رواية حلم عمري الفصل الحادي عشر 11 - بقلم ايمان صالح

إيه: إيه. الدكتور بيكمل: إيه محمود مقبول. إيه بتكلم في نفسها: إزاي إزاي هي تجيب أولى على الدفعة. أنا كده كده عارفة نفسي إني مش هجيب الأولى بس هي. دعاء مشيت ناحية إيه: قلبي معاكي يا إيه متزعليش. إيه بابتسامة صفراء: لا أنا مش زعلانة، الف مبروك لأحلى توأم. دعاء: الله يبارك فيكي يا روحي. وسابتها ومشيت راحت عند أميرة. دعاء: مبروك علينا يا ميرو. أميرة: الله يبارك فيكي، الفضل ليكي يا قلبي. دعاء: هو أنا عملت حاجة؟

إنتي توأمي يا عبيطة. أميرة: لو مش إنتي كنت زماني شيلت المادة دي. فلاش باك. أميرة قاعدة وطلعت عندها دعاء بسرعة. دعاء: أميرة الحقي. أميرة: في إيه يا دعاء؟ دعاء: البت إيه بوظتلك اللوحة الرسم بتاعتك. أميرة: طيب هنعمل إيه دلوقتي؟ وبتعيط. دعاء: لا مش وقت عياط، يلا بسرعة نعملها. أميرة مش قادرة تتحرك. دعاء شدتها من إيدها: يلا بسرعة، مشيوا بسرعة.

وأميرة بدأت تعمل الرسمة تاني ودعاء بدأت تساعدها شوية صغيرة، وفي الآخر عملت إنها هتتأكد عشان تخلي إيه تفرح الأول. باك. دعاء: مفيش حاجة، ذي كده إنتي توأمي المقدرش أشوفها زعلانة ولا أشوف دمعة من عيونها ولا أعيش من غيرها أبدا. أميرة: حبيبتي ربنا يخليكي ليا. دعاء: ويخليكي ليا، بس المستغرب إيه عملت كده لي؟

أميرة: مش عارفة حتى، وأنا في الشركة دخلت واتكلمت ومسمعتش كلامي إني استأذن أدهم، وبعد ما مشيت لقيت أدهم بعتلي وبيقولي إنتي قلة أدبك على إيه وقولوا لا، وصدقني. دعاء: أممم فهمت. أميرة: فهمتي إيه؟ دعاء: بتغير منك. أميرة: إيه بتغير مني؟ لا مستحيل. دعاء: اسمعي مني، هي بتغير لما لقيت أدهم بيدافع عنك، والأول لما حست إنك هتمنعيها تدخليله كبرياءها مسمحلهاش إنك تتحكمي فيها. أميرة: أها وبعدين؟ دعاء: بس كده فحاولت تأذيكي.

أميرة: ربنا يسامحها، المهم إنها تعدي على خير. دعاء: الحمدلله. بعد شوية موبايل أميرة رن وكان أدهم. أميرة: ده أدهم بيرن. دعاء: طيب ردي عليه. أميرة هزت راسها وفتحت الموبايل. أميرة: السلام عليكم. أدهم: وعليكم السلام، أخبار فنانتنا العظيمة إيه؟ أميرة: فنانة مرة واحدة. أدهم: طبعا، مش رسامة وكلية فنون تبقى فنانة تشكيلية. أميرة بابتسامة: تمام. أدهم: عملتي إيه في الامتحان؟ أميرة: طلعت الأولى على الدفعة. أدهم: بجد؟ الف مبروك.

أميرة: الله يبارك فيك. أدهم: كان فيه ملف بتاع فين؟ أميرة: أه ده في المكان ده. أدهم: طيب خليكي ما تقفليش لحد ما أتأكد الأول. أميرة: تمام. فضل فترة أدهم يدور على الملف وملقاهوش. أدهم: مش لقيته. أميرة: طيب خليك وأنا هاجي. أدهم: كنت عايز أخليكي تاخدي النهاردة إجازة. أميرة: مش مشكلة أنا جاية حالا. وقفلت معاه. دعاء: في إيه؟ أميرة: لازم أروح الشركة حالا. دعاء: ليه؟ كنت عايزة أقعد معاكي النهاردة.

أميرة: معلش بقى، المهم أروح عشان الملف محتاجاه وهعوضك أكيد في يوم. دعاء: تمام. أميرة: سلام يا روحي. دعاء: خلي بالك من نفسك. أميرة: تمام. عند إيه قاعدة في أوضتها ومتغاظة إزاي حصل كده، وفجأة موبايلها رن وكان ماجد خطيبها. إيه: ألو. ماجد: أخبارك إيه؟ إيه: الحمدلله تمام. ماجد: مال صوتك؟ إيه: لا مفيش. ماجد: بس باين على صوتك إنك متضايقة. إيه: مش متضايقة ولا حاجة. ماجد: تمام. إيه: غريبة إتصلت لي. ماجد: وحشتيني. إيه: إيه؟

ماجد: مستغربة ليه بقولك وحشتيني؟ إيه: أصلها غريبة. ماجد: ليه عادي. إيه: لا مش عادي، مكنتش دي طريقتك من الأول. ماجد: تقريبا حبيتك ولا إيه مش عارف. عند أدهم قفل مع أميرة وبعدها ابتسم: هو أنا ليه فرحان كده ومبسوط إنها هتيجي مش عارف إيه الحصل. بعد شوية طلع وبيبص لقى أميرة جاية. أميرة دخلت الشركة وطالعة الدور اللي فيه أدهم، جه عمر ووقفها. عمر: انسة أميرة. أميرة: نعم يا أستاذ عمر. عمر: الحمدلله على السلامة.

أميرة: الله يسلمك. عمر: عملتي إيه؟ أميرة: الأولى على الدفعة. عمر: بجد؟ الف مبروك يا فنانة. أميرة: الله يبارك فيك، عن إذنك. وسابته ومشيت وهو بيبصلها وابتسم. مشيت أميرة راحت عند أدهم الواقف متعصب أوي. أميرة: السلام عليكم. أدهم: وعليكم السلام، الحمدلله على السلامة. أميرة: الله يسلمك. أدهم: أقدر أعرف إيه الموقف الهانم مع عمر؟ أميرة: كان بيباركلي. أدهم بعصبية: مشفكيش واقفة معاه تاني. أميرة: ليه؟

أدهم: كده من غير مناقشة، مفهوم؟ أميرة: حاضر. ودخلت تدور على الملف.