رواية حلم غير حياتي الفصل الثامن 8 - بقلم زهرة البستان

واحد وغلط نعمل أي دلوقتي يا بت يا بسنت نربيه هو وأمه. تعالي لي بقى يا روح أمي. روح أمي مين يا بت، أنت مش حابب أمد إيدي على مرة؟ الكلام ده ليا أنا، دا ليلة أمك سودة بقى، أنا مرة. يلا يا قيحة ابني، دا اللي بيمشي بيتبول في وشك، مش فاكر علقة الأسبوع اللي فات ولا إيه يا مودي؟ ههههه مودي أمك كانت باين بتتوحم على مرة. مودي بغضب: بت، لسانك طول جامد، أنا ساكت لك بس عشان أنتِ واحدة ست، إنما لو عليا كنت قتلتك.

: اطلعوا يا حجارة، اطلعوا شوفوا الرجالة اللي بجد، مش واحد اسمه مودي عايز يتشطر ويعمل فيها راجل. يبني دا أنا أرجل منك، أنت مش شايف حتى لبسك عامل إزاي؟ واه! إيه بقى يا نونو؟ ماما نسيت يلا ولا إيه؟ فوق يا حبيبي، أنا مش واحدة من اللي بتشقطهم، أنا ممكن أخليك تلبس نقاب عشان تداري وشك يا بابا. _شوفي البت منه عاملة إيه في الشارع، يمااا، فضاحنا، يما، الناس ملهاش سيرة غير في اللي هي عملاه.

سعاد بخوف: أستر يا رب، عملت إيه يا بنتي؟ شمس: ماسكة مودي اللي على أول الحارة ونازلة فيه عجن عشان بس أي قلها يعسل. سعاد بضحك: سيبيها، بنت أمها جدعة يا بت. سعاد بزعيق: بس يا بت، اختك بميت راجل، خليها تربيهم. ويختي اتعلمي منها بدل ما اللي رايح واللي جاي يقولك كلمتين حلوين تقعي يا موكوسة. شمس بتذمر: ماشي يا ما، أنا غلطانة إني بحكيلك حاجة، عايريني بقى في الرايحة والجاية.

_حسن بزعيق: أنتو مش بتفهموا، قلت لكم ألغوا الصفقة دي، أنا مش هتعامل مع الناس دي. واه! أنا عايز سكرتيرة جديدة على ما أتأكد من حاجة كدا. : ماشي يا فندم. حسن وهو بيزمر العربية وهو متعصب: خلاص، اقفل، أنا جاي. فضل يزمر العربية شوية ومحدش بيتحرك، نزل من العربية بغضب وراح يسأل أي سبب الزحمة دي. واحدة

من اللي واقفين بمياصة: مفيش يا باشا، دي واحدة كدا عاملالنا فيها شبح، ماسكة واحد من الشارع مبهدلاه عشان بس قلها يعسل، وهي ولا عسل ولا حاجة يعني. حسن بضيق بص لها بقرف ودخل لعند البت اللي ماسكة شاكلة. حسن بضيق: ممكن تخلصي بقى، ورانا مشاغل، عايزين نخلص ونعدي. منه بغضب: صبرني يا رب، وبتلف ليه؟ حسن بصدمة: منه، أنتِ عايشة؟