رواية حكاية مريم الفصل العاشر 10 - بقلم ندى عبد العزيز

وقفنا البارت اللي فات لما محمد كان فاضله جلسة واحدة بس في الكيماوي. في المستشفى. علي: أيوه ي عم، آخر جلسة وخلاص. محمد: مقبولة منك ي عم، المهم هتجوزني اختك امتى؟ علي: ده بعينك، مفيش جواز غير بعد سنتين، عايز أشبع من أختي. محمد بصدمة: نعمم ي اخويااا، جواز أي اللي بعد سنتين؟ علي بأستفزاز: فيها أي، إحنا مش مستعجلين خالص، ممكن سنتين أو تلاتة، أو نفشكل الخطوبة أصلاً، أختي لسة صغيرة وملحقناش نشبع منها، صح ي مريومتي؟

مريم بضحك: صح. محمد بغيظ: صح ف عينك انتِ وهو، أنا هطلع من هنا هعمل التحاليل، لو خفيت هتجوزها تاني يوم، مليش فيه. علي: يعم إن شاء الله هتخف، بس مش هجوزهالك بردوا. محمد: اطلع برا يلا. علي بضحك: يعم متزوقش، كدة كدة أنت خلصت وهنطلع برا كلنا. محمد: يعني معتجوزنيش اختك بردوا؟ علي: لا. محمد: ده أنت عيل مستفز. علي: تشكرات تشكرات، مش محتاج تقول. فون علي رن. علي: استنى أما أشوف عمتك عايزة أي. علي: أي ي امي، في حاجة ولا أي؟

الأم: مفيش حاجة، بطمن أشوفكوا طلعتوا من المستشفى ولا لا. علي: إحنا كنا لسه طالعين اهو، بس أنتِ رنيتي. الأم: ماشي، هات الواد محمد معاك عشان هيتغدا معانا. علي: ماشي، أنتِ عاملة أكل أي؟ الأم: مكرونة بالبشاميل وجلاش وبانية، والتحليه كيكة بمناسبة إن محمد آخر جلسة ليه النهارده. علي: أيوه يختي، ده كله لمحمد، أما أنا والغلبانة التانية ملناش حاجة. الأم: أيوه، هو هفتان لازم ياكل، أما أنتوا مبترحموش، بتاكلوا كل ساعة أصلاً.

علي: طيب يستي، متشكرين. الأم: طيب ي خويا، سلام. علي: سلام. محمد: جايبين سيرتي ليه؟ علي: أمي عامله وليمة عشانك يعم، ده لو إحنا م هتعمل كده، أنا ابتديت أحس إنك ابنها مش إحنا. محمد: يعم هما لقينك قدام باب جامع أصلاً، المهم قولي عامله أكل أي. علي: مكرونة بشاميل وجلاش وبانية، وللتحليه كيكة. مريم: يلهويي، عامله مكرونة بشاميل، طب يلا بسرعة نروح. علي: ودي واحدة همها على بطنها. محمد: ملكش دعوه، هي تعمل أللي هي عايزاه.

علي: بقيت أنا الوحش دلوقتي، أنا السئ ف رواية الكل أصلاً. محمد: لا وأنت الصادق، أنت السئ ف روايتك أنت أصلاً. مريم: ممكن تبطلوا رغي بقا ونروح عشان جعانة. علي: يلا يعم لحسن دي شوية وهتاكلنا. روحوا وكلوا، ومحمد عمل التحاليل. بعد يومين ونتيجة التحاليل طلعت. مريم: ها ي محمد، طمني، أنت خفيت صح؟ محمد بفرح: أيوه ي روما، خفيت. مريم بفرحه: الحمدلله يارب، ماماا ي علييي، محمد خف. الأم بفرحة: هاتي أكلمه.

الأم: ازيك ي محمد، مُبارك ي حبيبي إنك قمت بالسلامة. محمد: حبيبتي ي عمتو، الله يسلمك. الأم: بقولك أي، أنت تيجي تتغدا معانا النهارده بمناسبة دي، وكمان عشان بقالي كتير مشوفتكش. محمد: عيوني، أنا كده كده كنت جاي عشان أحدد معاد كتب الكتاب والفرح. الأم: ماشي ي حبيبي، علي معاك اهو، عايز يكلمك. علي: مُبارك ي حبيبي. محمد: الله يبارك فيك يسطاا، المهم أنا عايز أحدد معاد كتب الكتاب. علي: بعد سنتين إن شاء الله ي حبيب قلبي.

محمد: اه اه إن شاء الله، بقولك أي. علي: أي. محمد: عمرك سمعت صوت القطر قبل كده؟ علي: لا، ليه. محمد قفل الفون ف وش علي. علي: اه ي ابن ال، طب مش هجوزهالك خالص ولا حتى بعد سنتين. جه محمد بليل وحددوا معاد كتب الكتاب هيبقى بعد أسبوع. عدا الأسبوع ومريم بتحضر ل يوم كتب الكتاب ومعاها اسيل ومنه وياسمين. وجه اليوم المنتظر، يوم كتب الكتاب. مريم: شكلي حلو؟ البنات: قمر ي روحي. مريم: يعني بجد شكلي حلو مش وحش؟

اسيل: يابت زهقتينا ف عيشتنا، دي المرة السابعة اللي تسألينا فيها شكلي حلو ولا لا، وربنا شكلك جامد. الأم بدموع: بسم الله مشاء الله، أي الحلاوة دي. مريم: والله لو ما بطلتي عياط هعيط معاكي، وكده كده مش حاطه ميكب ف مش هتفرق. الأم: لا خلاص، أنا بطلت اهو. علي بدموع هو كمان: اخيراً شوفتك عروسة ي حبيبي، لو عليا والله مخلكيش تتجوزي وتقعدي معانا، بس اهو النصيب. مريم بدموع: ربنا يحفظك ليا. علي: وليا ي حبيبتي، يلا عشان تطلعي.

مريم: يلا ي حبيبي. المأذون: بارك الله لكما وبارك عليكما وجمع بينكم في خير. البنات والأم: لولولولولولولوللي. لسه محمد رايح يحضن مريم لقا علي ف وشه. علي: أنت رايح فين يلا أنت؟ محمد: يادي النيلة، يعم بقت مراتي، يبقى المسها براحتي. علي: لا هو أي اللي تلمسها براحتك، استنى يخويا لحد الفرح. الأم: سيبه ي واد ي علي، في أي، ما هي مراته. علي: يووه بقاا، لا مش هيلمسها. الأم: تعالي ي علي، أنا عايزاك.

علي: ثانية واحدة، أنت لو زعلتها أنا هعمل فيك أي. محمد: يعم اتلهي، مش لما اشوفها الأول، هو أنت مهنيني عليها. علي: طب روح يخويا، روح. محمد: الحمدلله افراج. وراح ل مريم وحضنها وقعد يلف بيها. محمد: شايفك عينك على اسيل، يعني اخطبهالك. مالك صاحب محمد: اه بالله عليك اخطبهالي. احمد: مبروك ي علي، مبروك ي انسة مريم. علي ومريم: الله يبارك فيك، عقبالك.

علي ل محمد: ده احمد اللي وصل مريم المستشفى يوم الحادثة، ده محمد ابن خالي وجوز مريم. محمد: اتشرفت بيك، وشكراً على اللي انت عملته مع مريم. احمد: مفيش شكر ولا حاجة، الف مبروك. محمد: الله يبارك فيك. احمد ل علي: بقولك أي، هي مين اللي هناك دي. علي: دي منه صاحبة مريم، ليه. احمد: طب ما تخلي اختك تكلمها، عايز اخطبها. علي: تخطب مين يابني، أنت اول مره تشوفها. احمد: لا تاني مرة، شوفتها ف المستشفى.

علي: ماشي ي عم، هخلي مريم تكلمهالك تاخد معاد من أهلها. احمد: حبيبي أنت والله. عند مريم والبنات. مريم بغمزة ل ياسمين: أي يا ياسو، شيفاكي مش معانا، مش صح يا بنات. البنات: أيوه، هي عنيها ع حد كده. مريم: لا، والحد ده عينه عليها بردوا (الحد ده علي) بعد كتب الكتاب ب يومين كل واحدة من البنات اتخطبت. منه اتخطبت ل احمد، واسيل ل مالك، وياسمين ل علي. محمد ومريم قرروا ميعملوش فرح ويسافروا يقضوا شهر العسل بدل الفرح.