رواية حكاية نور الفصل السادس 6 - بقلم أمل سليم

دخلت غيرت هدومها. ولبست فستان سماوي رقيق وأطلقت لشعرها العنان. وراحت خبطت على آدم. فتحلها وانبهر من جمالها الرقيق. نور اتكسفت من نظراته: جدو قال لي إني لما أصحى أخبط عليك. آدم شدها من إيديها: مش عايزة تشوفِ أوضتي. نور بتوتر: آه جميلة. همشي بقى. جذبها مرة أخرى إليه وقرب من وجهها جداً. آدم: طب إيه رأيك في صاحب الأوضة. نور: ابعد يا آدم مينفعش كده. آدم: طب غمضي عينيك وأنا أبعد. نور: بجد. آدم: طبعاً. نور: ماشي.

غمضت عينها وهو قام بطبع قبلة رقيقة سريعة على شفتيها. شهقت نور وجريت على أوضتها. في أوضة نور. ابتسمت من جواها على بوسة آدم ليها، لكن قررت تعاقبه عشان ما يعملهاش تاني. تاني يوم على الفطار. نور ما بصتش أو اتكلمت مع آدم خالص. وهو فسر إنها زعلانة منه. آدم: أحم نور مش هتيجي معايا الشركة. نور: لأ روح أنت وأنا هحصلك. آدم: طب ما تيجي معايا طالما إحنا الاتنين رايحين الشركة. نور: هقعد أتكلم مع جدو شوية فيها حاجة.

آدم: لأ ما فيهاش. عن إذنك يا جدو. الجد: مع السلامة يا حبيبي. بعد ما آدم مشي. الجد: آدم مزعلك يا نور. نور: آه يا جدو وبعاقبه. الجد: لما تخلصي عقابك تقولي لي مزعلك ليه. نور: حاضر يا جدو. المهم... جدو تعرف حد يجيب لنا أجهزة تصنت صغيرة جداً ما تتشافش. الجد: آه أعرف واحد صاحبي ليه في الحاجات دي. نور: طب يا ريت يا جدو تكلمه. الجد: حاضر يا نور. نور: عن إذنك يا جدو هقوم ألبس عشان أروح ورا البيه. الجد: هههه ماشي يا حبيبة جدو.

طلعت لبست ونزلت راحت الشركة. وبعدها دخلت على مكتبه. نور: هستلم شغلي امتى يا آدم بيه. آدم: بيه! انتِ بتكلميني أنا. نور: هو فيه حد غيرنا في المكتب وأنا مش شايفة. قام وراح عندها. آدم: أنا آسف. نور: آسف ليه. آدم: عشان اللي عملته امبارح. بس أنا كان نفسي أعمل كده قوي. عشان خاطري سامحيني. نور: مش هتعمل كده تاني. آدم: أبداً. نور: ماشي مسامحاك. ها أبتدي شغل امتى. آدم: من النهارده لو عايزة. نور: ماشي موافقة. فين مكتبي.

آدم: أهو. وشاور على غرفة. نور: مش المفروض تكون برة. آدم: لأ أنا هلغي البرة وأخليه جوه عشان تفضلي قدام عيني يا قلبي. نور: انت بجد بتحبني يا آدم. آدم وهو ينظر لها بنظرة عشق وليس حب: أنا بعشقك يا قلب وروح آدم. في كافيه. مشيرة: إحنا هنفضل ساكتين للبِت دي لحد ما يتجوزها. حسام بنظرة توعد: سيبيه يتجوزها. مشيرة: انت بتفكر في إيه. حسام: بفكر أحرق قلبه. مشيرة: إحنا المهم عندنا الفلوس.

حسام: أنا غيرت الخطة وبدل ما أخد الفلوس بس. هاخد الفلوس بطريقتي وكمان أحرق قلبه. مشيرة: انت ناوي على إيه. حسام: هتعرفي أكيد بس مش دلوقتي. في الفيلا. الجد: إيه أخبار الشغل يا نور. نور: تمام يا جدو. آدم: دي طلعت شاطرة قوي يا جدو. الجد: طبعاً مش حفيدة الجارحي. نور: طبعاً يا جدو. آدم: الحمد لله. هقوم أغسل إيدي. الجد بصوت منخفض: بعد ما آدم ينام تعالي أوضتي. في حاجة مهمة. نور: حاضر يا جدو. بعد شوية. الجد: آدم نام.

نور: آه يا جدو. في إيه. الجد: خدي أهو أجهزة تصنت. نور بفرحة: لحقت جبتها يا جدو. الجد: انتِ مش عارفة جدك ولا إيه. نور: ههههه لأ طبعاً الجارحي باشا. الجد: طبعاً يا نور. أنا مش عايز تسجيل واحد أنا عايز كذا تسجيل. وكمان أي ورق تعرفي تجيبيه هاتيه. عارف إنها مهمة صعبة بس مش هتعصي عليكي. نور: الحاجات دي يا جدو هتخلّي آدم يسامحني لما يعرف الحقيقة. فلازم أعمل كل جهدي. الجد: ربنا معاكي يا نور. نور: يا رب. بعد مرور شهر.

نور قدرت تجيب تسجيلات لحسام ومشيرة وحازم فيه اعترافهم كله. وجابت شوية ورق بردوا دليل. وعرفت إنهم بيدبروا مصيبة لآدم. بس فاضل تجيب الدليل. نور بفرحة: مش مصدقة يا جدو. مش مصدقة. جبت كل حاجة تثبت إنهم متفقين على آدم. الجد: كنت متأكد يا روح جدو إنك قدها. نور: ربنا يخليك ليا يا جدو. انت ربنا بعتلي من السما والله. الجد: انتِ نور اللي نورت حياتي وحياة آدم. دخلت في حضنه وباسته في خده: بحبك قوي يا جدو.

دخل آدم بغضب مصطنع: خيانة! خيانة! جدي مع نور. يا فضيحِتك يا آدم. الجد: آه خيانة بقى وأنا اللي هتجوز نور. إيه رأيك يا نور؟ سيبك من الواد ده. نور: على رأيك. أنا موافقة. آدم: نهار أسود بتبيعيني على طول. نور: يا بني ده الجارحي باشا. آدم: آه والله عندك حق. المهم بقى نتكلم بجد. عايزين يا جدو نحضر للفرح. الجد: طب ما تبدأوا. آدم: ها إيه رأيك يا نور. نور: ماشي معنديش مشكلة. آدم: تمام الفرح بعد أسبوعين. نور: على طول كده.

آدم: آه القاعة مش هتاخد وقت إنشاء الله. آه بصي القاعة والفستان هيبقوا مفاجأة ليكي يوم الفرح. أنا هسيبك تشتري هدومك بس. وننزل أي وقت نغير أوضة النوم بتاعتي على ذوقك. الجد: ولو عايزة تغيري أي حاجة في الفيلا حبيبتي براحتك. نور: ربنا يخليكوا ليا بجد. أنا مش مصدقة إن ربنا رزقني بيكم. آدم: انتِ تستاهلي كل حاجة حلوة يا نور. المهم موافقة. نور: طبعاً موافقة. الجد: على خيرت الله.

نور طول الأسبوعين قلقانة من سكوت حسام ومشيرة وحازم. وغير كده مش عارفة توصل للمصيبة اللي بيدبروها لآدم. بس مش عارفة توصف فرحتها إنها خلاص هتتجوز آدم. وجه اليوم اللي هيتغير فيه كل حاجة 360 درجة. يوم فرح نور وآدم. في غرفة نور. سهى: أموت وأعرف إزاي أسيبك مرفودة من المطعم أرجع ألاقيكي متجوزة آدم عز الجارحي. نور: يخربيتك وطّي صوتك. سهى: حاضر حاضر. هو أنتو كتبتوا الكتاب ولا لسه. نور بفرحة: آآآه كتبناه امبارح.

سهى: مبروك يا حبيبتي والله تستاهلي يا نور. انتِ طول عمرك طيبة وتستاهلي كل خير. نور: ربنا يخليكي ليا يا سهى. أنا اتصلت بيكي لأني مقدرتش أفرح وإنتي مش موجودة معايا. سهى: ربنا يخلينا لبعض يا حبيبتي. نور: يا رب. سهى: بس مش هيمنع إنك تقولي لي كل حاجة بعد ما ترجعي من شهر العسل. نور: صدقيني والله هقولك على كل حاجة. سهى: وأنا مصدقاكي. دخل الجد. الجد: حبيبة جدو. إيه الأخبار. قامت باحتضانه: جدو حبيبي. قربت أخلص.

الجد: آه على فكرة آدم قالي إنك هتلبسي الفستان في الفندق. نور: طب ما أنا عملت كل حاجة هنا. اشمعنا الفستان. الجد: مش عارف هو قالي كده. المهم أنا مستنيكي تحت. متتأخريش. نور: عيوني. الجد: تسلملي عيونك. نور مع الجد في العربية. نور: جدو أنا خايفة من سكوت حسام ومشيرة وبالذات حسام. الجد: وأنا كمان بس مش عارف أعمل إيه. حتى الراجل اللي بيراقبهم مش عارف يوصل لحاجة. نور: ربنا يستر. وصلوا الفندق وكان فندق 7 ستار.

طلعت نور على الجناح اللي حجزه آدم عشان تجهز فيه. وأول ما دخلت انبهرت بالفستان. كان في قمة الروعة. حتى الإكسسوارات كانت تحفة. بعد ما لبست الفستان والتاج اللي ضمن الإكسسوارات كانت زي الأميرات بالضبط. في غرفة آدم. قاعد بيجهز وفي قمة فرحته إنه هيتجوز نور. وهو بيجهز جاتله رسالة على موبايله من رقم غريب.

"مبروك يا عريس الغفلة. طول عمرك عبيط. مراتك اللي انت فرحان إنك متجوزها بتمثل عليك الحب والعشق مقابل الفلوس. ولو مش مصدقني اسمع الڤويس ده." فتح الڤويس وكان عبارة عن أول مقابلة ما بين حسام ومشيرة وحازم ونور وهم بيتفقوا. بس ملعوب في صوت حسام ومشيرة وحازم عشان ما يبانش إنه صوته. آدم قاعد مصدوم. مش قادر يصدق مش قادر ينطق. معقول كنتِ بتمثلي عليا الحب يا نور عشان فلوس. قدرتي تخدعيني بالحب.

أعمل إيه أروح أقتلك وأخلص ولا أطلقك. لأ كل ده هيريحك. أنا هتفنن في تعذيبك يا نور. وحيات حبي ليكي لأحوله لعذاب. آآآآآه يااااارب. في جناح نور. الجد: بسم الله ما شاء الله أميرة واقفة قدامي. نور: بجد حلوة يا جدو. الجد: قمر يا روح جدو. يلا عشان أسلمك لعريسك. نور: يلا يا حسن جدو في الدنيا. آدم واقف في آخر السلم راسم ابتسامة وراها جرح كبير.

انبهر بشكلها اللي زي الأميرات. حاول يشوف في عينيها نظرة تمثيل لكن حاسس إنها بتبص له بكل الحب. لكن بيكذب نفسه. خدها من إيد جده وباس رأسها. آدم: مبروك يا قلبي. نور: الله يبارك فيك يا حياتي. دخلوا القاعة ورقصوا أول رقصة سلو. آدم منبهر بجمالها وبيسرح وبيضمها أكتر ليه. ولحظات ويفتكر التسجيل يبعد عنها براحة. وراحوا قعدوا في المكان المخصص ليهم. والكل بيبارك والجد الجارحي ناس كتير بتباركله. لحد ما جه حسام عشان يبارك ليهم.

حسام: مبروك يا ابن عمي. آدم: الله يبارك فيك يا حسام. وجه نظره لنور: مبروك يا نور. آدم كان منشغل وهو بيسلم على حد تاني. حسام وطى وهمس عند ودنها: خافي على نفسك النهارده يا نور. الله يكون في عونك. ليلتك مش سعيدة. نور سمعت الكلام ده خافت وجسمها تلج. نور بتوتر: الله يبارك فيك. نور وجهت نظرها للجد بتقوله تعالى. الجد استغرب وراح لها. وطى عشان يسمعها: جدو أبوس إيدك أقنع آدم نبيات في الفيلا النهارده بلاش الفندق. ونبي يا جدو.

الجد: مالك يا نور إيه اللي حصل. إيدك متلجة كده ليه. نور: لو اللي في دماغي صح يبقى لما نروح هتعرف. بس ونبي أقنع آدم نبيات الليلة في الڤيلا. الجد: حاضر حاضر متقلقيش. راح الجارحي لآدم: آدم حبيبي بقولك إيه رأيك النهارده تباتوا في الڤيلا. آدم: ليه يا جدي أنا حاجز في الفندق. الجد: أصل حاسس إني تعبان شوية وخايف أتعب أكتر بليل. آدم: ألف سلامة يا جدي. حاضر نبات النهارده في الفيلا.

الجد: ربنا يخليك يا حبيبي. خلي بالك من نور يا آدم. آدم بوجع من جواها: من عينيا يا جدي. نور قاعدة مليون فكرة بتيجي في دماغها. مش عارفة تعمل إيه وبتدعي إن الليلة تعدي على خير. خلص الفرح. راحوا على الفيلا. والجد راح أوضته. آدم ونور دخلوا أوضتهم وقفلوا الباب بالمفتاح. نور قاعدة مكسوفة وخايفة وفرحانة لكن كلام حسام ما راحش من بالها. آدم: مبروك يا نور. نور: الله يبارك فيك.

شدها جامد من إيدها: الا قول لي يا نور انتِ دلوقتي مراتي صح. نور: طبعاً يا حبيبي. آدم: يعني من حقي أعمل فيكي اللي أنا عايزه. نور برعب: قصدك إيه. آدم: هتفهمي دلوقتي.