رواية حكايتي مع الزمان الفصل الرابع عشر 14 - بقلم مروه احمد

عامر: في إيه يا ابني، انطق. وليد: رنا خطيبتك تعبانة وفي المستشفى. عامر: وانت مين قالك بقا؟ وليد: رويدا خطيبتي هي اللي قالتلي. عامر: وهو بيكمل شرب. وأنا هعملها إيه؟ وليد: على الأقل روح اسأل عليها. عامر: مش هسأل على حد. ربنا يخدها وتريحني. وليد: إيه اللي انت بتقوله ده، انت مش بتحبها؟ عامر: لا مش بحبها. بحب رهف اختها. وليد: طب وإيه اللي جبرك إنك تخطبها؟ عامر: حصلت حاجة كدا أجبرتني على خطوبتها. وليد: طب سيبها يا عم.

عامر: مش دلوقتي، لما أعرف الحوار اللي حصل من ورا ضهري. وليد: براحتك يا عامر، بس أنا حبيت أعرفك مش أكتر. *** سلامتك يا مدام فاطمة. فاطمة: الله يسلمك يا بنتي. مش تعرفينا يا قاسم. قاسم: دي رهف السكرتيرة الجديدة، وهي كمان اللي اتبرعتلك بالدم. معلش بقى مجاش وقت أعرفكم ببعض. فاطمة: أهلاً بيكي يا حبيبتي، ربنا يبارك فيكي يا رب يا رهف. رهف: تسلميلي يا طنط، ربنا يشفيكي ويعافيكي يا رب. فاطمة: دي ليل بنت اختي. ليل دي رهف.

ليل: أيوه، عارفاها. أهلاً. رهف: أهلاً بيكي يا فندم. ليل: فندم إيه بقى؟ ده انتي دمك بقى بيجري في عروق خالتي، يعني انتي دمك من دم... رهف: ربنا يستر بقى على خالتك من خفة دمي دي، ههههه. ليل: عندك حق، باين عليكي دمك خفيف أوي يا رهف. رهف: انتي لسه شفتي حاجة. ليل: أنا عرفت إن أختك تعبانة وهنا في المستشفى، ممكن أجي أسأل عليها؟ رهف: طبعاً، انتي بتستأذني؟ يلا بينا.

ليل: ماما، أنا هروح أسأل على رنا أخت رهف، هي تعبانة شوية وفي المستشفى هنا. فاطمة: روحي يا ليل، بس ماتتأخريش. ليل: حاضر. قاسم: ليل، ماتتأخريش عشان الدكتور كتب لماما على خروج تمام. ليل: حاضر، مش هتأخر. *** مامااااااااااام. رهف: خير يا بنتي، في إيه؟ رهف: ليل بنت خالة قاسم بيه. رهف: أهلاً بيكي يا بنتي. ليل: أهلاً بحضرتك يا طنط. رهف: ماما فين رنا؟ أم رهف: رنا في الأوضة، وكمان إياد هناك.

رهف: تمام، إحنا هندخل نطمن عليها. يلا يا ليل. احم احم احم. إياد: ادخلي يا أختي. رهف: إيه يا عم إياد، احترمني شوية معايا ضيوف. إياد: طب يا حبيبتي اتفضلي. رهف: مش للدرجة دي يا إياد. ليل: رنا، صح؟ رنا: أيوه. ليل: ألف سلامة عليكي. أنا ليل بنت خالة قاسم الباشا. رنا: اتشرفت بيكي يا ليل. رهف: إياد، صح، تعالى أعرفك بليلة. قريب قاسم بيه. إياد: أهلاً، أنا إياد. ليل: أهلاً بيك، أنا ليل.

أنا همشي دلوقتي يا رهف عشان قاسم بيرن عليا، هات أسجلك رقمي وابقى نتكلم. رهف: ماشي يا عسل. *** زينب: حمد الله على السلامة يا مدام فاطمة. فاطمة: الله يسلمك يا زينب. طارق: يلا يا فاطمة، اطلعي ارتاحي شوية. حضري الغدا. زينب: حاضر يا بيه. طارق: قاسم، شيل فاطمة وطلعها فوق. قاسم: حاضر يا بابا. ليل، هات الشنط وتعالي. ليل: حاضر. قاسم: ادخلي رتبي الأوضة لماما، وانديه على حد من الخدم يساعدك. قاسم: الو، يونس، تفز اللي قلتلك عليه.

يونس: ماشي يا قاسم. قاسم: سلام، شوية وأكون عندك. يونس: الو. الشرطة.