رواية حلم غير حياتي الفصل السابع 7 - بقلم زهرة البستان

البقاء لله. مقدرناش ننقذها. حسن بعياط: إنت بتقول إيه يا دكتور؟ مني، مني فوقي. والنبي بالله عليكي قومي. بنتنا أهي مش عايزة تشوفيها. يمني، وحياة بنتنا لتقومي. مين هيفضل معانا ومين اللي هيربيها؟ يمني، يرضيكي تسبيني لوحدي؟ أنا آسف والله، أنا عارف إني غلطت في حقك. قومي وحاسبيني. اعملي فيا اللي عايزاه. قومي ولو مش عايزاني هبعد، بس بالله عليكي ما تسبينا. أبوس إيدك قومي.

الدكتور بحزن: أنا آسف يا أستاذ حسن. ما كانش بإيدينا حاجة نعملها. حسن بغضب قام وضربه وقعد يزعق ويقول: إنت السبب. إنت عارف إن البنج كان هيأثر عليها وبرضه حطيته ليها. أنا هقتلك. أنا ههد المستشفى دي عليكوا كلكم. الدكتور بحزن: أنا مقدر اللي إنت فيه وأنا آسف. ما كانش بإيدي حاجة تانية. يا إما كنا ننقذ الطفلة، يا إما هيموتوا الاتنين. أنا آسف والله. وليد بخوف: فيه إيه؟ مالك يا حسن؟ مني عاملة إيه؟ ولدت ولا لسه؟

حسن بدموع: مني ماتت. راحت وبعدت عني وعن الكل. آآآآه. وليد بصدمة وحزن: ماتت؟ مقدرتش أشبع بأختي. ربنا يرحمها. كانت بتحبك أوي يا حسن ومكنتش قادرة تنساك. وكانت حاسة إنها مش هتطلع عايشة. حسن بدموع: وأنا أعيش إزاي من غيرها؟ أنا حاسس إني هموت. مش قادر أتخيل حياتي من غيرها. وليد بدمعة: ادعيلها. مش قلت ميت برا، محدش يدخل أوضتي. يمني بعياط: عمو وليد خدني بعيد عن هنا. عايزة أعيش معاك في بيتك.

وليد بحزن: اهدى يا يمني. مش قلتلك قبل كده بابا تعبان شوية. يمني بعياط: بس أنا معملتش حاجة. أنا كنت داخلة أقوله إن الميس عايزاه يجي المدرسة عشان موضوع مهم. وليد: بصي ياستي أنا هاجي معاكي ومتزعليش. وهجبلك شوكولاتات كتير كتير. بس روحي دلوقتي اعملي الواجب بتاعك ونامي عشان تصحي بدري. يلا يا قمر. يمني بتذمر: ما براحة شوية يا وليد. كتفي وجعني يا عمو. وليد بصدمة: وليد حاف كدا؟

روحي على أوضتك يا يمني. الظاهر دلعتك أوي يا صغنن. يمني: إذا مكنتش اتدلع مين هيتدلع يعني؟ حوش حوش عندك حد تدلعه غيري. وليد بصدمة: يخربيتك. بتجيبي الكلام ده منين؟ يمني وهي بتطلع لسانها: وانت مالك يا بابا. وقامت سيباه وجريت. وليد قعد يضحك شوية وبعدين دخل لحسن. وليد بتذمر: إيه اللي إنت بتعمله مع البنت ده يا حسن؟ حسن بزعيق: خف عني يا وليد. مش ناقص. قلتلها كذا مرة متدخلشي أوضتي غير لما تخبط. مفيش سمعان كلام.

وليد بحزن: حرام عليك. دي طفلة محتاجة حنان منك. مش كفاية إنها... حسن بعصبية: متتكلمش. أنا سيبها ليكوا وماشي. مالك يا عسل؟ مفيش مرة تضحكي في وشنا خالص. واحد وغلط. نعمل إيه دلوقتي يا بت يا بسنت؟ نربيه هو وأمه. تعاليلي بقى يا روح أمك. روح أم مين يا بت انتي؟ مش حابب أمد إيدي على مرة. بتكلمني أنا؟ طب تعاليلي. ليلة أمك سودة.