رواية حكاية توبة الفصل الأول 1 - بقلم دونا

أنا هتجوز توبه يا بويه. شام الأسيطي: انت اتجننت يا سالم. انت خابر بتقول إيه؟ توبه بتكون بت أخوك كمال الله يرحمه. انت اتجننت ولا إيه؟ سالم بخبث وهوس: لا يا أبوي، أنا متجننتش. أنا صبرت كتير عليها لحد ما بقيت كف البدر. ومش هستحمل تيجي سميرة أو غيرها تاخدها لولدها. هشام بصدمة من القرف اللي بيسمعه، قرب عليه وضربه بالقلم: انت استحالة تكون ولدي. سالم، انت مش خابر ولا شرع ولا دين. بحق ربنا دا. انت في مقام أبوها.

سالم بهوس: أنا مليش ذنب بكلام دا. أنا بحبها وريدها تكون ملكي. أنا بس، انت فاهم. توبه ليا، توبه هتكون ملك سالم يا بوي. وسابه وطلع. هشام بتعب من المصيبة اللي هتحل عليهم، قعد على الكرسي ونادم على توبه. هشام بتعب: توبه... توبه. توبه، رغم خوفها من كلام عمها اللي سمعته هي وأختها سارة وكل اللي في البيت، إلا أنها جريت على جدها. توبه بقلق: أيوه يا جدي.

هشام بحزن شديد: لمي خلجاتك وحاجاتك انتي وأختك ويلا هتمشوا عند خالتك. وملكمش رجعة هنا، فاهمة. توبه بكسرة قلب: بس أكده مش هنشوفك يا جدي تاني. وخالتي دي هترمينا ليها أكده. وهي مسألتش علينا. وصل لما كان أبوي وأمي الله يرحمهم عايشين، ولا حتى بعد ما ماتوا. سارة واقفة بتعيط. الجد بحسرة على بنات ابنه: خالتك اللي بتقول هرميكم ليه أكده. إني اللي كنت مانعها. عندكوا إني اللي كنت رافض دخولها البيت. أهنه لأسباب معينة.

سارة بدموع: بس يا جدي، إحنا منعرفهاش أصلاً. كيف هنروح لها؟ الجد بحسرة وحزن، قام من مكانه: دلوقتي تروحي انتي وياها تجهزوا حالكم وتنزلوا. وسابهم ودخل مكتبه. الجد في المكتب، دخلت عليه كريمة بقهوة. كريمة بحزن: هشام بيه، على كده هتقبل سميرة هانم بعد اللي حصل؟ الجد بابتسامة: سميرة، رغم كرهي ليها، إلا إني خابر زين إنها طيبة. هتقدر تحمي توبه وسارة زين.

كريمة بقلق: بس ولادها. معتقدش إنهم هيقبلوا وجود البنات اللي أمهم انهنت بسببهم. الجد بابتسامة واطمئنان: هو دا السبب اللي خلاني أبعتهم عند سميرة يا كريمة. كريمة بعدم فهم: مش فاهمة. الجد بابتسامة: مش وقته يا كريمة. يلا فزي قومي نادميلي صالح. كريمة بقلق قامت وطالعة، نادت صالح. صالح: أمرك يا بيه. الجد: معاك رقم سميرة يا صالح، مش كده؟ صالح: أيوه يا بيه. الجد بابتسامة: رن عليها دلوقتي، يلا.

صالح رن على سميرة وعطى التلفون ليه. عند توبه وسارة. سارة بقلق: هي خالتنا دي هتحبنا زي جدي وخالة كريمة على كده؟ طب هي شكلها زي ماما ولا لأ؟ هااا يا توبه. توبه القلق والخوف جوه مسيطر عليها، بس الجمود بقى مرسومة عليها. سارة وهي بتحضنها: توبه، لو عايزة تعيطي أو تصرخي، اعملي كده وارتاحي. بلاش الهدوء دا. توبه بابتسامة وحب: حبيبتي، أنا كويسة. يلا نخلص عشان نشوف جدو. وسابتها وبدأت تجهز الحاجات.

سارة بقلق شديد وفي سرها: ربنا يستر يارب. أنا مليش غيرها. أحميها ليا. وسمعوا أصوات جاية من البلكونة. عند الجد في المكتب، وهو ماسك التلفون وبيكلم سميرة وبيحكي ليها على اللي حصل، وأنها لازم تحمي البنات من جنون وهوس ابنه. هشام بحزن: سميرة، أنا عارف إنك لسه في البلد. مسافرتيش لسه. لو امكن يا بتي إنك... سميرة بفرحة رغم حزنها على حال اللي حصل: متقلقش يا عمي، أنا بنفسي هجي هخد البنات. اختي، اطمن. قطع كلامهم صوت زعيق سارة.

الجد بقلق: في إيه؟ إيه اللي حصل؟ سارة بدموع وبتجري على جدها: جدو، توبه اتخطفت. الجد بخوف، التلفون وقع وسميرة سمعت والخط قفل. الجد بغضب وخوف: صالح، اجري اقلبلي البلد كليتها على سالم. ورجعلي توبه وسالم. لو رسيت تقتله، اقتله. فاهم؟ سارة بعياط وشحتفة: هو ليه بيحصل كده يا جدي؟ ليه؟ دي توبه طيبة وقلبها أبيض. مش كفاية أبوي وأمي. الجد بحسرة: استغفري ربك يا بتي، وقوليلي إيه اللي حصل. عند سميرة. سميرة بقلق: مراد فين؟ جبل.

مراد بقلق على أمه: ماما، في إيه؟ مالك ومال جبل؟ سميرة بقلق وبتعب: رنلي على جبل. هو الوحيد اللي هيقدر ينقذ توبه. مراد بخضة: ماما، اهدي طيب. وحاضر هرن عليه. مراد وهو بيرن على جبل. جبل بهدوء: أيوه يا مراد. مراد بصوت كله قلق: جبل، ماما... ولسه مخلصش الكلمة، جبل قفل معاه وساب كل اللي كان قدامه وركب عربيته وطار. سميرة بقلق: مراد، بتعمل إيه؟ نزلني يا ولد. مراد بخوف وهو شايل أمه: أنزلك إيه بس؟

انتي مش قادرة تقفي. اطلعي ارتاحي لحد ما جبل يجي. وبيقعدها على السرير. سميرة بقلق وغضب: أنا مش هرحمه لو حصلها حاجة. جبل بجمود بيقرب على أمه بيتفحصها بعينه وبيحط إيده على وشها: مين هو يا أمي؟ سميرة بقلق: دلوقتي يا جبل. الحق توبه يا ضنايا، انت الوحيد اللي تقدر تقف في وش سالم. مراد باستغراب: يعني إيه؟ جبل بهدوء مريب وقف. سميرة وهي بتقوم وبتنزل: يلا، مش وقت كلام. لازم نروح بيت هشام الأسيطي. وفعلاً مشيوا.

عند هشام وسارة اللي بتعيط في حضنه. الجد بقلق: احكي. إيه اللي حصل؟ سارة بشحتفة حكت كل اللي حصل. فلاش. توبه وسارة سمعوا أصوات جاية من البلكونة. سارة بخوف: إيه الأصوات دي؟ انتي رايحة فين بس يا توبه؟ توبه بابتسامة: اهدي يا بنتي، متقلقيش. أكيد دا... وهي بتدخل، لقيت اللي بيكتم نفسها، واللي ضرب سارة على دماغها. سارة بعياط: لم ضربني، اغم عليا. لما صحيت، استوعبت اللي حصل. يا جدي، أنا عايزة أختي يا جدي. انقذ توبه.

الجد: توبه هترجع، متقلقيش يا حبيبتي. الجد بنظرات امتنان: أخيراً جيت يا بت خالد. سارة بدموع وبتجري على خدودها: مين دي يا جدي؟ وخالد مين؟ سميرة بحب وهي بتقرب منها: أنا خالتك يا حبيبتي، أنا أخت أمك الغالية. كل دا تحت أنظار جبل ومراد اللي تايه في تفاصيل سارة. سارة بدموع وشحتفة ورجاء لجدها وخالته: أرجوكم انقذوه. لحد ما اغم عليها جوه حضن كريمة. سميرة بقلق: هي كويسة؟ كريمة بقلق: مش عارفة.

الجد بحزن عليها: هي كويسة، متقلقوش. كريمة، وديها أوضتها وخليكي معاها. سميرة بجدية: مراد، شيلها وطلعها أوضتها مع كريمة. وشالها وهو قلبه وجعه عليها. في لحظة دخل صالح. الجد بقلق: هااا يا صالح، عرفت مكانها؟ صالح بحزن عميق وباصص في الأرض: يا بيه، الرجال دورت في البلد كليتها. بس هما بيدوروا كمان. متقلقش. وصل، هنلاقيه. سميرة بقلق: يعيني عليكي يا بت سمر وكمال. من يومك والدنيا جاية عليكي. جبل بجمود،

هو موجه كلامه لصالح: دورت في الأماكن اللي بيلجأ ليها سالم؟ صالح بيهز راسه: كلها يا بيه، البلد كليتها. مراد وهو نازل: طب هنوصلها إزاي يا جبل؟ جبل بتفكير: هو اللي اسمه سالم دا معاه موبيل، أكيد؟ صالح بعدم فهم: أيوه يا بيه. جبل بهدوء: تمام. اديني رقمه. وصالح عطاه الرقم وجبل مشي. سميرة بحزن: سارة فاقت.

مراد بيحضن أمه: متقلقيش، هتبقى كويسة يا حبيبتي. وتوبه اللي وكله دماغك دي هترجع. طالما جبل طالع كده، يبقى مش هيرجع غير بيها. الجد بابتسامة واطمئنان بعض الشئ من كلام مراد. صالح: هشام بيه، هستأذن أنا أشوف الرجال وصلوا لإيه. مراد بهدوء: أي حاجة توصلوا ليها بلغوني يا عم صالح. صالح بيهز راسه ومشي. عند توبه. توبه بتفوق، بتلاقي نفسها على سرير في أوضة غريبة.

بتقوم بخضة وبتجري عشان تطلع، بتتفاجأ إن باب الأوضة اتفتح ودخل سالم منه. توبه بخوف دب في قلبها أول ما شافته: هو... هو... أنا بعمل إيه هنا يا عمي؟ سالم بهوس: متقوليش عمي دي تاني. أنا هبقى جوزك قريب يا توبه. قلبي. توبه الخوف زاد والدموع تسيل منها بغزاره: انت بتقول إيه؟ حرام عليك اللي بتقوله دا. أنا بنت أخوك، إزاي تفكر كده؟

سالم بهوس: أنا بحبك وهنتجوز يا بنت كمال. أنا مليش ذنب إنك بنت أخويا، لأنه هتكوني ملكي أنا وبس يا توبه. توبه بنهار: ولا شرع ولا قانون هيحلوا الجريمة دي مهما حصل، انت فاهم. وأنا مستحيل أفضل في مكان دا. ولسه هتخرج، ساحبها سالم عليه وقال: سالم بهوس وجنون: ماسكها من إيدها جامد ومقرب وشه من وشها. انتي ملكي، فاهمة؟ توبه بعياط: ابعد عني. إياك تلمسني تاني.

وزقها بعنف على السرير وهو بيزقها. موبايله وقع منه في الأوضة وسابها وطالع. توبه بقلق وخوف اتملكها: يا رب، يا رب. بحق أيام المباركة دي، أنجدني من إيده يارب. وضمت نفسها وفضلت تعيط لحد ما لمحت تلفون مرمي تحت التربيزة اللي قدامها. جريت فتحته وحاولت ترن على سارة. عند جبل. جبل بجمود رن على صاحبه عامر: عامر، ابعتلك رقم حد. اعرفلي مكانه فين. اتصرف. عامر باستغراب وهو بيبحث: حاضر، بس إمتى هترجع الشركة؟

جبل بهدوء: قريب. المهم، انت عرفت حاجة؟ عامر بتفكير: جبل، رقم مقفول يا بني. مش هعرف مكانه كده. جبل بجمود: اتصرف يا عامر. حددلي مكانه وابعتلي فينه. عامر بغيظ: انت سمعت بتقول إيه يابني؟ بقولك قافل موبايله خالص، هعرفك إزاي وهو مقفول؟ جبل برفع حاجب: اتصرف. خلال دقائق تجيبلي المكان، فاهم. وفصل في وشه. عامر بغيظ: أنا هتشل على يدك انت والمحروسة مراتي قريب. اففف، يلا بقا أمري لله. ووقت ما كان جبل هيدخل، كان عامر بعتله المكان.

كان في وقت نزول سارة. جري لجدها. سارة بلهفة: جدي، توبه اهي. كلمها وفتحت الاسبيكر. الجد بقلق: توبه يا بت، فينك؟ قولينا فينك. انت بتكلمينا من رقم سالم إزاي؟ توبه بحبس دموعها: مش عارفة يا جدي، مش عارفة. الله يخليك، انجدي. منه دا ناوي على الشر يا جدي. وأنا بكلمك من غير ما هو يعرف. الجد بحسرة: اهدي يا بتي، وقوليلي أوصفي المكان اللي انتي فيه طيب. في الوقت دا، كان مراد رن على جبل يقوله اللي حصل، لكن فجأة أنه رايح يجيبها.

وجاي مش وقال مش هيتأخر. توبه بعياط وشحتفة: جدي، ععععععععاااااااااااااااااااااا! ابعد عني. والخط اتقفل. الجد بقلق بالغ قعد مكانه. سميرة بقلق وبتعب: عمي، اهدااا. هتكون كويسة. سارة بعياط: جدو، هي هتكون كويسة صح؟ مراد بهدوء: ماما، جبل رايح يجيبها. فبلاش قلق، وهتكون كويسة. سارة بفرحة وسط دموعها: يعني عرفوا مكانه؟ الحمد لله، الحمد لله. هتجي إمتى؟ سميرة بتعب: طب الحمد لله، ويجوا بسلامهم.

مراد بابتسامة لسارة: إن شاء الله هيجوا بسلامه. امسحي انتي دموعك بس. وسارة هزت راسها ومسحت دموعها وحضنت كريمة. الجد هشام بحزن: مش خايفة على ابنك يا سميرة؟ سميرة بابتسامة: أكيد خايفة، بس مش على ابني. خايفة على سالم ومن اللي هيحصله من جبل. الجد بقلق على توبه: المهم يجوا بسلامة. عند توبه. سالم ماسك الموبيل، مسكها من شعرها: كنت بتكلمي مين؟ انطق. توبه بعياط: ععععععععاااااا! ابعد عني، ابعد. كنت بكلم جدي. سالم

بخبث زقها على السرير وقال: مفيش حد هيعرفلك طريق يا توبه، وهتكوني ليا وبس. واجهزي عشان عاملالك حفلة صغيرة عشان هتكوني بتعتي النهارده. ورملها فستان. وجي يمشي، لف ليها وقال: نص ساعة وهطلع ألاقيِك جاهزة، وإلا جدك واختك اللي بتحبيهم، هقتلهم. وبرضه هتكوني ليا. عدت النص ساعة وتوبه جهزت. وسالم طلع ياخدها ونزل، لكنه اتفاجأ بصوت ضرب نار بره. وكان لسه هيطلع يشوف إيه، الباب اتفتح ودخل. سالم بغضب: انت مين يا ابن الـ***؟

انت عارف انت بتتهجم على مين؟ ولا إيه؟ جبل بسخرية: بتتهجم؟ ههههه. طيب، ولو أنا بتهاجم، فأنا بتهاجم على واطي يا وحقير. وهجم عليه وأداله بوكس خلاه وقع الأرض من شدته، شبه فاقد الوعي. وتوبه كانت واقفة بتتنفض من الخوف. جبل بهدوء وعيونه على توبه قال: انتي توبه؟ توبه بخوف: ا... أيوه. جبل بهدوء رغم جمالها اللي مش عارف يبعد عينه عنها، ومسك إيدها: اهدي، أنا جي أرجعك لهشام بيه. توبه بفرحة: بجد؟ طب فين عم صالح والرجال اللي معاك؟

جبل برفع حاجب وغيظ: هو أنا مش هعرف أرجعك وأنا لوحدي مثلاً؟ توبه بصدمة وسط دموعها: انت عايز تقولي إنك لوحدك ضربت كل اللي بره دا؟ أنا قولت البلد كلها جت تنقذني. جبل بضحكة رجولية: ليه هند رستم وجورجيا؟ فوقي، دا انتي حتى اسمك توبه يا توبه. توبه بلوي بوز: انت... ولقت سالم فاق وقام، فمسكت في قميص جبل وقفت من وراه. سالم بهوس وجنون: انتي ملكي أنا وبس، وانت مين؟ وأبوي يعرفك منين أصلاً؟

جبل بشر ضربه برسيه خلاه اغمى عليها. وشاله على كتفه ومسك إيد توبه وأخدها وطالع. عند العربية، جبل ربط إيده ورجله ورمه في العربية. وفتح الباب لتوبه وركبت وركب هو كمان وطار على البيت. في بيت هشام. توبه دخلت تجري على حضن جدها. توبه بعياط: جدي. الجد بفرحة: حبيبتي، حمدالله على سلامتك. وشكراً ليك يا ولدي. صح، ابن فايز الأسيطي يا ولدي؟ جبل بهدوء: أنا معملتش غير الواجب. ومال على مراد ووشوشه. ومراد بعدها طلع.