رواية حكاية ملاك الفصل التاسع 9 - بقلم روفيدا وائل

ملاك بصدمة: مازن مش معقول. وحضنته. مازن: وحشتينا يا ملاك. عاملة إيه؟ ملاك: أنا الحمد لله يا مازن. انت عامل إيه ومعاذ عامل إيه؟ وحشتوني جداً. مازن: معاذ لو كان يعرف إنك ممكن تكوني هنا كان جه. جودي باستغراب: مين ده؟ ملاك: هبة أحكيلك بعدين. مازن: تعالي معايا يا ملاك. معاذ وبابا لما يشوفوكي هيفرحوا قوي. ملاك: آسفة يا مازن، ما أقدر. هستناك هنا. روح نادي معاذ وتعالوا.

مازن: متخافيش يا ملاك. إحنا كنا صغيرين ومقدرناش ندافع عنك. دلوقتي الوضع اختلف ومش هسمح لماما تقولك كلمة. ملاك: معلش يا مازن. أنا ما عاوزة مشاكل. هستناك تحت في العربية. مازن: أوكي. مش هتأخر. في العربية: جودي: مين ده بقى؟ ملاك بابتسامة: ده مازن. جودي بعصبية: لا والله. تصدقي ما كنتش أعرف. يعني إيه مازن يا ملااااك؟ وإزاي تحضنيه كده؟ ملاك بهدوء: مازن يكون أخويا. جودي باستغراب: أخوكي؟ إزاي؟ أنا مبقتش فاهمة حاجة.

ملاك: ده موضوع كبير هحكيلك عليه بعدين. بس مازن ومعاذ إخوات نهى وإخواتي. في أحد البيوت: مازن: معاذ. معاذ. قوم بسرعة معايا يلا. معاذ: اطلع بره وسيبني في حالي. مازن: قوم يا بني آدم. عندي لك خبر حلو. معاذ بفرحة: إيه؟ شمس فشكلت؟ مازن: شمس مين وقرف مين دلوقتي. أنا شفت ملاك. معاذ باحباط: ملاك مين؟ مازن: ملاك يا معاذ. ملاك. معاذ بصدمة: ملاك؟ أختنا؟ مازن: أيوه. معاذ وقام بسرعة: شفتها؟ شفتها فين؟ هي فين؟ مش جبتها معاك ليه؟

مازن: هي مستنياك على أول الشارع. يلا. معاذ: بنت اللذيذة. وحشتني قوي. في العربية: ملاك: جودي. أوعي تعرفي ماما إننا جينا هنا أو شفنا مازن ومعاذ. جودي باستسلام: حاضر. بعد شوية: ملاك: معاذ. وحشتني أوي. معاذ: وإنتي جداً يا قلب معاذ. عملتي إيه؟ دخلتي كلية إيه؟ ملاك باستغراب: هي نهى ما قالتلكوش؟ معاذ: نهى؟ إنتي شفتي نهى؟ جودي بمقاطعة: ويا ريتنا ما شفناها. كانت شوفة سودة. ملاك بتحذير: جودي. وبصت لمعاذ: نهى معايا في الكلية.

معاذ: إيه؟ جودي: أختك يا أستاذ. ما شفتش ساعة تربية. ابقوا ربوها شوية. ملاك بنفاذ صبر: جوديي. معاذ: سبيها يا ملاك. أنا عارف نهى بتكرهك وماما مالياها حقد وغل منك. ابعدي عنها يا ملاك. جودي: يلا اتأخرنا. ملاك: طيب. يلا. مازن ومعاذ: هنشوفك تاني. ملاك بابتسامة: أكيد. وركبا العربية واتحركوا. جودي: أخواتك دول مش شبه نهى خالص. إزاي يكونوا أخواتها؟ ملاك وضحكت: غريبة.

جودي: لا مش بهزر. هما مش شبهها. مش قصدي أخلاق. حتى شبه الشكل ولا فيهم حتى شبه منك. شكلهم شبه مامتها. ملاك بسرعة: لا لا. مش واخدين منها أي حاجة. دول طفرة. مش شبه حد. لا بابا ولا أمهم. جودي باستغراب: إزاي طفرة؟ إنتي مصدقة الكلام ده؟ الموضوع ده وراه... ملاك: قصدك إيه؟ جودي بتفكير: لا. سيبها عليا أنا دي. وفجأة العربية وقفت. جودي بخوف: إيه اللي حصل؟ ملاك: معرفش. شكلها عطلت. جودي: نعم؟ عطلت؟

طب هنعمل إيه في المكان المقطوع ده؟ اتصلي بطمط وابعتيلها اللوكيشن. خليها تبعتلنا حد. ملاك: لا لا. أنا قولتلك ماما متعرفش إني هنا ومش عاوزاها تعرف. أنا عارفة ورشة قريبة من هنا. هنروح وهما يجوا يجبوها. بعد فترة: وقفوا قدام الورشة. شخص وقعد يدعك في عينه جامد ويبصلهم. ملاك: مالك يا سيف؟ سيف: إنتي تعرفيني؟ ملاك: معقول مش فاكرني؟ أنا ملاك. سيف: ملاك؟ إنتي رجعتي؟ أنا مش مصدق. حمد الله على السلامة. ملاك: رجعت منين؟

سيف: إنتي مش كنتي مسافرة؟ ملاك: آه. آه. سيف. عربيتي على أول الشارع عطلانة. ممكن تيجي تشوفها؟ سيف: أكيد. تعالي وريني مكانها. جودي وقربت منها وهمست: ومين سيف ده؟ هو كمان ابن عمك؟ ملاك وخبطتها في كتفها: لا. ده كان كراش الطفولة. جودي بابتسامة: متأكدة إنه كان بردوا. ملاك ابتسمت وسكتت. سيف: دوري العربية يا ملاك. ملاك: شكراً يا سيف. دارت. حسابك كام؟ سيف: عيب عليكي يا ملاك. يلا اركبي. ملاك بابتسامة: شكراً يا سيف. واتحركت.

تاني يوم في الكلية: جودي وملاك كانوا داخلين الكلية وعمالين يضحكوا. وفجأة وقفوا وانصدموا من اللي شافوه.