رواية حكاية ملاك الفصل الثالث عشر 13 - بقلم روفيدا وائل

ملاك: تتجوزني؟ سيف: إيه ده!! ملاك، إيه اللي سمعته؟ أنا بطلبك للجواز، قلت إيه؟ سيف: موافق طبعًا يا ملاك، بس... ملاك: من غير بس، أنا عارفة إن عندك مليون سؤال بس مش قادرة أجاوبك عليهم دلوقتي. سيف: المهم عندي انتي، يا ملاكي، انتي كويسة؟ ملاك: (وانفجرت في العياط) لا يا سيف، أنا رجعت تاني لنقطة الصفر، خسرت أمي للمرة الثانية، مفيش حد أروحله غيرك يا سيف، ارجوك متسبنيش. سيف: اهدّي، اهدّي يا ملاك، أنا هفضل جنبك.

ملاك: شكرًا يا سيف. في مكان آخر. شخص ١: يعني إيه كتبت كل أملاكها لحتة البت دي؟ المحامي: ده اللي في الورق اللي معايا يا أستاذ، وأنا المفروض أروح أسجله في الشهر العقاري. شخص ٢: يعني الورق لسه متسجلش؟ المحامي: أيوه يا باشا. شخص ٢: (بهدوء) يا با، ولا كان حاجة حصلت، والورق ده هيتقطع ولا كأنه اتعمل من أساسه. المحامي: بس... شخص ٢: هديك ٥ مليون، قلت إيه؟ المحامي: مفيش ورق أصلًا يا باشا. شخص ٢: أهو ده الكلام التمام.

في مكان آخر! سيف: تعالي اقعدي مع ماما في البيت، وعلى آخر الأسبوع نكتب الكتاب عشان الناس بس. ملاك: لا لا، أنا هبات في فندق. سيف: (بمكر) من أولها مش هنسمع الكلام بقى ولا إيه؟ ملاك: بس يعني... سيف: متبسّيش، اسمعي كلام جوزك المستقبلي يلا. في بيت سيف. سيف: ماما، دي ملاك، افتكريها. سناء: أهلًا يا ملاك يا بنتي. ملاك: إزيك يا طنط، عاملة إيه؟ سيف: ماما، أنا قررت أحقق حلمك وهتجوز. سناء: بجد يا سيف يا ابني؟

سيف: أيوه يا قلب سيف، بابتسامة، وجايبلك العروسة لحد عندك أهه. سناء: (وبدأت تزغرط) مبروك يا حبيبي، مبروك يا ملاك يا بنتي. ملاك: (بخجل) الله يبارك فيكي يا طنط. بعد أسبوع. بارك الله لكما وبارك عليكما وجمع بينكما في خير. سيف: مبارك يا ملاكي. ملاك: الله يبارك فيك يا سيف، بس ممكن تسبني الفترة دي أتأقلم على الحياة، أنا لسه موت ماما ماثر فيا. سيف: أكيد براحتك يا ملاك، وأنا هكون جنبك في أي وقت. بعد مرور شهر.

تقرب كل من سيف وملاك لبعضهما. ملاك: أنا حبيته جدًا يا هنا. هنا: ليه يا ملاك؟ ملاك: (باستغراب) ليه إيه يا هنا؟ إنتي مش عاوزاني أحب زوجي؟ هنا: ملاك، أنا لازم أقولك على سر. ملاك: إيه يا بنتي، مالك؟ هنا: أنا حامل يا ملاك. ملاك: (بشهقة) إيه ده! حامل؟ إزاي ومن مين يا هنا؟ هنا: لحظة طيش، بس أنا كنت بحبه أوي يا ملاك، هو وعدني إني يتجوزني وغدر بيا. ملاك: مين ده يا هنا؟ لازم نحاول نقنعه، يمكن لما يعرف إنك شايلة ابنه يحن. هنا:

(بخوف) أنا حامل من سيف يا ملاك. ملاك...