رواية حل اللعنه الفصل الأول 1 - بقلم سارة عاصم

أي الأصوات دي؟ عاملة النضافة: متقربيش من الأوضة دي ي دكتورة لتتلبسي. _أتلبس! أتلبس إزاي يعني؟ عاملة النضافة: أصل بعيد عنك الأوضة دي أوضة ساحر. _ساحر! وإيه اللي يجيب ساحر مستشفى الأمراض النفسية! عاملة النضافة: أصله اتجنن بعد موت ابنه ومرات ابنه وحفيدته مقتولين. _دول اتقتلوا إزاي! عاملة النضافة: هو حضرتك بجد ي دكتورة متعرفيش قصته؟ _آه بجد مش عارفاها، هي مشهورة للدرجة يعني؟

عاملة النضافة: آه المستشفى كلها هنا عارفاها، ممكن عشان حضرتك لسه جديدة فمتعرفيهاش. _ممكن، طيب ممكن تحكيها لي؟

عاملة النضافة: أكيد طبعًا ي دكتورة. بصي الحكاية إن الساحر ده كان مشهور أوي في إمبابة وناس كتير من اللي بيؤمنوا بالخرافات دي كانوا بيروحوا عنده اللي عايز يتعالج من مرض واللي عايز يتجوز وهكذا. لحد ما في مرة جاله واحد وطلب منه يعمل سحر لمرات المنافس بتاع شركته، وفعلاً الساحر وافق وعمله السحر بس للأسف السحر اتقلب ومرات الراجل ماتت بعد ما لفت على كل الدكاترة والشيوخ بسبب النوبات اللي كانت بتتعرض لها. وآخر شيخ راحوا عنده

هو اللي اكتشف السحر وقالهم إن ساحر واحد بس اللي يقدر يعمل السحر وهو اللي يقدر يفكه بس، وهو الساحر سامي الصاوي. راح الراجل ده ورجالته للساحر عشان يهدده إنه لو مفكش السحر عن مراته هيأذيه ويردله ضعف اللي عمله في مراته. فالساحر سامي معجبوش تهديد الراجل ليه وقلب السحر وخلّاه أسود بالموت. وفعلاً مرات الرجل انتحرت قدامه بفعل السحر. فالراجل من كتر حبه لمراته وزعله عليها دبر حادثة للساحر إنه يبعت عربية كبيرة تدخل في عربيته،

وفعلاً ده اللي حصل. بس للأسف اللي كان في العربية ابن الساحر ومراته وبنته. وأما الساحر عرف الخبر اتجنن ومن ساعة ما جه هنا وهو بيكرر كلام غريب وبينادي على ابنه ومرات ابنه وحفيدته ومحدش فاهم له حاجة. بس الكل بيتجنب يتعامل معاه ومحدش راضي يعالجه لأنه في النهاية ساحر وكل شايف إن دي النهاية اللي يستحقها وده عقاب ربنا ليه.

_عاملة النضافة: مالك ي دكتورة مصدومة ووشك أصفر كده ليه! _قولتي اسم الساحر ده إيه؟ عاملة النضافة: سامي الصاوي. _م.. م.. مستحيل يكون هو!