رواية حكاية ورد الفصل العاشر بقلم كوكي سامح

محسن.. إيه الليلة دي؟ سلوى رجعت ووشها باين عليه الخضة. ومعاها عمر على صرخة واحدة. محسن.. في إيه؟ سلوى.. مش قولتلك الولد بيقوم مفزوع. وبصراحة البنت الشغالة دي زي عدمها. مش فاهمة حاجة في تربية الأطفال. محسن.. خلاص هشوف مربية أطفال. سلوى.. أنا عندي واحدة صاحبتي. هي مطلقة وكان نفسي أساعدها، إيه رأيك تيجي هنا وتاخد بالها من عمر. وبصراحة هي شاطرة جداً. وبعدين نساعدها لأنها لوحدها وملهاش حد.

وكمان هي كانت بتشتغل في حضانة وليها خلق للأطفال وفاهمة. ودلوقتي هي سابته. محسن.. المهم إنها تكون كويسة. سلوى.. بصراحة هي كويسة جداً. محسن.. مين دي يا ترى؟ سلوى.. سناء صاحبتي. محسن.. أيوه، أنا شفتها قبل كده. فعلاً البنت دي شكلها بيقول إنها غلبانة. سلوى.. والله يا حبيبي هي غلبانة فعلاً. وتبهدلت أكتر بعد ما اتطلقت. محسن.. موافق يا ستي. سلوى.. من بكرة هكلمها. الشغالة.. ست سلوى، هو عمر هينام معاكي؟ سلوى.. سيبيه في حضني.

الشغالة قفلت الباب وراها ونزلت على حمزة الجنيني وخبطت على الباب. حمزة.. في حاجة؟ عمر بيه جراله حاجة؟ ما تنطقي! الشغالة واقفة بتعيط. حمزة.. مالك يا هنية؟ هنية الشغالة.. أنا خايفة. حمزة.. خير بس في إيه؟ هنية الشغالة.. خدمتي لـ سي عمر مش عاجبة الست سلوى وشكلها كده هتمشيني. وأنا ما صدقت لقيت شغل أكل منه لقمة عيش. وبعدين أنا اتعلقت بـ سي عمر. أوي. أعمل إيه؟ حمزة الجنيني.. مين قالك إنك هتمشي يا عبيط؟

معقول الست سلوى تمشيكي؟ طيب قول لي كلام غير ده. مفيش أحن ولا أطيب منها. الشغالة هنية.. عمر تعب وكان بيعيط. قام مفزوع وناديت على الست سلوى. وخدت عمر وسمعتها وهي بتقول لـ محسن بيه إن أنا مش نافعة في تربية الولد. وهتجيب واحدة صاحبته تشتغل وتخلي بالها من عمر. حمزة.. هي ممكن تجيب مربية، إنما تمشيكي لأ. متخافيش، ولو حصل يا ستي أنا هتكلم معاها. هنية.. ربنا يجبر بخاطرك يا حمزة. حمزة.. يلا يا هنية روحي فرشتك ومتخافيش.

هنية.. تصبح على كل خير. حمزة.. وأنتي من أهله. عم حمزة.. الشغالة كانت بتحكي معايا على كل حاجة. وغير اللي كنت بشوفه. وسناء دخلت البيت. كانت شكلها بنت عادية وعلى قدها. ومن يوم ما دخلت الخراب دخل وراها. وخصوصاً بعد ما اتغيرت في كل حاجة. نضفت يا ابني، بقت تلبس أحسن لبس. والست سلوى مكانتش مخليها عاوزه حاجة. لدرجة إنها كانت بتتحكم في هنية وفيه. وكنت كل لما أشتكي لـ سلوى هانم الله يرحمه، تقول لي دي غلبانة وصاحبتي.

كانت مديها الأمان في كل حاجة. لما الغدر يجي من أقرب الناس. وكانت بتعاملك كويس في الأول. وإنت يا عمر ابتديت تكبر. وبعد كام شهر محسن بيه احتفل بعيد ميلادك الثالث. ومن يومها أنا لاحظت إن فيه حركات بتحصل بينهم. لحد ما شفته عندها في الأوضة. بس مقدرتش أسكت. حاولت ألمح لـ سلوى بس كانت بتحب سناء وبتقول عليها صاحبتها. لحد ما اتقلبوا على بعض. سلوى هانم ومحسن بيه. وكل يوم خناق وخرابة بيوت. كانت عاملة نفسها ملاك.

وتحوش ما بينهم في كل خناقة. مع إنها هي اللي مدبرة كل حاجة. وكان على طول بيصرف لها شيكات بمبالغ كبيرة. ما أبوك كان غني أوي. وفي يوم سمعت خناقة بين محسن بيه ومامتك. وطلبت منه الطلاق. بس رفض وقالها إنه ميقدرش يستغنى عنها. مامتك كانت طيبة ويتيمة. وهو كان عارف إنها ملهاش حد. بعد وفاة جدك وجدتك. أنا اللي أعرفه إنها بعد ما اتجوزت. جدك وجدتك ماتوا في حادثة. وده كان سبب تمسك محسن بيه بـ سلوى هانم. وطبعاً بعد دخول سناء حياتهم.

لأن باباك عمره ما قالها إنها ملهاش حد. كان على طول بيدلعها وكانت حبه الوحيد. بس مامتك هي اللي جابت العقربة هنا لحد ما لدغتها بسمها. وفي اليوم المشؤوم سلوى هانم شافتهم مع بعض. انهارت لما اكتشفت خيانتهم. وسناء قتلتها. وأبوك دفنها بإيده في الفيلا المهجورة. جلال.. والجريمة أنت شفتها؟ حمزة.. أيوه. اليوم ده صوتهم كان عالي وأنا طلعت جري أشوف في إيه. كان الباب مفتوح وإنت كنت صغير وبتعيط. شفت سناء بتخنق سلوى هانم.

كان نفسي أموتها بإيدي بس مقدرتش أعمل حاجة. ولقيت محسن بيه شال جثة سلوى هانم ودفنها في الفيلا المهجورة. ورجعوا وسمعتها بتقولوا إنه يقول إنها هربت. بس أبوك كان شكله كأنه مسحور. مش ده محسن بيه اللي أعرفه؟ وفعلاً قال إنها هربت. وكل القريبين مننا صدقوا. وبعد أسبوعين اتجوز سناء. وكنت إنت لسه صغير مش عارف حاجة. طفل بريء ملاك عايش مع حرباية. وكانت هنية الشغالة بترعاك بعد أمك. والوحيدة لما سمعت إن سلوى هانم طفشت.

مصدقتش لأن سلوى كانت ست ولا كل الستات. بس لما الراجل يتلعب بيه والشيطان يزن على ودانه ويحلل له الحرام. صدقني يا ابني بيشوف مراته بصورة تانية. مش طايقها ولا طايق عيشتها. خلاص متلزموش. محسن بيه ده اللي جرالهم. مكانش طايق سلوى من يوم ما سناء دخلت الفيلا. كان شايفها شيطان مش عارف إزاي. مع إن أمك كانت جميلة. وبعدها بكام شهر محسن بيه اتغير. عقله خف واتجنن. وفي يوم كان عاوز يقتلك. جلال.. بابا يقتلني؟

حمزة.. يا ابني بقولك اتجنن. أكيد الملعونة هي سبب جنانه. ورميته في مستشفى المجانين. بعد ما خدت منه كل حاجة بيع وشراء. وعرفت إنها أكيد هتأذيك زي ما عملت في محسن بيه. خطفك وخدتك في حضني. ما أنا كان لازم أنقذك من الضياع والقتل. جلال.. وسناء كان رد فعلها إيه لما اتخطف؟ حمزة.. قالت إنها هتدور عليك. وطبعاً هي متعرفش إني أعرف حاجة. وبعدها بكام يوم طلبتها من رقم مجهول على أساس إنك ابنها وخطفته. وطلبت منها فدية يا أما أقتلك.

وطبعاً أنا كنت عارف إنها هترفض. وفعلاً رفضت وبعتلها هدومك كلها. دم عشان تتأكد إني قتلتك. بسبب رفضها للفدية وده كان عامل كبير إنها تبعد عنك ومتعرف إنك عايش على وش الدنيا. وإنك خلاص متلزموش. طيب يا عم حمزة. عم إبراهيم اللي قام بتربية جلال وصل لإيده إزاي؟ حمزة عينه في عين جلال وكلها دموع 😢 وقال: في الوقت ده أنا كنت لوحدي ومش عارف أعمل إيه. وملقتش قدامي غير إبراهيم. وهو كان عامل في الشركة.

كان بيحب محسن بيه أوي لأنه كان بيعطف عليه. فلاش باك. في سطوح كبير في إحدى الأحياء الشعبية. إبراهيم قاعد في أوضته بيبكي. الباب بيخبط. إبراهيم قام فتح وشاف قصاده حمزة. وفي إيده طفل صغير. إبراهيم.. عم حمزة تعالى. حمزة.. في حد هنا؟ إبراهيم الدموع نازلة من عينه وقال: مفيش خلاص مبقاش في حد. حمزة دخل وقفل الباب وقعد على الكنبة ونيم الطفل بجواره وقال: مالك يا إبراهيم؟ في إيه؟ إبراهيم.. مراتي ماتت وهي بتولد. وأنا بقيت لوحدي.

بعد ما قولت خلاص ربنا عوضني بالزوجة الصالحة وهبقى أب وليا عيلة. بس ماتت. ربنا مش عاوز كده. ليه يا رب بتعمل فيا كده؟ فقدت زوجتي وابني 😭😭😭😭😭😭😭. حمزة مسك الطفل وشاله على إيده وقرب من إبراهيم وقال: يمكن ربنا عمل فيك كده علشان الغلبان ده اللي مالوش حد. إبراهيم 😭😭😭😭 مد إيده وخده في حضنه. مين ده يا حمزة؟ إبراهيم.. إنت مش فاكره؟ ده عمر ابن محسن بيه. إبراهيم قال باستغراب: أنا مش شفته من يوم السبوع بتاعه.

أنا فاكر كويس الشركة كلها كانت هناك. كان يوم جميل ومحسن بيه وسلوى هانم كانوا فرحانين بيه أوي. واليوم ده عمري ما هنساه. لأن من فرحتهم أنا كلمت محسن بيه في سلف. ما أنت عارف إن أبويا كان مريض كلى ومحسن بيه قام بكل التكاليف والعلاج لحد ما ماتوا. وقف معايا في تكاليف زواجي. الراجل ده عمل معايا خير وعمري ما هنساه. والله مش عارف إيه اللي جراله بس. ومراته طفشت وابنه اتخطف واتقتل. صح؟ مش ابنه اتخطف واتقتل؟

حمزة.. كله تلفيق وكذب. الست سلوى أشرف ست وطاهرة. وراحت غدر. من يوم ما الملعونة دخلت الفيلا والدنيا اتخربت. إبراهيم.. محسن بيه لسه في المستشفى. أنا عرفت إن حالته ساءت. حمزة.. محسن بيه خلاص راح وكل حاجة راحت. إبراهيم.. بس سناء هي ماسكة الشركة وغيرت اسمها. شكله كده كتب ليها كل حاجة وابنه مات. حمزة.. يا إبراهيم ده عمر ابنه. أنا أنقذته من إيدها. وعمر بالنسبة ليها ميت دلوقتي. عمر بيعيط. إبراهيم ضمه لحضنه وبطل عياط.

حمزة.. أنا عندك دلوقتي بطلب منك إن عمر يكون أمانة في رقبتك. وأنا هتكل بكل مصاريفه. أنا عاوزة يكبر وأشوفه بيه متعلم. بوس إيدك يا إبراهيم. أنا مليش غيرك. وعارف إنك الوحيد اللي هتقف معايا. إبراهيم حضن عمر وقال: أنا حاسس إن ربنا عوضني بيه. أنا هسميه جلال. أيوه جلال على اسم ابني اللي مات يوم ما اتولد هو وأمه 😭😭😭😭. حمزة.. وأنا معاك خطوة بخطوة. وكل اللي تعوزه وأنا هقدر عليه هساعدك بيه. إبراهيم.. سيبها على الله.

بس المشكلة الشركة. وهسيب جلال مع مين؟ حمزة.. أبوس إيدك اوعى تاخده الشركة. هتعرفوا اللي ماتتسمى. وممكن يقتلوا زي ما قتلوا أمه. إبراهيم.. قتلوا أمه؟ حمزة.. أنا هحكيلك على كل حاجة. وحكيتله على كل حاجة. من يوم سناء ما دخلت الفيلا لحد ما قتلوا أمك. وموضوع خطفك كمان. وبصراحة إبراهيم مقصرش معاك يا عمر ورباك. وأنا كنت على طول بشوفك من بعيد. ولما كبرت وبقيت محامي.

أنا طلبت منه إنه يشغلك في مال أبوك بشهادتك علشان متبعدش عنه وعينك تفضل عليه. ومكمان مستواكم اتغير بعد ما إبراهيم طلع إن عنده ميراث وخد شقة جنبنا وفتح لك مكتب. ومات فجأة الله يرحمه. جلال.. وإيه اللي خلاك تقولي الحقيقة دلوقتي؟ حمزة.. لما شوفتك لعبة في إيد ورد. وكمان جه اليوم اللي اتطرد فيه قدام عيني من فيلتك. ورد رمتك بره. روح.. أنا. حمزة.. رمتك بره. وعرفت إنك هتسيب الشركة ومكانش ينفع. كان لازم أتصرف. يا ابني.

روح.. والصورة اللي في المرسم بتاعك مين؟ حمزة.. هههه الصورة دي لعبة مني. هي بتاعت سناء. معرفش لمين بالظبط بس هي معلقاها في المرسم. وأنا أخدت منها فكرة الورقة اللي في إيد البنت علشان أوصل لـ عمر بيه. شهادة ميلاده. ما دي الحاجة الوحيدة اللي تثبت شخصيته. أنا سرقتها من المكتب من زمان واحتفظت بيها لنفسي. لأن إبراهيم كان عامل شهادة لـ عمر باسم جلال وإنه كان ابنه. وبص لجلال وقال: إنت لازم تثبت إنك عمر صاحب كل حاجة.

وتغير اسمك في البطاقة وتعمل إثبات نسب إنك ابن محسن بيه. جلال.. يعني أنا مش ابن إبراهيم وأمي ماتت مقتولة وأبويا مجنون. وكل ده بسبب بنت الكلب دي اللي اسمها سناء. أنا مش هسيبها. أنا لازم آخد حقي من عينها وبنفس طريقتها. حمزة.. لا يا ابني، إنت متعلم ومحامي. استعمل شهادتك وذكائك في شغلتك وخد حقك. ومعاك ورد أهي هتقف جنبك. روح.. أنا مش ورد. أنا روح 23 سنة من السيدة. صدقوني يا ناس وكنت بشتغل في بيت شغالة يعني 🥴وطالع عين أهلي.

جلال.. المهم دلوقتي. أنا لازم أشوف بابا. روح.. الله يخرب بيته. ما كله بسببه. منه لله والله أحسن إنه اتلهو واتجنن. حمزة.. عيب يا بنتي. جلال.. 😭😭😭😭😭. سيبها يا عم حمزة. هو فعلاً السبب في كل اللي حصل لنا. حمزة.. المهم رجع حقك وأنا مش هسيبك. وبحمد ربنا إني عايش. وإن شاء الله هشوفك منصور عليه. جلال.. أنت بتقول أبويا كتب ليها كل حاجة بيع وشراء. يعني كل ده باسمها. دي لوحدها مشكلة. روح.. ما وسيم عايز يلهفه ويهرب.

ده غير ياسر قاتل ابن عمه. جلال.. قاتل ابن عمه؟ إزاي ده؟ روح.. هو قال لي إن البنت اللي اسمها ورد دي قالت إنه اغتصبها وقتله. بس معرفش تفاصيل. حمزة.. ما كلهم زي بعض. يلا داهية تاخدهم. روح.. يمكن يكون ظلمها. ما البنت ورد دي باين كده إنها مش سالكة. حمزة.. المهم يا بنتي إن عمر اسمه يرجع وياخد حقه. والحق يرجع لأصحابه بقى وارتاح. جلال.. بس أنت ليه مبلغتش من الأول يا عم حمزة؟ حمزة.. مكانش ينفع.

أنا راجل غلبان وكانوا هيودوني ورا الشمس. كان كل اللي في بالي إني أحافظ عليك يا ابني. روح.. والبنت الصغيرة دي كانت مين يا عم حمزة؟ حمزة.. البنت دي كانت؟؟؟ بعدين المهم دلوقتي. أنا عاوز أعرف جلال هيعمل إيه. روح.. أنا روح ولا ورد؟ جلال.. إنت روح مش ورد. أنا عارف ورد كويس. روح.. أخيراً ظهر الحق. أنا روح يا خلق. حمزة.. وطّي صوتك يا بنتي. الحيطان ليها ودان. روح.. حاضر. حمزة.. هو أنا قدرت أتصرف غير لما شوفت البنت الجميلة دي.

وعرفت إنها مش ورد. قولت دي هي اللي هتساعدني. وفضلت أمثل إنها ورد وأقولها كلام هي متعرفوش أصلاً. وكانت بتصدق. ومن يوم ما اتكلمت معاها وقولت ربنا بعتها طوق نجاة لي وليك يا ابني. روح.. اومال فين ورد؟ حمزة.. أنا كل اللي أعرفه إنها اتخانقت مع وسيم ومشيت. وقال إنها سافرت. وبعدها بكام يوم لقيته راجع الفيلا وشايل على إيده ورد. بس لما كلمتها عرفت إنها مش هي. ورد وياسر قعدوا جنبها.

وطبعاً إنتوا عارفين ياسر بيتعاطى ودماغه مش فيه. وسيم سابها ومشي ورجع بعدها مع سناء. جلال.. هو ياسر ده ابنها؟ حمزة.. بعد ما أبوك اتجنن ورميته في المستشفى. أنا حتى كنت بخاف أروح له علشان الملعونة متعرفش إني ليا علاقة بيه وتطردني. لقيتها داخلة معاها راجل وبتقول إنها اتجوزت وخلفت منه ياسر ده. وبعد كده اتطلقت منه. روح.. جلال في حاجة مهمة. تقريباً ورد كانت بتلعب عليك علشان تظبط بيها حاجة في التوكيلات.

وكمان على علاقة بـ وسيم. وغير كده كانت طليقته كان مكتوب في الورقة كده. حمزة.. ده اللي عرفته من كلامها معاها. هما داخلين الفيلا هنا علشان ياخدوا كل حاجة. وعرفت إنه طليقها. أصلهم كانوا مكشوفين. وأنا سبتهم يلعبوا لحد ما روح ظهرت. جلال.. أيوه صح صح. هى كانت متفقة مع ياسر يكتب لها كل حاجة. وأنا أقف معاها. بس رفضت للأمانة. مكنتش أعرف إن حاجتي. وقرب من روح وقال: إنتي ورد من دلوقتي. عليكي وعلى ياسر.

أنا عارف إن كل حاجة باسمه. يمضي وبس ويكتب لك كل حاجة باسمك. من الآخر توكيل عام منه ليكي. وبعد كده إنتي ترجعي لي حقي اللي ضاع. روح.. وأنا هرجع لك حقك يا جلال. حمزة.. عمر يا روح. روح.. عمر يا عم حمزة. حمزة.. إيه ده؟ في صوت بره يا ولاد. استخبى يا عمر بسرعة. سناء داخلة وبتقول بصوت عالي: دي قلة أدب وسفالة. قال الشركة ولعت قال. وسيم.. الحمد لله يا سن سني. ياسر.. اه الحمد لله. أنا طالع أوضتي. ودخلوا الفيلا.

روح.. أنا طالعة بقى علشان محدش يشك في حاجة. جلال.. خلي بالك من نفسك. روح.. حاضر. بس إنت عرفت إزاي إن أنا مش ورد؟ جلال.. بعدين. المهم التوكيل عام من ياسر ليكي. حمزة.. يلا يا ولاد بسرعة. جلال خرج يتسحبح. حمزة قفل عليه أوضته. روح طلعت بتتسحب لحد أوضتها. ولما فتحت الباب قالت في سرها: أنا لازم أرجع الحق لأصحابه. ياسر.. حبيبتي ورد كنتي فين؟ روح قربت منه وقالت: حبيبي كنت في الحمام. بس إنت وحشتني.

ياسر.. كل سنة وإنتي طيبة يا حبيبتي. روح.. وإنت طيب. بس ليه؟ ياسر.. إنتي ناسيه إن بكرة عيد ميلادك. أقولك على سر؟ روح قربت منه وقالت: قولي. ياسر.. بكرة هنعمل حفلة كبيرة ليكي. وسيم قالي كده. روح قالت في سرها: هنا لازم أضرب على الحديد. وقالت: وقربت من ياسر وحضنته. وإنت هديتك إيه؟ ياسر.. اللي تطلبيه إن شاء الله عمري كله. روح.. أنا عاوزه. ياسر.. أنا محضر لك اللي هيسعدك. وتبقي ست البيت زي ما طلبتي مني.

روح.. آه يا حبيبي بجد. وقالت في سرها: يا ترى إيه؟ ياسر.. بكرة الصبح هتعرفي. بس إنتي ارضي عن جلال المحامي. روح.. بس كده. أنا هكلمه دلوقتي واعتذر له على اللي حصل مني. كلمه وهاته. وفعلاً ياسر كلم. وروح خدت الفون وابتدت تمثل إنها ورد. وبالاتفاق مع جلال. واعتذرت على اللي حصل منها. وياسر خد الفون وطلب من جلال. اللي مكانش متوقعه إنه يعمل توكيل عام لـ ورد. في التصرف في كل شيء. ولما قفل معاه. روح كانت طايرة من الفرحة.

وحضنت ياسر. الباب بيخبط. وكانت الشغالة. روح قامت فتحت وكان معاها قهوة. الشغالة.. خدي بسرعة وانجزي. وسيم بيقولك هو عاوز التوكيل في أقرب وقت. روح.. حاضر. كلها أسبوع بس لازم يفهم إن الورق كله خلص. إلا التوكيل. الشغالة.. سلام دلوقتي. القهوة دي فيها منوم. بس خليه يطفحها علشان وسيم عاوزك في المرسم. روح.. ماشي ماشي. وقفل الباب ودخلت وقالت في بالها: كويس خليه ينام علشان أقدر أنام. وشرب القهوة ونام. ونامت روح على الكرسي.

وسيم قاعد في المرسم على الأرض وبيبكي. روح منزلتش. قام وطلع أوضته وكان مضايق منها. وفي صباح اليوم التالي. الساعة عشرة صباحاً. ياسر مع جلال وعمل توكيل عام لـ ورد. وسيم بيحاول يكلم روح. إنما هي مطنشاه وقاعدة في أوضتها. ولما ياسر وصل عرفت منه إن خلاص عمل لها التوكيل. فرحت وحاولت تمشي من الفيلا. ولكن نزلت لحمزة تبلغه إن الحق رجع بالتوكيل. ولازم تمشي من الفيلا وكله في إيد جلال.

بس طلب منها تأجل عيد الميلاد أسبوعين وتقعد في الفيلا. وده طلب جلال. ووافقت وقعدت. وفي نفس الوقت جلال راح لابوه المستشفى وشافه. واخد منه عينة تحليل DNA علشان يثبت قدام الكل إنه ابنه. بس محسن كان مش عارف وهو كانت حالته سيئة ومريض. وجلال سابه ومشي. ورغم اللي عمله في أمه وفيه. بس صعب عليه. ورجع بيته تعبان نفسياً. وافتكر ورد وروح في نفس الوقت وقال: أكيد وسيم عارف إن دي مش ورد. وحب يلعب بيها. وأكيد ورد جرالها حاجة.

أنا عارف. بس أخلص من الإجراءات اللي بعملها. وكله حاجة هتظهر. كلها كام يوم. وبعد أسبوع. في الفيلا. الوضع زي ما هو. ياسر وضعه بيسيء من الشرب. وبعد روح عنه. والأم مع وسيم في دوامته. ووسيم مستني روح تجيبه توكيل عام علشان يهربوا الاتنين وياخدوا كل حاجة. وطبعاً هو عارف إنها مش ورد وبيعب عليها. روح قاعدة في الجنينة. حمزة شاور لها ودخل المرسم. روح دخلت وراه وقالها.. جلال بيقولك قولي لـ ياسر يعمل لك عيد الميلاد يوم الخميس.

روووح.. أخيراً حاضر. وفعلاً روح طلبت من ياسر يعمل لها أكبر عيد ميلاد. في الوقت اللي طلبه جلال. بعد ما أجلته معاه. ياسر نزل جري وطلب من وسيم يجهز العيد ميلاد. وطلع أوضته. روح نازلة. وسيم.. تعالي هنا عاوزك. روح.. إيدي في إيه؟ وسيم.. مالكم متغيره ليه؟ وبعدين المغفل ده معملش التوكيل ليه؟ المفروض كان عمله. دي المخدرات لحست عقله. يا ست انجزي. روح.. ما دي بقى المفاجأة اللي كنت محضراها لك. وسيم.. مفاجأة إيه؟

روح.. ما يوم الخميس التوكيل هيكون هدية عيد ميلادي. وسيم.. بجد بجد ياااه أخيرا يا حبيبتي 😍. روح.. شوفت بقى يا عمري أنا بحبك قد إيه. وسيم قرب منها ولسه هيبوسها. روح.. إيه ده؟ حد يشوفنا؟ وسيم مبتسم وفرحان ومش قادر ياخد نفسه من الفرحة. روح.. أنا خارجة الجنينة 💋💋💋. وسيم.. بحبك 💋💋. وبعد أيام وكان يوم الخميس. وابتدت الفيلا تجهز لعيد ميلاد ورد. وكانت الساعة 7 مساء. بحضور جلال المحامي.

وكل أعضاء الشركة والمدعوين من أصحاب سناء. وسيم ظهر وكان وسيم فعلاً في هيئته وملابسه. وروح نزلت زي الملكة بملابس أنيقة وكلها أنوثة. وكانت جميلة جمال مش عادي. وسيم قال في سره: أنا شايفك ورد وبس 😭. سناء.. إمتى تحلى عنا؟ ياسر.. قلبي نازل. جلال واقف عينه منها. حمزة.. ما شاء الله 😍. وابتدت نغمات الدي جي تشتغل على موسيقى. "انزل يا جميل في الساحة". روح نزلت كالملكة. وسيم قرب منها ونسى ومد إيده. ياسر مد إيده يرقص معاها.

جلال مد إيده وشغل ريموت الشاشة. وهنا شاشة العرض اشتغلت بنفس الفيلم. وصوت الموسيقى وقف. روح بصت لـ وسيم وقالت: شوف كده الفيلم ده. الفيلم اشتغل والمرة دي كان فيه صوت بيتكلم وكان صوت جلال. الكل بص على الشاشة متنح. إيه ده وفيه إيه؟ سناء بصت ومتنحة. ياسر.. إيه ده في إيه؟ سناء ابتدت تتوتر. جلال قرب منها. وأول لما ظهرت غرفة النوم والست بتخنق الست التانية. روح.. قتلوها. والراجل شال الست ودفنها.

روح.. خدوا الولد يا عيني يا حرام. جلال قرب من سناء وقالايه يا مدام سناء الفيلم ده مفكرش حضرتك بحاجة؟ سناء.. إنت مين وعاوز إيه؟ جلال.. أنا عمر. وسيم.. في إيه؟ حمزة.. عمر يا سناء. فاكرك اللي قتلتي أمه وضيعتي أبوه ورميتيه في مستشفى المجانين. وكنتي كمان عاوزاه يضيع وتقتليه زي أمه. سناء.. إنت بتخرف يا راجل إنت. عمر مين؟ محسن ظهر وحالته سيئة. جلال.. ده أبويا. والحق ظهر وأنا عمر محسن القلعاوي. وأمي سلوى أطهر ست ماتت مظلومة.

مهربتش زي ما قالوا. سناء.. يلا اطلعوا بره. ده بيتي أنا. جلال.. ههههههه ههههههههه. ما أستاذ ياسر عمل التوكيل لـ ورد. وورد بقى كتبت كل حاجة باسمها. ورجعت لي حقي. وطلع كل الورق اللي يثبت إنه عمر. روح قربت منه وحطت إيدها على كتفه وقالت: حصل يا سناء هانم. وسيم قرب منها وقال: إنتي عملتي إيه يا مجنونة. وطلع مسدس من جيبه. ولسه هيضربها. جلال دافع عنها وكان راجل بجد. وخد المسدس من إيده وخنقه. وقاله.. فين ورد؟ وسيم.. دي ورد.

جلال.. إنت عارف إنها مش ورد. بقولك فين ورد؟ روح.. الشغالة. ومسكت الشغالة وقالت له: هي دي اللي عارفة فين ورد يا بت. الشغالة.. معرفش. روح.. بقولك قولي فين ورد. الشغالة.. وسيم ضربها على دماغها وماتت في إيده. ودفنها في الصحراء. هو قال لي كده. أنا مليش دعوة. روح.. يا ولاد الكلب. سناء ابتدت تنهار. لما قرب منها محسن. ومحدش واخد باله. وخنقها. ووقعت ماتت. ياسر.. ماما ماما. سناء ماتت في الحااال.

وسيم انهار وقال: أنا قتلت ورد حبيبتي. كله بسبب عمايلها. كانت بتغيظني بجلال. وفى الآخر قالت: أنا هعيش مع ياسر. بعد ما ضحكت عليه وخلتني طلقتها علشان تتجوز المتخلف ده وتاخد فلوسه. بعد ما عرفت إن أمه كتبت باسمه كل حاجة. جلال.. هي تعرفه منين؟ وسيم.. كانت بتشتغل في الشركة سكرتيرة. وهو كان عينه منها. وفي يوم كان مبسوط وكان لسه بعقله وقالها إن سناء كتبت كل ما تملك باسمه. لقيتها راجعة البيت وكانت زي المجنونة.

وفرحانة في نفس الوقت وطلبت الطلاق. واتفقت أنا وهي واتجوزت أنا سناء وهي اتجوزت ياسر. لحد ما حصل اللي حصل. وموتها بإيدي دي 😭. كانت تستاهل الموت. وفي يوم شوفت بنت واقعة على المحطة مغمي عليها. والناس بتقول فين شنطتها؟ عاوزين يعرفوا هي مين. كنت واقف بركن. ولما شوفتها لقيتها ورد. في الأول اتلخبطت. أنا عارف إني قتلتها بإيدي. بس خدتها وقولتلهم إني أعرفها. وشيلتها ورجعتها الفيلا. وساعتها كل اللي فكرت فيه إنها تكمل اللعبة.

وكنت بمثل عليها طول الوقت. وسبتها ومشيت. بعد ما فهمت ياسر إنها رجعت من السفر. أصلها كانت متخانفة معايا وقالت إنها مسافرة. كانت زهقت مني. سي جلال كان مالي عينها واتجننت لما منع نفسه منها. أنا مستحملتش وقتلتها. وياسر كان شارب ومش عارف حاجة خالص. وفرح لما شافها رجعت. ياسر.. يعني دي مش ورد 😭. روح.. إنت ده إنت مش سهل يا قاتل القتلة. وقربت من وسيم وقالت: فين شنطتي؟ وسيم.. شنطتك أنا رميتها. روح.. يخربيتك.

وسيم.. ابعدي عني كتك القرف. روح.. يلا يا قاتل القتلة. وبعدين فين الخاتم بتاعي؟ حرام عليك ده ذكرى من أمي. وسيم.. قولتلك أنا رميت كله. كله. روح.. منك لله 😭. =وهنا البوليس دخل عليهم ببلاغ من جلال. وقبض على كل الموجودين. وسيم بعد اعترافه إنه قتل ورد. اعترف بقتل نبيل صديق جلال. اتقبض عليه وخد جزاءه وأوراقه اتحولت لمفتي الديار. روح اعترفت إن ياسر قتل ابن عمه حسام. واتقبض عليه بعد ما اعترف بجريمته. سناء ماتت بخنق من محسن.

أما محسن رجع المستشفى الأمراض العقلية وحالته ساءت أكتر لحد ما ماااات. والشغالة خدت نفس جزاء وسيم. واتقبض عليها بعد ما اعترفت إن الطفلة فريدة بنت اختها مش بنت ورد. وكله كان تمثيل. ** أما جلال حقه رجع ورجع فيلته وعاش فيها. واسمه رجع له وأصبح عمر محسن القلعاوي. حمزة.. البنت روح وحشتني. جلال.. تخيل وأنا كمان. بس أنا كلمتها النهارده علشان تيجي تتغدى معانا يا عم حمزة. حمزه قال بابتسامة عريضة: معانا ولا معاك؟

بصراحة البنت حلوة وأخلاق. وهي كانت طوق نجاة لي وليك يا ابني. جلال.. أنا خايف بس. أصلها شكل ورد أوي. ورد دي كانت حاجة حلوة. إغراء وأنوثة وكل حاجة. حمزة.. ياللي تغور. أهي ماتت وريحتنا. إنما روح حاجة تانية خالص. جلال.. عارف رغم كل اللي حصل بس كان نفسي أعرف صورة مين اللي في المرسم. بعد ما تم تجديده. أصل أنا رميتها. حمزة.. الصورة دي سناء بعد ما جننت أبوك وسرقته. أطلقت منه وحطت الصورة دي. وكانت كل لما تشوفها تعيط.

روح داخلة الفيلا. يالي هنا عمي حمزة. جلال.. روح 😍. حمزة.. تعالي يا بنتي. روح.. إنتوا هنا بتعملوا إيه؟ جلال.. كنا بنتكلم على الصورة اللي في المرسم. روح.. واللي يقولك موضوع الصورة تديله كام؟ جلال.. عمري كله ❤️. روح.. أنا سألت ياسر. وطبعاً قال لي وهو مرعوب. إنها كانت صورة خالته. وطبعاً سناء كانت واكلة حقها وماتت من القهر. كانت بتيجي في الأحلام لـ سناء تطلب حقه. راحت لشيخ وعمل عمل على الصورة.

وقالها تحطها في المكان اللي عايشة فيه. ومش هتحلم بيها تاني. وفعلاً عملت كده. جلال.. وحشتيني وحشتيني. روح.. وأنتم كمان. عارف يا جلال قصدي يا عمر. أنا مبسوطة إن حقك رجع. أول مرة أعمل حاجة مفيدة في حياتي. عمر.. احكي لي إنت مين بالظبط؟ عندك أخوات ولا لأ؟ روح.. أنا يتيمة مليش حد. اتربيت مع ماما لحد ما ماتت. اشتغلت علشان أصرف على نفسي. شغالة في بيت. كنت ساعات بحلم إن ليا اخت اسمها منار. وكنت بتكلم معاها كمان. تخيل

لما وسيم الله يلعنه قالي: إنتي ورد. قولت له: أنا روح 23 سنة ساكنة في السيدة. وكمان ليا أخت اسمها منار مستنياني. أنا مكنتش بكذب. بس الوحدة اللي عملت فيا كده. عمري ما عرفت يعني إيه راجل. وحضن راجل. ده لما وسيم حضني حسيت إحساس غريب. عمر.. إيه ده؟ روح.. إيه ده؟ ده البنت يا جلال قصدي يا عمر. الحقها قبل ما تختفي. أكيد في مصيبة جديدة. حمزة... ههههه دي تبعي. عارف يا عمر بيه دي مين؟ عمر.. مين؟

حمزة.. جدتها كانت صاحبة مامتك الروح بالروح. وكمان أصحاب أرض الفيلا المهجورة. أصلهم مشوا من زمان. ولما رجعوا أنا شوفتها وقولتلها الحكاية كلها. ولما عرفت الحكاية عرضت عليا إنها تساعدنا. وفي يوم بعتت بنتها الكبيرة وبنتها اللي من سنك. وكمان زوج بنتها. ومثلوا الفيديو. ودي كانت فكرتهم علشان نساعد روح في إظهار الحقيقة كاملة. وطبعاً كانت سناء في الشركة وياسر نايم كالعادة. وروح كانت مع وسيم.

عمر.. إنت باشا وحاجة عظمه يا عم حمزة والله تنفع في المخابرات. حمزة.. والله يا ابني زوج بنتها اللي قال الفكرة ورتب لكل شيء. روح.. كده يا قمر. كنت كل لما أقرب منها تستخبى. البنت.. كنت بدخل غرفة جدو حمزه. عمر.. إن شاء الله لازم أشكرهم. وكمان نعزمهم على الغدا. وقرب من البنت وحضنها وطلب منها يشوف مامتها وجدتها. البنت.. بابا بره. ودخل أبو البنت وسلم على عمر. وكان فرحان برجوع الحق لـ عمر. وبعد ما مشى عمر دخل الفيلا.

حمزة.. تتجوزي عمر يا روح. روح قالت بفرحة ولهفة: هو قالك؟ يا عم حمزة. عمر.. أنا اللي بقولك أهو. تتجوزيني يا روح. روح.. إنت بتحبني ولا بتحب ورد؟ عمر مسك إيدها وقال: ورد راحت. وعمري ما حبيتها. وأنا قولت لك هي كانت بالنسبة لي إيه. إنما إنتي حاجة تانية. أنا نفسي اتجوز وأخلف وأعمل عيلة يا روح. روح.. وأنا كمان. وبعد مرور شهر. عمر اتجوز من روح. وعمل لها أجمل فرح. وكانت زي الأميرة. وبعد 9 شهور خلفت تؤام بنت وولد.

سلوى على اسم مامته. وجلال على اسمه علشان اسمه اللي عاش بيه يفضل موجود. وبعد مرور 5 سنوات سعادة وحب. بين روح وعمر. روح قاعدة مع ولادها في غرفتهم. وكانت بتنيمهم وقالت: يلا نحكى حكاية. سلوى.. قول لي يا مامي. روح.. أحكيلكم إيه؟ سلوى.. حكاية سندريلا. روح.. في حكاية تانية بس حلوة أوي. جلال الصغير قال.. اسمها إيه؟ وابتدت روح تحكي وقالت: كان في بنت جميلة اسمها ورد. كانت حكايتها حكاية. سلوى.. مين ورد؟

دخل عليهم عمر وقال: تااااني يا روووح. ورد تاااني. روح.. خلاص خلاص. يا قلب روح. عمر.. بحبك ❤️. روح.. بموت فيك. تمت رواية كاملة .