رواية حكاية ود الفصل الأول 1 - بقلم اية رمضان

أنا هتجوز بنتك. بس بنتي مخطوبة وفرحها بعد كام يوم. عارف. لما انت عارف جاي هنا ليه؟ مخطوبة لأبويا. عارف كده كويس. هدفعلك الضعف. الأب بص له والفرحة مش سايعاه. ها يا أبو وِد، موافق؟ طبعًا موافق، بس إزاي هتتجوزها أنت؟ وتبوك هقوله إيه؟ هتجوزها دلوقتي وأبويا هيتحط قدام الأمر الواقع، ولو طلقتها مش هتجوزله. موافق ولا لأ؟ موافق. خلاص، المأذون جاي في الطريق، خلي العروسة تجهز. أبو ود دخلها قالها تجهز عشان هتتجوز دلوقتي.

ود لبست فستان أسود في أبيض كان مبينها ملاك، ومحطتش أي ميكاب. وكانت ملامح وشها شاحبة ولايم عليها التعب. وخرجت قعدت قدام العريس وهي باصة في الأرض. عايزة تعيط بس اتعودت تمسك دموعها واكتفت بملامح حزينة. وبدأ المأذون يكتب الكتاب وهي مش باصة في وشه، بس لاحظت تغيير في الصوت. مش صوت راجل كبير ولا صوت الراجل اللي كانت هتتجوزه. لقيته صوت شاب صغير. بصت له بصدمة وبعدين بصت للأرض تاني وقعدت تكلم نفسها.

(مش فارقة، عادي في الحالتين مغصوبة. أبويا طماع أوي، أنا عمري ما هسامحه على اللي بيحصلي، دمرني ودمر مستقبلي.) أبو ود: وأخيرًا هتنفعني في حاجة جبت من وراها فلوس كتير وهعيش في جو الأغنياء بقى بدل الهم ده. (بارك الله لكما وجمع بينكما.) بعد ما المأذون قال الكلمة، ود كان جردل ماية ساقعة وقع عليها. كانت قاعدة قلقانة وخايفة وعمالة تفرك في صوابعها. على الأقل كانت عارفة الراجل الكبير اللي كانت هتتجوزه، وده مش عارفاه خالص.

أبو ود: إحنا بقى نسيب العرسان مع بعض، وزي ما اتفقنا يا عريس. ود كانت قاعدة بتفكر في أمها، عايزاه تيجي في أي وقت ترمي نفسها في حضنها وعمالة تفكر فيها. قاطع تفكيرها عريسها اللي هي متعرفوش. بصي بقا، أنا متجوزك عشان أمي. لو عرفت أن أبويا اتجوزك ممكن يحصلها حاجة. ماشي يا حلوة، يعني كلها كام شهر ونتطلق. وميشرفنيش أتجوز واحدة زيك باعت نفسها عشان الفلوس.

ود كانت قاعدة بتسمع من غير رد فعل. وشها وملامحها هي اللي بتتكلم. مش عايزة تعيط وهزت راسها بمعنى تمام. وفضلوا على الحالة دي فترة من الزمن والسكوت بينهم وهو بيبصلها باستحقار. وقطعت ود السكوت ده بسؤال. ود: هو أنت اسمك إيه؟ بصلها ببرود ورد بقرف: محمود. ود سكتت، ولقت الباب بيتفتح وكان اللي بيفتحه والدة ود. ود: ماما. والدة ود: حبيبتي، مين ده؟ ود بزعل: بابا طلع وحش أوي يا ماما، عمال يبيعني الخلق وكأني مش بنته.

والدة ود: في إيه يا بنتي؟ أبوكي عمل إيه تاني؟ ود: باعني مرة تانية للشخص ده عشان الفلوس يا ماما. جوزني للي قاعد ده. والدة ود: إيه؟ ....