رواية حكايتي الفصل الثاني 2 - بقلم هاجر العفيفي

زين زق البنت بغضب وفجأة اختل توازنها ووقعت من على السلم. زين بخضة: يانهار أبيض، روحت في داهية. نزل يجري عليها بسرعة وهي كانت فقدت الوعي. لسه هيقرب منها يشيلها اتفاجئ بشخص بيجري عليها. الشخص بخضة: نور مالك؟ إيه اللي عمل فيكي كده؟ إيه اللي حصلها يا أستاذ؟ زين بتوتر: ا... الآنسة كانت نازلة ووقعت. وقاطعه الشاب لما شالها وخرج يجري بسرعة. وزين راح وراه عشان يتأكد إنها ماحصلهاش حاجة. ركبوا العربية وطلعوا على المستشفى.

بعد وقت وصلوا ودخلوها أوضة الكشف. زين: هو انت تقربلها إيه؟ الشخص بخوف: أنا يامن أخوها، كنت بركن العربية بره وقولت لها اطلعي قبلي. يارب استرها، أنا ماليش غيرها. زين لسه هيرد خرجت الدكتورة وهما جريوا عليها. يامن بقلق: خير يا دكتورة؟ نور كويسة؟ الدكتورة: كانت واقعة شديدة بس أدت لكسر في دراعها اليمين وبعض الكدمات. وهي فاقت دلوقتي، تقدروا تشوفوها. الاتنين دخلوا عندها وزين كان عايز يعتذر لها وقلقان إنها تقول حاجة. يامن

دخل يجري عليها وقال بخوف: نور انتي كويسة يا حبيبتي؟ نور بتعب: متخافش يا حبيبي، أنا كويسة. زين بتوتر: احم، حمد الله على سلامتك يا آنسة نور. نور: الله يسلمك. يامن: إيه اللي حصل؟ وقعتي إزاي؟ نور بصت على زين وهو بصلها بحزن. نور: اتعبلت وأنا طالعة عادي. الحمد لله إنها جت على قد كده. يامن بحنان: الحمد لله يا حبيبتي. هنزل أشوف حساب المستشفى وأرجعلك تاني. خرج وكان متوقع إن زين هيخرج وراه، لكن زين قرب قعد جنب نور.

زين: أنا آسف. مكانش. قاطعته نور بهدوء: محصلش حاجة، خلاص. زين بضيق: أنا مكنتش مركز خالص، مش عارف عملت كده إزاي. سامحني. نور بابتسامة: ولا يهمك، الحمد لله على كل حال. زين بصلها بامتنان وقال: أنا زين. نور: وأنا نور. زين: اسمك جميل. نور: شكراً. اعتذر لها تاني وسابها ومشي. نور غمضت عينيها: ياااه يا زين، مكنتش اتوقع إننا هنتقابل تاني. *** نيرمين بقلق: زين لو عرف إنك إنت اللي خدتني منه مش هيسكت. الشخص وهو بينفخ

دخان سيجارته بعيد قال: وإيه يعني؟ ماهو دايماً واخد كل حاجة لنفسه وأنا لأ. نيرمين بخوف: طب طب هتتجوزني امتى يا أمجد؟ أنا بطني ابتدت تظهر، هقول إيه لأهلي اللي في صعيد دول؟ ممكن يقتلوني. أمجد بسخرية: ما إنتِ اللي غبية، كنتي اصبري لما زين يتجوزك الأول وبعدين تبقي تسيبيه. روحتي قررتي من دماغك ونفذتي. نيرمين بصدمة: أنا عملت كده عشان بحبك وعشان إنت وعدتني إنك هتتجوزني عشان تداري الفضيحة.

أمجد بخبث: أيوه أيوه طبعاً، بس كنا عايزينك إنك تلبسيه المصيبة الأول وبعدين نقلبه في قرشين ونخلع. نيرمين بعدم فهم: قصدك إيه؟ أمجد: تروحي تقولي لأمه إنك حامل منه، وطبعاً هي مش هيرضيها كده وهتجوزك ليه في وقته. نيرمين بصدمة: إييييييه!!!!!! *** زين: السلام عليكم ورحمة الله وبركاته. والدته بابتسامة: وعليكم السلام ورحمة الله وبركاته. تعال يابني. زين باس إيدها ورأسها وقال: عاملة إيه يا ست الكل؟

والدته بحنان: الحمد لله ياحبيبي. ها عامل إيه النهارده؟ زين بتنهيدة: الحمد لله. كنت عايزك في موضوع. والدته: خير يابني؟ زين: أنا هتجوز. والدته بفرحة: بجد ياحبيبي؟ ويا ترى مين سعيدة الحظ دي؟ زين: نور جارتنا. والدته باستغراب: نور مين!!! زين: أنا معرفش غير اسمها، وكل اللي أعرفه إن اسمها نور الحسيني وأخوها اسمه يامن. والدته بصدمة: لاء لاء، ملقيتش غير دي؟ ده على جثتي لو الجوازة دي تمت.