تحميل رواية «حكاية قمر» PDF

هنا : اخيرا جيت الكلية

وليد : والله انا جاي مخصوص علشانك .. لو اعرف انك قمر كدا كنت جيت من زمان

هنا : يابكاش .. بصيت لسارة .. سوري مخدتش بالي انك واقفة

سارة : ولا يهمك

هنا : طب ايه مش تعرفنا

وليد : دي سارة .. حكيتلك قبل كدا عن سارة وصافي واسر هما أقرب ناس ليا عشرة عمر اصحاب واخوات كدا

سارة بضيق : اه اخوات وأصحاب

وليد : طب ايه هنفضل وقفين كدا .. تعالي نروح نقعد ف مكان

هنا : اه ياريت يلا .. تيجي معانا ياسارة ولا عندك محاضرات

سارة : اه عندي محاضرات روحوا انتو

هنا : طيب .. اتشرفت بمعرفتك .. يلا بينا يا وليد

وليد : يلا

قمر قعدة لوحدها وبتفكر : وبعدين ياقمر هتفضلي عايشة عند الناس كدا وانتي معاكي اللي يعيشك انتي واخواتك ... لالا بس انا مش عاوزة حاجة منه هو راح وسابنا من زمان اوي وقدرنا نعيش من غيره هو وفلوسه .. انتي بتقولي ايه بس انتي نسيتي انتي سيبتي دراستك و اشتغلتي وتعبتي قد ايه علشان تأكلي اخواتك بس وف الاخر كله راح منك ف ثانية .. هترجعي كل دا ازاي هتشتغلي من اول وجديد ولا هتمدي ايدك للناس .. مش من حقك ترفضي الفلوس دي .. دا حق ليل كمان .. متحرمهاش منه

قمر بصوت مسموع: يااارب ساعدني ودلني ع الصح

طلعت الورق والحاجات اللي ابوها سابهم ليها وبتقلب فيهم لقيت ظرف صغير فتحته "جواب من ابوها " :" بنتي الغالية قمر .. اكتب لك هذا الجواب واعلم مدي كرهك الشديد لي بسبب ما فعلته معكم ... كم اتمني ان اقول هذا الكلام امامكم واعتذر علي ما فعلته .. اعلم ان الاعتذار لا يوفيكم حقكم .. كم اشتاق لكم و اتمني ان يعود بي الزمن .. لا اريد منكم سوا المسامحة علي ما فعلته ... احبك كثيرا ابنتي الغالية قمر "

قمر قفلت الجواب وغمضت عينها وبدءت تعيط وتفتكر كل اللي شافتوا من ابوها اللي عملوا فيها وف امها وقد ايه كان قاسي عليها لانها اتولدت بنت مش ولد زي ماكان عايز

قمر : اسامح ازاي يارب .. مش قادرة انسا صعب صعب

تونة : قمرر انتي بتكلمي نفسك

قمر فاقت : تونة انتي هنا من امتا

تونة : من ساعة صعب صعبب .. اتجنيتي و بتتكلمي مع نفسك

قمر : لا يا تونة انا بكلم ربنا

تونة : هو فين ربنا .. هو كان هنا

قمر : ربنا ف كل مكان يا تونة موجود سامعنا وشايفنا .. لما بكون مخنوقة افضل اتكلم كدا وهو يسمعني ويساعدني

تونة : بجد ياقمر يعني انا ممكن اكلمه

قمر : أيوة طبعا ياحبيبتي

تونة بفرحة : ماشي

قمر : تحبي بقا احطلك تأكلي

تونة : اه اه انا جعانة اوي

قمر : عنيا ليكي .. اشيل الحاجات دي بس واحطلك .. عملالك كفتة تستاهل بقك

تونة : هيييييييه

سارة داخلة بيتها وهي زعلانة من اللي حصل

نادر : سارة انتي جيتي ياحبيبتي

سارة : أيوة يابابا

نادر : كنت عايز اتكلم معاكي

سارة : ممكن نأجل الكلام علشان تعبانة وعاوزة ارتاح

نادر : لا ياسارة لازم تعرفي اني قريب هسافر عندي شغل برا وهقعد فترة طويلة هناك

سارة : وانا ايه المطلوب مني

نادر : المطلوب منك انك تسافري لوالدتك ف اسكندرية لحد ماارجع

سارة : اسافر لماما .. انت يابابا اللي بتطلب مني كدا

نادر : اه ياسارة .. انا مش هطمن عليكي وانتي هنا لوحدك

سارة : طب ودراستي وحياتي

نادر : بسيطة تنقلي اسكندرية

سارة : بسيطة ازاي يعني !!! انا مش هنقل حاجة انا هفضل هنا

نادر بعصبية : وانا مش موافق مش همشي واسيبك هنا لوحدك

سارة : خلاص متمشيش

نادر : يا سلام يعني عايزني اضيع فرصة الشغل من ايدي علشان اقعد جنبك

سارة بتعيط : مانت كدا بتضيع حياتي وصحابي مني وكل حاجة

نادر : هما فين صحابك دول ياسارة .. مبشوفش حد منهم .. دايما انتي معاهم وهما مش معاكي وعلطول لوحدك .. اسمعي الكلام وروحي عيشي مع مامتك واختك ف اسكندرية .. هما دول اللي يستاهلوا تكوني معاهم بس .. فكري كويس ياسارة

سارة دخلت ع اوضتها من غير ماترد وقعدت تعيط كل حاجة ضدها هي فعلا عايشة لوحدها مالهاش حد .. حتي اللي هي موجودة علشانه هنا مش سأل فيها مبقتش عارفة تعمل ايه

في الشركة

السكرتيرة : الأستاذ حازم مستني حضرتك برا

زين : دخلي بسرعة

حازم دخل سلم عليه وحضنه

زين : ايه يابني الغيبة دي كلها فينك

حازم : الشغل كان حاطط عليا جامد

زين : تشرب ايه

حازم : ولا اي حاجة انا جاي اتكلم معاك شوية

زين : خير ياحازم اتكلم

حازم : انا شكلي وقعت يا زين

زين : وقعت ازاي

حازم : قصدي حبيت يعني

زين : لا متقولش اخيرا ياراجل .. دي مين دي بقا اللي وقعت

حازم : حد انت تعرفه

زين : مين !!

حازم : كنزي

زين : بجد دا من امتا

حازم : من وقت ما قلبت عليا العصير وانا بفكر فيها

زين : علشان كدا بقا كل شوية داخل طالع علينا.. وانا اللي فاكر انك بتيجي علشاني اتاريك عينك ع البت

حازم : بصراحة اه .. مع ان شخصية كنزي دي مكنتش ف بالي خالص ولا عمري فكرت ف شخصية كدا .. لا ومختلفة عني نهائي اللي هو لو حد كان حكالي عنها من غير مااشوفها كنت استحالة حتي افكر فيها . . بس مش عارف

زين : العب .. دانت واقع ع الاخر بقا .. طب هي ايه رأيها

حازم : بتحبني

زين : انتو اتكلمتوا واعترفتوا لبعض بقا .. وانا آخر من يعلم

حازم : لا والله دانا سمعتها صدفة بس هي متعرفش مشاعري ناحيتها

زين : طيب ماتتقدملها مستني ايه

حازم : ضغط الشغل عليا الفترة دي جامد .. بس مش سايبة تفكيري.. وخصوصا ان متقدملها عريس تاني وامها هتغصبها عليه

زين : دادة نجلاء تعمل كدا مستحيل

حازم : لا هتعمل كدا علشان شاكة فينا وحاسة بحاجة غريبة عندها حق انا لازم اخد خطوة ف الموضوع دا و ...

*التليفون رن

زين : استنا ياحازم .. أيوة.. طيب دخليه .. ماشي

حازم : فيه ايه

زين : حماك عاوزني

سامح دخل

سامح : ازيك يا حازم عامل ايه

حازم : الحمدالله انا كويس

زين : خير يا عم سامح

سامح : الأستاذ احمد مستنيك ف مكتبه

زين : طيب قوله عندي شوية حاجات كدا هعملها واروحله

سامح : ماشي يابني .. عن اذنك

موبايل سامح رن .

سامح : أيوة ياختي عاملة ايه .. والعيال عاملين ايه .. لامؤخذة يااستاذ زين

زين : خد راحتك يا عم سامح

روحية : انا بخير الحمدالله ياسامح والعيال زي الفل .. انا بتصل بس علشان اعرف ردك ف الموضوع اللي كلمتك فيه

سامح : موضوع ايه ياروحية

روحية : يووة ياسامح انت نسيت .. موضوع جواز كنزي

سامح : اه اه افتكرت .. والله لسه البت مردتش عليا

روحية : يعني ايه الكلام دا .. دا خالد خلص جيشه ونزل ومستني الرد علشان يجيلك

سامح : خالد خلص جيشه

حازم رفع حاجبه

زين بصوت واطي : مالك في ايه

حازم : خالد دا العريس

زين : طيب الحق نفسك بقا الواد خلص جيشه وممكن يجي ف اي وقت

حازم : انت شايف كدا

زين : أيوة طبعا يلا

سامح : طيب ياروحية خلاص هكلمها تاني واعرف ردها واقولك .. سلميلي ع جوزك والعيال.. يلا سلام ياحبيبتي سلام

.. معلش يا زين يابني صدعتكم

زين : لا صدعتنا ايه دا خير ما عملت

سامح : ها !

زين : اقصد انك تتكلم هنا احسن ماتتكلم برا

سامح : أيوة أيوة فهمتك .. يلا اسيبكم انا بقا

زين زق حازم : عم سامح استنا بس حازم كان عاوزك ف موضوع مهم

سامح : خير يابني اتفضل

حازم متوتر : انا ياعمي كنت عاوز اطلب ايد بنتك كنزي

سامح : بنتي كنزي

حازم : اه

سامح : بس يابني دا في واحد متقدملها قبلك

حازم قلب وشه

زين اتدخل بسرعة : بس يا عم سامح .. كنزي لسه مقالتش رأيها

سامح : أيوة صح كنزي لسه مقالتش رأيها . . الله انت عرفت منين يا زين

زين : احم احم .. ماهو حضرتك لسه قايل دلوقتي .. انا من رأي انت تسأل كنزي وتخيارها بين حازم والعريس التاني دا

سامح : حاضر هعمل كدا بس لو البت موافقتش عليك يااستاذ حازم .. احنا هنفضل حبايب

حازم ابتسم : طبعا طبعا .. انت أسألها بس انهاردة ورد عليا

سامح : ماشي يابني واللي ربنا عايزه هيكون .. يلا عن اذنكم

زين : اتفضل

حازم : يلا يا زين استأذن انا كمان

زين : خلاص خدت مصلحتك وماشي

حازم ضحك : لا والله بس انا لسه هرجع الشغل تاني

زين : ماشي ياحازم ربنا معاك

نور : سائر عامل ايه ... وحشتني

سائر : وانتي كمان والله .. انا لسه مخلص شغل وداخل البيت اهو ..

نور : ياحبيبي ربنا معاك .. اونكل فاروق عامل ايه وصافي

سائر : كويسين .. نور كنت عاوز اكلمك ف موضوع مهم

نور : خير ياسائر اتكلم

صوت صريخ من بعيد

نور : ايه الصوت دا عندك

سائر : مش عارف اقفلي دلوقتي يانور.. أشوف في ايه

نور : ابقا طمني ياسائر ونبي

سائر : ماشي سلام سلام

طلع يجري ع فوق

هدي طالعة من اوضتها مفجوعة : الصوت دا جاي منين ياسائر

سائر بتوتر : مش عارف . . تقريبا عند صافي

هدي : صافي يلا نشوفها بسرررعةةة

دخلوا الأوضة.. وصافي عمالة تكسر ف الحاجة وتصرخ وهما مصدومين

هدي : صااافي

سائر : ايييه اللي بتعملييه دا يامجنونة

صافي بعصبية : ابعدددووواا عنننييي .. اخرجوووا مش عاوزة اشوف حد .. انا بكرهكواا ابعدوا عني .. انا مش عاوزكم

هدي بتقرب منها : اهدي ياحبيبتي بس

صافي بعصبية : ابعدييي عني متقربيييش

هدي : حاضر حاضر بس اهدي بس فاهمينا مالك

سائر : حبيبتي عرفيني بس مين مضايقك ... وانا هاخدلك حقك بس اهدي علشان خاطري

صافي بدءت تعيط : انا لوحدييي ..

سائر : مين قال كدا احنا جنبك اهو

صافي : انا مش عاوزكم انتو .. انا عاوزة هو

هدي : هو مين

صافي: اسر .. بس اسر بيكرهني .. اسر بعد عني علشان مش بيحبني .. خدته مني .. سابني علشانها ..

*صرخت جامد*

سااابني علشااانهااا

هدي: اهدييي بس مين قال ان هو سابك .. انتي مش قولتيلي ان هو زعلان منك بسبب اللي عملتيه .. هو هينسا الزعل ويرجع يكلمك

صافي: مش هيكلمني .. مش عاوز يشوفني خلاص اسر ضاااع منيي

سائر: انا مش فاهم حاجة

هدي: استني ياسائر .. اسمعيني يا صافي ياحبيبتي .. انا عاوزكي تهدي دلوقتي .. اسر مضاعش ياما زعلتوا من بعض عادي .. اوعدك ان هو هيكلمك بس انا عاوزكي تهدي

صافي: بجد ياماما هيكلمني بجد

هدي: أيوة ياحبيبتي علشان خاطري اهدي

صافي: امتا امتا قوليلي هيكلمني امتا

هدي: بكرا

صافي: بجد بجد بكرا ..

*مسكت المهدأ اللي سهر اديتهولها وخدت منه واحدة*

.. انا كدا ههدا وهبقا كويسة وهنام علشان اصحا القيني بكرا واسر يكلمني .. بجد ياماما هيكلمني

هدي: أيوة ياحبيبتي .. نامي وارتاحي دلوقتي

صافي: حاضر .. يلا اخرجوا علشان انام يلا

هدي: يلا ياسائر

سائر خرج: انا عاوز افهم .. ايه موضوع اسر دا .. وازاي تعمل كدا ف نفسها علشانه

هدي: صافي متعلقة باسر من زمان ياسائر .. صحوبيتهم قلبت معاها بحب ..

سائر: وهي اللي بتعملوا دا حب .. دا جنان

هدي: معاك حق بس هي اول مرة يحصلها كدا .. علطول بيتخانقوا عادي .. اول مرة اشوفها ف الحالة دي

سائر: طب وانتي هتعملي ايه .. ازاي تعشميها ان هو هيكلمها بكرا .. ممكن ميكلمهاش

هدي: متقلقش انا هتصرف

سائر: هتعملي ايه يعني فهميني

هدي: هروحله

______________________

سامح: السلام عليكم

نجلاء: وعليكم السلام .. سامح جاي بدري يعني

سامح: الأستاذ احمد خلص شغل بدري

نجلاء: طيب ياخويا احضرلك العشا

سامح: لا استني عايزك

نجلاء: خير ياسامح

سامح: خالد خلص جيشه ومستني ردنا

نجلاء: قولو موافقين طبعا

سامح: هي كنزي وافقت

نجلاء: اه وافقت

كنزي خرجت من الأوضة: لا يابابا انا موافقتش ع حد

نجلاء: انتي بتتصنتي علينا يا كنزي

كنزي: أيوة ياماما بتصنت .. طلما الموضوع ليه علاقة بمستقبلي

سامح: استني يا نجلاء دا مش وقته .. بنتك بتقول مش موافقة

نجلاء: هي مش عارفة مصلحتها فين

سامح: بس مش دا اللي اتفقنا عليه يانجلاء.. وبتكذبي عليا تقولي البت موافقة

نجلاء: انا اسفة ياخويا بس غصب عني .. الفرصة متتعوضش

سامح: فرصة ايه يانجلاء وهو آخر راجل يعني .. قولتلك البت الف واحد يتمناها

كنزي: ريحوا نفسكم انا مش موافقة لا عليه ولا ع غيره . . ومش عاوزة اتجوز اصلا .. انا عاوزة اقعد معاكم .. انتو زهقتوا مني ولا ايه

سامح: لا ياحبيبتي تنوريني هو انا ليا غيرك .. وكدا يبقا انا خدت منك ردين مش رد واحد

نجلاء: ردين ايه

سامح: اصل كنزي جالها عريس تاني انهاردة

نجلاء بفرحة: بجدد ياسامح

كنزي: يلاهوووي هو انا خلصت من الاول لما تجبلي التاني ..

*طلعت فوق الكنبة*

اسمعوووني بقا انتو الاتنين.. دا قرار منييي اهو وانا بكامل قوايا العقلية ..ومش هسمح لحد يفرض عليا الجواز سامعة يانوجا

نجلاء: سامعة ياختي اقعدي جنبي ياموكوسة .. بدل ماتتجوزي وتجيبلك شوية عيال كدا

كنزي: انا مش هتجوززز ياماما.. مش هتجوز.. مش هتجوز . . مش عاوزة اتجوز ياستي مش عاوزة

سامح: خلاص انزلي من فوق لتقعي ... وتعالي اتصليلي بالراجل دا اكلمه اقولو انك مش موافقة

كنزي: ايوةة مش موافقة ومش هوافق .. يعرفني منين هو علشان يتقدملي .. اتصل بيه واشتمه كمان

سامح: لا عيب يا كنزي هو الراجل عمل ايه يعني .. خدي الموبايل اهو طلعيلي اسمه عبال مااغير هدومي علشان هو مستني ردي انهاردة

كنزي: مستعجل اوي بسلامته ... دانا لو اعرفه بس همسكه افشفش دماغه .. صح يابابا هو اسمه ايه

سامح: الأستاذ حازم

نجلاء وكنزي: حازم ميين !!!!

سامح: الأستاذ حازم صاحب زين .. متعرفهوش ولا ايه

كنزي بصدمة: الظابط حازم

سامح: أيوة هو دا

كنزي: اييييه

نجلاء: هيهي .. قلبي عندك يانوسة ياحبيبتي .. انا اقوم احضر العشاء

كنزي: استني ياماما انتي راحة فين.. ساعديني ونبي اتصرفي

نجلاء: انا مالي ياختي مش عملتي فيها خفاش وطيرتي ع الكنبة .. ومش عاوزة اتجوز يابابا .. انا عاوزة اقعد جنبكم ... اشربي بقا

كنزي: لالا مانا مكنتش اعرف ان هو حازم دا .. ونبي ياماما ساعديني .. قولي لبابا اني موافقة

نجلاء: لا مش هيصدقني .. مش انتي كدبتيني قدامه .. مش هقدر اتدخل قوليلو انتي

كنزي: استني بس ياماما انتي راحة فين وسيباني

نجلاء: مش فضيالك ياحبيبتي

كنزي: لا لا افضيلي مش انتي عاوزة تفرحي بيا ..

نجلاء: ابقا افرح بنجاحك بقا ياكوكو

كنزي: لالا افرحي بجوازي احلي

نجلاء: مالك يابت ماتنشفي كدا .. هو الواد دا واكل عقلك للدرجة

كنزي: بحبه ياماما .. انشالله يخليني ليكي لتساعديني..

نجلاء: انتي كدا بتدعي عليا

كنزي: اهئ اهئ اهئ ليه كدا بس انوجة .. دانا بنتك

نجلاء: طب اسكتي خلاص ابوكي جاي

كنزي: يعني هتساعديني

نجلاء: اسكتي يابت اسكتي

سامح: ها طلعتي الرقم

نجلاء: بقولك ايه ياسامح .. انا شايفة ان الواد كويس .. منديلوا فرصة كدا يجي وتتكلموا

سامح: فرصة ايه يانجلاء ..

نجلاء بصت لكنزي: أنا عملت اللي عليا.. أقوم أحضر الأكل بقا.

كنزي مسكت فيها: لالالالا.. انتي راحة فين بس وسيباني.

سامح: في إيه يا كنزي.. انتي موافقة ع كلام أمك دا؟

كنزي بتلقائية: أيوة أيوة.

سامح بصلها.

كنزي: قصدي أن ماما عندها حق.. ووطيت رأسها في الأرض.

نجلاء: ملاك يا حبيبتي وبتتكسفي ملاك.

سامح: يعني أكلمه أقوله إيه؟

نجلاء: قوله أن يجي هو وأهله نتعرف كدا عليهم ونتكلم.. واللي فيه الخير يقدمه ربنا.

سامح: خلاص ماشي طالما كنزي موافقة.. أنا هطلع أكلمه برا علشان الشبكة.

كنزي أول لما سامح خرج فضلت تتنطط وهي فرحانة.

كنزي: هيييييه.. هيييييه.

نجلاء: اتهدي يابت في إيه؟

كنزي: فرحانة ياماما فرحانة.

نجلاء: عارفة لو عملتي الحركات المتخلفة دي قدام الناس.. هبوظلك الجوازة.. تقعدي عاقلة وراسية كدا.

كنزي: لالا ونبي متبوظهاش.. حاضر مش هتسمعيلي صوت.

نجلاء: أيوة كدا تبقا بنتي حبيبتي.. تعالي تعالي في حضني.

كنزي حضنتها: مبسوطة ياماما.

نجلاء: أيوة طبعًا.. طالما طلع راجل كدا واتقدم.. مش صرمحة وكلام فارغ.. كدا أنا أحبه.

سامح: أيوة يا أستاذ حازم.. أيوة سامعني.

حازم: أيوة يا عمي سامعك.

سامح: طيب إحنا منتظرينك انت وأسرتك كدا تنورونا.

حازم بفرحة: يعني موافق؟

سامح: لالا إحنا هنقعد قعدة تعارف كدا.. علشان البت كمان تعرفك.. ولو وافقت أنا مش هعترض.

حازم: أكيد هتوافق.

سامح: إيه؟

حازم: بقول إن شاء الله توافق.

سامح: ماشي يا حبيبي شوف يوم كدا وقولي.

حازم: بكرة إن شاء الله.

سامح: بالسرعة دي؟

حازم: آه أصل أنا واخد إجازة بكرة.

سامح: تنورنا في أي وقت يا حازم يابني.. يلا أسيبك أنا بقا تشوف اللي وراك.. سلام.

حازم بفرحة: سلام يا عمي.

فريال: بتكلم مين يا حازم.. وإيه الفرحة دي فرحني معاك.

حازم: هفرحك يا ست الكل.. بكرة بإذن الله هنروح نتقدم للبنت اللي بحبها.

فريال: بجد يا حازم بتتكلم جد.. أو إوعى تكون بتضحك عليا.

حازم: بجد والله يا ماما.. لسه قافل مع باباها.

فريال: لولولولولولولولولوليييييييي.

حازم: أيوة بقا.

فريال: دا أنا الفرحة مش سيعاني والله مش مصدقة أنك خلاص هتتجوز.

حازم: لا اتجوز إيه دي قعدة كلام بس.

فريال: وإن شاء الله تكمل وتبقا جواز.

حازم: يارب يا ماما يارب.

اليوم التالي.

أحمد: زين ع فين كدا؟

زين: عندي مشوار يا بابا.

أحمد: انت مش هتقعد في القعدة مع صاحبك؟

زين: آه طبعًا هقعد معاهم.. هو مشوار سريع وهاجي.. انت كمان هتقعد صح؟

أحمد: أيوة يا ابني كنزي زي نور أختك بنسبالي.

زين: ماشي يا بابا أنا هروح بقا علشان متأخرش.

أحمد: ماشي يا زين.

عايدة: الست هدي تحت يا بيه وعايزة تشوف أسر.

أحمد: هدي عايزة أسر في إيه؟

عايدة: معرفش والله يا بيه.

أحمد: طيب روحي صحي أسر وانزلي شوفيها تشرب إيه.. ولو نور صاحية خليها تنزل تقعد معاها لحد ما أسر ينزلها.

عايدة: حاضر يا بيه.

قمر وليل وتونة داخلين لـ كنزي.

قمر: لولولولولولولييي الف الف مبروك يا حبيبتي.

كنزي: حضنتها الله يبارك فيكي يا قمر.

ليل: والله يابت كنت شاكة فيكم من يوم القسم.

كنزي: بس ونبي لاحسن ماما تسمعك وتقلب عليا تاني.

قمر: لا تقلب عليكي إيه بس دا انتي عروسة.

نجلاء: منورنا والله يا حباييي.

قمر: دا نورك يا نوجة.. قوليلي بقا بتعملي إيه وأساعدك.

نجلاء: لا أنا عملت كل حاجة والله.. روحوا بس مع كنزي شوفوها هتلبس إيه وظبطوها أحسن دي لابخة.

كنزي: بقا كدا ياماما.

نجلاء: لالا دي عسل.

قمر: مش عاوزين نزعل عروستنا بقا.

ليل: يلا من غير كلام كتير قدامي ع جوا.

نور: عاملة إيه يا طنط هدي؟

هدي: الحمد لله يا حبيبتي أنا كويسة.. انتي أخبارك إيه؟

نور: أنا كويسة يا طنط. أسر زمانه نازل دلوقتي. أهو نزل.

اسر: أهلاً وسهلاً، أهلاً. إزيك حضرتك؟

هدي: أنا بخير يا حبيبي. معلش جيت فجأة كده.

نور: لا يا طنط تنوري في أي وقت. أنا هسيبكم بقى.

هدي: ماتخليكي يا حبيبتي.

نور: معلش يا طنط بس عشان عندنا عروسة وكده. هروح لها بقى.

هدي: عقبالك يا حبيبتي.

نور: يا رب يا طنط. يلا عن إذنكم.

اسر: اتفضلي.

هدي: طبعاً بتسأل نفسك إيه سر الزيارة دي.

اسر: بالظبط. خير؟

هدي: أنا جيالك بخصوص صافي يا اسر.

اسر قلب وشه: أنا الموضوع بنسبالي انتهى. انتهى إيه هو مكنش فيه موضوع من أصله. وكويس إن حضرتك جيتي يمكن تفهميني وتحاولي تفهمي صافي إني مافيش بيني وبينها أي حاجة.

هدي: فاهمة يا اسر. بس انت مش عارف حالة صافي اتدهورت إزاي. مش لازم يكون فيه بينكم حب، بس على الأقل انتوا كنتوا أصحاب وعشرة عمر. متسبهاش واقف جنبها. والله العظيم أنا لو مكنش حالتها وحشة مكنتش جيت لحد عندك. بس أنا حاولت معاها، واخوها حاول. هي مش هتتحسن غير لما ترجع تكلمها.

اسر سكت.

***

نور: أنا جيت.

نجلاء: نورتي يا حبيبتي.

تونة: إيه اللي في إيدك ده يا نور؟

نور: ده هدية بسيطة لكوكي.

كنزي: هدية ليا بجد؟ وريني كده. الله حلو أوي. بصي يا ماما الفستان حلو إزاي.

نجلاء: ليه كلفتي نفسك بس يا نور.

نور: هو أنا هلقي أعز ولا أغلى منكم يا دادة.

تونة: آه يا بت يا كنزي انتي وقعتي الواد يا لئيمة. جالك كلامي يا نوجة. تونة متقولش حاجة وتطلع غلط أبداً.

ليل: لا يا شيخة.

نجلاء بتضحك: أه والله تونة كان ليها نظرة للمستقبل.

ليل: ليه ساحرة؟

تونة: مش سحر ولا حاجة. بس البت كنزي كانت بتسابلو حاجات كده مش قادرة أتكلم.

ليل كتمت بوقها: اسكتي يخربيتك. انتي بتقولي إيه؟

تونة: بقول الحقيقة. أكدب يعني؟

ليل: لا تنقطينا بسكاتك.

قمر: إيه رأيك يا تونة تطلعي تلعبي برا لحد ما نخلص؟

تونة: لا مش طالعة.

نور: على فكرة كريم قاعد برا بيرسم.

تونة: بجد كريم برا؟

ليل: شوفي البت وبجاحتها.

تونة: مالكيش دعوة انتي. قمر حبيبتي ممكن أطلع أقعد مع كريم؟

قمر: روحي يا حبيبتي. بس متزعلوش ماشي؟

تونة: حاضر حاضر. وطلعت تجري.

صوت حاجة انكسرت.

قمر: يا ساتر يا رب. إيه ده؟

كنزي: الصوت ده عند ماما.

نور: تعالوا نشوفها طيب.

قمر: فيه إيه يا نجلاء؟ خير؟

نجلاء بتعيط: بطلع طقم الكاسات من النيش. اتكسر كله.

كنزي: انتي كويسة طيب يا ماما؟

نجلاء بتعيط: في داهية أنا. المهم الطقم. كله اتكسر. طقم جوازي اتكسر بسببك يا فقر انتي.

كنزي: يوه وأنا مالي أنا.

نجلاء: اسكتي. أنا متغاظة منك.

قمر: استهدي بالله بس يا نجلاء وأنا هروح أجيب لك غيره.

نور: وتروحي ليه بس. إحنا عايشين مع بعض ولله واللي محتاجينه خدوه من الفيلا. انتوا أصحاب بيت.

قمر: خلاص يا ليل روحي هاتي الكاسات من الفيلا وأنا هلم اللي اتكسر ده. وانتي يا نور حطي ميك أب لكنزي مافيش وقت. زمان الناس جاية.

ليل: ماشي أنا هروح مش هتأخر.

نور: يلا يا كنزي.

قمر: صلي على النبي بقا يا نوجة.

نجلاء: عليه أفضل الصلاة والسلام.

***

هدي: على اتفاقنا يا اسر.

اسر: حاضر هعمل كده ومش هكسفك. بس لازم تحاولي تفهميها إني وهي مافيش حاجة بينا.

هدي: حاضر يا حبيبي. بس هي ترجع زي الأول وهكلمها. شكراً أوي يا اسر. وأسفة إني أزعجتك.

اسر: لا ولا يهمك. انتي تيجي في أي وقت تنوري.

هدي: متشكرة أوي يا حبيبي. يلا أستأذن أنا بقى.

اسر: اتفضلي. هوصلك.

هدي ماشية واسر معاها. وليل خارجة من المطبخ بالكاسات. اتقابلوا. ليل واقفة بصالها ومصدومة. الكاسات وقعت من إيدها.

اسر طلع يجري عليها: ليل! انتي كويسة؟

هدي: ليل!!!

هدي : ع اتفقنا يا اسر

اسر : حاضر هعمل كدا ومش هكسفك .. بس لازم تحاولي تفهميها ان انا وهي مافيش حاجة بينا

هدي : حاضر ياحبيبي بس هي ترجع زي الأول وهكلمها .. شكرا اوي يااسر .. واسفة اني ازعجتك

اسر : لا ولا يهمك انتي تيجي ف اي وقت تنوري

هدي : متشكرة اوي ياحبيبي .. يلا استأذن انا بقا

اسر : اتفضلي هوصلك

هدي ماشية واسر معاها وليل خارجة من المطبخ بالكاسات ... اتقابلوا

ليل واقفة بصالها ومصدومة الكاسات وقعت من ايدها

اسر طلع يجري عليها : ليل انتي كويسة

هدي : ليل !!! انتي ليل

ليل بصيتلها وهي عينها بتلمع من الدموع

اسر : انتي تعرفيها يامدام هدي

ليل بصتله باستغراب وكأنه بتقوله دا مش اسمها

هدي اتوترت : أيوة اصل صافي حكتلي عن ليل

ليل مش فاهمة حاجة وتايهها ومتوترة : انا اسفة ع اللي عملتوا مكنش قصدي انا اسفة

اسر : اهدي ياليل مالك

ليل مشيت وهي عمالة تقول : انا كويسة .. انا كويسة

هدي باستغراب : هي مالها

اسر : مش عارف والله

هدي : طيب استأذن انا

اسر : اتفضلي

ليل ماشية تايهها ومش مستوعبة اللي شافته دا صح ولالا .. خبطت ف زين

زين : مش تحاسبي

ليل : انا اسفة

زين بصلها باستغراب ومشي

ليل راحت ع البيت .. دخلت ع الحمام ... تغسل وشها

ليل بتعيط : هي عايشة .. هي ازاي .. اكيد لا .. مش هي .. مش هي .. اكيد مش ماما .. ماما كان اسمها غادة مش هدي .. طب ازاي .. لو كدبت عيني .. احساسي مش هيكدب .. انا متأكدة انها ماما

تونة : العريس جه العريس جه

كنزي بتوتر : بجد جه .... بصوا كدا شعري معدول .. ولا اقولكم بصوا الفستان مظبوط .. لالا قولولي الميكاب حلو عليا ولا كتير

نور وقمر بيضحكوا عليها

كنزي : بتضحكوا ع ايه شكلي وحش صح .. اهئ اهئ .. انا عارفة ان اليوم هيبوظ .. وحازم هيطفش

نور : وحشة ايه بس ياكوكي انتي جميلة والله

قمر : انتي زي القمر ياحبيبتي

كنزي بفرحة : بجد .. انا مبسوطة اوي .. انا بحبكم اوي اوي

قمر ونور فرحانين لفرحتها : واحنا كمان ياحبيبتي

سامح ونجلاء وحازم وفريال وزين واحمد وكريم وتونة قعدين

سامح : اهلا وسهلا .. نورتونا والله

حازم : منور بيك ياعمي

فريال : منور بيك يااستاذ سامح .. الله اومال فين عروستنا عاوزة اشوفها

سامح : العروسة جوا بتجهز .. قومي يانجلاء ناديها

نجلاء : من عنيا

نجلاء دخلت الأوضة

كنزي : ها ها ياماما ايه حصل قوليلي بسرعة

نجلاء : اهدي يابت مالك لسه محصلش حاجة .. انا جاية آخدك تطلعي .. اصل حماتك عاوزة تشوفك

كنزي : لا لا انا مكسوفة اوي ياماما ... مش عاوزة اطلع

نور : مينفعش ياكنزي لازم تطلعي

نجلاء : مكسوفة ايه يابت انتي وش كسوف انتي.. اشحال ماقفشتك كذا مرة واقفة معاه .. خليني ساكتة بقا

كنزي : وطي صوتك ياماما لبابا يسمع

قمر : براحة عليها يا نوجة .. بصي ياكوكو اطلعي انتي وانا هجهزلك الصنية اللي هتقدميها

نجلاء : لالا دي تقدم صواني دي تفضحنا وتقلبها عليهم دي موكوسة

نور : اومال مين اللي هيقدمها

نجلاء : قمر ياحبيبتي معلش لو مافيهاش تعب ليكي قدميها انتي

قمر : تعب ايه بس يانجلاء متشغليش بالك ياحبيبتي انا هقدمها حاضر

كنزي : ماشي قدميها وانا هظبط الميكاب وبعدين اطلع

قمر : حاضر ياحبيبتي

قمر طالعة بالصنية وبتقدم

فريال : بسم الله مشاءالله .. زي القمر ياحبيبتي .. صبرت ونولت ياواد ياحازم

قمر والكل اتوتر

حازم : لا دي قمر ياماما

فريال : قمر ايه قول قمرين تلاتة أربعة

حازم : يلاهوي لا ياماما افهمي .. دي اسمها قمر .. العروسة اسمها كنزي

فريال : يعني مش دي العروسة

حازم : لا

فريال : يووة مش تقول من بدري .. انا اسفة ياجماعة

قمر : ولا يهمك ياحبيبتي اتفضلي

فريال بتريقة : يزيد فضلك ياحلوة انتي .. معلش اصل ع أيامنا كانت العروسة هي اللي بتقدم

قمر : العروسة بتجهز بس وجاية

حازم بصوت واطي : خلاص ياماما محصلش حاجة

فريال : يوة هو انا اتكلمت

قمر بتقدم لزين : اتفضل

زين : لا مش عاوز

قمر : احسن بردك توفر ..

*خدتها شربتها هي*

كنزي طالعة وحازم بصلها وفرحان

سامح : اهي العروسة جت

فريال : اصلي ع النبي .. اصلي ع النبي .. جميلة ياحبيبتي جميلة

كنزي بكسوف : ميرسي اوي ياطنط

فريال : لا طنط ايه ياحبيبتي .. دانا هديكي ابني الوحيد يعني تقوليلي ماما .. تعالي اقعدي جنبي

نجلاء : طبعا ياحبيبتي

سامح : انا بقول نتكلم ف الجد بقا

فريال : احنا معاك ف اي حاجة يااستاذ سامح .. المهم نقرأ الفاتحة ونلبس الدبل ونحدد معاد الفرح

نجلاء : وليه الاستعجال دا ياحبيبتي

فريال : عاوزين نفرح بيهم .. انتي مش عاوزة تفرحي ببنتك ولا ايه

نجلاء : أيوة طبعا عاوزة افرح بيها .. بس تتخرج الأول

فريال : وفيها ايه لما تتجوز بعدين تتخرج

سامح : لا طبعا بنتي تتخرج الأول

حازم : متقلقش يا عمي الفرح هيكون بعد التخرج دا بعد اذنك يعني

فريال : احنا لسه هنستنا

قمر : مافيهاش حاجة يا حبيبتي دا فاضلها كام شهر وتتخرج

فريال : اذا كان كدا ماشي

سامح : بس

احمد بصوت واطي : متشيلش هم فلوس ياسامح ولا جهزها انا موجود

سامح : لا طبعا يااستاذ احمد كتر خيرك بس بنتي انا اللي هجهزها وحاجتها موجودة كلها .. بس انتو اتفقتوا ولسه مخدناش رأي العروسة .. انا كنت عامل حسابي ع دي قعدة كلام ب

احمد : طيب احنا فيها اهو.. انتي ايه رايك ياعروسة

كنزي : اللي بابا يشوفوا

سامح : لا ياحبيبتي .. انا عاوز رايك انتي موافقة

كنزي هزت رأسها بكسوف انها موافقة

حازم فرح وقمر زرغطت

احمد : اهي وافقت يبقا ع البركة .. نقرأ الفاتحة بقا

*قروا الفاتحة*

زين حضن حازم : مبروك ياحازم

حازم : الله يبارك فيك يازين عقبالك

زين : لا يعم انا لسه بدري

سامح : عقبالكم كلكم ياولاد

حازم : طيب انا ياعمي عندي شقة ف ...

فريال : شقة ايه ياحازم اللي بتتكلم فيها .. هو انت هتسبني

حازم : لا طبعا هنبقا نجيلك ياماما

فريال : لا تجيلي ايه انتوا هتقعدوا معايا

حازم أتضايق وخاف ليرفضوا والكل بص لبعض

سامح : بصي هو انا معنديش مانع بس دي حياة بنتي وهي اللي تشوف ع حسب راحتها

فريال : اكيد طبعا عروستنا مش هترفض تبعد ابني عني .. صح ياعروسة

كنزي ابتسمت : انا موافقة

* نجلاء أتضايقت ومن جواها رافضة الموضوع دا *

وقمر بتبص حواليها

زين : بتدوري ع مين

قمر : بدور ع ليل مش لاقيها و .. *بصيت لزين* .. انت مالك

زين : انا غلطان اني كنت عاوز اقولك اني شوفتها داخلة البيت .. وشكلها كدا كانت متضايقة

قمر القلق بان عليها : انت بتتكلم بجد !!

زين : أيوة هكدب ليه يعني

قمر مشيت بسرعة ع البيت .. وزين رجعلهم

قمر داخلة البيت تجري لقيت ليل نايمة ع الكنبة

قمر : ليل .. ليل ايه منيمك هنا ياحبيبتي

ليل قامت مفجوعة حضنت قمر : ماامااا

قمر : ليل انتي كويسة

ليل فاقت : اه .. اه

قمر : انتي ايه نيمك هنا

ليل : اصل انا تعبت شوية وجيت هنا ارتاح روحت ف النوم .. قوليلي هي كنزي عملت ايه صح

قمر : الحمدالله قروا الفاتحة .. عقبال مااشوفك انتي كمان عروسة كدا

ليل : يااه لسه بدري ياقمر عليا

قمر : أيوة ركزي ف دراستك اهم

ليل : حاضر .. مقولتليش بقا عملتوا ايه جوا ايه حصل احكيلي

قمر : اسكتي ياليل دي حماة كنزي دي شكلها صعبة اوي

ليل : ايه دا عملت ايه

قمر : شرطت عليهم يعيشوا معاها في البيت

ليل : بجد طب وعمو سامح وطنط نوجة وكنزي عملوا ايه

قمر : كنزي وافقت هتقول ايه يعني بس نجلاء شكلها مش حابة الموضوع وأتضايقت

ليل : المهم كنزي مبسوطة

قمر : اه ياحبيبتي ربنا يفرحها

ليل : يارب

قمر : يلا خشي نامي جوا لو عاوزة تنامي

ليل : لا انا جعانة هقوم اجيب حاجة اكلها

قمر : لا والله ماتقومي انتي بتقولي تعبانة .. انا هقوم اجبلك الاكل لحد عندك

ليل : انا بقيت كويسة ياقمر

قمر : لا خلاص انا حلفت

" قمر مشيت وحاولت تداري ع قد ماتقدر صدمتها لما ليل قالت ماما .. ومش عارفة ايه سبب يخلي ليل تفتكر امهم بعد كل السنين دي .. بس خافت تسألها وتفتح جرح زمان ... وليل كمان قررت مش هتحكي اللي شافته لحد "

صافي نايمة .. موبايلها رن قامت بتبص لقيت اسم اسر نطت من ع السرير من الفرحة

صافي : اسر انا مش مصدقة انت بتكلمني صح .. انا مش بحلم مش بحلم انا فايقة . . وحشتني اوي يااسر .. ازاي تبعد عني كل الفترة دي

اسر : عاملة ايه يا صافي

صافي : انا مش كويسة خالص يااسر .. انا عاوزك جنبي انت ليه بعدت .. كلكم بعدتوا عني .. مش مهم كلهم المهم عندي انت يااسر

اسر سكت شوية مش عارف يرد يقولها ايه

صافي : اسر انت روحت فين

اسر : بسمعك

صافي : لا انا مش عاوزك تسمعني وبس انا عاوزة اشوفك .. لازم نتقابل

اسر : ان شاءالله ياصافي .. بس انا مشغول الفترة دي لما افضي هبقا اتفق معاكي .. المهم انك تبقا كويسة

صافي : حاضر هبقا كويسة علشانك حاضر .. بس متبعدش عني خليك معايا دايما

اسر : حاضر ياصافي .. انا هقفل .. باي

صافي : باااي

وقفت ونطت من ع السرير وخرجت من الأوضة ونزلت تجري

صافي : مااااما يا مااااما

هدي: إيه يا حبيبتي، في حاجة؟

صافي: أنا بحبك أوي يا ماما.. انتي كلامك طلع صح، واسر كلمني أخيراً.

هدي: طيب يا ستي، الحمد لله.. نخرج من الأوضة بقا ونبطل اكتئاب شوية.

صافي: أنا هبقى كويسة عشان خاطر اسر قالي ابقي كويسة.

هدي: يعني عشان خاطر اسر بس؟

صافي: بصراحة أه يا ماما.

هدي: ماشي يا حبيبتي وأنا مش هزعل.. ربنا يفرحك دايماً.

صافي: يا رب.. أنا مبسوطة أوي، أنا أنا عايزة أتنطط.. أنا بحبه أوي أوي يا ماما.

هدي: بصي يا صافي يا حبيبتي.. أنا عايزكي تكوني كويسة دايماً.. مش عايزة الحب يأثر عليكي بالشكل ده.

صافي: حاضر يا ماما، هحاول.. وخلاص طالما اسر رجعلي أنا مش هضايق تاني.. أنا هروح أعمل كيكة حلوة أوي بمناسبة دي.

هدي: ربنا يهديكي يا صافي.

***

سامح: الحمد لله اليوم عدى على خير.

نجلاء: الحمد لله.

سامح: لا والبت شكلها مبسوطة كده.. الحمد لله.

نجلاء: الحمد لله.

سامح: مالك يا نجلاء؟ انتي شكلك مش مبسوطة ليه؟ مش كان نفسك تفرحي ببنتك؟

نجلاء: مال شكلي يا سامح، مانا كويسة أهو.

كنزي: لا يا ماما مش كويسة.. وأنا عارفة ليه.

نجلاء: تاني يا كنزي؟ بتتصنتي علينا تاني؟

كنزي: والله ما بتنصت، دا الكلام بينط في ودني لوحده.

نجلاء: لا ونبي.. على العموم أنا مش زعلانة من حاجة.

سامح: وشك بيقول غير كده.

نجلاء: الله بقا يا سامح، انت هتزعلني بالعافية؟

سامح: لا مش بالعافية، بس أنا عارفك كويس.

كنزي: هي مضايقة عشان أنا وافقت إني أعيش مع حماتي.

سامح: صح الكلام ده يا نجلاء؟

نجلاء: بصراحة كده أه.. إزاي توافقوا على كده؟ طب نقول البت وصغيرة وهبلة ووافقت.. إنما انت يا سامح توافق كمان؟

سامح: والله أنا عايز راحة بنتي.. وطالما هي موافقة خلاص، اعترض ليه؟ هي اللي هتعيش مش أنا.

نجلاء: بس واجب علينا نوعيها يا سامح.. مانا جربت الموضوع ولا نسيت يا سامح؟

سامح: الله يرحمها بقا يا نجلاء.

نجلاء: الله يرحمها يا أخويا، بس ليه بنتي تعيش اللي عاشته؟

كنزي: وليه يا ماما نتوقع الحاجة الوحشة؟ ما يمكن ماما فريال تكون غير تيتا.

نجلاء: جتكوا ماو لما يقف في زورك.. لحقت تبقى ماما يا أختي.. وبعدين أنا مش مرتاحة.

كنزي: انتي بتغيري يا نوجا.. ونبي ما في ماما غيرك.

سامح: دا الموضوع شكله غيره بقا.

نجلاء: لا غيره ولا بتاع.. اسكت.. اسكت أنا مبقوقة منك انت وبنتك.. اللي تنشك في لسانها دي اللي وافقت.

كنزي: يعني عايزني أعمل إيه يا ماما؟ هي سألتني ومردتش أحرجها.. وبعدين ماهي عندها حق.. هي مالهاش غير حازم.. ومحدش يحب يعيش لوحده.. واهي تسليني لما حازم يكون في الشغل.

نجلاء: آه تسليكي.. ونبي يا أختي تتوكسي على وكستك شوية.

كنزي: يوة بقا.. هو أنا كل حاجة بعملها غلط؟

سامح: لا يا حبيبتي، انتي عملتي الصح مش الغلط.

نجلاء: اسمعي كلام أبوكي بس مترجعيش تشتكيلي بقا.

كنزي: يا ماما بقا ونبي متزعلي.. أنا عايزكي مبسوطة وفرحانة زيي.

سامح: مين بيرن يا كنزي؟

كنزي: دا حازم يا بابا.

سامح: الله.. هو خد رقمك؟

كنزي: ااه هو خد رقمي.

سامح: امتى؟

كنزي: إيه؟

سامح: خد رقمك امتى؟

نجلاء: أيوة يا سامح، هو طلبه مني وأنا عطيتهوله.. روحي يا كنزي كلمي خطيبك.

كنزي: حاضر يا ماما.. متزعليش بقا يا نوجة قلبي.

سامح: خلاص بقا متزعليش عشان خاطر بنتك.

نجلاء: وأنا سكت وعديت اليوم عشان حد غيرها يا سامح.. يلا ربنا يجعل حظها أحسن من حظي.. أنا هتمناها إيه غير كل خير.. وأفرح بيها وتبقى في أحسن حال.

سامح: بإذن الله ربنا هيكرمها.

نجلاء: يا رب يا سامح.

***

قمر: أيوة يا عربي.. عامل إيه؟

عربي: أنا الحمد لله كويس.. طمنيني عليكم، انتوا كويسين؟

قمر: كلنا بخير الحمد لله.

عربي: والله مش عارف أقولك إيه.. بس الموضوع اللي كنتي مكلماني عنه لسه ما فيش جديد فيه.

قمر: لا، أنا كنت عايزك في حاجة تانية.. أنا عايزك تدورلي على بيت.

عربي: من عنيا.. عايزة في الحارة هنا ولا في حارة تانية؟

قمر: لا حارة إيه.. أنا عايزة في مكان حلو كده.. وبيت يكون كبير.. هتعرف؟

عربي: أيوة طبعاً هعرف.. بس ده هيكلفك كتير يا قمر.

قمر: متقلقش من ناحية الفلوس.. المهم المكان يكون كويس.

عربي: من عنيا يا قمر.. حاجة تانية؟

قمر: تسلملي يا أخويا.. ابقي سلملي على عم سيد وقوله إني هبقى أجيله بإذن الله.

عربي: يوصل يا قمر.

قمر: يلا سلام.

عربي: سلام.

***

سهر: صباح الخير يا صافي.. شكلك بقيتي أحسن دلوقتي.

صافي: أه الحمد لله بقيت كويسة.. انتي رايحة الشغل بدري كده؟

سهر: أه يا حبيبتي.. وقولت أعدي عليكي أديكي الحاجات اللي طلبتيها مني.. خدي أهو ده العلاج اللي خلص من عندك جبتلك بداله.

صافي: متشكرة أوي يا سهر.. تعبتك معايا.. بس انتي جايبة كتير ليه؟

سهر: أنا قولت أجيبلك تخليه عندك احتياطي.. عشان مش ضامنة أعرف أجيبه تاني.. زي ما قولتلك ده بيجيلي من بره.

صافي: إذا كان كده ماشي يا ستي.

سهر: هو اسر كلمك؟

صافي: أه كلمني.. أومال أنا بقيت كويسة كده إزاي يعني.

سهر: ها.. وعمل إيه مع ليل؟

صافي: مش عارفة والله.. بس إن شاء الله يكون بعد عنها.

هدي: صباح الخير يا بنات.

سهر: صباح النور.

صافي: صباح النور يا ماما.

هدي: بما إنكم صاحيين بدري كده.. انزلوا افطروا بقا.

صافي: لا أنا مش عايزة آكل.

هدي: ليه كده بس.. ده فاروق عايز يفطر معاكي.

صافي: بجد بابا تحت؟ ده واحشني أوي.. أنا هنزل أفطر معاه.

هدي: يلا يا سهر انتي كمان.

سهر: مش هينفع عشان متأخرش على الشغل.

هدي: شغل إيه بس اللي تتأخري عليه.. أومال لو مكنتش شركتنا.. يلا من غير حجج قدامي.

سهر: حاضر.

صافي: بابا وحشني أوي.

فاروق: وانتي كمان يا روح بابا.. تعالي اقعدي جنبي.

سهر وهدي نزلوا قعدوا.. وسهر مركزة معاهم.

فاروق: سمعت إنك كنتي مكتئبة.. خير؟

صافي: ماما مش بيتبل في بوقها فولة علطول كده.

فاروق: هدي متقدرش تخبي عليا حاجة.. ها بقا مالك؟

صافي: كنت زعلانة شوية واسر مكنش بيكلمني.. بس كلمني وبقيت كويسة.

فاروق: يعني خلاص مبقيتيش مكتئبة؟

صافي: أه خلاص.

فاروق: طيب.. أنا ألغي بقا خروجة النهارده.

صافي: إيه دا؟ خروجة إيه؟

فاروق: أصل لما سمعت إن بنتي حبيبتي زعلانة.. قولت لازم يا فاروف تاخد إجازة وتخرجها.

صافي: بجد يا بابا؟ هييه!

فاروق: الكلام ده كان قبل ما أعرف إن سي اسر كلمك وبقيتي كويسة.. خلاص ماليش لازمة أنا.

صافي: لا طبعاً مفيش الكلام ده.. انت هتخرجني زي ما قولت.

فاروق: هو عافية يا بت انتي؟

صافي: أيوه طبعاً.. وهتوديني السينما كمان.

فاروق: حاضر يا حبيبتي عيوني ليكي.. هو أنا ليا غيرك.

هدي: حلو أوي.. وخدوا معاكم سهر تغيير جو شوية.

صافي: أيوة يا سهر.. تعالي معانا.

فاروق: سهر عندها شغل مش فاضية.. مش هآجز أنا وهي ونسيب شغلنا كده.. ولا انتي إيه رأيك يا سهر؟

سهر: فاروق عنده حق.. أنا عندي شغل لازم أخلصه.. عن إذنكم عشان متأخرش.

هدي: ليه كده يا فاروق؟ ضايقتها وخلتها تقوم من ع الأكل كده؟

فاروق: أنا مش شايف إن كلامي يضايق.. أنا بقول الصح.. ولو سمحتي يا هدي متدخليش بيني وبين اختي.

هدي: ماهو انت لازم تغير معاملتك معاها دي.. ارحمها شوية.

فاروق: جرا إيه يا هدي؟ انتي هتعلميني أتعامل إزاي مع أختي.. وبعدين هي اتعودت خلاص.

هدي: لا مش هعلمك حاجة يا فاروق.. انت حر.. بس كل واحد عنده طاقة.. ومتلومش غير نفسك في الآخر.. عن إذنك.

فاروق: يوووه.. سديتوا نفسي.. مش واكل.

***

اسر: تونة.. ازيك؟

تونة: كويسة.. خير.. عايز إيه؟

اسر: ليه المعاملة دي بس؟

تونة: مزاجي مش رايق والله يا اسر.

اسر: ليه يا أم العيال؟ الراجل منكد عليكي قبل ما ينزل؟

تونة: أه ونبي يا أخويا.. ومصمم أعمله محشي على الغدا إنهاردة.. وأقوله تعبانة يقولي محشي محشي.

اسر: لا.. ازاي ده يحصل؟ دانتي لازم تطلقي منه.. إزاي يعاملك كده؟ انتي ماوركيش رجالة ولا إيه؟

تونة: فين الرجالة اللي ورايا؟ انت بتشتغلني يابتاعة أنت؟

اسر: لا والله.. أنا أقدر.. دانتي تونة بونبونية البيت.. بسكوتة يا ناس.. بسكوتة.

تونة: أنا عارفة إن عينك عليا من أول ما شفتني.. بس ميصحش كده.. اطلبني من قمر وأنا هوافق.

اسر: أطلبك إزاي؟

تونة: اخطبني يعني.

اسر: مش كبيرة عليا شوية انتي ياتونة؟

تونة: الحب مش بالسن يا حسسين.

اسر: يخربيتك.. انتي مسخرة.

تونة: أنا عارفة إني شربات أصلاً.

اسر: وسكر كمان.

تونة: لا كدا هتغر.

اسر: انتي تتغري براحتك.. بس أنا كنت عايزك في حاجة.

تونة: ها.. ارغي.

اسر: والله نسيت أنا كنت جاي أكلمك ع إيه.

تونة: كنت عايز تسأل على ليل.. ها.. إيه تاني؟

اسر: يابنت اللعيبة.. عرفتي منين؟

تونة: عيب عليك.. دانا تونة.

اسر: طيب قوليلي.. هي فين دلوقتي؟

تونة: تلقيها متلقحة جوا.. ولا مخمودة.

اسر: مخمودة! .. طب ماتدخلي تناديها كده.

تونة شهقت: انت عاوزني أساعدكم في المسخرة اللي بتعملوها دي؟ لا يا حبيبي مش أنا اللي استغفل قمر، مش أنا. ده أنا لو شفتها معاك هقطع لها شعرها كدا.

أسر: ده أنا جايب لك باكو شيكولاتة كبير بالمكسرات. بس شكلك مش بتحبي الشيكولاتة. أروح أرجعها بقى.

تونة: استنى. مين دي اللي مبت-حبش الشيكولاتة؟ استناني هنا بس.

هوا وهكون جيبالك ليل.

أسر: طب وقمر هتعملي فيها إيه؟

تونة: هستغفلها عادي. هي أول مرة يعني.

أسر واقف يضحك عليها.

---

سهر قاعدة على المكتب سرحانة وبتفتكر اللي حصل من سنين.

فلاش باك.

سهر: خير يا دكتور. ماما مالها؟

الدكتور: انتي إزاي ساكتة عليها كل ده؟

سهر: أنا للأسف مش عايشة معاها ومكنتش أعرف إنها تعبانة. خير يا دكتور قلقتني.

الدكتور: مش خير خالص. والدة حضرتك عندها سرطان في الكبد وحالتها متأخرة جداً ولازم تدخل العمليات في أسرع وقت.

سهر بخوف: يعني إيه؟ يعني ماما ممكن تروح مني؟ استحالة.

الدكتور: إن شاء الله ميحصلش كدا. بس ضروري تعمل العملية.

سهر داخلة مكتب فاروق وهي مرعوبة.

سهر: فاروق الحقني.

فاروق بعصبية: قولت لك مليون مرة تخبطي قبل ما تدخلي.

سهر: أنا آسفة يا فاروق، غصب عني والله. بس أنا عاوزاك ضروري.

فاروق: عاوزة إيه؟

سهر: ماما يا فاروق، ماما تعبانة أوي.

فاروق: تعبانة إزاي؟

سهر: أنا كنت بزورها النهاردة لقيتها حالتها وحشة. خدتها للدكتور وقالي إن عندها سرطان في الكبد ولازم تدخل العمليات.

فاروق: آه. لا سلامتها. عايزة مني إيه يعني؟

سهر: انت عارف إن ماما معهاش فلوس للعملية دي. فكنت عايزة أطلب منك حق العملية دي عشان أنقذها.

فاروق: أنا داخل مشروع والفلوس كلها حاطتها فيه ومعيش فلوس للعملية.

سهر: إزاي يعني مع-يش يا فاروق؟ كل اللي أبويا سابه والشركات. إزاي مع-يش فلوس؟

فاروق: يعني مع-يش؟ إيه مش مفهومة دي.

سهر: ااه طيب. أنا عايزة نصيبي في ورث أبويا.

فاروق: والله أنا واصي عليكي لحد ما توصلي للسن اللي تطلبي فيه نصيبك.

سهر: يعني إيه؟ يعني مش عايز تديني الفلوس؟

فاروق: والله أنا قولت اللي عندي.

سهر: حرام عليك. أمي هتروح مني. أنا مليش غيرها يا فاروق ساعدني. وأوعدك مش هطلب منك فلوس تاني بس ان-قذها أرجوك.

فاروق: أنا عندي شغل مش فاضي للعب العيال ده.

سهر بعصبية: لعب عيال إيه؟ بقولك أمي هتموتتت. انت إيه مبت-حسش؟ مش كفاية إنك كنت السبب في اللي هي وصلت له ده.

فاروق: والله أفعالها هي اللي وصلتها لكده. ولما تتكلمي مع أخوكي الكبير، تتكلمي عدل. انتي فاهمة؟

سهر بتعيط: حاضر يا فاروق. هسمع كلامك، هعمل كل اللي انت عايزه. بس أرجوك ساعدني وانسى كل اللي فات. ماما دلوقتي تعبانة وهتموت لازم تساعدني.

فاروق: كلنا هنموت يا سهر. مش أول واحدة تموت يعني. يلا بقى، أنا مش فاضيلك عندي شغل كتير.

"بعد أيام راحت المستشفى"

سهر: أنا آسفة يا دكتور إني اتأخرت. بس والله بحاول أجمع الفلوس. أنا جمعت نص الفلوس وكنت جاية أقول لحضرتك لو ينفع تدخلوها العمليات وأنا والله هجمع الباقي و...

الدكتور: مفيش عملية خلاص.

سهر: يعني إيه؟ ماما خافت؟

الدكتور: والدة حضرتك اتوفت.

سهر: انت بتقول إيه؟ لا، انت أكيد بت-كذب عليا. ماما عايشة. ماما مش هت-س-ب-ني. انت بت-كذب. لاااا. انت بتقول كدا عشان مجمعتش فلوس العملية صح؟ طيب أنا هجمعهم والله هجيبهم دلوقتي. هروح أجيبهم وأجي. ماشي. مش هتأخر.

الدكتور: أهدي يا أنسة سهر. أنا بل-غتك إن حالتها خطر ولازم تدخل العمليات. والدتك مستحملتش واتوفت النهارده. شدي حيلك.

سهر بتصرخ: لاااا ماما مم-ات-تش. ماما عايشة مش هت-س-ب-ني. انت ك-ذاب. ماما عايشة.

*زقتهم وداخلة الأوضة.*

الممرضة جاية تمسكها.

الدكتور: سبيها.

سهر داخلة لمامتها ببطء وبتترعش وقعدت جنبها: ماما. ماما فوقي. طب أنا آسفة إني كنت بعيدة عنك. آسفة إني كنت سايبا-كي لوحدك كل ده. آسفة ع تعبك. آسفة ع كل حاجة. أنا هبعد عن فاروق. أنا مش عايزة حاجة خلاص وه-جي أعيش معاكي. أنا مش عايزة غيرك. بس افتحي عينك بس. قول-يلي إنك هتفضلي جنبي مش هت-س-ب-ني لوحدي. أنا مليش حد غيرك يا ماما. ردي عليا لو بتحب-نيني. ماما مت-س-ب-ني-يشش.

---

زين: سهر. سهر.

سهر مسحت دموعها بسرعة: زين. خير. كنت عايز حاجة؟

زين: آه. كنت جايب لك الملف ده ترجعيه و...

سهر: ماشي. سيبه هنا وهشوفه.

زين: مالك؟

سهر: مفيش حاجة.

زين: مفيش إزاي؟ انتي كنتي بتعيطي.

سهر: افتكرت ماما بس. الله يرحمها.

زين: الله يرحمها. طب لو تعبانة روحي ارتاحي.

سهر: لا مش هينفع عشان فاروق مش هي-جي. مش هبقى أنا وهو إجازة.

زين: طالما تعبانة يولع الشغل.

سهر ضحكت: لا. فاروق معندوش الكلام ده. لو بموت أنزل الشغل عادي.

زين: للدر-جادي!

سهر: وأكتر. بس عادي أنا ات-عودت.

زين: ماشي. أنا هروح ع المكتب. لو احتاجتي حاجة كلم-يني.

سهر: حاضر. شكراً أوي يا زين ع سؤالك.

زين ابتسم-لها: العفو.

---

تونة: أهي يا سيدي جبتهالك. فين الشيكولاتة بقا؟

ليل: يعني انتي مجر-جاني من جوه وتقوليلي حاجة مهمة. وفي الآخر يطلع عشان شيكولاتة؟ يام-عفنة يام كرش انتي.

تونة: آه يا أختي. عشان الشيكولاتة. اومال عشان جمال عيونكم؟ يلا يا حبيبي هات الشيكولاتة.

أسر: بصي. اطلعي أوضتي هت-ل-قاها ع السرير. سيبها لك. روحي خديها يلا.

تونة: لو مل-قاهاش هخلي ليلتكم سودة.

أسر: لا عيب عليكي. هت-ل-قاها طبعاً.

تونة بصت لهم هما الاتنين: ماشي. لما أشوف.

ليل: عن إذنك بقا.

أسر: استني هنا. يعني أنا موز-عاها عشان انتي تمشي؟ راحة فين؟

ليل: راحة ألبس عشان متأخرش ع الكلية. خلص. عايز إيه؟

أسر: عايز أتكلم معاكي شوية.

ليل: اتكلم.

أسر: بصي. في الأول عايز أعرف انتي تعرفي أم صافي منين؟

ليل باستغراب: أم صافي مين؟

أسر: اللي كانت موجودة امبارح وانتي شكلك اتغير لما شوفتيها.

ليل: أنا مش فاهمة حاجة. انت قصدك إن اللي كانت موجودة امبارح دي تبقى أم صافي!!!

أسر: آه.

ليل بصدمة: اازاي!!!

أسر: إزاي إيه؟ مالك يا ليل؟

ليل: لا لا. مفيش. بس أقصد إنهم مش شبه بعض خالص يعني.

أسر: آه. ماهي مش أمها. هي مرات أبوها. بس هي في مقام مامتها وكده. فاهمة؟

ليل: آه فاهمة.

أسر: مردتيش بقا تعرفيها منين؟

ليل سرحت.

أسر: ليل. رحتي فين؟

ليل: أنا معاك. كنت بتقول إيه؟

أسر: كنت بقولك تعرفيها منين.

ليل: لا لا. مين قال إني أعرفها. أنا معرفهاش.

أسر: انتي متأكدة!

ليل: آه آه. وبعدين أم صافي كانت عندك بتعمل إيه وعايزة إيه؟

أسر: ماهو ده الموضوع اللي كنت عايزك فيه. أنا كلمت صافي.

"ليل وشها اتقلب"

أسر: هفهمك. هي جتلي طلبت مني أكلم صافي عشان صافي حالتها وحشة. وإن أنا لما أكلمها هتتحسن. أنا كلمتها عشان مهما كان إحنا متربيين مع بعض وأصحاب و...

ليل: وأنا مالي؟ بتقولي كدا ليه يعني؟

أسر: أنا بشرحلك عشان متفهميش غلط.

ليل: أفهم غلط ليه؟ أنا مالي أصلاً بعلاقتك مع صافي و تكلمها أو لأ. اعمل اللي عايز تعمله. شئ ميخصنيش.

أسر: انتي شايفة كدا!

ليل: آه.

أسر: طيب مش هتروحي الكلية؟

ليل: انت رايح؟

أسر: آه.

ليل: يبقى مش رايحة. عن إذنك.

"دخلت ورزعت الباب في وشه"

ليل: صافي وقرف. أنا مالي. تعبانة ولا مت-ز-ف-تة. مش كفاية إني سايبالها اللي بحبه كمان طلعت واخدة ماما. إنسانة أنانية بكرهها.

قمر: بسم الله الرحمن الرحيم. انتي بتكلمي نفسك يا ليل؟

ليل: بفضفض مع نفسي يا قمر.

قمر: تعالي فضفضي لي يا حبيبتي.

ليل: لا. مانا فضفضت مع نفسي خلاص. أوعدك المرة الجاية هفضفض معاكي. يلا تصبحي على خير.

قمر: أصبح ع خير إيه؟ ما إحنا الصبح يا حبيبتي. انتي جرى لعقلك حاجة؟

ليل: آه صح. إحنا الصبح. طيب أنا راحة أنام بقا.

قمر: وكليتك؟

ليل: مش رايحة. أنا حرة. مش عايزة أروح. الله.

قمر: مالك يا مجنونة ع الصبح؟

ليل: ماليش يا قمر. مضايقة أوي أوي. ماتقومي تعملي لي ست سبع سندوتشات كدا عشان نفسيتي وحشة.

قمر: انتي مش كنتي ه-ت-نا-مي دلوقتي؟

ليل: أنام إيه يا قمر؟ ما إحنا لسه صاحيين.

قمر بصوت واطي: آه صح. عندك حق. البت شكلها ات-ه-بلت.

ليل: بتقولي حاجة يا قمر؟

قمر: لا يا حبيبتي. سلامتك.

---

وليد قاعد مع هنا في كافيه. وهنا بتضحك جامد.

هنا: لا. انت دمك خفيف أوي بجد.

وليد: وانتي لسه شوفتي حاجة. ده أنا هعمل لك أرجوز لو تحبي.

هنا ضحكت: لا مش للدرجة.

واحد شدها من إيدها: انتي زودتيها أوي.

وليد: إيه ده؟ مين ده؟

هنا: انت اتجننت؟ انت إزاي تعمل كدا؟

ماجد: أنا هور-يكي الجنان ع حق لو مجتيش معايا دلوقتي.

وليد: مين ده يا هنا؟

ماجد: مالكش دعوة بيها.

وليد: انت عبيط ولا إيه؟ ماتنطقي. مين ده؟

هنا: ده ماجد ابن عمي.

وليد: هو عشان ابن عمك يبقى يمد إيده عليكي يعني؟

ماجد: آه. وأمد إيدي عليك انت شخصياً.

وليد: طيب. ماتور-يني نفسك كدا يا روحمك.

وليد زقه جامد وقعوا في الأرض وهجم عليه ضربوا في وشه. والشباب اتجمعوا وبعدوهم عن بعض وماجد صاحبه مسكوه.

ماجد: اوعوا مش هسيبوا.

وليد: سيبوه علشان اكسر دماغه المرة دي.

الأمن: إيه اللي بيحصل هنا؟ انتوا اتجننتوا؟

صاحب ماجد: مافيش حاجة، يلا ياماجد نمشي.

ماجد بص لواليد: أنا هوريك ماجد السمري هيعمل فيك إيه.

وليد: مستنيك، متتأخرش عليا.

هنا: الحمد لله غار.

وليد: إيه حكايته ده؟

هنا: إنسان بارد فاكر نفسه علشان ابن عمي هيتحكم فيا.

وليد: طيب ماتقولي لباباكي.

هنا: مبيعملهوش حاجة، بالعكس ده بابا هو اللي مقويه. المهم يا وليد خلي بالك من نفسك، ماجد مش هيسكت على ضربك ليه في وسط الكلية كدا.

وليد: ده شكله عبيط يابنتي.

هنا: عبيط بس دماغه سم، خلي بالك من نفسك وخلاص.

وليد: ماشي ياستي، شكرا على النصيحة. يلا علشان أوصلك.

هنا: ماشي يلا.

___________________

هدي: سهر ياحبيبتي جيتي امتى؟

سهر: من بدري بس محبتش أصحيكي. في حاجة يا هدي؟

هدي: آه ياحبيبتي، كنت عايزة أتكلم معاكي شوية بخصوص فاروق.

سهر: خير يا هدي.

هدي: أنا عارفة إن فاروق قاسي عليكي، وشوفت معاملته ليكي من يوم ما دخلتي البيت ده، بس أرجع وأقولك هو مهما كان أخوكي، متزعليش منه. فاروق ده طيب والله رغم كل جبروته ده.

سهر: متشغليش بالك يا هدي، أنا كدا كدا اتعودت.

هدي: لا ياحبيبتي أنا مش عايزكي تتعودي، أنا عايزكي تسامحيه. قسوته دي مش عليكي بس، ده على ابنه وعليا أنا كمان. هو فاروق كدا مبيحبش اللي يعارضه في حاجة.

سهر: غريبة قسوة عليكي انتي إزاي؟ أنا شايفة إنه بيحبك أكتر من مراته الأولى.

هدي: مش كل حاجة بتكون ظاهرة ياسهر، في حاجات بتكون جوانا محدش يعرفها غيرنا.

سهر: عندك حق.

هدي: المهم أنا كنت عايزكي تسامحيه، ده مهما كان أخوكي الكبير.

سهر: هسامحه طبعًا هسامحه.

هدي: جدعة ياسهر وقلبك كبير. أنا هقوم أحضر الأكل على ما يجوا.

فاروق وصافي داخلين الفيلا وهما بيضحكوا ومبسوطين.

هدي: أخيرًا جيتوا.

سهر: يارب يكون اليوم حلو وتكون صافي انبسطت.

صافي: أوي أوي ياسهر، ده كمان بابا وعدني إنه هيحكيلي حدوتة زي زمان. صح يابابا.

فاروق: بس يابنت، حدوتة إيه؟ انتي كبرتي على الكلام ده.

صافي: إيه ده بقا ياسي بابا، يعني كنت بتشتغلني.

فاروق غمزلها: كدا وكدا، بس قدامهم.

صافي ضحكت: آآه بحسب.

هدي: ربنا يخليكم لبعض يارب ويديم فرحتكم دي.

صافي: يارب ياماما ويخليكي لينا.

هدي: يلا تعالوا اتعشوا، إحنا قاعدين مستنينكم.

صافي: لا عشا إيه، إحنا أكلنا كتير أوي. أنا تعبانة أوي وحاسة إني عايزة أنام.

فاروق: طب كويس، نخلي الحدوتة مرة تانية بقا.

صافي: لا طبعًا، الحدوتة انهاردة يعني انهاردة. مفهوم.

فاروق: طالما قولتي انهاردة يبقى انهاردة طبعًا. عن إذنكم بقا أحسن تتحول علينا، أصل دي مجنونة.

هدي بتضحك: اتفضل طبعًا.

صافي: بتقول حاجة ياسي بابا.

فاروق: مبقولش ياحبيبتي، أنا جاي وراكي اهو.

سهر فضلت علامات الفرحة على وشها لحد ما مشوا كلهم، وقلبت وشها. ياترى بتفكر في إيه تأذي بيه فاروق؟

________________________

فريال: انت نمت ياحازم.

حازم: لا ياماما لسه.

فريال: إيه اللي مصحيك لحد دلوقتي؟ مش عندك شغل بكرة.

حازم: لا عندي شغل، بس كنت بكلم كنزي وهنام أهو.

فريال: كنزي أه.

حازم: مالك ياماما، في حاجة.

فريال: مافيش.

حازم: لا فيه، مالك.

فريال: بصراحة كدا أنا مش عاجباني كنزي دي.

حازم: بس عاجباني أنا.

فريال: انت حر بقا في اختياراتك.

حازم: طب أفهم إيه، مش عاجبك فيها.

فريال: بنت مايعة كدا، مش هتشيل مسؤولية دي.

حازم: وانتي عرفتي منين ياماما؟ دانتي لسه شايفة امبارح.

فريال: أنا ليا نظرة في الناس. دي حتى مقدمتش العصير.

حازم بيضحك: كل دا علشان مقدمتش العصير؟ احمدي ربنا لو كانت قدمته كانت غرقتنا، أصل كنزي مبتعرفش تشيل صواني.

فريال: نعم نعم ياخويا، بتقول إيه.

حازم: أنا عكيت الدنيا ولا إيه؟ لا بصي أنا مقصدش، أنا كنت بهزر.

فريال: لا انت بتتكلم جد. جالك كلامي أيوة، أنا قولت مش هتعرف تتحمل مسؤولية. ماهو انت لو كنت سبتني أختارلك.

حازم: هو مين اللي هيتجوز؟

فريال: انت.

حازم: يبقى أنا اللي أختار.

فريال: طب وانت بتختار مشوفتش الحلوة اللي قدمتلنا العصير دي؟ فكرني كدا باسمها.

حازم: قمر ياماما.

فريال: ماشاء الله، اسم على مسمى. داخلة كدا بالصنية بكل ثقة، واضح إنها بنت جدعة وبنت بلد وتتحمل مسؤولية، مش زي المايعة التانية.

حازم: أنا بحب المايعة ياماما. وبعدين انتي مش كنتي عايزاني أتتجوز؟ اديني هتجوز اهو اللي بحبها علشان أجيبلك العيال اللي نفسك فيهم.

فريال: مانا اللي مسكتني بس إني عايزة أفرح بيك وأشوف عيالك، غير كدا مكنتش سكت أبدًا.

حازم: انتي كل دا وساكتة؟

فريال: آه، وأنا اتكلمت.

حازم: لا، لاسمح الله، أنا اللي بتكلم. تصبحي على خير ياماما.

فريال: وانت من أهله ياحبيب ماما.

اسر بيتصل ب ليل.

ليل بنوم: اسر.. خير.

اسر: انا واقف برا اطلعي نتكلم.

ليل: واقف برا فين.. انت عارف الساعة كام دلوقتي.

اسر: اه عارف ويلا اطلعي.

ليل: انت بتهزر صح.

اسر: مش بهزر ياليل.. اطلعي عاوزك ف موضوع مهم.

ليل: هخرج ازاي يااسر افرض حد صحي.. خليها بكرا طيب.

اسر: لا مافيش بكرا اتصرفي واطلعي.

ليل: يووه يااسر ماشي ماشي هتصرف.

***

وليد بيفتح الباب.. اتزق ف وشه.. ورجالة دخلت واتنين كتفوا ايد وليد.

وليد: انتوا مين.

احد الرجال: احنا اللي هناخد روحك ياروحمك.. كتفوا.

وليد بيضحك باستهزاق: ااه انا فهمت.. الدكر اللي بعتكم.. معرفش يواجهني لوحده ولا هو علشان مش راجل شبهكم.

واحد منهم فضل يضربوا ف وشه لحد ماوقع ف الارض.. اتجمعوا عليه كلهم ونزلوا ضرب فيه برجولهم ورموا ع الأرض ومشوا.

ووليد وقع ف الارض بيحاول يقوم يوصل للموبايل.. وصل للموبايل وفتحوا وبيتصل باسر.

***

موبايل اسر رن واسر كنسل.

اسر: مش وقتك خالص ياوليد.

ليل طالعة متعصبة: اديني طلعت اهو في ايه بقا اللي مش قادر تستنا عليه لبكرة ومصحيني من أحلي نومة.. أكيد حاجة تافهة طبعًا أنا عارفة إنك.

اسر قطع كلامها: ليل أنا بحبك.

ليل: !!!!!

***

سارة نايمة موبايلها رن.

سارة بصت ف الموبايل: وليد بيتصل بيا دلوقتي.

سارة ردت: أيوة ياوليد خير.

وليد: سارة الحقيني انا بموت.

سارة: ايييييييه.

***

اسر: ساكتة ليه.

ليل بتوتر: انت فاجأتني يااسر.. أنا مكنتش.

اسر قاطع كلامها: مكنتيش متوقعة إني أقولها ف الوقت ده.. بس كنتي حاسة.

ليل: أيوة بس يااسر.. أنا.

اسر: أنا مش مستني منك رد دلوقتي ياليل.. بس أنا حبيت أقولها ردًا ع كلامك ليا.

ليل: كلام إيه.

اسر: فكري كدا قولتيلي إيه لما كلمتك عن صافي.

ليل: مش فاكرة ومش عاوزة أفتكر.

اسر ابتسم: ماشي ياستي متفتكريش دا.. بس افتكري إنك بقيتي مهمة ف حياتي.. ورأيك يهمني دايما.

ليل: وصافي.

اسر: أنا وصافي صحاب وإخوات.

ليل: بس هي مش مقتنعة بكدا.

اسر: والله دا مش ذنبي. *موبايله رن*

اسر ملامحه اتغيرت.

ليل: في إيه.

اسر: سارة بتتصل دلوقتي.. ووليد اتصل من شوية.

ليل: طيب رد يمكن ف حاجة مهمة.

اسر: أيوة سارة.

سارة بتتكلم بسرعة: اسر الحقني بسرعة.. في ناس اتهاجمت ع وليد ف البيت وأنا وهو ف المستشفي دلوقتي.. تعالي بسرعة.

اسر بخضة: مين اللي اتهاجموا ع وليد.

ليل: إيه وليد حصله حاجة.

سارة: مش عارفة يااسر مش عارفة.

اسر: طيب انتوا ف مستشفي إيه.

سارة: مستشفي ****.

اسر: اهدي خلاص أنا جايلك.

ليل: في إيه يااسر وليد ماله.

اسر: معرفش مين اللي اتهاجموا عليه.. ادخلي انتي أنا رايح.

ليل: أنا جاية معاك.

اسر: تيجي فين ياليل متهزريش.. ادخلي علشان ميقلقوش عليكي.

ليل: هبقى أكلمهم يااسر.. يلا بس نشوفهم بسرعة.

***

اسر وليل داخلين يجروا.

اسر: سارة.. وليد عمل إيه.

سارة بتعيط: لسه مخرجش ومحدش عاوز يطمني.. أنا خايفة عليه أوي.

ليل: اهدي ياسارة إن شاء الله هيقوم بالسلامة.

سارة: ياررب ياررب.

الدكتور خرج.

اسر: خير يادكتور وليد جراله حاجة.

سارة: هو فينه مخرجش ليه طمني.

الدكتور: اهدوا ياجماعة الحمد لله هو كويس دلوقتي.. بس لسه مفاقش من البنج.

سارة: الحمد لله يارب.. طيب ينفع أشوفه.

الدكتور: لما يفوق بإذن الله تدخلوا تشوفوا.. عن إذنكم.

ليل: خلاص ياسارة متضايقش إن شاء الله لما يفوق تشوفيه.. الحمد لله إن الدكتور طمنا.

سارة: الحمد لله.

ليل بصت لاسر وبصوا لسارة اللي خوفها ع وليد واضح جدًا إن هو مش خوف صحاب ع بعض.

***

قمر صحيت من النوم بتتمطع وداخلة كالعادة تطمن ع تونة وليل صحوا ولالا.. دخلت الأوضة ملقتش غير تونة.

قمر: إيه دا هي ليل صحيت ولا إيه.. يمكن تكون ف الحمام.. راحت الحمام بتخبط.

ليل.. ليل انتي جوا.. فتحت الباب ملقتهاش.

قمر بخضة: بسم الله الرحمن الرحيم.. البت راحت فين من الصبح كدا.

جريت ع برا.

قمر: خليل.. يا خليل.

خليل: خير ياقمر.

قمر: ليل خرجت قدامك.

خليل: لا ياقمر مشوفتهاش.

قمر: يلاهوي يلاااهوي هتكون راحت فين يعني.. استر يارب.

خليل: معرفش ياقمر.. دورتي عليها جوا ف الفيلا.

قمر: وإيه اللي هيدخلها الفيلا دلوقتي.

خليل: شوفيها مش هتخسري حاجة.

قمر: ماشي هشوفها.. ربنا يستر.

***

سارة: ها يادكتور فاق.

الدكتور: أيوة تقدروا تدخلوا تشوفوا.

سارة دخلت أول واحدة.. ووليد رجله متجبسة هي وايده وفي كدمات ف وشه.

اسر: ألف سلامة عليك.. مين شلفطك كدا بس قولي.

وليد: 3 ولاد حرام هاجموا عليا.. خلوني زي مانت شايف كدا.

ليل: حمد الله ع السلامة يا عم.. تعيش وتاخد غيرها.

وليد: ليل كمان هنا.. الله يسلمك.

اسر: صممت تيجي معايا.

وليد: فيها الخير والله.

ليل: والله ماحد ف الخير هنا غير سارة.. كانت قلقانة عليك طول الليل وكانت عاوزة تدخل تشوفك بس الدكتور منعها.

وليد ابتسم لسارة: أنا مش عارف أشكرك إزاي ياسارة.. وأسف إن تعبتك وجرجرتك ف نص الليل كدا أسف بجد.

سارة: متقولش كدا يا وليد أنا معملتش حاجة.. المهم أنت قوملنا بالسلامة.

وليد: بإذن الله.

اسر: مقولتلناش برضه مين دول.

ليل: أكيد حرامية طبعًا.

وليد: لا مش حرامية.. أنا عارفهم.

سارة: عارفهم منين.

وليد: دا واحد اسمه ماجد السمري ضربته امبارح ف بعتهملي.

اسر: مين دا وضربته ليه.

وليد: دا يبقى ابن عم هنا.. غلط فيا امبارح ومد ايده عليها مسكته ضربته ف نص الكلية.. ف بعتهملي ع أساس كدا بياخد حقه.

" سارة وشها اتقلب وليل لاحظت "

اسر : مين هنا دي كمان .. هو انا مقابلتكش بقالي كتير ولا إيه

وليد : واحدة لسه متعرف عليها .. بس بعد العلقة ديي أنا شكلي هقطع علاقتي بيها

" سارة فرحت "

ليل : يبقى تستاهل .. دي آخرة سماحتك

وليد : خلاص هبطلها

اسر : احلف كدا

وليد : لحد ما أخف بس

* الممرضة دخلت *

وليد : إيه القمر دا بس

الممرضة ابتسمت : اتفضل العلاج .. والدكتور دلوقتي هيجيلك .. عن إذنك

وليد : رايحة فين بس خليكي ..

" سارة بتحاول تمسك نفسها "

ليل : ما خلاص يا وحش مش كنت هتتوب من شوية ..

وليد : بحاول مش عارف

الدكتور دخل : عامل إيه انهاردة

وليد : الحمد لله كويس .. بس رجلي هي اللي وجعاني أوي

الدكتور : هي الممرضة معطتكش المسكن

سارة : عطتهوله يا دكتور .. المهم وليد هيخرج إمتى

الدكتور : لا مش هينفع يخرج دلوقتي خالص ..

سارة : مش حضرتك قولت إنه بقى كويس

الدكتور : أيوه بس محتاج رعاية ..

وليد : بس أنا مش هستحمل قعدة المستشفى

سارة : طيب يا دكتور إيه الرعاية اللي هو محتاجها واحنا نعملهالوا في البيت

الدكتور : ياخد العلاج في مواعيده وحد يساعده في كل احتياجاته .. زي ما انتي شايفة كدا هو مش هيقدر يتحرك لوحده

سارة : ماشي خلاص يخرج واحنا معاه

الدكتور : ماشي لو هتقدروا أنا موافق .. بس لو مش هتقدروا وهو مش حابب القعدة هنا .. ممكن نبعت معاه ممرضة هي هتفهم أكتر

سارة : لا لا متقلقش أنا هكون معاه أحسن من الممرضة

وليد : لا أنا بقول انتي هتكوني مشغولة ووراكي كليتك وأكيد مش فاضيلي .. وأنا مش هرتاح وأنا معطلك يعني .. ف الأحسن الاقتراح اللي قاله الدكتور انت تبعت ممرضة معايا

الدكتور بصلهم : زي ما تحبوا

وليد : وياسلام بقا لو يبعت اللي دخلت دي

سارة بعصبية : انت إزاي كدا .. انت إيه يا أخى مبتحسش

وليد : في إيه مالك

سارة : مالي !! لااا ماليش .. أنا غلطانة أصلاً إني كنت بستحمل كل تصرفاتك دي وأعدي وبسكت .. علشان بـ ... * عيطت * أنا كنت بضيع وقتي وانت مافيش فايدة فيك

خدت شنطتها وطلعت تجري وليل وراها

ليل : سارة استني بس

اسر : ليه كدا يا وليد

وليد : اسر روح وراها لو سمحت

اسر : ماشي .. بس هرجع علشان لازم نتكلم

وليد : ماشي بس الحقها

***

نور : اهدي يا قمر إن شاء الله هتكون كويسة متقلقيش

قمر : أهدي إزاي .. دي أول مرة تحصل وموبايلها كمان هنا .. أنا خايفة عليها أوي .. لو حصلها حاجة مش هسامح نفسي

زين : هو اسر في أوضته

عايدة : لا مش في أوضته

احمد : هيكون راح فين هو كمان

زين : استنى يا بابا أنا هكلمه

***

اسر نازل يجري : فين سارة يا ليل

ليل : مشيت وهي منهارة .. مرديتش تخليني أروح معاها .. صعبانة عليا أوي بجد وليد حرجها

اسر : مش عارف بيعمل ليه كدا معاها

* موبايله رن *

اسر : دا زين

ليل : يلاهوي إحنا نسينا نكلمهم

اسر : أيوه يا زين

زين : إيه يا اسر فينك

اسر : أنا في المستشفى مع وليد

زين : هي ليل معاك

اسر : أه

قمر : ليل معاه

زين : أه

قمر خدت الموبايل من إيده : أيوه يا ليل .. انتي فين .. كدا تخضيني عليكي

ليل : أيوه يا قمر .. أنا آسفة والله أنا خرجت ومقولتلكيش

قمر : تعالي بس يا ليل الأول وبعدين نتكلم .. يلا

متتأخريش مستنياكي

نور : خلاص ياستي اطمنتي .. بطلي عياط بقا

قمر : الحمد لله .. أنا متشكرة أوي يا زين علشان طمنتني عليها

زين : لا متشكرنيش .. أنا كنت بطمن على أخويا أصلاً .. يلا أنا رايح الشغل عن إذنكم

احمد : استنى يا زين هاجي معاك

قمر بصاله بغيظ : أنا غلطانة إني بعبره أصلاً .. مبيعرفش يبقى كويس خمس دقايق على بعض

***

كنزي : صباح الخير يا ماما

نجلاء : صباح النور يا حبيبتي .. صاحية بدري كدا ليه عندك محاضرات

كنزي : لا أنا إجازة انهاردة .. بس مش جيلي نوم

نجلاء : إيه اللي مطير النوم من عينك

كنزي : مش عارفة يا ماما .. متوترة كدا وخايفة .. مش فاهمة ليه الاستعجال دا مش كنتوا خلتوها سنة على الأقل

نجلاء : وإحنا مالنا يا أختي مش حماتك هي اللي مستعجلة .. متكلمتيش ليه ساعتها ولا القطة كانت واكلة لسانك .. مش أبوكي سألك قولتي موافقة بتتكلمي ليه دلوقتي

كنزي : خلاص يا ماما خلاص مش هفضفض معاكي بحاجة تاني علشان ترتاحي

نجلاء : استغفر الله العظيم .. خلاص تعالي متزعليش .. تعالي

كنزي : أنا مش زعلانة يا ماما بس مش عاوزاكي واخدة موقف من مامت حازم كدا

نجلاء : يا حبيبتي أنا مش واخدة موقف منها ولا حاجة .. كل الحكاية إني مريت بتجربة مكنتش أحب إنك تدخليها .. بس خلاص طالما انتي راضية خلاص مش هعترض .. وإن شاء الله يكون حالك أحسن مني

كنزي: يارب ياماما.

نجلاء: طيب بما إنك بقا معندكيش حاجة النهاردة، إيه رأيك ننزل نشتريلك شوية حاجات كدا لجهازك؟ آه بلاش نزنق نفسنا للآخر ومافيش وقت.

كنزي بفرحة: موافقة طبعًا.

نجلاء: خلاص ياحبيبتي أنا هكلم أبوكي أقوله.

_____________________

ليل داخلة وقمر جريت عليها.

قمر: كنتي فين ياليل وإزاي تخرجي من غير ما تقوليلي؟

ليل: معلش ياقمر بس فيه واحد زميلنا كان تعبان وروحنا زورناه.. ونسيت الموبايل هنا معرفتش أكلمك.. عن إذنك أنا هدخل أنام بقا عشان تعبانة.

قمر: تعالي هنا، انتي رايحة فين؟ أنا مخلصتش كلامي.

ليل: ماشي، لما أصحى نتكلم.

قمر: مفيش حاجة لما تصحي دلوقتي.

ليل: في إيه ياقمر مالك؟ بقولك تعبانة، منمتش طول الليل.

قمر: وهو حد قالك متناميش؟ حد قالك تخرجي نص الليل من غير ما تقولي؟

ليل: واحد تعبان وروحنا زورناه، حصل إيه يعني؟

قمر: انتي شايفة إن اللي عملتيه دا عادي يعني؟ خروجك من غير علمي نص الليل.. واكتشف الصبح إنك مش موجودة وقلبي كان واكلني عليكي وراسي عمالة تودي وتجيب، ياترى حصلها إيه وراحت فين.. كل دا عادي؟

ليل: قمر لو سمحتي، بقولك تعبانة، حسي بيا شوية.

قمر بعصبية: وأنا مين يحس بيا؟ انتي تعبانة وأنا إيه؟ عايشة حياتي ومبسوطة يعني؟ مانا شايلة الهم ومبتكلمش.. وبقول أسيبك تعيشي الحياة اللي أنا معشتهاش.. أنا عاوزة إيه غير أشوفكم مبسوطين؟ بس تزودي لا مش هسمحلك، مش عشان عشنا في فيلا تنسي اللي اتربينا عليه وتفكري إن كل حاجة بقت عادي بنسبالك.

ليل بعصبية: أنا مبقتش صغيرة يا قمر، أنا عارفة أنا بعمل إيه كويس.. وياستي مش عاوزاكي تشيلي همي، أنا أعرف أشيلوا لوحدي، ارتاحي بقا ولو أنا اللي تعباكي.. أنا بقولك اهو، شيليني من دماغك عشان ترتاحي وتعيشي مبسوطة.. بس متحكميش فيا بعد إذنك.

قمر دمعت: ماشي ياليل، طالما انتي شايفة نفسك مش صغيرة.. ومش لازم أتحكم فيكي ولا عاوزاني أشيل همك وأقلق عليكي.. زي ما تحبي، أنا مش هتدخل في حاجة ليكي تاني ياستي.. عن إذنك.

ليل اتضايقت من اللي قالته.. مش عارفة ليه عملت كدا مع قمر.. جايز تفكيرها في مامتها هو اللي مأثر عليها.

تونة طلعت من ورا الكنبة.. ليل اتخضت.

ليل: يخربيتك.. انتي بتعملي إيه هنا؟

تونة: كنت قاعدة بسمعكم يا أختي.. إيه اللي عملتيه دا مع قمر.. أخزقلك عينك دلوقتي يعني؟

ليل: ونبي ياتونة سبيني أنا مضايقة ومش طايقة نفسي.

تونة: أحسن عشان تبقى تضايقي قمر تاني أحسن.

ليل عيطت: مكنش قصدي.. أنا غبية وبتغبي دايما بس والله بيبقى غصب عني.

تونة: طب خلاص متعيطيش.. خلاص بقا متزعليش مني.. أنا بس مبحبش قمر تضايق.

ليل: ولا أنا والله بس غصب عني بقا.

تونة: خلاص، لما قمر تيجي تصالحيها ماشي.

ليل: حاضر هعمل كدا.. ممكن أدخل أنام ولا انتي كمان هتمنعيني؟

تونة: لا روحي اتخمدي، مش طايقة أشوف وشك.

ليل: يوة مانتي كنتي لسه حلوة.

تونة: كيفي كدا بقا، يلا غوري.

ليل: حاضر.

_______________

قمر قاعدة لوحدها بتعيط.. حد خبط على ضهرها بتلف تبص.

قمر ابتسمت: كريم.. تعالي اقعد معايا.. عامل إيه؟

كريم ابتسم وشاور بإيده: 👍🏻

قمر: يارب دايما ياحبيبي.

كريم مسح دموعها بإيده وبصلها وكأنه بيسألها ليه بتعيطي؟

قمر: اتخنقت أنا وليل.. أنا مش زعلانة من كلامها ليا.. أنا زعلانة عشان مش عارفة اللي جواها.. ليل أختي أنا مربياها.. تصرفاتها دي مبتعملهاش غير وهي جوها حاجة مخبيها.. أنا خايفة عليها أوي.. وف نفس الوقت مش عاوزة أضغط عليها عشان تحكيلي حاجة.. مش عارفة أعمل إيه يا كريم.

كريم قام وقف.

قمر: رايح فين؟

كريم شاورلها تستنى.

بعد 10 دقايق جالها تاني.

قمر: روحت فين وسبتني؟

كريم فتح إيده كان فيها سلسلة رقيقة جدا وفيها قلب صغير.

قمر: جميلة أوي يا كريم.. دي لمين؟

كريم شاور عليها.

قمر: ليا أنا.. أنا أول مرة حد يجبلي هدية.. متشكرة أوي ياحبيبي.. ممكن تلبسهالي بقا؟

كريم فرح إنها عجبتها ولبسهالها.

قمر حضنته: أوعدك مش هقلعها خالص.

_______________________

نادر فتح باب الأوضة.

نادر: سارة ياحبيبتي انتي نايمة؟

سارة عدلت نفسها: لا يابابا أنا صاحية.

نادر: كنت عاوز أتكلم معاكي.

سارة: عارفة يابابا اللي هتقوله.

نادر: لا مش عارفة.. أنا فكرت في اللي اتكلمنا فيه.. ولقيت إن معاكي حق، مش عشان سفري أغيرلك حياتك.. موافق إنك تفضلي هنا طالما هتكوني وسط صحابك والناس اللي بتحبيها.

سارة: لا يابابا أنا مش هفضل هنا.. أنا ماليش حد هنا غيرك انت وبس.. وبما إنك هتسافر.. أنا هروح أعيش مع ماما وأختي في إسكندرية.

نادر: بتتكلمي جد؟ انتي متأكدة من قرارك ياسارة؟

سارة: آه يابابا متأكدة.