رواية حكاية توبة الفصل الثاني 2 - بقلم دونا

بلوي بوز عينها على جبل. "جدي، قولي مين الحيط اللي أنقذني دا؟ حضرتك تعرفه؟ جبل بغيظ واستفزاز: "أنا حيط يا توبة؟ الجد بضحك: "هههههه، معلش يا ولدي، أكيد قولتلها حاجة ديقته." توبة بلوي بوز واستفزاز: "ولا يعرف يضايقني يا جدي، بس عامل يتملص على اسمي. توبة يا جدي، يرضيك أكده؟ الجد بابتسامة بحب: "الله، لا ميرضينيش. وصل يا توبة، يا أسيوطي، دا أنتِ توبة قلبي يا حبيبتي."

جبل باستفزاز: "ونبي متنفخش فيه أوي يا جدي، أحسن تشوف نفسها وتفرقع." توبة بغيظ وعصبية ودبدبة على الأرض: "يوووه، وأنت مالك يا أخي أنت؟ اففف." ووجهت كلامها لجدها: "جدي، أنا داخلة المطبخ." سارة وكريمة وسميرة بيضحكوا عليهم. سميرة بحزن من جبل: "كده يا جبل زعلتها؟ جبل برفع حاجب وغيظ، قعد على الكرسي لأنه تعب. كريمة بضحك: "يوه، متزعلش يا جبل يا سميرة، دي توبة قلبها أبيض، بس هي أكده ابتدأت ترجع توبة القديمة. مش أكده يا بيه؟

جبل بتركيز في الكلام. الجد بابتسامة وزعل: "ياريت يا كريمة، دي أديتها من ساعة حادث كمال وسمر، الله يرحمهم ويغفر لهم، وهي متغيره قوي." الكل: "آمين يارب العالمين، آمين." سارة بتغيير الجو: "بس تعرف يا جدي، أن توبة دخلت المطبخ دلوقتي، وهناكل أكل حلو أوي على الفطار أخيراً." كريمة بتأييد: "آه أخيراً. إيه دا؟ انتي قصدك إيه يا بت انتي؟ وسارة بضحك، طلعت تجري على المطبخ. الجد ضحك بصوته كله. حتى سميرة ضحكت.

وجبل قاعد بينام على روحه لحد ما سمع صوت. مراد بتنهيدة وضحك: "جبل سالم بيه، هرب هههههههه." جبل برفع حاجب وغيظ: "نفسي مرة أسمع اسمي منك وبعده خبر خير يا أخي." مراد بضحك: "لا، فيه خبر حلو، إني خليت عم الحج يدور عليه حي أو ميت." جبل بغيظ منه: "لا فالح يا وله." الجد بحسرة على ابنه: "أنا مش عارف ليه سالم عمل أكده، أو ليه أصلاً." سميرة بحزن: "عمي، اهدا شوية."

جبل بهدوء: "طب، احنا هنستأذن، وأتأكد يا جدي أن سالم مستحيل يقرب على هنا، لأن فيه ظابط متكلف بالقبض عليه، حاطت حراسة في كل مكان." الجد بابتسامة حب: "كتر خيرك يا ولدي، بس ليا عندكم طلب كمان." سميرة بابتسامة: "أنت تؤمر يا عمي، مش تطلب." الجد بابتسامة: "الأمر لله يا بتي، بس أنا عاوزكم، مادام انتوا في البلد، أهنئ خليكم قاعدين عندي. وفي الأول والآخر البيت بيتك يا سميرة." سميرة بفرحة: "أكيد يا عمي."

مراد بتسرع ومرح: "وأخيراً يا ناس، في سلام." جبل بغيظ: "يا أخي اسكت بقا." الجد بضحك: "كريمة، اطلعي جهزي الأوض بسرعة علشان يرتاحوا شوية لحد ما الفطار يجهز." كريمة بفرحة: "حاضر يا أبويا." كريمة جهزت الدنيا، وكلهم طلعوا يرتاحوا. والجد دخل المكتب وطلب من كريمة تنادي صالح. في المطبخ. توبة بغيظ وهي بتعمل كيك شوكولاتة: "أنا، يتريق على اسمي؟ أنا؟ لا وكمان يقولي، انتي فاكرة نفسك هند رستم ولا جورجينا؟

بن آدم رزيل وحيط ومتخلف. اففف." سارة بضحك عليها: "حبيبتي، اهدي، الدنيا ماتاخدتش كده، ههههههه. هو عملك إيه بس؟ دا حتى أنقذك." توبة بغيظ: "يوووه، متقوليش أنقذني دي، دا واحد مستفز أوي وغتت." سارة باستفزاز: "بس متنكريش أنه قمر ومز." توبة بغيظ: "طب اتلمي يا سارة هانم، وانجزي، لأنه خلاص الفطار قرب." سارة بضحك شديد: "هههههههههه، هموت." توبة بغيظ: "سارة." سارة بكتم ضحكتها: "خلاص، خلاص، أهو سكت." في المكتب.

الجد بهدوء: "صالح، عرفت مكان سالم؟ صالح بهدوء: "يا هشام بيه، الرجال كلهم بيدوروا عليه." الجد بتنهيدة: "صالح، عينك تكون وسط راسك على توبة وسارة، لأن سالم أكده مش هيسكت، فاهم؟ صالح بطاعة: "أكيد يا بيه، من غير ما تقول، أنا مخلي رجالة مراقبين البيت من مخارجه ومداخله، متقلقش يا هشام بيه." هشام بحزن: "ياااارب استرها من عندك في الأيام المفترجة دي."

صالح: "آمين يارب العالمين، آمين يا هشام بيه. أستأذن أنا بعد إذنك، وأتمنى ترتاح شوية ومتجهدش نفسك." الجد بيهز راسه: "ماشي يا صالح، روح أنت." عدى اليوم بتفاصيله العادية جداً لحد معاد الفطار. كله خلص صلاة وأدعية. سارة بمرح: "يلا يا جماعة، الأكل جاهز، وأنا ميتة من جوعي لوحدي." الجد بابتسامة: "يا بت، اصبري، واكسري صيامك بشوية مياه الأول." سارة بمرح: "أيوة، أيوة، ما أنا مستنية لحد ما نتلم. صح يا خالتي؟

سميرة بفرحة: "هههههه، صح الصح يا حبيبة خالتك." توبة باستغراب: "أسه، أنا متعرفتش على حضرتك، أنا توبة كمال الأسيوطي." سميرة بضحك وحب وهي بتشدها لحضنها: "وأنا خالتك سميرة توفيق الأسيوطي يا توبة الأسيوطي." توبة بحب: "أنتِ خالتي؟ مراد بيدخل: "أيوة يا قمر، ماما خالتك، وأنا ابن خالتك الصغير مراد، واللي أنقذك امبارح، دا وبيشاور على جبل، بيكون جبل فايز الآسيوي، أخويا." توبة بابتسامة: "أهلاً وسهلاً بكم، نورتوا البيت."

جبل بهدوء: "البيت منور بأصحابه يا توبة." توبة بغيظ وبلوي بوز بصتله بقرف وقعدت. مراد بمرح وعيونه على سارة: "بس مكنتش أعرف أن عندنا بنات في عيلتنا زي القمر كده." توبة وسارة وشهم قلب طماطم من كتر الخجل والكسوف. الجد بحدة وممزوجة بمرح، بيدب بعصايته في الأرض: "مراد، إلزم حدودك يا ولد، راعي إني واقف يا مراد بيه." مراد بمرح: "آسف يا جدي، بس أنا مش قصدي حاجة، هما اللي حلوين بزيادة. آها يا أمي." سميرة بعتاب

وهي بتمسك ودان مراد جامد: "عيب يا ك*لب البحر أنت، إزاي وتتجرااا وتحرج البنات كده؟ جبل بهدوء: "جدي، معلش، أمتى هناكل، لأني جوعت أوي." الجد بابتسامة: "عملتي إيه يا توبة النهاردة؟ توبة بابتسامة لجدها: "عملت بشاميل ومقلوبة بلحم يا جدي، ومحشي ورق عنب اللي بتحبه يا حبيبي، وسلطات اللي بتحبها برضوا، وكيك شوكولاه وعصير مانجا وفراولة يا حبيبي."

مراد بمرح وهو رايح يقعد: "أنا أكيد حماتي بتموت فيا على كده، دا الأكل ريحته وشكله جوعني، أومال الطعام هيكون إيه؟ جبل باستفزاز وعيونه على توبة: "يا ريت يطلع الطعم حلو الأول، ومنروحش المستشفى بسبب أكلها." الجد بابتسامة: "طب، تعال كل الأول واحكم بعدها." والكل اتجمعوا على السفرة وأكلوا. وجبل عجبه جداً الأكل من أول ما داقه، وتأكد أن فعلاً توبة أفضل شيف. في مكان تاني، في مكان شبه بيت مهجور وسط الزرع.

سالم بهوس وجنون: "أنا، ابن ال*لب، يعمل كده فيا؟ ويأخدها مني؟ صابر اللي شغال عند سالم بخوف: "يا بيه، الحكومة قلبت البلد كلها عليك." سالم بخبث وهوس: "اممم، أكده لازم نقفل على الموضوع دا، علشان نلعب على نضيف." صابر بعدم فهم: "مش فاهم حاجة يا بيه." سالم بخبث وهوس وهو بيمسك سكينة كانت موجودة على التربيزة اللي قدامه: "هفهمك يا صابر، هفهمك يا حبيبي." وطعنه بسكينة في صدره، وخمس مرات بهوس،

وبيضحك بشر: "أنا هبدأاا من جديد، بس الكل لازم يعرف إني موت، علشان أعرف أوصل لتوبة. آسف يا صابر." ههههههههههههه. فضل يضحك بشر وهو قعد جنب الجثة، وبدل هدومه بهدوم صابر، وطلع بره البيت، وولع في البيت كله وهرب. الناس اللي شافت المنظر جريوا بلّغوا البوليس والمطافي. "لحقوا الدنيا." ونرجع البيت الأسيوطي. الكل خلص أكله، والجد بص على جبل وقال. الجد بمرح: "بالهناء على معدتكم يا ولاد. وهااا، يا جبل، الأكل عجبك على كده؟

الكل في صوت واحد: "الله يهنيك." جبل باستفزاز وعيونه على توبة: "مش عارف أقول إيه يا جدي، بس هو مقبول يعني." توبة بغيظ: "مكنتش كملت طافحك يا جبل بيه، بما أن الأكل مش قد المقام." مراد بتسرع: "أنت هتستهبل يا جبل؟ دا أنا لو عليا، هاكل الأطباق دلوقتي." جبل يبص له بغيظ: "بستهبل أنا؟ طب حسابك تقل يا حبيب أخوك." ووجه كلامه لتوبة: "وشكراً لذوقك يا توبة هانم."

توبة بغيظ وعصبية: "أنا قايمة أجيب العصير، لو سمحتي يا خالة كريمة، ساعديني ألم الأكل." ومشت. سميرة بفقد أمل منهم: "نفسي مرة نعقل يا حبايبي." الجد بابتسامة وفرح: "سبيهم يا سميرة، وتعالي، عاوزك في المكتب. وانتي يا سارة، قولي لتوبة تعملي قهوة من إيده بدل العصير." ومشي على المكتب وسميرة وراه. سارة بطاعة: "حاضر يا جدي." مراد باستغراب: "عارف حاجة في الموضوع؟ تعالي اللي على المكتب دا، واللي هيتكلموا فيه."

جبل بهدوء سابه وقام طلع لجنينة وهو بيتنهد. مراد بيبص حواليه: "إيه المعاملة دي؟ يارب، استغفر الله العظيم، يارب." سارة بضحك شديد: "إيه؟ هما سابوك وقاموا ولا إيه؟ مراد بتوهان: "يخربيت ضحكتك يا شيخة، إيه دا؟ سارة اتكسفت وسكتت. مراد بمرح وخبث: "أوع تضحكي كده وأنا صايم، هتخليني أفطر، وحرام عليك." سارة أحرجت وسابته ودخلت المطبخ لتوبة وكريمة. مراد بضحك شديد أخد بعضه وطلع لجبل يغيته لحد ما العصير يجهز. عند توبة.

كريمة بضحك: "نفسي أفهم ليه انتي وجبل على طول ناقر ونقير كده؟ سارة بضحك شديد: "الحب يا ماما كريمة، يبدأ هكذا." توبة بغيظ وعصبية ودبدبة على الأرض: "حب في عينك يا زفتة، عيب الكلام دا، ويلا تطلعي العصير دا ليه." سارة بضحك: "أنا مالي، أطلعه ليه يا ضنايا؟ تطلعيه انتي." توبة بغيظ منها، ابتسامة لكريمة وقالت: "خالتي، طالعيه انتي لو سمحتي." كريمة بضحك وحب: "آسف يا عيني، بس أنا هطلع فنجان قهوة لجدك." ومشت.

توبة بغيظ وعصبية، طلعت تقدملهم العصير. في المكتب. دخلت كريمة قدمت القهوة والعصير لسميرة وطلعت. الجد بابتسامة: "آها، إيه رأيك يا سميرة؟ موافقة؟ سميرة بفرحة: "أكيد موافقة يا عمي، والمهم إن حضرتك عرفت الحقيقة، وأنا موافقة على الكلامك كله يا عمي يا قمر أنت." الجد بابتسامة حب: "آها، منك يا بكاشة انتي، طيب يلا ننفذ بقا، ومتقلقيش، أنا هتصرف." سميرة بابتسامة هزت راسها وطلعوا. عند توبة وهي طالعة بتقدم العصير.

توبة بتصنع الطافة: "اتفضلوا بالهناء والشفاء." جبل وهو بياخد منه العصير: "هو انتي بتقدمي علاج لينا يا بنتي؟ عموماً شكراً، والله يهنيك يا توبة." توبة ببرود: "واضح أن اسمي عجبك أوي يا جبل بيه، علشان كل ما أتكلم معاك تقوله." جبل كان لسه هيرد، بس مراد لحقهم. مراد بسرعة: "تعرفي يا آنسة توبة، أنك حقيقي أفضل شيف. حقيقي، تسلم إيدك، الأكل كان تحفة، والعصير كمان جميل، ماشاء الله عليكِ."

جبل وهو بيستفز توبة: "ماتتأفوررش يا مراد." توبة جابت آخرها وبزعيق: "لا بقا كده كتير! أنت بن آدم غتت وبارد وقليل ذوق على فكرة." جبل برفع حاجب وبيمسك أعصابه: "صوتك ميعلاش تاني، وإلا قسماً بالله هدَفنك مكانك يا توبة، على كلامك دا وعلو صوتك." توبة بعصبية: "أنت بتكلمني كده إزاي أصلاً؟ وتدفن مين يا بابا؟ فوق لنفسك، أنت فاكر نفسك مين يعني؟ جبل بغرور واستفزاز: "جبل فايز الآسيوي يا توبة. عرفتي أنا مين؟

توبة باستفزاز: "محصلش الشرف، أعملك إيه يعني؟ سارة واقفة بتضحك على شكلهم. مراد لمحه وبمرح: "الله يا بت يا سارة، تعالي اتفرجي من هنا، الصورة أحلى وأوضح." جبل وتوبة في صوت واحد: "أنت تخرس خالص." مراد وسارة انفجروا في الضحك. والجد وسميرة وكريمة طلعوا على الصوت وانصدموا أن توبة واخدة جنب ومتعصبة، وجبل واقف هينفجر من الغيظ. الجد بقلق: "فيه إيه يا ولاد؟ سميرة بغيظ: "انتوا الاتنين بتضحكوا على إيه؟ فهمونا، إيه اللي حصل؟

مالك يا توبة يا حبيبتي؟ وانت يا جبل؟ مراد وسارة انفجروا في الضحك بسبب عند توبة ولوي بوزه وغيظ بتع جبل. كريمة بقلق: "الله، انتوا بتضحكوا على إيه؟ مراد بكتم ضحكته: "آسف يا خالته كريمة، أهو خلاص، وسارة سكتت خالص كمان." الجد بخبث: "بقولك إيه يا توبة؟ فيه عريس متقدملك، إيه رأيك يا بت؟ توبة بصدمة وخجل: "إيه؟ وجبل سمع الكلام، ملامحه اتغيرت. سميرة بابتسامة وحب: "أه يا حبيبتي، وبصراحة، أنا وجدك وفقنا، إيه رأيك؟ انتي موافقة؟

توبة بوجع قلب بتبص على الأرض: "طالما جدي موافق، أنا موافقة، بس ممكن أعرف مين؟ الجد بفرحة: "كده كتب كتابك هيكون الأسبوع الجاي، بس هو حالياً مسافر، مش هيجي غير يوم كتب كتابه، هتعرفيه يومها، ومتقلقيش." سارة هي ومراد واقفين شاكين في الكلام دا. وكريمة بفرحة: "يا ألف نهار أبيض، دا يوم المني، يوم السعد." وحضنتها، وتوبة سابتها وطلعت على الأوضة بتاعتها. جبل واقف متشتت ومتعصب، وقلبه موجوع، وهو مش عارف السبب، فاستأذن وطالع.

مراد بتفكير: "ماما، انتي وجدي، فيه حاجة غلط في الموضوع دا، عاوزين نفهم." سارة بتأييد: "ياريت يا جدي." كريمة بعدم فهم: "هو انتوا بتقولوا إيه؟ أنا مش فاهمة حاجة." الجد بضحك وحب: "طب، تعالوا، هفهمكم كل حاجة." سميرة بضحك: "وربنا يستر منكم 🙄"