رواية حكاية ملاك الفصل الثالث 3 - بقلم روفيدا وائل

داده سميه: الحقي ي هانم ستي ملاك في المطبخ واقفه عند البوتاجاز ومش راضيه تطلع. نور: قامت بسرعه. ملاك انتي بتعملي أي ي حبيبي؟ ملاك: قربت أخلص الفطار والله. أهه شوية صغيرين بس. نور: ودمعت. ووخدتها في حضنها. لا ي ملاك انتي ملكيش دعوة بأي حاجة. الي انتي تحتاجيه اطلبيه من الداده. ملاك: بس أنا كنت بعمل كده هناك. نور: أنا عاوزاكي تنسي كل حاجة كنتي بتعمليها. الحياة هنا مختلفة. وشاوري بس وكل اللي انتي عاوزاه يتنفذ.

ملاك بفرحة: بجد؟ نور: أيوه بجد ي روحي. يلا طلعي غيري علشان نروح المدرسة. جاهزيلها سندوتشات ي داده. في إحدى المدارس الخاصة. المدير: بس ي مدام نور حضرتك عارفة القوانين وعارفة إني مينفعش أعملها ملف من غير شهادة ميلاد وإثبات شخصية. نور: أنا بقول عاوزاها تدخل الفصول لحد ما أجيب شهادة الميلاد بتاعتها وورقها. المدير: بس ده مخالف للقانون. نور: وحطت فلوس قدامه. المدير: من عنيا ي مدام نور متخافيش. أنا هوصي عليها.

نور: شكراً. وبصت لملاك. عاوزاكي تركزي ي موكا وتكوني أشطر واحدة هنا. ملاك: حاضر ي طنط. نور: ملاك انتي بيتك فين واسم باباكي إيه؟ ملاك: هو في آخر الشارع اللي كنت قاعدة عنده. نور: ماشي ي حبيبتي يلا ادخلي وأنا هاجيلك لمة تخلصي. نور: عاوزين نروح قرية ****. ي عم صبحي: حاضر ي هانم. أمام أحد المنازل التي على وشك السقوط توقفت هذه العربية الضخمة. نور: لو سمحتي فين بيت محمد منصور؟ السيدة: وشاورت على أحد المنازل. هو ده.

نور: شكراً. خبطت ع الباب. نجوى من الداخل: استني اللي ع الباب هنطير ولا إيه. ولتحت: أي دا انتي مين؟ نور: محمد منصور موجود هنا. نجوى: بغيظ. أيوه يختي عاوزة إيه؟ نور: عاوزة أتكلم معاه شوية ينفع تناديه؟ محمد من الداخل: مين ع الباب ي نجوى؟ نجوى: أنا عارفة ي خويا دي واحدة أبيه كده بتسأل عليك. محمد: اتفضلي ي هانم بس انتي مين؟ نور: أنا نور المرشدي أكبر سيدة أعمال في الشرق الأوسط. محمد: باستغراب. وانتي عاوزة مني إيه؟

نور: أنا معايا ملاك بنتك. نجوى: بنت الـ... وقعت. واقفة. محمد: مليش بنات بالاسم ده. نور: معرفش إزاي أب بالقساوة دي. بس أنا جاية عاوزة شهادة ميلادها وكل حاجة تخصها. محمد: قولتلك. نجوى وقاطعته بسرعة: اهدي ي محمد. أنا عارفة إنك زعلان عشان عملتها. بس مش تنسى إنها هتفضل بنتك برده وامرها يهمنا. نور باستغراب: إزاي هي كده؟ طب تمام عاوزة الحاجة.

نجوى: كلك نظر ي هانم مش بالسهولة دي. إحنا صرفنا عليها دم قلبنا وانتي عاوزة تاخديها بالساهل كده. وبدأت في العياط ودموع التماسيح. نور: يعني أفهم من كده إنك عاوزة أرجعها. نجوى بسرعة: لا لا. بس تقدري. الفترة دي انتي عاوزة تاخديها بالجاهز كده. نور بقرف من شخصيتها: عاوزة إيه؟ نجوى: مليون جنيه. نور: إيه....