رواية حكاية يوسف الفصل الثالث 3 - بقلم سلسبيل احمد

يا أخي مش تحاسب طور ماشي. انتي بتعملي إيه ورا الستارة بتاعتنا؟ حاولت أبلع صدمة إن الباسورد بتاعه بتاريخ عيد ميلادي ورديت: أنا؟ أصل… أصل… كنت بشوف. نفخ بضيق: أوف! انتي هتقعدي تهتهي يا سهر؟ وسعي كدا. يوسف هو انت عامل الباسورد عيد ميلادي ليه؟ لف لي وبص بنص عين: هوا انتي إزاي عرفتي أنا عامل إيه أصلاً؟ شفتك بتعمله عادي. ده رقم عادي معرفش إنه تاريخ عيد ميلادك أصلاً. بجد والله ما تبطل بقى! أبطل إيه؟

تعمل مش واخد بالك مني كدا. وانتي شيفاني واخد بالي يعني؟ معرفش. حببتي انتي زي أختي الصغيرة لو حتى واخد بالي فا عشان زي أختي خليكي عارفة كدا. عيني كانت هتدمع، فا مشي من قدامي بسرعة وأنا دموعي نزلت فعلاً بس مسحتها. خرجت البلكونة وحدفت مشبك على البلكونة اللي جمبي، فا خرجت ملك. حبيبي قلبي إيه دا؟ انتي بتعيطي؟ يوسف. قصدك الحلو؟ هبب إيه؟

كرامتي بتنهش عليا وبفكر أسافر وخلاص. ده بجد عامل باسورد بتاريخ عيد ميلادي ولما قولته بيقولي معرفش إنه تاريخ عيد ميلادي أصلاً. ده بيستعبط. لا بيتكلم جد، هو فعلاً هيعرف عيد ميلادي بتاع إيه ده؟ عارف اسمي بالعافية يا ملك، وقال لي انتي زي أختي. طب وبعدين؟ مش عارفة، أنا تعبت. بقولك إيه تعالي ننزل بعد الفطار بكرة نخرج. أها شكلك مش هتعرفيه بقى وناوية لها؟ ما يتفلق أصلاً!

اتسحرنا أنا وطنط هدى بس، وهوا مجاش برضه. كنت أنا وطنط هدي بس وكانت زعلانة. متزعليش ربنا يهديه. يارب يا بنتي. كنت عايزة أقولك إني هخرج بكرة بعد الفطار مع ملك. بنت سوسن اللي جنبنا. أها. ماشي وابقي خلي أمها تيجي تقعد معايا. عيوني يا هدهد. تالت يوم رمضان. ابنك مجاش؟ كلمته قالي هييجي الساعة 9 وهيفطر في الشغل، وقولتله إنك هتخرجي. بصدمة: إيه!! وهو ماله بقى يخالتو! خايف عليكي وقالي لأ! مفيش الكلام ده، أنا هخرج.

طيب ارجعي قبل ما ييجي. أنا كدا كدا عارفة إنك مش هتبعدي وواثقة فيكِ. بصتها بحب وجهزنا الفطار وبعده على طول الباب خبط ودخلت المزعجة. هدى حبيبت قلبي إني بتلبس و جايلك، وأنا بقى هاخد سهر شوية. ماشي متتأخروش. ونزلنا فعلاً أنا وهي، لكن لقيت موبايلي بيرن وكان يوسف. الو؟ إيه صوت الدوشة ده؟ نزلتي صح؟ أها، انت مالك؟ أنا كنت عارف، وحياة أمي لأجيبك من شعرك. هتقدر؟ طب بصي وراكي.

بصيت بخضة وقلبي وقف، وملك فضلت تسألني في إيه. سمعت صوت ضحكته في الفون. إيه يا بطة اتخضيتي ولا إيه؟ عمتاً كلها ربع ساعة لو مروحتيش انتي واللي محرضاكي عليا انتي حرة. وقفل في وشي. اللي كان أحمر من كتر الغيظ. ملك بضحك: هو عصبك كالعادة. طب وحياة أمك يا يوسف، لأوريك. اهدي بس هتفرقعي والله. أنا مش رايحة النهاردة، أنا رجاصة وهبات في الشارع. الرجاصة بتبات في فندق. أنا رجاصة فقيرة.

قعدنا نضحك أنا وهي، وعشان أنا محدش بيلوي دراعي ولا بيمشي كلمته، عليا روحت بعد ربع ساعة لأني واحدة معنديش كرامة بربع جنيه. خبطت على الباب، يوسف فتحلي. اتأخرتي تلت دقايق. أها، كنت بطلع السلم فيهم. فين ملك هربت؟ أها أصلها بتخاف منك. لازم تخاف، كانت عيلة بشخة وبغير لها البامبرز. أها زي كدا، معلش أخواتك بقى. ابتسم بسماجة: طبعاً أخواتي. زقيته ودخلت، خدت شنطتي، فا مسك زعبوط التي شيرت. خدي رايحة فين؟ رايحة شقتي.

وهتسيبي خالتك؟ اتكلمت من غير ما أبصله: معلش عشان تاخدوا راحتكم. مشيت بسرعة مدتوش فرصة يتكلم. مكملتش تلت دقايق في الشقة ولسه هقعد، لقيت الباب بيخبط، قمت بسرعة وفتحت. خالتو حبيبتي. فتحت لاقيته هو. يوسف ينفع؟ رفعت حاجبي: أنا مش لسه سايباك؟ دخل ولا كأني واقفة، قعد وحط المسدس على الترابيزة. جاي تخلص عليا يا ابن خالتي؟ لو عشان علبة النوتيلا اللي أخدت منها هجبلك غيرها. هو انتي اللي بتأكلي منها زي الفيران بقى؟

ضحكت جامد لأني فعلاً بنقر فيها، وهوا كان باصصلي بعدين هرب بعيونه: جاي ليه قول. انتي قلبك أبيض أوي يا بت. اشمعنى؟ عشان سمعتيني وأنا بزعق مع ماما إنك متقعديش هناك، ومع ذلك معاملتك متغيرتش. مسمعتش حاجة، بتتكلم عن إيه؟ سهر أنا مش غبي وجيتلك سكة من غير لف ودورانات. تنهدت: طيب سمعتكم بس عشان كان معاك حق مزعلتش، عادي يعني، إحنا إخوات.

إخوات أها، المهم إني أوضحلك مش حابب تبقي هناك فترة كبيرة عشان محدش يتكلم عليكي، لأنه مش هسيب حد يتكلم وهضطر أستخدم العنف مع اللي هيقول كلمة صغيرة عليكي. أنا بقعد مع خالتو مش معاك. مهو أنا جاي عشان كدا. عشان إيه؟ أنا هبات هنا وانتي تباتي هناك مع ماما. قول كدا بقى عايز تضرب على شقتي طمعان فيها. ضحك: خفة دمك لو تبطليها ياه. مقدرش يبني دي جزء من شخصيتي. ابتسم:

عمتاً برضه إحنا هنبدل حفاظاً عليكي مش أكتر، ولو كنت قولت ده بطريقة مش لطيفة متزعليش. لا مش زعلانة لو ده كان بدافع خوفك عليا خلاص انت صح، أنا بس مكنتش بفكر إن الناس نيتها وحشة. طيب باي. هدى أنااااا فرحانة. حكيت لها اللي حصل. بجد؟ ربنا يهديه يا بت يا سهر ويبقي من نصيبك. يارب ادعي وأنا هدعي، مش هرحمه الخمس فروض هدعي في كل سجده وفي الفجر كتير وفي قيام الليل أنا ههريه دعااا يا هدى. ضحكت: واقعة يخربيتك مش كدا.

فات ساعتين واحنا بنتسحر الساعة 3 عشان الفجر بيأذن 4 ونص وكانت الساعة 2 بليل. هدى فاضل ساعة ونحضر السحور صح؟ أها. هطلع عالسطح شوية أبص عالنجوم يمكن ألاقي نجمتي وأطلب منها تجوزني يوسف. انتي مش ممكن. ضحكت وبعدين طلعت السطح بالراحة وأنا بجهز كلام كتير هقوله للنجوم عن يوسف وأطلب من ربنا طلبي المعتاد. شوفت خيال حد عالسطح ولما قربت لاقيته هو. يويو!!! بتعمل إيه هنا؟ حط إيده على وشه بسرعة أوي ومسح عينه. قربت وبصتله بصدمة:

هو انت بتعيط!!؟؟؟