رواية حكاية ملاك الفصل الرابع عشر 14 - بقلم روفيدا وائل

هنا: أنا حامل من سيف يا ملاك. ملاك بلعت ريقها بخوف وملامحها بدأت تتغير: سيف؟ سيف مين؟ هنا وبصت في الأرض: سيف يا ملاك. في اللحظة دي دخل سيف. ملاك: سيف! سيف حبيبي، تعال شوف هنا بتقول إيه. هنا شكلها تعبانة وبدأت تهلوس. سيف: مالك يا ملاك؟ أهدي. في إيه يا هنا؟ ملاك برعب: بتقول إنها حامل منك يا سيف. قول لها تبطل كذب. سيف بعصبية: هناااااا! هنا بخوف: مش هسكت! أيوه أنا حامل منه. منه هو يا ملاك. فلاش باك.

من سنة أنا وسيف كنا بنحب بعض جداً، هو وعدني إنه يتجوزني. في يوم. سيف: مالك يا هنا؟ خايفة من إيه؟ انتي ما بتثقيش فيا ولا إيه؟ هنا: يا سيف أنا بثق فيك، أنت عارف. بس ارجوك اطلبني من عمتك بقا الأول. سيف: هنا، انتي زنّانة وأنا مش هستحمل كده كتير. هنا: يا سيف أنا بحبك. سيف: مش باين. أوووف أنا زهقت، أنا قايم. هنا: خلاص خلاص يا سيف، بس سنة واحدة بس وهتتجوزني. سيف: أوعدك يا روح قلب سيف. باك. ملاك: بااااس! كفاية! كفاية!

سيف: ملاك لو سمحتي اسمعيني أنا... ملاك بسخرية: اسمعك إيه؟ هتكدب المرة دي وتقول إيه؟ وزعقت: أنت أييه! ما بتحسش؟ سيف: لا مش هكدب، بس أنا بجد اتغيرت عشانك يا ملاك. ملاك، أنا بحبك من وانا صغير. ملاك: اسكت! مش عاوزة أسمع صوتك. حرام عليك. سيف: ملااااك ارجوكي. ملاك: قومي يا هنا غيري هدومك. لازم يكتب عليكي دلوقتي. سيف: بس... ملاك: ده ابنك، وعلى الأقل لازم يلاقي اسم يتكتب عليه.

سيف: لو ده اللي هيخليكي تسامحيني، أنا موافق. أعمل أي حاجة انتي عاوزاها. ملاك: يلا يا هنا. بعد فترة ليست بقصيرة. الماذون: بارك الله لكما وبارك عليكما وجمع بينكما في خير. في البيت. هنا وحضنت ملاك: شكراً شكراً جداً يا ملاك. ملاك بعدتها عنها بهدوء وبصت لسيف: طلقني. سيف بصدمة: إيه؟ ملاك: طلقني. سيف: ملاك لو سمحتي اديني فرصة. ملاك: طلقنيي يا سيف! طلقنيي لو عندك ذرة رجولة! طلقني!

سيف بعصبية وضربها بالقلم: أنا رجِل غصب عن عينك وطلاق مش هطلق. ملاك: هخلعك يا سيف. سيف ومسكها من شعرها: أعلى ما في خيلك اركبيه يا ملاك. ورماها على الأرض وخرج وقفل الباب عليها. ملاك: بني ءادم همجي ومقرف. وضمت نفسها وفضلت تعيط. في أوضة هنا. سيف: أوعى تكوني فاكرة إنك كده انتصرتي. أنا لو عاوزه أسقطك دلوقتي هسقطك. بس أنا هسيبك لما تولدي وبعدها هطلقك. هنا: حوش حوش!

أنا اللي هطير من السعادة بجوازي منك. فوق يا سيف فوق. أنا مبقتش أطيقك وبقيت أقرف من نفسي على اليوم اللي حبيتك ووثقت فيك. سيف وبص في الفراغ لفترة ومشي. في أوضة ملاك. ملاك: هتساعدني؟ شخص مجهول: أكيد يا ملاكي. انتي بس نفذي كلامي. في اللحظة دي دخل سيف. سيف: بتكلمي مين؟ ملاك وقفلت التليفون بسرعة: وانت مالك؟ سيف بهدوء: ملاك، انتي لسه مراتي وأنا بحبك. انتي سمعتي من هنا، اسمعي مني واديني فرصة ارجوك.

ملاك بحزن: معدش له لازمة يا سيف. أنت بقا ليك أسرة صغيرة حلوة، حافظ عليها يا سيف. هنا بتحبك وطلقني ارجوك. سيف: بس أنا بحبك انتي. في اللحظة دي رن تليفون ملاك. سيف وبص على الشاشة: مين ده؟ ملاك: شيء ما يخصكش. سيف: لا يخصني يا ملاك. انتي بتاعتي أنا وبس. بتخونيني يا ملاك؟ أنا هربيكي. وبدأ يضرب فيها بغضب وبعصبية. ملاك: بكرهك! بكرهك يا سيف! وفجأة سقطت بدون حراك بين يديه.