رواية حكاية قمر الفصل الثاني والخمسون 52 - بقلم وردة في البستان

اتعصبت: لاااااا اوعي تقوليها اوعي.. أنا استحالة أعمل حاجة غلط، أو عي تجيبي سيرتي بحاجة وحشة. البنت دي أنا لقيتها لما اتولدت عند جامع وخدتها وربيتها. وربيت ليل اللي إنتي سبتيها، وعمري ما فكرت أعمل حاجة غلط. تيجي إنتي دلوقتي تتهميني؟ مش هسمحلك أبداً. تونة سامعة الكلام وعمالة تعيط جامد وطلعت تجري. *** اسر: إيه اللي بتقولوه ده؟

فاروق: زي ما سمعت يا اسر، إنت هتتجوز صافي وأختك هتتجوز سائر. والفرحة تبقى فرحتين، ولا إيه يا أحمد؟ أحمد: بس إنت متفقتش معايا على كدا. إنت اتفقت إنك جاي تطلب إيد نور. فاروق: محصلش حاجة يا أحمد. وإحنا فيها أهو، اديني قلت. فين الاعتراض بقى؟ ولا إنت مش عاوز بنتي يا أحمد؟ أحمد باحراج: لا طبعاً، بنتك يتمناها ألف واحد. بس الحاجات دي مبتجيش كدا. فاروق: أنا قلت اللي عندي. قراية الفاتحة هتتقرأ للاتنين.

أحمد: أفهم من كدا إن الاتنين قصاد بعض، يا كدا يا مافيش. فاروق: لا مافيش ليه. إنتو خدوا وقت فكروا. سائر بعصبية: يعني إيه يا بابا؟ يعني إنت جاي معايا عشان صافي مش علشاني؟ فاروق: عشانكم إنتو الاتنين. اسر واقف هينفجر بس ماسك نفسه عشان أخته. نور بصت لأسر: أنا مش موافقة. سائر: إيه اللي بتقوليه ده يا نور؟ نور: زي ما سمعت، أنا مش موافقة. أنا مش صفقة، أنا وأخويا. والدك جاي يعملها ومش هقبل ابني سعادتي على تعاسة أخويا.

صافي: تعاسته! نور: آه تعاسته، وإنتي عارفة كدا كويس. اسر محبكيش. وإنتي عاملة الشويتين دول عشان تكسري أخويا وتخليه يوافق عليكي عشان ميأذنيش. بس أنا مش هسمحلك بكدا. صافي: إيه اللي بتقوليه ده؟ اسر بيحبني، إنتي واحدة كدابة. اسر: اخرسي. أنا كنت بقول إحنا عشرة وأصحاب، بس إنتي واحدة معندكيش دم. وإنتي لو آخر واحدة في العالم مش هتجوزك بردك يا صافي. فاروق اتعصب وقام: إحنا بنتهزأ في بيتك يا أحمد.

أحمد: إنت طلبت طلب، وهما ردوا عليك يا فاروق بيه. مليش أتدخل أنا. فاروق بيبصله بتوعد: مااااشيي. هددددي يااهددددي. قمر: مش خلاص عرفتي اللي عاوزة تعرفيه؟ اتفضلي روحي مطرح ما جيتي. وانسى إنك شوفتيني. هدي: قمر اسمعيني. فاروق نادى تاني. قمر ديرت وشها: مش عاوزة أسمع. اتفضلي مطرح ما جيتي. هدي خرجت. وقمر زقت الحاجات اللي قدامها كسرتها وانفجرت من العياط. زين دخل بسرعة مسكها: اهدي، إنتي كويسة؟

قمر بتعيط: مش كويسة. لييه عملت كدا فينا؟ لييه اتخلت عننا؟ أنا عاوزة أعرف لييه سابتنا؟ لييه بعدوا عننا كلهم؟ لييه يخلفونا وهما مش عاوزنا؟ هفضل لحد إمتى أستحمل كل دا لوحدي؟ أنا تعبت. زين: أنا حاسس بيكي. بس اهدي، هيجرالك حاجة. عايدة داخلة تلطم: يلاااهوووي الحقييييييي ياااقمر تونة واقفة ع السطح وعاوزة ترمي نفسهاااا. قمر بخضة: إيه !!!!!! *** الكل كان فرحان بس مكنوش عارفين اللي صافي مخططاله. كسر فرحة نور وسائر.

ياترى سائر هيتخلي عن نور ولا لا؟ وإيه هيحصل لتونة؟ *** قمر: مش خلاص عرفتي اللي عاوزة تعرفيه؟ اتفضلي روحي مطرح ما جيتي. وانسى إنك شوفتيني. هدي: قمر اسمعيني. فاروق نادى تاني. قمر ديرت وشها: مش عاوزة أسمع. اتفضلي مطرح ما جيتي. هدي خرجت. وقمر زقت الحاجات اللي قدامها كسرتها وانفجرت من العياط. زين دخل بسرعة مسكها: اهدي، إنتي كويسة؟ قمر بتعيط: مش كويسة. لييه عملت كدا فينا؟ لييه اتخلت عننا؟ أنا عاوزة أعرف لييه سابتنا؟

لييه بعدوا عننا كلهم؟ لييه استحمل كل دا لوحدي؟ أنا تعبت. زين: أنا حاسس بيكي. بس اهدي، هيجرالك حاجة. عايدة داخلة تلطم: يلاااهوووي الحقييييييي ياااقمر تونة واقفة ع السطح و عاوزة ترمي نفسهاااا. قمر بخضة: إيه !!!!!! زين: إنتي بتقولي إيه يا عايدة؟ إيه اللي طلع تونة ع السطح؟ عايدة: والله ما أعرف يا أستاذ زين. تعالي يا قمر الحقيها بسرعة. *** تونة قاعدة ع حرف سطح الفيلا بتعيط. كنزي بخوف: تونة يا حبيبتي انزلي لتقعي.

نجلاء: اطلع يا خليل بسرعة نزلها. تونة: محدش يطلع. سبوني. كنزي: طب انزلي بس وقوليلنا مين زعلك. ليل جاية تجري: يلاااهوي تونة إيه اللي طلعك فوق. انزززليييي. قمر بخوف: تونة!! تونة انزلي لتقعي. اسر واحمد خرجوا ع صوت الدوشة. أحمد: ياساتر يارب. إيه اللي بيحصل دا. تونة بتعيط: مش هنزل. أنا مش عاوزة أعيش خلاص. قمر: لا متقوليش كدا ونبي. طب مين زعلك؟ قوليلي أنا زعلتك؟ أنا آسفة. بس انزلي وأنا هعمل كل اللي إنتي عاوزاه.

تونة بتعيط: ليه كدبتي عليا؟ ليه فهمتيني إني اختك؟ أنا ماليش أم ولا أب. ليه رموني في الشارع؟ أنا مش عاوزة أعيش. ابعدوا عني. امشوا يلا امشوا. إنتو مش أخواتي. إنتو كدبتوا عليا. أنا ماليش أهل.

قمر منهارة: لا متقوليش كدا يا فتون. أنا أهلك كلهم. أنا كدبت عليكي أنا آسفة. بس عشان خاطري متعمليش كدا في نفسك. أنا ماليش غيرك إنتي وليل. إنتي بنتي يا فتون. أنا اللي ربيتك. أنا اللي أستحق أبقى أمك مش حد تاني. متوجعيش قلبي وانزلي. عشان خاطري يا فتون انزلي ياحبيبتي. أنا مش هستحمل حاجة تحصلك. الكل واقف بيعيط وخايف عليها تقع ومصدومين. تونة: إنتي بتقولي كدا عشان مزعلش؟

أنا سمعتها وهي بتقول إنها مش بنتها. أنا مش اختك. وليل مش اختي. ليه رموني في الشارع؟ ليه؟ هو أنا وحشة؟ زين: لا يا تونة إنتي جميلة. وكلنا بنحبك كمان. مين قال إنك وحشة؟ إنتي شايفة أخواتك عاملين إزاي وخايفين عليكي. إزاي عاوزة تسيبيهم؟ ليه؟ إنتي أختهم ودول عيلتك. يلا يا حبيبتي انزلي.

ليل بتعيط: يلا يا تونة انزلي. وأنا هجبلك كل الحاجات اللي بتحبيها ومش هتعارك معاكي تاني. أنا آسفة. يلا عشان خاطري انزلي. بلاش عشان خاطري أنا. عشان خاطر قمر. مش إنتي قولتيلي قبل كدا إنك مش بتحبي تشوفيها زعلانة؟ بصي قمر زعلانة إزاي عشانك. انزلي وفرحيها يلا. الكل: يلا يا تونة انزلي. كلنا بنحبك. يلا. تونة بصيتلهم كلهم وبصت لقمر ومسحت دموعها: ماشي. هنزل. بتقوم تقف. قمر بخوف: خلي بالك. خلي بالك.

زين: استنني. متتحركيش. أنا هطلع أجيبك. متتحركيش. تونة واقفة ع السور وجاية بتلف رجلها كانت هتفلت. الكل صرخ. وحد شد تونة والكل طلع يجري ع السطح. زين وصل أول واحد وقمر وراه والباقي وراهم. كريم ماسك تونة جامد وواقعين في الأرض. قمر طلعت تجري ع تونة وزين ع كريم. قمر حضنت تونة: ياحبيبتي. أوعي تعملي كدا تاني. كريم بخوف وبيترعش: مش عاوزها تموت. مش عاوزها تموت. زين: كريم إنت بتتكلم!!! اسر واحمد طلعوا يجروا عليه بفرحة.

نجلاء: ألف حمد وشكر ليك يارب. كريم: مش كل لما أتعلق بحاجة تروح. ماما ماتت قدامي ومقدرتش أنقذها. مش هسيبها تضيع هي كمان. أحمد بيعيط: أنا آسف يابني إني مقدرتش أعمل زيك. أنا آسف. كريم حضنه: أنا اللي آسف يابابا. متزعلش مني. أحمد: أزعل منك إيه يابني. دا أنا مصدقة سمعت صوتك. عشان خاطري يابني متحرمنيش منه تاني. كريم: حاضر يابابا. اتطمنوا ع تونة وكريم. وكل واحد نزل ع بيته. *** قمر شايلة تونة حضنها ودخلت الأوضة تنيمها.

تونة مسكت ايدها وبتعيط: أنا آسفة إني زعلتك مني. قمر باستها: عمري ما أزعل منك ياحبيبتي. بس متعمليش كدا تاني عشان مش هقدر أعيش من غيرك. مسحت دموعها. يلا نامي دلوقتي وارتاحي ومتفكريش في أي حاجة وحشة تاني. تونة: حاضر. قمر: تصبحي ع خير ياحبيبتي.