟ ليل: هو دا الحل. قمر: بصيت للكارت باستغراب. دا الحل إزاي يعني؟ ليل: لا، ركزي معايا. هو مش أبو نور قالك لو احتاجتي أي حاجة كلميني؟

يبقا هو دا الحل، بس مش هنكلمه. إحنا هنروح لهم البيت ونقولهم على اللي حصل. يمكن يرجعلك الشيك، أو يجيب لنا شقة نعيش فيها. قمر: لا طبعًا. أنا قلت مش هاخد مقابل اللي عملتوه أبدًا. انسى ياليل، انسى. ليل: طب هتعملي إيه دلوقتي؟ قمر: مالكيش دعوة، وادخلي نامي. ليل: تصدقي أنا غلطانة. اتصرفي انتي بقا يا أم العُرف. سيد: انتي لسه منمتيش يا نجية؟

نجية: أنام ومين يجيله نوم ياسيد بعد اللي عملتوه. أنا صاحية طول الليل عيني على الدكانة. سيد: ربنا الحامي يا نجية. نجية: ونعمة بالله يا خوي. بس ربنا مقالش نرمي نفسنا في التهلكة ياسيد. سيد: عاوزني أقف أتفرج وأشوف قمر وأخواتها مرميين في الشارع يعني؟ انتي ناسيه قمر وقفت جنبنا قد إيه؟

نجية: فاكرة وعارفة يا خوي. ومقولتش حاجة على قمر. بس انت كمان افتكر إن عندك عيال عاوزين يأكلوا ويشربوا. وهو مصدر رزق واحد بس، واحد بس اللي حلتنا الدكانة داهي. ولو جعفر عرف إن قمر هنا، هيولع فيها ومش بعيد يولع فينا إحنا كمان. سيد: إيه اللي بتقوليه دا يا ولية؟ اسكتي. لحد منهم يسمعك. نجية: هسكت ياسيد، هسكت. بس لو قمر صحيت وقالت أنا ماشية، اوعى تمسك فيها. أنا بقولك أهو ياسيد. سيد: استغفر الله العظيم وأتوب إليه.

قمر: اصحي ياتونة. اصحي ياليل. فوقوا يلا. تونة: بتمط وبت بص حواليها. هو إحنا فين؟ قمر: إحنا عند عم سيد. انتي فقدتي الذاكرة ولا إيه؟ تونة: بت هرش في راسها. ها. ونامت تاني. قمر: قومي طب انتي ياليل. فوقي يلا. ليل: في إيه؟ هو إحنا لحقنا ننام؟ قمر: يلا هنمشي. ليل: هنروح فين؟ قمر: قومي وهقولك. يلا. تونة ياتونة. يا حبيبتي قومي. تونة: صحيت. أنا فين؟ قمر: بعصبية. لا أنا مش فايقلك. قومي قدامي. تونة: حاضر، أهو قايمة.

قمر: خشوا تشوا وشكم بماية بسرعة يلا. سيد: على فين ياقمر؟ ما لسه بدري يابنتي. نجية بتزغده. قمر: هنمشي بقا ياعم سيد. كفاية كدا. كتر خيرك. سيد: وليه مستعجلة؟ طب هتروحي فين؟ قمر: متقلقش. أنا كلمت واحدة من معارفنا القدام، وهنروح لها لحد ما نشوف حل للبيت دا. سيد: بزعل. طيب يابنتي. أجي أوصلك؟ قمر: لا يا عم سيد. تشكر. خليك انت. يلا يابنات. مع السلامة ياعم سيد. مع السلامة يا خالتي نجية. نجية: مع السلامة ياحبيبتي.

تونة: جريت حضنت سيد. هتوحشني ياعم سيد. مش عارفة هلقي مين غيرك أحور عليه. سيد: ضحك. وانتي كمان هتوحشني شقاوتك. خلي بالك من قمر ومتزعليهاش. تونة: حاضر. قمر: يلا ياتونة. سيد: سلام يابنات. خلي بالكم من نفسكم. سلام. نجية: ماهي طلع لها معارف أهي. أومال كنت بتقول مالهاش حد ليه؟ سيد: بصلها ودمع. مالهاش حد يانجية. مالهاش حد. ومشي وهو بيقول. ليه بس كدا يا نجية؟ ليه؟ نجية: باستغراب. ماله الراجل دا؟ قمر: يلا اركبوا.

ليل: هي مين قريبتنا دي اللي هنروح لها؟ هو إحنا لينا قرايب؟ قمر: لا. ليل: اومال إيه اللي قولتي لعم سيد دا؟ قمر: علشان يسبنا نمشي من غير ما يحس بالذنب. ليل: ما إحنا كنا كدا كدا ماشيين النهاردة. إيه لازمة نزلولنا الصبح كدا؟ قمر: علشان خالتي نجية تعرف تنام وهي مرتاحة. ليل: وهي مكنتش عارفة تنام في وجودنا يعني؟ داحنا كنا كلنا في أوضة صغيرة.

قمر: آه ياليل. وجودنا مش مريح ليهم. خايفة أحسن جعفر يولع في الدكانة. وعندها حق. ودا اللي قولته لعم سيد بس هو اللي صمم. وأنا مكنش لازم أسمع الكلام. ليل: شوفتي الخير اللي بتعمليه مع غيرك بيتردلك إزاي! قمر: الخير اللي بعمله عند ربنا. ليل: طب وإحنا هنعمل إيه دلوقتي؟ ومودّينا على فين كدا؟ قمر: هتعرفي لما نوصل. عايدة: صباح الخير يا أحمد بيه. أحمد: صباح الخير يا عايدة. حد من الولاد صاحي؟

عايدة: أيوة يابيه ومستنينك على الفطار. أحمد: طيب اعملي لي قهوة. عايدة: حاضر يابيه. عن إذنك. أحمد: صباح الخير يا ولاد. نور: صباح الخير يا بابي. أحمد: اومال فين زين؟ نور: بتأكل. مش عارفة والله يابابي. تقريبًا بيجري. أحمد: وآسر مرجعش؟ نور: لا. قالي هيقعد عند وليد. أحمد: خلي وليد ينفعه. زين: إيه النشاط دا؟ صاحيين بدري. *وراح عند كريم وحضنه*. صباح الخير يا حبيبي.