رواية حكاية مريم الفصل الأول 1 - بقلم ندى عبد العزيز

الأم: قومي يا علي صحّي اختك عشان تفطروا. علي: بس كده من عينيّا. علي: مريييييييييييييىمممم! مريم: أعااا! البيت بيولع! فين الموبايل؟ علي بضحك: يا هبلة، انتي لو البيت بيولع هتدوري على الموبايل برضه؟ مريم: هو انت! غور من وشي! علي: مشكورة يا رجولة. قومي بقى عشان نفطر. مريم: حاضر. مريم: صباح الخير يا نبع الحنان. الأم: صباح الفل يا قلبي. علي: أيوه يا اختي، هي يتقالها "يا قلبي" وأنا ليا الشتايم؟ بس أنا ابن البطة السودة بقى.

الأم: بقا أنا بطة سودة؟ يلا! مريم: أيوه يا ماما، اديله. وبعدين يا ابني، إحنا لاقينك قدام المعبد اليهودي أصلاً. علي: طيب يا سيدي، شكراً. الأم: بس انتوا الاتنين وافطروا مرة من غير خناق ومناكفة في بعضكم. علي ومريم: حاضر. مريم دخلت تكلم صحابها. مريم: جدعان، بقولكوا إيه؟ أنا وحشني أوي السنتر والمدرسين. بقالنا كتير أوي مشوفناش المدرسين. أسيل: والله وأنا كمان بجد. نفسي أشوفهم أوي. باقي الشلة: خلاص، ممكن نروح النهاردة؟

كدة كدة معندناش حاجة غير محاضرة الساعة 10. مريم: آه صح، فكرتوني بالمحاضرة دي. أنا كنت ناسياها خالص. خلاص، هقوم ألبس أهو. الساعة داخلة على 9 ونص عشان نوصل بدري. الشلة: ماشي، سلام. علي: إيه يا مريومتي؟ وراكيش كلية النهاردة؟ مريم: لا يا حبيبي، هقوم ألبس وأنزل أهو. مريم لقت فجأة قلم نازل على قفاها. مريم: آآآه! يا شيخ منك لله! ما أنا قولت برضه، إنت متغير. ومريومتي وبتدلعني. متكملش حاجة عدلة للآخر كده.

علي: أصل الصراحة، قفاكي مغري أوي. مقدرتش أمسك نفسي. مريم: طب يلا يا خويا، طرقنا عايزة أغير. علي: إيه طرقنا دي؟ يابت احترميني شوية، أنا أكبر منك. مريم: أكبر مني فين؟ يعم إنت شكلك أصغر مني أصلاً. وبعدين خلي البساط أحمدي كده، ما كانوش حتة 8 سنين اللي بينا. علي: طب قومي ياختي البسي بدل ما تتأخري على المحاضرة. مريم: أشطا. مريم لبست وكلهم نزلوا ما عدا سالي. مريم: هي فين سالي؟ ياسمين: سالي كعادتها بتتأخر على طول.

منة: أنا مكلمها قبل ما ننزل بعشر دقايق. عشان عارفة إنها بتتأخر، قالتلي هتلبس الكوتش وتنزل. مريم: أهي الهانم جت أهي. سالي: أوعوا تكونوا جايبين سيرتي بالشر. الشلة: ليه يختي؟ إحنا نقدر. مريم: يلا يا زفتة قدامي عشان نلحق المحاضرة بدل ما نتطرد من أولها. وصلوا الكلية، وطبعاً لقوا الدكتور دخل. مريم: منك لله يا شيخة، الله ينشك في صباع رجلك الصغير يا بعيدة. الدكتور كان مديهم ضهره وبيشرح. مريم: احم احم، ممكن ندخل يا دكتور؟

الدكتور: لا، ما ممكن. على ده استهتار بالمحاضرة. مريم بصدمة: إيه ده؟