رواية حكايتي مع الزمان الفصل الثالث عشر 13 - بقلم مروه احمد

الدكتور: أنا كشفت على الحالة ولقيت إن الحادثة أثرت على الأعصاب. قاسم: إزاي يعني ماما؟ طب طب هي هتكون كويسة صح؟ قول لي إنها هتكون كويسة. الدكتور: إن شاء الله هتكون كويسة، بس هتمشي على شوية أدوية. وكمان هتحتاج علاج طبيعي على شان ترجع تمشي تاني إن شاء الله. قاسم: طب هو موضوع العلاج الطبيعي هياخد وقت طويل؟ الدكتور: والله يا قاسم بيه، مقدرش أحدد لك ميعاد على شان ده بيكون على حسب استجابتها للعلاج. قاسم: طب هتقدر تخرج إمتى؟

الدكتور: كمان كام يوم إن شاء الله وهكتب لها على خروج. *** رهف: سلامتك يا رنا. رنا: الله يسلمك يا روحي. رهف: إيه اللي حصل خلاكي تعملي كدا؟ رنا: أعمل إيه؟ رهف: رنا، مش بحب الاستهبال. ماما ممكن تجيبي عصير لرنا؟ أم رهف: حاضر. رنا: أنا عملت كدا على شان في صورة اتبعتت لي. رهف: صورة إيه؟ رنا: صورة لعامر وهو في حضن واحدة وبيرقص معاها. رهف: تقومي تعملي في نفسك كدا على شان واحد زي ده؟ رنا: معرفش يا رهف، أهو اللي حصل بقى.

رهف: تمام، أنا هشوف الموضوع ده. رنا: تعملي إيه؟ الباب خبط. رهف: اتفضل. البنات: السلامة عليكِ يا رنا. رنا: الله يسلمكم يا رب. رويدا: سلامتك يا رنوش. رنا: الله يسلمك يا رويدا. فرح: أحسن دلوقتي؟ رنا: الحمدلله. سارة: ديما يا رب. رهف: تسلموا يا بنات على سؤالكم. البنات: عيب يا رهف، إحنا أخوات. رهف: هروح أجيب حاجة تشربوها وأرجع. البنات: تمام يا رهف.

رهف عند الكافتيريا: ماما ممكن تروحي انتي وأنا هجيب حاجة على شان البنات هنا بيسألوا على رنا. أم رهف: ماشي، بس ما تتأخريش. *** ليل: الدكتور قالك إيه يا قاسم؟ قاله ماما فاطمة فيها إيه؟ قاسم: مفيش، بس هو قال إن ماما... وقص على ليل ما قاله الدكتور. ليل: انهارت من العياط. يعني ماما فاطمة مش هتقدر تمشي؟ قاسم: لا، إن شاء الله هترجع أحسن من الأول. إنتي روحي الأوضة دلوقتي اطمني عليها وشوفي لو كانت عايزة أي حاجة أجيبها.

ليل: ماشي. طارق: قاسم فين يا ليل؟ ليل: قاسم واقف في آخر الممر هناك. طارق: ماشي يا بنتي، انتي ادخلي اقعدي مع فاطمة لما أرجع. ليل: حاضر يا أونكل. ليل: عاملة إيه يا ماما؟ فاطمة: بخفوت، الحمدلله يا حبيبة ماما. ليل: يدوم حمدك يا رب. فاطمة: ربنا يبارك لي فيكي يا رب. أنا كان نفسي في بنت، بس انتي دلوقتي بنتي يا ليل ومش هسيبك أبداً يا حبيبتي. ليل: ده أنا يا ماما اللي مش هسيبك خالص. أنا هكلم قاسم يجبلك عصير أو أي حاجة تشربيها.

فاطمة: لا يا ليل، مش قادرة يا بنتي. ليل: لا يا ماما، لازم تاكلي أو تشربي أي حاجة على الأقل على شان تكوني كويسة. الو قاسم، ممكن تجيب أي حاجة لما فاطمة تشربها. قاسم: حاضر يا ليل، عايزة أي حاجة كمان؟ ليل: لا يا قاسم، جيبهم وتعالى على شان ماما عايزاك. قاسم: حاضر. خلاص يا بابا روح انت وأنا هروح الكافيتريا أجيب أي حاجة لما تشربها وأرجع. طارق: متتأخرش. قاسم: حاضر. *** رهف: أيوه وهات كمان واحدة من دي. البائع: دي؟

رهف: لا، هات اللي بالجوافة دي. البائع: حاجة تاني؟ رهف: لا، شكراً. اتفضل ده حسابك. قاسم: لو سمحت ممكن... بصت رهف وجدت قاسم الذي يشتري. رهف: قاسم بيه. مدام فاطمة عاملة إيه؟ قاسم: بخير الحمدلله، أحسن من الأول. رهف: ديما يا رب. قاسم: تسلمي، واختك عاملة إيه؟ رهف: الحمدلله. الاثنين معاً في آن واحد: أنا كنت هاجي أطمن. رهف: احم، أنا كنت هاجي أطمن على مدام فاطمة. قاسم: احم، وأنا كنت هاجي أسأل على اختك.

رهف: شكراً لحضرتك، بس هي بقت كويسة. انصرف الاثنان بعد شراء المشروبات. *** البنت: عامر يلا نرقص. عامر: لا يا لارا، مش جاييني نفس أرقص. لارا: اقتربت لتحضنه. عامر: يووو، مقلتلك مش ناقصة قرف هي إيه مبتفهميش ولا إيه؟ خالد: إيه يا ملك متعصب ليه؟ عامر: مفيش يا عم، بقت حاجة مقرفة أوي. خالد: روّق دماغك وخد السيجارة دي وهى هتخليك في مكان تاني خالص. عامر: هانت يا عم، أحسن اليومين دول الدماغ عندي بايظة على الآخر.

وليد: عامر، عامر، إنت هنا قاعد مش دريان بحاجة؟ عامر: في إيه يا ابني، انطق. وليد: ...