رواية حكاية ملاك الفصل الثاني 2 - بقلم روفيدا وائل

ملاك: مش هنام وهعمل كل الشغل والله ي بابا. محمد رماها بره وقفل الباب. محمد: مش ناقص مشاكل. ملاك: بعياط والنبي ي بابا افتحلي انا مليش غيرك هروح فين. ملاك: والنبي ي طنط خليه يفتح وهعمل كل الي تقوليه عليه. نجوى بسهوكة: يلا ي حبيبي خلينا نفطر. ملاك قعدت قدام الباب وضمت ركبتها وفضلت تعيط. فجأة حست بالباب بيتفتح قامت بسرعة. مازن ومعاذ: ملاك تمشيش احنا بنحبك. ملاك: وانا كمان بحبكوا قولوا لبابا يدخلني.

نجوى: مازن معاذ ادخلو جوا وانتي امشي يلا مش عاوزه اشوف وشك. مازن ومعاذ بصوا لملاك بنظرة فيها رجاء وعينهم مدمعة. نجوى: قلت جوا كلامي مش بيتسمع ليه. أنا ملاك عندي 12 سنة. مامتي توفت من وأنا عندي 3 سنين وساعتها أبويا اتجوز على طول ما استناش شوية. طنط نجوى كانت بتعاملني كويس جداً بس من بعد ما جابت نهى وهي بقت بتكرهني وبتضربني. نهى عندها 8 سنين ومازن ومعاذ توأم 6 سنين.

بدأت أمشي مش عارفة هروح فين لحد ما خرجت على الطريق وقعدت على الرصيف أعيط. أنا معرفش حد أروحله. فجأة وقفت عربية ضخمة ونزل منها ست باين عليها في منتصف التلاتينات. نور: انتي قاعدة بتعيطي كده ليه انتي تايهة من أهلك؟ ملاك... نور: طب أساعدك إزاي؟ ملاك: قولي لبابا يفتحلي الباب والنبي وهعمل كل الي يقولوا عليه ومش هنام تاني والله بس والنبي خليه يدخلني. نور وبصتلها باستغراب: بنت في السن ده يطردها ليه؟ عملت إيه؟

ملاك: هتقوليله ي طنط. نور: بصي قومي تعالي معايا وأنا اللي هعملك كل حاجة ي ستي أي رأيك؟ ملاك: بس أنا عاوزة أروح لبابا ومازن ومعاذ. نور: يعني مش عاوزة تيجي معايا؟ أنا معنديش ولاد على فكرة. أي رأيك تكوني بنتي؟ ملاك وبصتلها. نور: ها قولتي إيه؟ أنفع أكون مامتك؟ ملاك بفرحة: موافقة. نور: طيب يلا قومي اركبي العربية. ركبوا العربية واتحركت لتقف أمام قصر من أفخم قصور العالم. نور: داده ي داده. دادة سمية: أيوه ي هانم.

نور: خدي ملاك الأوضة بتاعتها وخليها تاخد شاور وهاتيها. دادة سمية: حاضر ي هانم. بعد وقت ليس بالقصير. نور: ادخلي ي ملاك تعالي. ملاك: هو أنا هفضل هنا؟ نور: أيوه ي حبيبتي واجهزي علشان هتروحي المدرسة وعاوزاكي تكوني دكتورة كبيرة. ملاك: بس أنا عاوزة أكون مهندسة. نور: خلاص مهندسة كبيرة. ملاك: هو انتي قاعدة هنا لوحدك؟ نور: أيوه جوزي مات من 5 سنين وأنا زي ما قولتلك معنديش ولاد وانتي جيتيلي عوض نتيجة دعواتي. ملاك: أنا بحبك أوي.

نور: وأنا كمان ي روحي بس احكيلي باباكِ مشاكِ ليه؟ ملاك وبدأت تحكيلها. نور وع وجهها علامات استغراب: هو ممكن واحدة تكون بالقساوة دي؟ نور: طيب يلا نامي ي ملاك علشان هوديكي المدرسة من بكرة. في الصباح الساعة الخامسة صباحاً. دادة سمية: الحقيه ي هانم الحق ستي ملاك...