رواية حكاية رنا الفصل الثالث 3 - بقلم سارة

اتفضلي سلسلتك وقعت عندي ف العربية. كري…. قاطعها: بعد اذنك. استنى ياكريم اشرحلك كل حاجة.!! استنى……. اوعي يارنا سيبيني انا مش عايز افهم حاجة هفهم اية؟ انتي بتخدعيني لية. اخدعك اية! طب هو انت سمعتني؟ فهمت الحكاي….. لا حكاية ولا حاجة.. سيبيني يارنا اوعي خليني امشي. انت السبب على فكرة انو الشخص دة يعرفني، كل دة بسببك لو كنت وصلتني مكنش كل دة حصل صح. واو ماشاء الله انتي بتجيبي غلطك عليا كمان!!

اي البجاحة دي لية وهو كنت أنا اللي عرفتك عليه. أولاً انا متعرفتش عليه، ثانيا هو لزقلي فحياتي بس انا مكنتش اعرفه اصلا دة مجرد شخص ساعدني لما وقعت فورطة وانا مروحة ومن ساعتها كل شوية يكلمني و…. والمفروض اني اصدق السيناريو الجميل دة؟ اطلعي يارنا واوعي من قدامي خليني امشي. دمعت: ياكريم استنى مش هتمشي غير لما تسمعني. هسمع اية تاني منا سمعتك خلاص. لا لسا مسمعتنيش مش دي كل الحكاية ان…

اية هتألفي سيناريو جديد.. كان لازم تاخدي جايزة احسن مؤلفة بجد، انا ماشي يارنا. جدال، خناق، مبيسمعنيش، فاضل اية تاني.. وسابني ومشي كمان من غير ما يهتم طلعت او لاء. محاولش يسمعني! مفكرش يعمل دة..ولية كل دة حصل!!!! انتي كنتي فين يارَنا. كنت تحت. ف الوقت دة؟ وبتعملي اية تحت. كان!! كان كريم تحت. رنا انتي اتجننتي.. انتي عارفة لو حد شافك هيقول اية عليك….. مايقولو.. هما لسا هيقولو مهما قالو خلاص، شايفين ان محدش راضي بيا.

“حكت اللي حصل” عايزة رأي يارنا. قولي. الاتنين مهزقين واحد كان واخدك رهان وفشل والغبي بيعترف بنفسه والتاني لا راضي يسمعك وفثانية تجاهلك ونسي كل الكلام اللي كان بيقولهولك. كريم شخص كويس بس فيه عيوب كتير اوي اوي يامريم. وانتي بسلامتك هتصلحيله عيوبه؟ مش هيتغير. لما يحبني اكتر ويحس اني حبيته هيتغير ان شاءلله. يابنتي انتي عبيطة!! هو انتي مضطرة تحبيه عشان يحترمك؟ وهتحبيه ازاي بالطريقة دي.

اعمل اية يامريم دماغي هتتشل من التفكير الزايد دة بجد اعمل اية. متعمليش حاجة يارنا، روحي نامي. دخلت.. رنيت عليه مرة،.. اتنين.. تلاتة.. عشرة، مفيش رد. وبدلكني!! انا اتعملي بلوك من كل حتة وحتى مبقتش عارفة اوصله. انهارت فنفسي لية وعشان اية كل دة.. انا عملت اية؟ طب هو حتى مسمعنيش عشان يقرر يسيبني بالشكل دة.؟؟ بتكلمي مين ياريم. انا.. لا مبكلمش حد ياحبيبي. بقالك فترة مبتسبيش موبايلك ومهتمة اوي بيه.. خير هو في حاجة.

لا خالص.. يعني الزهق وكدة وبعدين انت طول اليوم سايبني قاعدة لوحدي ف بشغل نفسي ب الموبايل. قولتلك روحي عند اهلك. سيبك سيبك.. قولي صح هو كريم مكلمكش. واشمعنا بتسالي. لا يعني بعد ما مشينا مش كان المفروض يتصل عليك. لا مش مفروض ومتصلش عادي فيها اية.. انتي بقيتي غريبة ياريم وبقيتي عجيبة.. وتصرفاتك متغيرة زيادة عن اللزوم، وبقيتي تتعبيني. هي وحشتك طيب.. لو وحشتك قولي ع الاقل هلاقي تفسير للمعاملة دي.

معاملة اية ياريم انتي اتجننتي.. والله لو كلمتيني بالطريقة دي تاني لهزعلك بجد!! اية وحشتك وهو كل شوية الاسلوب والطريقة دي. طب خلاص هدي نفسك.. اصلا سيرتها كل ماتيجي المشاكل تنزل علينا مطر.. بلاها احسن. الصبح نزلت خبيت شخصيتي الضعيفة وداريت حزني بمكياجي ونزلت.. قررت هقدم على شغل. وهسحل نفسي عشان انسى. ودة بما اني خريجة كلية هندسة. عملت الانترفيو.

وبعد يومين اتقبلت ف شغلي واتعرفت على ناس جديدة واتسحلت.. وكل دة كريم مكلمنيش ولاعبرني حتى مفكش البلوك.. شلت املي منه واستنتجت انو خلاص مفيش كريم تاني وهو سابني. ماسكة موبايل وسرحانة وسايبة الشغل.. هممم. هو انت مين. هما مقالولكيش ان مديرك خلصت اجازته. وقف: احم لا انا اسفة حضرتك مكنتش اعرف تشرفت بمعرفتك. الشرف ليا… انتي برضو رنا. اة اة دي انا فعلاً.

اهلا.. انا الشباب ادوني كدة رفيو بسيط عنك وقالو انك مجتهدة فشغلك.. بس انا جيت عشان اتأكد بنفسي. من الواضح اجتهادك ف الموبايل. انا اسفة جدا كنت ببص ع الساعة وسرحت بس. مفيش مشكلة.. لو مش عارفاني ان….. مستر سليم… كرارو اسمك كتير. بابتسامة: طب الحمدلله انك عرفتي.. عن اذنك بقا. اتفضل. يادي النيلة!! كانت ناقصاه هو كمان. وادية هيركز فشغلي لحد مايرفدني كمان!!

فجأة ببص ف موبايلي بعد ما خلصت شغلي ومروحة.. لقيته فك كل البلوكات.. بقول بسم الله لسا لقيته بيرن عليا. فـ رديت. الوحدة عجبتك. وحدة اي ياكريم. اتبسطي لما متكلمناش.. محاولتيش حتى تكلميني مع انك الغلطانة. محاولتيش!! انا عارف يوميها رنيت عليك كام مرة.. وحضرتك بعدها عملتلي بلوكات. انت اللي مش معبرني.. هو المطلوب مني اكلمك وانت كمان عاملي بلوك!! جبروت دة ولا اية ياكريم. لا كان عندي امل تحاولي عشاني. احاول.!!

هو مين اللي المفروض يحاول عشان مين. انا اعصابي تعبت منك ومن كتر عدم فهمك ليا وتسرعك دة انت خنقتني. انا بعد كل دة مفروض اقفل.. بس للاسف يارنا انا بحبك.. وهحاول انسى انك اسئتيلي و… لو قولتها هقفل فوشك.. مش ذمبي انك مسمعتنيش ياكريم.. انا كنت هفهمك كل حاجة وانت اللي مشيت. ماشي يارنا.. انتي بريئة كالعادة، انا مش مدايق خلاص. هقفل دلوقتي عندي شغل، يلا سلام. اوف.. تعبت وزهقت و….. يانهار اسود!! اية اللي سودة.

انا اسفة اسفة جدا هلملك الور…. انتي هتعملي اية! اوعي تعملي كدة متوطيش وتيجيبي الورق. حصل خير. كنت خبطت في.. ومركزة فموبايلي، وهو مركز ف فايل.. وفجأة خبط فيه وقع اللاب توب والورق من ايديه وكل حاجة خربت. بس الحمدلله الورق جمعته. بس!! بس الاب توب بتاع حضرتك باظ!! مش مشكلة حصل خير. انتي لسا مروحتيش لحد دلوقتي. الحقيقة كنت مروحة دلوقتي بس جالي موبايل عطلني. همم.. طيب اتفضلي روحي الوقت اخر. طيب بعد اذنك واسفة تاني.

حصل خير. متواضع!! بعد الشغل معاه ف يوم واحد استنتجت دة هو متواضع ورزين.. ومتفهم جدا للامور.. لسا شاب، وسيم وطويل وجميل، واهم حاجة انو مش صعب ف الشغل، ودة كان مسهل علي. مكنتش فاهمة في اية! الحقيقة اني موبايلي مش عايز يفتح الابلكيشن عشان اطلب عربية. وحتى مفيش تاكسي كله مليان. فضلت وقفة كتير اوي تحت. حتى انو رجلي وجعتني. انتي مبتتحركيش غير لما اقولك. لسا مروحتيش لحد دلوقتي بقالك ساعة الا واقفة لية.

بصراحه مفيش تاكسي فاضي وموبايلي مش راضي يفتح الابلكيشن. هو يوم نحس من اوله. لا وانا ميرضينيش موظفة عندي وكمان جديدة تقف الوقفة دي بليل كدة.. اتفضلي هوصلك، واهو بالمرة علشان متقوليش مش هاجي تاني. ابتسمت: لا ازاي. شكرا اوي مش عارفه اقولك اية. كريم انت هتتخطب انت ورنا امتا. يابنتي نتخطب اية لسا بدري. وبعدين هو بعد اللي حكتهلكم دة عايزني اخطبها بالسرعة دي، لا لازم افهمها اكتر الاول قبل ما نتسرع.

انا وهيرد طارق: على فكرة دي حاجات ومشاكل بينك وبينها لية تحكيهالنا او لاي حد. بقولك اية ياعم الحكم والمواغظ انت اهدى شوية. هديت. مش عارفة اقول لحضرتك اية. شكرا. العفو يلا باي. باي. رزين.. بس مبيضحكش.. ولا بيبتسم، ولا عمري شوفت ضحكته حتى. هو كويس بس جد جد. بس طلعت بيتي وكعادتي نمت.. بس كنت بفكر تاني فكريم.

وياترى اي اللي هيحصل وعلاقتي بيه هتكمل وهو هيعمل اي تاني.. انا لسا مكملتش معاة اسبوع وتعبت، امال بعدين اية اللي هيحصل. وتاني يوم نزلت الشغل…. وكان فية ميتنج، وفي مشروع بين شركة تاني. ومع الاسف والاحباط. اني لما دخلت الميتنج لقيت هناك علي.. واتصدمت صدمة عمري!! كنت فاكرة اني مش هشوفه تان. بس القدر يلعب لعبته من جديد. اتاري ان علي وسليم بينهم اتفاق.. وشغل من زمان..

وعرفت من الموظفين انه علي مش اول مرة يشتغل معاه، مهو علي مهندس برض. وادي حظي الاسود.. هو لية قدري. كدة بقا، هنسا ازاي كدة. بصلي: انتي بتشتغلي هنا!!!!! ايوا. متخيلتش.. ازيك يارنا عاملة اية. تمام ماشي الحال الحمدلله. ان…. سليم بتدخل: اي يا رنا.. تعرفو بعض ولا اية. علي: ا…. رنا: لا الحقيقة منعرفش بعض هو بس كان بيسألني على حاجة. بصلي بصدمة ونظرات لوم وعتاب!! وكأن عيوني بتقولو نسيت مع اني منستش.. بس يمكن حبي قل خالص.

وانسحبو من قدامي وكملو شغل. لحد مامشي… ولقيت سليم بيطلبني لمكتبه. كنت خايفة اكون عملت حاجة. اؤمر. اتفضلي اقعدي. ايوا.. قعدت اهو. بصي يارنا…………….