رواية حكايتي الفصل الثالث 3 - بقلم هاجر العفيفي

زين: أنا معرفش غير اسمها وكل اللي أعرفه إن اسمها نور الحسيني وأخوها اسمه يامن. والدته بصدمة: لأ لأ، ملقتش غير دي على جثتي لو الجوازة دي تمت. زين بدهشة: مالك يا أمي؟ انتي تعرفيهم؟ والدته بتوتر: مش مهم، المهم إنك استحالة تتجوزها، وده آخر كلام عندي، ماشي؟ سابته ودخلت، وهو كان واقف مصدوم من رد فعلها. زين باستغراب: أكيد فيه حاجة وأنا لازم أعرفها. زين كان ماشي ولمحها وهي ماشية، راح عندها. زين: احم، آنسة نور.

نور بتنهيدة: نعم. زين: كنت عايز أتكلم معاكي شوية. نور بحدة: لأ طبعاً، مينفعش. وقفتنا دي أصلاً لوحدها غلط، ياريت تبعد عن طريقي خالص. زين: والله… قاطعته وقالت بصرامة: خلاص، آخر كلام لو سمحت. مش عايزة كلام تاني. سابته ومشيت. زين بجدية: لأ، أنا لازم أعرف إيه هي مالها وإزاي هي كويسة والاحترام ده، وأمي رافضاها نهائي من غير ما تشوفني. ركب عربيته وراح عند أقرب صديق ليهم. زين: معلش يا مروان، مشاكل.

مروان بهدوء: خوفت عليك لما حصلت الحكاية معاك انت ونيرمين. زين بوجع: طلعت كدابة، اتخدعت فيها والله. مروان: الحمد لله إنها ظهرت على حقيقتها قبل ما يكون فيه حاجة رسمي مابينكم. زين: سيبك دلوقتي منها، كان فيه موضوع عايزك فيه. مروان: خير يا شق. زين حكاله على نور وكل اللي حصل معاه. مروان بغمزة: شكلك وقعت يا باشا. زين: لأ طبعاً، بس أنا حاسس من ناحيتها بغموض، عايز أعرف حكايتها. مروان: تحب أساعدك؟ زين: اومال أنا جايالك ليه؟

بما إنك ظابط ودي شغلتك، عايز كل حاجة عنها من أول ما اتولدت. مروان بغمزة: عيوني يا باشا. في بيت زين. والدته كانت بتقرأ قرآن وزين دخل عليها. قفلت المصحف وحطيته جنبها. زين: لسه زعلانة؟ والدته: عايزة مصلحتك. زين: بس أنا عايز أعرف سبب رفضك. والدته بحدة: برضوا يا زين هنتكلم تاني في الموضوع ده. زين: لأ، بس أنا… قاطعه خبط على الباب، قام يشوف مين وفتح واتصدم. زين بصدمة: نيرمين!!!

نيرمين بدموع: كده برضوا يا زين، ترميني أنا واللي في بطني وعايز تتجوز؟ شايفة يا طنط؟ وجهت كلامها لوالدة زين. زين بصدمة أكبر: انتي بتقولي إيه!!! اتفاجئ بقلم نزل على وشه من والدته. والدته بغضب: الكلام ده صحيح يا زين؟